اهم الشغلات إلي تجهزينها حق البيبي والمستشفى خل نستفيد

[Om eLkakawiya]

هلا فيج استبرق ايي كنت بسئلج يعني اذا كانت هذي مو اول مراجعه لج بالتاسع لأني بعرف شنو يسوون باول مراجعه للتاسع و متى يسوون الفحص ؟ حدي خايفه منه يقولون يعور .. الله يعينا ..

استبرق حبيبتي يمكن هذي مو بواسير لا تخوفين روحج ..

 

[إستبرق]

لووووووول جنج انا حتى خايفه بس قلت يمكن مو فحص يمكن الحين سونار ويبين بالسونار اذا في طلق والله ما ادري شالطبخه بروح وانشاءالله اقولج شنو يصير معاي
ووالله ما ادري انا استنتجنت انها بواسير خخخخخخخخخخخخخ
الله يكتب الي فيه الخير

 

["الدرر"]

بنات حواء 2
استبرق
الجميييييع

الله يحيكم ويبقيكم وبيت مكة يوديكم :ggdw:


الحامل انتي :eh_s(15):


عقبال ما تبشرونا كلكم ... وكل وحدة منكم تكتب لنا مغامرات الولادة السعيدة :eh_s(8):

 

[إستبرق]

هههههههههههه الدرر امين يارب واجمعين وماتقصرين حبيبتي

 

[froha83]

هلا والله شلونكم حوامل
حبيبتي استبرق مشكورة ورحت محلهم اللي بالسالمية قالتلي الكيلو ب 8 دنانير
ديزايناتهم حليوة بس قليلة
بنات حواء2 انت جم مرة سويتي سونار :bbbiu:؟؟ توا بين معاج ؟؟ يلا حجزته حق بنتي:wqedqw:

 

[إستبرق]

هلا والله فروحه
عاد انا ناويه انشاءالله باجر اروح للمحل الي بالسالميه والله كريم يارب بشوف اذا عجبني شي اخذ منه ماعجبني انا اسوي لي احسن
والعفو حبوبه ماسويت شي

 

[بنات حواء2]

هلا و الله حبايبي كلكم مشكورين ما قصرتوا خلاص انا خاطبتله مره وحده بنت استبرق و بنت الحامل و بنت احلى كويتيه من يزيد الشرع حلل اربع
ولا تحاتون المهر
انتو شلونكم شخباركم كلكم

 

[بنات حواء2]

هلا و الله حبيبتي الدرر و انشاله اول ما اولد بكتب قصة الولاده عشان اعقد الناس و ما اخلي احد يحمل

 

[بنات حواء2]

هلا حبيبتي فروحه خلاص كملوا اربعه معاهم بنتج و جذي يكتمل العدد حده ما يقدر ياخذ اكثر الشرع حلل اربع هلا و الله فيج اشلونج شخبارج انا باجر ادش السابع يعني تقريبن سويت سونار 9 مرات من اول الحمال ليلحين بس اول شي ما كا يبين جم مره كان مصكر ريله بس امس بين و الدكتور اقلي يتهيئله انه صبي و الله اعلم معنه وراني بس قالي يمكن عمومن انا عتجهيز ما جهزت ألوان خفت تطلع ابنيه خذيت الالوان المحايده

 

[b6o6a]

السلام عليكم


استبرق يايه بكمل سوالفي لوووووووول الي بالموضوع الي طاف مادري وين اختفى

المهم اقوولج انا عاجبني سرير موسى مادري شسمه يضحك لوول موجود بأنار اكو خام ناعم اوف وايت واكو دانتيل بس محتاره بالسرير نفسه شرايج؟؟

والكفر شكلي بخلي الي عندي اهوا يصير عادي قطن العاديين بس فيه تطريز ذهبي مسوي حركه لونه بيج على اصفر وفيه خط اوف وايت ومعاه كوشياته الطوال والمربعات بس اخاف يطلع عادي افشل معنه ماكو استقبال وانا ابي شي مريح حق النوم


عاد مادري ودي كاكاو وردي بس جنه يصير مو لايق؟؟


ساعدوووني كلش مادري ولاهيه بالامتحانات باجر امتحان وبعدين افضى اسبوعين بكمل شغلي فيهم

 

[إستبرق]

هلا والله بطوطه هههههههههههههههه الموضوع اكيد راح ورى وعادي كملي سوالفج
عاد اليوم اشوف بالجريده ان انار مسوي تنزيلات وحاطين صور السراير حلويييييين والله حتى قلت انا ليش مارحت لهم حدي نسيته خخخخخخخخخ
والسرير اي اسمه سله موسى ما ادري ليش شنو الحكمه وحلو والله صج حلو واختي قالت لي اشتريه تقول لان ساعات يصير صفار فالياهل ولازم تحطينه بشمس شوي يعني عند الباب تقول تشيلينه فيه وتحطينه وبعد اذا تبين تروحين بيت اهلج ولاشي وتقول انا انوم عيالي فيه لي 3 اشهر وبعدين الى السرير الكبير وبصراحه حلو انا خذيته من مذركير ويكون قش وستاند خشب بس تلبيسات مذركير مو دانتيلات وجذي فوديته محل فصلولي الدانتيل مع الكفر وبصراحه الكفر عجبني مسويينه حلو انا اقول اشتريه احسن لج
وبخصوص الكفر اذا حلو وناعم وانتي ماتسوين الاستقبال الحين عيل زين المهم ترتاحين فيه وشي مرتب
وبالنسبه للكاو اي احس مولايق خخخخخخخخخخخخخ
حطي الككاو برى الدار عشان تترقع خخخخخخخخخخخخخخخخخخخخخ
بس انتي شنو الوان الغرفه الي تبين تقعدين فيها ؟

والله يعينج ويسهل عليج يارب وانشاءالله تخلصين الامتحانات وتشتغلين على راحتج يارب

 

[بنات حواء2]

الله يعينج بطوطه و الله حاسه فيج حتى انا باجر امتحان و ارجع اكمل

 

[b6o6a]

استبرق لون الغرفه اوف وايت والديكورات ذهبي يعني الكفر مناسب عليها بس ترى صدفه الكفر مناسب ماكنت حاطه في بالي كفر هاللون كنت ابي وردي بوردي يعني بنت لووووول والله مادري ادورلي كفر ثاني !!!

عاد سرير البيبي قلت اوف وايت احلى شي حق الياهل

بس الكاكاو مابي ذهبي !! فكرت اسوي شكلين واحد يكون مناسب للغرفه وواحد وردي عن خاطري لووووول


بنات حواء اي والله امتحانات تعل القلب الله يسهل

 

[froha83]

استبرق حبوبة من وين لبستي سرير البيبي؟؟
بنات حواء2 هالله هالله في بنتي جنتج الرابعة <<<<<<<<< لووووووول
بطوطة اخذي السلة ترى وايد حلوة وعملية

 

[بنات حواء2]

هلا و الله حبايبي اشلونكم انشاله بخير حبيبتي ق
فروحه لا تحاتين بنتج في عيوني


و الله انا محتاره في تفصيل الكف5ر مال النفاسص مع المجموعه مالته كامل ما ادلاري وين اروح و يفصلولي

 

[b6o6a]

فروحه اي شكلي باخذه عشان اقدر اشيل واحط فيه

بنات حواء دوري جاهز اريحلج

 

[Om eLkakawiya]

شلونكم بنوتات حوامل ؟

الدرر مشكوره حبيبتي وان شاء الله الله يقدرنا ونقدر عقب نكتب عن ولادتنا

بنات حواء لوسمحتي بنتي الأولى لووول .. بعدين انتي دوري قبل كفر جاهز واذا ما اعجبج روحي فصلي ولا انتي تبين تفصال على طول ؟ .. انا شريت الكفر من المحل اللي قالت عنه استبرق هذا الاسباني مادري الاوربي في الرحاب وايد حلو وعجني لاني خذيت لونه اوف وايت ..

بطوطه ترى تنفع سلة موسى مع انها كانت مو داشه في بالي أول شي بعدين امي قالت خلينا نشتريها عشان اذا بنزل الياهل حق الناس وشريتها من المحل اللي قالت عنه استبرق..

وااي بنات امس رحت موعد دكتورتي اليديده وخرعتني لما سوت سونار وشافت حوضي قالت حوضج صغير على الياهل اذا زاد وزنه اكثر ويمكن يمكن قيصريه .. والله اني خفت بس قاعده ادعي ربي انه تصير ولادتي طبيعيه ياااربي انا مو ناقصه عذاب الحمدلله على كل حال راضيه باللي يكتبه ربي .. استبرق ترى ما يسوون اول مراجعه فحص الا اذا حست في طلق ..

ادعولي ....

 

[Om eLkakawiya]

بقولكم بنات في بجريدة الصفاة مالت اليوم مادري أمس سرير حلو اتوماتيكي عندج كنترول وتهزين فيه على سرعات ووياه لاسلكي بوكاميرا اب 69 دينار مادري عاد يقصون علينا ولا صج .. بس انا شريت لكن عجبني بس مافيه كفاله وانا ما اضمن ملوت هالجرايد ..

اللي ما شرت تشوفه يمكن بدش بالها ..

 

[إستبرق]

بطوطه حبيبتي والله جنج انا خخخخخخخخخ وربي كنت ابي كل شي وردي كل كل كل شي وردي التوزيعات وردي الديكورات وردي كل شي كنت بوردها
بس الحين ماصار كل شي تغير او شي لاني بقعد بغرفه الي فبيت اهلي ديكوراتها احمر وابيض وخشبي فاتح الي مايل على بيج قلت موشي بعد ادخل وردي تصير خريطه خخخخخخخخخ
وبعدين زوجي ياب لي كفر ذهبي قلت موحلو ادخل وردي بذهبي
والحين بعد اتفقت انشاءالله مع وحده بالمنتدى اني اعطيها حصن المسلم والككاو وهي راح تضبطني راح تغلف جلده حصن المسلم بمخمل وتحط عليه بالنص ورد وتعلق فيه دعاء للبيبي وبعدين تغلف حصن المسلم بتور وتربطه بورد وجذي وبعد الككاو تغلفه بتور وجذي بس الحين ناطره زوجي ييب حصن المسلم وانزله لها وتبدى تسويه انشاءالله وقلت ابيها تسويه لون ذهبي على لون الكفر
واذا بخاطرج لون وردي خلاص سوي الستاند مال الككاو وهالسوالف لون وردي عادي المهم مايظل شي بخاطرج

وامبلا احلى شي سرير البيبي اوف وايت انا سويته بعد اوف وايت


فروحه حبيبتي لبست السرير بمحل بسرداب عيد النصار ما اعرف اسمه وقال لهم افرع ثانيه اشوف زوجي اذا عنده رقمهم احطه لج انشاءالله وصج ترى هالمحل يوم وديت السرير ولايطلع يسوي كل شي يعني تبين الكفر والقميص وهالسوالف كلها طلع يسوويها واسعاره والله جنها زينه بعد وسوالي مع السرير قلت له ابي الكفر مال البيبي وصج سواه حلو انشاءالله اذا عند زوجي الرقم والله احطه لج تامرين امر


جنان حبيبتي مارحتي على الي قلتي عليه بالفروانيه ؟
وصج ترى في وحده بقرطبه انا فصلت قبل عندها نفانيف سهره وتهبل ماشاءالله عليها هي كبيره مو صغيره وعندها مشغل فبيتها قبل قالت لامي انها تسوي الطقم مال الوالده كامل وانها قاعده تشتغل لطقم وحده وانها معفوسه لانها طالبه الكفر يكون كشخه وراقي ومميز فاذا تبين رقمها اعطيجياه وروحي سأليها
وبعد ترى في محل بمجمع سنام الي عند مجمع النقره قالي انه يفصل المجموعه كامله وهو بس محل واحد بسنام روحي وشوفيه
وبسرداب عيد النصار الي سويت عنده سرير البيبي حتى يسوي لج الطقم كامل
والله يسهل عليج يارب



الحامل اي سله موسى حلوه صج ومفيده
ويربي الله يسهل عليج وانشاءالله طبيعي مو عمليه ويالله اذا عمليه الله يكون كاتب لج الي فيه الخير انشاءالله بس انتي لاتحطين فبالج عندي بنت عمتي حتى حوضها صغير وكله كانوا يقولون لها يمكن عمليه بس ماشاءالله كله تولد طبيعي وبعدين ترى انتي الحين ماشاءالله بالتاسع يعني البيبي ماراح يزيد وايد انشاءالله بس وخري عن التمر قالوا انه يمتن البيبي وايد هو ويا السكريات والتمر اكليه بس حزه الطلق وانشاءالله مافيج الى الخير يارب
لووووووووول الحامل تدرين انا قاعده اشوف الجريده ولا اشوف السرير واي حده حده حده عجبني وقلت لزوجي حسافه لو شايفته قبل دان ما اشتريت سرير وخذيت هذا شكله يهبل ويشوق

 

[froha83]

اشلونكم حوامل
استبرق حبوبة ممكن رقم المشغل اللي بقرطبة؟؟
بنات حواء2 تسلم عيونج حبيبتي