اهم الشغلات إلي تجهزينها حق البيبي والمستشفى خل نستفيد

[Om eLkakawiya]

ايي أنا بالثامن حددولي موعد ولادة 22 / 12 ان شاء الله .. عاد الله يعييينا على البرد يقولون اليوم الجو بارد شلون شهر 12 !!

لا بس حرام تظلمون الولد .. عاد اشتري شي وسط على الاقل دقم واحد لوووول ..

حلو استبرق .. أنا ان شاء الله دانه .. عاجبني هالاسم مع انه مو يديد بس اول بنوته لي راح تصير عندي مثل الدانه ..

والله يسهل ولادتنا ياااارب

 

[إستبرق]

اها يعني انتي انشاءالله وراي انا قالي نطري الولاده انشاءالله من 1-12 لي 15-12 ماولدت يولدوني انشاءالله
لا ومن صجج في بجايم تصير للبنوته او ولد بس اتغشمر وي حتى لو طلع ولد عاد يروح زوجي يشتري له خخخخخخخخخخخ
اي امبلا يقولون ان العجيري قايل من نص شهر 11 راح يصير برد حيل عاد انا ما احب البس شتوي كلش وخاصه فالبيت بس موزين لنا وحتى للبيبي مو زين البرد الله يستر ويسهل علينا ووالله اليوم صج الجو حلو يعني لي العصاري انا برى البيت هوى بارد وحلوووووووو

ومن ذوقج حبوبه ودانه على بنت خالتي والله يسهل عليج وتشوفينها بالعافيه يارب

 

[رقي]

دانه بنتي
وصج دانه


شخباركم بنات

 

[رقي]

رحت المصنع مال الكاكاو والله رخيص
وطعمه حلو مووت

 

[همسة ورد]

خواتي شلونكم مع الحمال والثقل ..

والله اليوم رحت امير الامراء بحولي طلب موالح صغيييييييره كلش كلش .. اذا شايفينها يقدمونها مع الشاي ..

اخترت نوع جبن مع زعتر ونوع مع حبه البركه بحطهم بطووس مع الشاي يتوزعون ..

 

[همسة ورد]

خواتي شلونكم مع الحمال والثقل ..

والله اليوم رحت امير الامراء بحولي طلب موالح صغيييييييره كلش كلش .. اذا شايفينها يقدمونها مع الشاي ..

اخترت نوع جبن مع زعتر ونوع مع حبه البركه بحطهم بطووس مع الشاي يتوزعون ..

وبعد شنو ياربي .. اي بروح محل بروي بشتري بدله للبيبي حق المستشفى وبتفق مع مصوور معرفي ييون يصورون البيبي بالمستشفى .. وبغيت اطلب سيرفس فلبينيات يخدمون بس ابي مجربينهم لان في بعضهم خواره مايعرفون بالتقديم ..

انا ابي فلبينيات متعودين عالشغله مالي خلق اعلمهم ..ابيهم حق الاستقبال ..

اي بنات طلبت لقيمات من امير الامراء بعد لذيييييذ مع القهوه .. ونسيت اقوولكم ترا شريت طقم استكانات وفناجين ومبخر وقلاصات ماي وقلاصات عصير ودولكه وسكريه ومال اللقاح وطاستين حق موالح او نعناع او تمر ..

الطقم سعره 360 بس مسوين عليه خصم خذيته ب280 بمحل بالضجيج اسمه ديموو بصراحه عنده شغلات راااااقيه حيل حيل وعنده استاند حامل فناجين القهووه ..

قربت اخلص بس ودي اقص قصه مفاجئه للولاده لان شعري طوييل حيييل بس مليت ابي اغير لوكي ابي احشه بس زوجي مو راضي بس بسويله مفاجأه واحطه جدام الامر الواقع بس ابي صالون حلوو شرايكم ؟؟

وابي كريم لتفتيح الرقبه لانه رقبتي صايره تخرع جنها محرووقه ..

وادعوليي يابنات حدي حدي حدي خاايفه

 

[رقي]

فيري نايس سس

 

[رقي]

واي همسه انتي نفسي
بقص شعري وابي شي حق رقبتي
وابي احني شعري بعد

عليج بالعافيه الطقم
انا مرت اخوي عطتني طقمها مال الاستكانات
ومواعينها الحلو
توها والده عاد قالت لاتشترين

 

[بنات حواء2]

هلا حبيبتي الحامل الحزين نورتي الموضوع بنسبه حق موضوع صبي و لابنيه فعلن هذا موضوع مؤذي خاصتن حزت التشري انا بديت اشتري من الحين معنه الدكتور قالي ما يبين معني الحين دشيت الخامس فأضطريت آخذ اوفوايت و ابيض و هسوالف و قلبي ذايب ودي أحد و آخذذ الازرق او الوردي

يله خليها على الله و مثل ما قالتلج استبرق هلمسأله ممكن يقولولج بنيه لي آخر لحظه و تولدين و يطلع صبي انا خالتي مسكينه صار فيها جذي قالولها 80 % بنيه و بعدين طلع صبي

 

[بنات حواء2]

هلا حبايبي الله يسهل عليكم انشاله و تولدون بسلامه بذن الله

و اسم دانه حلو

و حبيبتي همسة ورد يعني انتي الحين انشاله شبه خالصه ما بقالج شي انشاله و شصار على خدانتج ؟؟؟؟


و ابي انصحج نصيحه و الله العظيم سمعيها مني اذا بتقصين شعرج خليه عقب الولاده قبل لا تطلعين من الاربعين بسبوع بجم يوم قصيه و غيري لكج عشان تتغيرين على ريلج سميها مني انا بسوي جذي

 

[بنات حواء2]

هلا حبيبتي مها اشلونج

ميخالف تحملي الثقل انشاله ما بقالج شي و تفتكين بذن الله يارب

اما انا لو اقولج شنو صار فيني رحت قبل يوم السرداب مال حولي و افتريت يمكن مليون مره داخل و بعدين رحت المحاميد إلي وره مجمع النقره الشمالي لقيت في واحد يسوي كفرات انفاس كامل مع كل شي ختى سرير البيبي روعه عجبني بس تصاميم الكفرات حسيتهم عاديه قالي يبي اي تصميم يعجيبج و احنه نسويلج نفسه و اختاري الخام إلي تبينه

المهم مشيت مشيت لين حسيت انه ضهري خلاص بينقطع بنص من العوار رديت البيت ما صدقت على الله نمت على الفراش و الله احس نفسي تحنطت و الهل ماني قادره اتحرك و نمت لي الصبح قمت و لا ضهري مقصوص قص و العوار يذبح و الله مت من البجي لمن قمت عوار في الرحم و في الضهر يذبح

الحين شويه احسن

 

[بنات حواء2]

نسيت اقولج انا الحين توني داشه بالخامس و انشاله براجع يوم الاحد السلام عند دكتور جمال خلاص براجع عنده لأنه خالتي تعرفه كان يشتغل معاها بنفس المكان و ترعف مرته و كان مولده و قالتلي راح يهتم فيج وايد خاصتن لأنج من طرفي لانه وايد يعز خالتي و عمي وايد و دامين يزورون بعض و قالتلي خياطه ممتاز و اكثر من ممتاز خلاص راح اراجع عنده انشاله ما في روحح تعال

ادري كل يوم لي راي

 

[إستبرق]

رقي الله يخلي لج دانه
والله انا بخير انتي شخبارج

وزين رحتي المصنع شفتي الككاو لذييييييييييييذ يمي يمي خخخخخخخخخخخخخ

 

[إستبرق]

هموسه اهلين حبوبه وين محل امير الامراء ؟
وزين خلصتي يعني تقريبا
ومحل بروي واااااااااااي زوووووووووووووغه امس الصبح انا فيه وربي شغلاته تهبل ودي اخذ كل كل كل شي انا خذيت لي ملابس منه وحى منزل جم قطعه ملابس للشتى حقنا حتى عجبوني

ووين المحل الي بالضجيج ياليت اذا تعرفينمكانه بالضبط ورقمه تعطينياه
وبخصوص شعرج انتي مثلي انا رحت قصيته على طوله بالعيد قلت عشان بولادتي انشاءالله على الاقل تكون في قصه بس الحين طول
واذا تبين صالون يقص شعرج على طوله بس يسوي لج قصات فيه وربي روووووووووووعه انا كنت بالعيد ما ابي اقصره ابي النيو لوك لورى الولاده انشاءالله لما بطلع من الاربعين بس قلت بسوي فيه قصات مدرجات البف تعرفينهم اكيد عاد قريت الاسطوريه على ما اعتقد مادحه صالون بالجابريه اسمه عروس الثلج عند وحده اسمها ندى اذا تبين رقمه اعطيجياه والله رحت لها قبل العيد بيوم والصالون زحمه بس على حجزج يعني ماتنطرين وبصراحه بعد نفسيتها رووووووووووووعه وقصتلي على طوله بالضبط وكله قصات منفوشه بس طلعت القصه روعه وعجبني انها ماقصرته يعني نادر تلقين وحده ماتحش شعرج
وبخصوص الرقبه امبلا انا باديه تصير جذي بس اختي تقول الكريمات بفتره الاربعين توخرها والمغربي وهالسوالف انا بصراحه اكثر شي ودي اطلب خلطه فتون علف العضوه الي هني لان الاغلبيه مادحينها وفي عندها للنفاس والعروس
والله يسهل عليج يارب وتولدين بالعافيه وتشوفين البيبي بكل عافيه يارب وعاد انتي ادعيلنا دعوه الوالده مستجابه

 

[إستبرق]

جنان اهلين حبوبه واي الله يعينج بدى عوار الظهر بس والله تدرين من استخدمت الكريم خف علي واااااااااايد العوار الحمدلله وحتى بس يعورني احط الكريم وايد وايد يخف بس ريحه الكريم مو شي وبعد الي صج عجبني مخده الحامل قالت لي عليها الحامل الحزين من مذركير رحت اشتريتها واااااااااااااي تهبل تهبل ماتوقعتها جذي احطها وانا بنام وانا قاعده كل وقت على ظهري تهبل صج العوار كله خف وحتى واي نمت ومو مثل كل مره اتقلب ساعه وما ادري شلون انام وظهري يعورني لا هذي ماسكه ظهري جزاها الله خير صج انها قالت لي عليها

وترى بخصوص الكفر بعد في محل بمجمع سنام بحولي يسوي لج كل شي اذا تبين الكفر وسرير البيبي بس انا عني بصراحه مالي خلق بعد اروح افصل كفر ولويه وعفسه الحين بكمل تجهيزي انشاءالله

وزين بخصوص الدكتور اذا يعرف خالتج بعد احسن يهتم فيج زياده والله يعينج يارب ويسهل عليج وعلينا

 

[Om eLkakawiya]

رقي ادعيلي يرضى البابا باسم دانه ..

امبيه أستبرق عاد انا شاريه ملابس موشتويه على بو في كنبل ومهاد بس جسم البيبي ما يتحمل بروح اشتري له مخامل ..

بنات حواء2 أنا من أول سونار من شهري الرابع يعني آخره قالولي بنيه وكل شهر اسوي يقولون بنيه ومو من سونار واحد لا مال طيبه كلينيك ومستشفى لندن بعد .. مادري اللي اييه من الله حياه الله .. بس البنوته أحلى ههههه ..
وسلامات ما تشوفين شر .. انتي شمحوسج بالشهر الخامس لازم راحه على طول ديري بالج لما ترتفعين بالسادس او آخره احسن بعد .. روحي حوسي لاحقه على الحوسه ..

واي أنا خنخلص من حوستي بعدين ابدي حق طلعت اربعيني .. بس على قصات الشعر أنصحكم بصالون ديسانج بالسالميه صج القصه اب 15 بس روعه ما تشوفين طويل وقصير ..

انزين بنوتات شرايكم أنا شعري طويل بس مو وايد أقصه قصت فراوله خاطري فيها مع انها قديمه ؟

 

[إستبرق]

الحامل الحزين لا وي من صجج انا سيده امي واختي قالوا لي اخذيله شي يدفيه مو ثقيل وايد لان حرام بعد مهاد ولفه بس يكون شي يدفيه لان موزين للياهل بالشتى وبعد لايصير فيه ربو الله يستر يارب
وبخصوص الفراوله عاد انا قصيتها اول مانزلت والوحيده الي اضبطت قصها انصاف الي بجاك والله الكل قالي انتي الوحيده الي شفناج وقاصينها لج بالضبط والقصه الي الحين قصيتها تشبه الفراوله بس حبوبه لاانا عندي لاتغيرين بشكلج وااايد بالقصه يعني سوي فيه قصه خفيفه عشان طلعتج من الاربعين تقصين وتصبغين وتسوين نيو لوك احلى
وديسانج امبلا امبلا اختي قصت فيه وحلوه قصت بالليزر بس سالفه الليزر اخرطي خخخخخخخخخخ حتى اختي تقول قالولي ماراح يتقصف وعادي تقصف بس القصه كانت حلوه

 

[Om eLkakawiya]

ايي أستبرق بروح اشتري بعد ملابس شتويه حق البيبي بس خايفه اكثر واهو جم شهر ويكبر اسم الله عليها .. إلا قولي احنا الحوسه اندروير ودلاقات وبجايم شتويه وشكلي بشتري كب ولفه حق ارقبتي واقعد يم الدفايه لووول اخترع البرد بس يقولون مو زين البرد علينا والصراحه اليوم الجو بارد شوي.. الله يعين ويسهل ولادتنا ياااا رب ونقوم بالسلامه ..
ايي يا حلوه قصدي حق طلعت الاربعين
لأني بالعيد بس قصيت اطرافه عشان يطول .. ايي صح جاك يمدحونه بنت خالي كله تقص هناك وجنها يابت سيرة انصاف .. ودي أحشه أقص قصة اللي يسمونها حليمه بس زوجي ما يحب الشعر القصير .. والصراحه الصبغ حدي خايفه اجازف لأنه ولا عمري صبغة.. صج بطلع نيوووولوووك حدي ..

 

[بنات حواء2]

هلا حبيبتي الحامل الحزين بنسبه حق تجهيزات البيبي جان خذيتي نص و نص يعني نص اقطان و اشويه مخامل ترى البيبي مو مثلنه 24 بردان و عليه متعود على الدفه في بطن امه و يي على البرد عاد بردنه ما يرحم يدش في العظم اهتمي في و لبسي عدل و عليه لا يستبرد اما انا ولادتي على شهر 3 يعني يكون البرد توه مخلص و الجو ربيع باخذ كله اقطان

 

[بنات حواء2]

و بنسبه حق قصت الشعر انا انصحكم في صالون شوبرد إلي في حولي يصير بصفة مكتبة العجيري بس قصاته لا يعلى عليهم في وحده اتوقع سوريه ماكو عليها في الصبغ و القص

اما مسألت الصبغ انا ما أئيدها لأنها شعري يحت منه و فيه اشلون بعد لي صبغته بحت و بجف و بطيح و عفيسه و بيحترق لا و الله خليني على لون شعري احلى و ريلي عاجبه لون شعري ما بي اضيق خلق على اللون اما القص اكيد ما فيها روح تعال

و بنسبه حق طلعت النفاس انا ودي تيي الحين قبل باجر عشان اجهز و هسوالف و اقص شعري و اتغير اشوي ابي اصير وحده ثانيه

و بنسبه حق الحمام المغربي ترى ممتاز و مفيد و يشيل السواد بس سووه اكثر من مره و شوفوا النتيجه