اهل زوجي ومرت حماي .. ورطه وأستوت !

[ODYi]

حبيبتي خلج واااااااثقه من نفسج واذا دلعوها او مادلعوها المفروض هذا شي مايهمجشوفي ربج بمعاملتج وصدقيني راح توفقين ولاتزعجين زوجج بالامور هاذي دامه زين معج هذا اهم شي
لاتهتميييييييييييين عيشي حياتك ...

تسلمين ياقلبي عالرد وعالنصيحه :eh_s(17):

 

[ODYi]

انت شتبين فيها. تراقبينها£

خليج. في حالج. وبيتج. ومالج شغل بحد

أهل ريلي زرعو فينا هالشي الين ماكرهنا بعض
كنا زينات مع بعض .. بس دلعهم لوحده من غير الثانيه زرع بقلب هذيج الغيره
حتى ريايلنا يراقبون حريم بعض شسوت فلانه سوي مثلها .. كان حماي دايم يزف مرته عشان تصير مثلي والبنت قلبت خووووووووووش قلبه
وهذا الناتج

 

[تمره بحلاوتها]

طنشي مرت حماج وخلج رسميه معاها

اما اهل زوجج اعتبريهم اهلج

سوي واجباتج مع الكل

واتركي القال والقيل

اهم شي انتي وزوجج وبس

 

[mnoooll]

الله يهدي سرك ويصلح الحال

خلك رسميه وطيبه وحنونه وغيره طنشيه وتأقلمي بحياتك بزوجك وبيتك وصديقاتك


وكثٍرت الكلام هذي قالت وفعلت وسوت ماتنفعك بس تجيبلك ذنب الغيبه


طنشي ياعمري وريحي نفسك انتي اتعبتي نفسيتك كذا


زوجة حماك ماعليك منها


واهل زوجك عامليهم بالحسنى والكلمه الطيبه وغيره خلك مطنشه وابسطي نفسك الدنيا زايله

 

[دانة_ دبي]

اولا محبة القلب تختلف من شخص لآخر

مثلا والدتي تحب عيال اخوي اكثر من عيالي مع ان عيالي تربوا ع ايدها و هي دايما تمسكهم

اختي بكيفهم يحبون اللي يحبونه لا تعورين قلبج ولا شي


صفي النية
و لا تنقمين ولا شي
خلج عاقل
ولا ادخلين ريلج ابدا بسوالف الحريم انتبهي

بشكل عام لو انتي متضايقة من الوضع ما ادري لو ساكنة معاهم او لا
اطلعي ف بيت لحالج و خلاص

 

[بقلبي انت]

تربية الوحده تبين من اسلوبها واخلاقها مع الناس وانتي بنت ناس محترمه وشكلج تقارنين وايد
بينج وبين مرت حماج..اهتمي بزوجج وبحمالج وطلعي بالزينه قدام اهل زوجج ولا تلتفتين لحركات
مرت حماج لانها ببساطه غيرت حريم ومايخلو بيت من هالغيره خليها اخر شخص تفكرين
فيه ونصيحة لاتشكين عند حماتج الكبيره ولا عند زوجج كثرة الحنه والتشكي تبعد الزوج ويكره القعده عندج

 

[miss.unique]

احس عايشة اجواء المنافسة وانا لازم يدلعوني وانا لازم يقولولي ..

حبيبتي انتو مو توائم ولا خوات ولا منافسات .. واعتبريها حماتج وبس
وايد مكبره السالفة
اهتمي بحياتج وزوجج وايد ابرك

 

[عاشقة الدوحة]

الحقران يقطع المصران

 

[لذه السكر]

اولا غلطانه ثم غلطانه ثم غلطانه دخلتي ريلج بالموضوع

هذي امه وخواته واخوه شنو متوقعه بزفهم ويصرخ عليهم ؟؟اكيد ماراح يطلعهم غلطانين وزين منه للحين ساكت ما سمعج كلمه لان الرياييل ما يحبون سوالف الحريم ولا يفهمون فيها اصلا

ثانيه لا تتشكين جدام حماتج وخالتج جذي راح تبينين انج منقهره والموضوع بقلبج

ثالثا دلعوها والا ما دلعوها انتي عليج من ريلج وبس
وتوجبينهم على قد الواجب دام هذا طبعهم مو ملزومه تبسطين عندهم عزلي نفسج صيري زينه وسنعه معاهم عشان ما يطلعون عليج غلط وبنفس الوقت خلج خفيف لا تكثرين روحه لهم دام يغثونج


بخصوصا ولادتها لو انا منج اروح واودي هديتي و بوكيهي معاي واكسر عينها الحمدلله عارفين السنع الا اذا تبين تقطعين العلاقه خير شر لا تروحين بس راح تيبين الحجي حق نفسج

 

[ميسم]

حبيبتي هالنوعيه اعرفها صدقيني ماراح يديمون لبعض وتلقين كل وحده شايله بقلب ال2 فنصيحه ماراح يديمون ولا تحرين عمرج ﻷن مبني ع مصالحهم ولو انا منج اسؤي الحق و الواجب بس واخل كلامهم مني واطلعه مناك وانتبه لزوجي وعيالي اما مرت حماي علاقه رسميه فقط لان ان مانو بتخرب العلاقه ومن ناحيه غلطت لا عاد هني اوقفها عند حدها وخالتي تقؤل اللي تقؤله ولا ابين لهم اني اغار لانهم راح يزيدون طنش تعش تنتعش ولا ارهق عمر بقعداتي معاهم انزل لخالتي و اصعد ان سمعت شي يغثني ولا ارد ع ابن امه

 

[ملامح بريئة]

انا مع فوفو وهذي مشاكل منتشرة بين كل الناس الله يكفينا الشر وانا شخصيا صار معاي جذي وتعبت نفسيا بس ندمت على عمري اللي اشغلته فيهم كان المفروض اسوي نفسي مرتاحة وما اطلع اللي بقلبي واستهبل ماعرف شي والمفروض عالزوجة تلهي نفسها باعيالها بالندريس او بزوارت اهلها الوقت اللي يجتمعون فيه دوري زوارة او احجزي طلعه خاصة لج مع زوجك

 

[sharshora80]

حبيبتي خلج بنفسج وبريلج وحمالج اشلج بغيرج كل واحد عايش حياته
صدقيني ترا ام زوجج ماتقصد باللي تقوله عن اللي في بطنج ومثل ماتقولين ريلج البجر يعني العزيز على امه وخواته بس انتي تحسيسين زياده شغلي نفسج بالتجهيز والريل وانسيهم وﻻتدقيقين ﻻن الحب عمره ما ايي بالمصلحه مايحبونج كيفهم بس على اﻻقل محترمينج

 

[أميرة-]

انا تكسر خاطري اللي تفكيرها بس بحمولتها كيف تكسبهم وترضيهم مسكينة ماكو شي يرضي الحمولة

تشوفينهم مو معبرينج لا تنزلين لهم وخلج رسمية عليج من نفسج وزوجج لا يجي منج شر بس مو ضروري تكسبين رضاهم ويصيرون بصفج بالعكس احسن تكون العلاقة رسمية

 

[Bule sky]

أنتي شتبين فيهم ؟!
طابجين مع بعض كيفهم ليش تحترين خليهم مع بعض الله يهني سعيد بسعيدة

بالعكس خلج مع خالتج زينه و لا تحقرينها
بعدين انتي من صجج تشكين لحماتج !!
لا تنزلين نفسج لها ارفعي نفسج و عيشي حياتك مع زوجج و شدعوه سبتج انتي ليش ساكته جان سبيتيها هم ما يصير تصيرين ضعيفه عندها و على اي أساس تسبج !!!

 

[خوخة سمسم]

تقريبا عشت نفس وضعك بس على اخف

تدرين شسويت ؟؟؟
طنششششششششت وابتعدت مع اني وياهم ببيت واحد

وماذليت نفسي لهم

ترا اللي يسوي نفسه سبوس تاكله الدياي

ودار الزمان واحتاجولي

بس هنيه طلع الصج من المتربيه ومن المنافق
ماقدرت اردهم
بس هم ما وطيت نفسي
ولا ذليتها

ولا وصل لريلي خبر بأي شي سووه فيني

بالعكس خليته فاهم انهم احسن الناس
واني الجنة المفضله

مااقولك تصرفاتهم ما قهرتني
الا قهرتني وشلت بخاطري

وتفضيلهم لمرت حماي ودفاعهم عنها عورني
لدرجه انها لما اولدت يزورونها يوميا
وانا طحت بيت اهلي مريضه محد كلف خاطره يزورني

بس هم طنشششششششششت
ولا قلتلهم شي

وقلت لنفسي خليج بحالج
وانسي وطوفي

العبرة من هذا كله

تعبت نفسي نفسيا عشان منو وليش؟؟؟؟؟؟؟؟


والحمدلله انتبهت لغلطتي


واكرمت نفسي وعزيتها

ولاقلت لهم شي
ولا وضحت

وحتى مرت حماي اعاملها بالزين ومهما اسآت لي
اطنش وارفع راسي وارد رد بسيط بابتسامه عريضه واروح



روحي استقبالها
وارفعي راسج
وطنشي اي كلام
وكوني الافضل

 

[الزين _M]

هههه مالومج والله هم يضحك وهم يبكي انا بعد حاطين عرسي وعرس حماي مع بعض بس الفرق ان انا مرت ولدهم الصغير ،،
الله يستر بس يمكن مااكون معاهم بنفس البيت الله يعينج ويصبج طنشيها ادري ماتقدرين بس حاولي !!