اهم الشغلات إلي تجهزينها حق البيبي والمستشفى خل نستفيد

[بنات حواء2]

انشاله حبيبتي عالم حواء يارب تلقين إلي انتي تبينه و إلي بخاطرج و بالميزانيه إلي تعجبج يارب و تفتكين

 

[بنات حواء2]

عيدكم مبارك جميعن حبايبي و انشاله الله يجمعنه على طول يار ب على خير

 

[أم نوني]

و الله انا من خلصت الكفر حسيت اني غليت ثقل لأني تعبت و افتر بس ما ألقى السعر إلي يناسبني الصراحه حرام اقط فلوس وايد على يومين حق استقبال هذا غير التوزيعات و الككاو و الولاده و الله وايد و حرام الواحد يفسفس

صااااجة استغفر الله صاير فيني ارق و ضغطي ينزل بسبب التفكير شنو بسوي ومن وين و جم يطلع ..و غير الولادة افكر طبيعي و لا قيصرية لانه ولادتي بولدي كانت بدايتها طبيعي و اخر شي ودوووني العمليات قيصرية و قاعدة احاتي المستشفى و التكاليف...امبية الله يعين كل حااامل و يسهل عليها ياااارب

 

[أم نوني]

يا بعد عمري يا ام نوني و الله هديتيني عاد توني قاعده من النوم و حلمانه اني والده و بسهالات الله يسمع منج يابعد عمري و الله اني ادعي حق الجميع انه الله يسهل عليهم يارب

:tek:
حبيبتي و الله
الله يسهل عليج
و يسهل عليكم كلكم يا بنات
و عسى الله يشفي بنت استبرق تستاهل كل خير و الله
قولو آمـــــــــــــــــــــــــــــــــــــــــــــين
:yaaaaaarb:

 

[أم نوني]

كل عااام و انتو بخير كروشات
عيدكم امبارك

 

[أم نوني]

بنات حواء
ويا بنات
اشرايج انا ودي اصمم الكفر (بس اللبس و اخذ الحشوة الكفر الي داخل من ايكيا حتى فية حق البيبي)
و سلة الياهل (عندي السلة بس اغير اللبس ) و مفارش الطاولات و سرير البيبي طقم انقى الخامات و عندي مكينة السترس واخذ لي من الكلف يمكن دانتيل ناعم و اودية الخياط (بس عاد مادري اي خياط يضبط الموديل و بسعر حلو)
و اضيف بعض المسات الناعمة على ستارة غرفتي مثل لمسات الطقم شريتها من ايكيا سادة

مع العلم بسوي انشاء الله استقبالي بالمستشفى و انا ادري ان ممكن بعضهم ايييون البيت

و لا؟؟
اروح حق المرا الي قلتي عليها و فك نفسي

 

[إستبرق]

قوه بنات شلونكم وشخباركم مع الثقل الله يعينكم صج انا قيصريه وشوي تعب وعوار وبنوتي للحين مو عندي الله كريم بس بصراحه الخفه حلوه والله هذيج المره اشوف اختي هي فالسابع اقول واي الله يعينها على التعب والثقل والله يعينكم يارب
بنوتي الحمدلله قاعدين يطمنونا عليها ويقولون انشاءالله احسن بس انتوا ادعوا لها والله يوفقكم يارب

وبغيت اعرف الحامل الحزين محد عرف عنها شي والله قاعده افكر فيها الله يسهل عليها يارب

وصج بنات انشاءالله يارب انتوا ماتشوفون الي انا شفته يارب وتولدون طبيعي يارب ياكريم وماتحتاجون القيصريه بس بغيت اوصيكم انا الحمدلله زوجي كان حاط مبلغ اذا كنت قيصريه وعندنا بعد مبلغ ثاني كنا حاطينه بصوب والحمدلله ان كنا حاسبين حساب
لان والله وربي ان خذوا منا 2300 الف وشي علي والف وشي على البنوته
انا كنت بجناح الياسمين والقيصريه 4 ايام تقعدين وبنتي شيشه وانا لي ادويه والبنت لها ادويه فطلع علينا المبلغ 2300 فحبيت انبهكم عشان ماتتوهقون سبحان الله اذا الله كتب على وحده قيصريه على الاقل ماتتوهق وقت الولاده
والله يسهل عليكم يارب

 

[إستبرق]

ام نوني اميييييييييين يارب العالمين حبيبتي والله و انا اقول روحي للمره وفكي حالج والله راح تتعبين ويمكن راح يطلع نفس التكلفه انا جهزت وعرفت والله انتي راح تقطين تقطين بس يا انج تقطين وانتي مرتاحه يا انج تقطين وانتي تعبانه والراحه حلوه ترى والله يسهل عليج يارب

 

[إستبرق]

وي ام نوني والله عورتي قلبي عسى الله يسهل عليج يارب وتولدين طبيعي وبكل خير وعافيه يارب ياكريم والله يرزقج يارب وماتحاتين المصاريف والله صج المصاريف تكسر الظهر بس المهم الخير والعافيه
يعني صج الحمدلله ان زوجي مخلي مبلغ على صوب والله ستر لان صج ميزانيه يعني تدخلين ياتقطين مبلغ شوي يا مبلغ يقص الظهر يعني انا دخلت 4 ايام قطيت 2300 بس والله مافكرت بالمبلغ قلت المهم الصحه والعافيه خاصه ان انا كانت حالتي خطره مع البنت والله يعوض من خيره يارب

 

[love love]

بعد عمري استبرق الله يشافي بنتج

اشلونها الحين؟

 

[إستبرق]

يسلم عمرج حبيبتي عالم حواء وامين يارب الله يسمع منج
والحين شوي الحمدلله طمنونا عليها يقولون متفائلين الحين من حالتها والله كريم يارب بس ادعولها

 

[بنات حواء2]

هلا و الله حبيبتي ام نوني الله يعلم انه مثل ما انتي تحاتين حتى انا و الله احتى الولاده و احاتي الفولس خاصتن و انه المستشفيات هليام صايرين بوق مو طبيعي

انا كنت عند دكتور الشاذلي و تعبت كل ما اقوله شي كتبلي ادويه كل هذا عشان آخذ أدويه و يصيرله نسبه من الفلوس و بعدين سمعت وحده تقول كنت مفتوحه 9 سانتي و و لدني قيصريه من غير اي سبب يعني الريال ميت على الفلوس و الحين اشتكوا عليه و شالوا من كثر ما يصرف ادويه قلت الحمد لله اني غيرته الله فكني منه رحت حق واحد وايد زين بالسلام اسمه جمال ممتاز و اكثر من ممتاز مولد خالتي و رفيجت خالتي و و ايد يمدحونه و من النوع إلي يصبر على المره لين تولد طبيعي لأنه ما يحب القيصريه الحمد لله على كل حال بس و الله 24 ساعه احاتي المصاريف و احاتي اخاف فجأه يقولون قيصريه و شراح يصير يعني
احنه و عليه علينه كل شي نحاتي الولاده و المصاريف و الرضاعه يا معود لا نحاتي خنخلي كلشي ليحزته ربج يسهله يارب لا تحاتين

و بنسبه حق فكرتج حلوه بس ترى فيها لويه و فراره وايد شلج بهلعباله روحي حق المره او دقي عليها بتلفون و قوليلها شنو تبين و ختقولج السعر او روحي شوفي شغلها صدقيني راح يعجبج الشغل و المبلغ و بدامج تبين تسوين استقبال لازم كفر حلو و اذا تبين كفرات حلوه روحي مجمع النقره الشمالي محل يصير اول ما تدشين على يمينج عنده كفرات انفاس وايد حلوين و راقيين انشاله يعجبونج روحي اخذي افكار

 

[بنات حواء2]

ايامج سعيده بعد عمري ام نوني
:hearting:

 

[بنات حواء2]

هلا و الله حبيبتي استبرق يله اهم شي انج ولدتي بالسلامه بس وايد طلع عليكم يمكن عشان حطو البنيه بشيشه لأنه الشيشه اليوم ب 100 دك انا استفسرت و سألت حبيبتي استبرق خذيتي الملكي او العادي ؟

 

[إستبرق]

اي الحمدالله والله خل تولي الفلوس المهم الصحه والعافيه والله وخاصه انا ولادتي كانت بسرعه يعني تخيلي من كثر ماكنت بخطر مع البنيه العمليه بس نص ساعه وطلعوا لاهلي الله كريم
وانا جناح الياسمين اعتقد هو الفي اي بي والله ما ادري اي واحد بس اسمه الياسمين والله ما اعرف اي شي عن المستشفى والغرفه والسالفه بس سألت زوجي جم طلع قالي 2300 قلت ليش قال انتي تقريبا الف وشي والبنت الف وشي وبعد مادخلت بالتفاصيل والجناح ما ادري اي نوع بس ادري اسمه الياسمين

 

[بنات حواء2]

الله يعينج و الله احس انها خرعه يعني تلقينهم يخرعون فيج و لا راضين يفهمونج شسالفه على الاقل احس انه خرعه بروحه الطلق خره بعد اشلن لو ابسرعه ابسرعه قيصريه المهم انج انتي الحين بخير و هذا اهم شي يابعد عمري
و انشاله بنتج تييلج بعد جم يوم و هذا اهم شي صحت الانسان تسوى الملايين
في ناس عندهم فلوس بس ما عندهم صحه

 

[بنات حواء2]

و الله بعد عمري الحامل الحزين ما سمعنه عنها خبر و الله معوره قلبي ما ادري شصار معاها

 

[إستبرق]

هلا جنان اي الحمدلله على الاقل اني تعبت بس بالعمليه مايالي طلق وتعبت زياده والله كريم اهم شي الصحه والعافيه والله وياالله يارب ياكريم يسمع منج ويشافيها ياااااااااااااارب

والحامل والله غريبه فجاه اختفت انشاءالله خير

 

[أم نوني]

حبيبتي استبرق
لا تفكرين وايد و لا تحاتين ديري بالج انتي بالنفاس لازم تكونين مرتاحة
و انشاء الله انشاء الله تطلع بنوتج و اتأذيج تدلع عليج و يبلغج فيها قولي يارب

 

[أم نوني]

حبيبتي بنات حواء ترى حتى انا سامعة عن الشاذلي بالادوية و اصلا اهو ودر اختى و هي حامل بالابر و المضادات و اخرتها خلا مشيمة البيبي ما توصل له الاغذية الله يسامحة..
و على المصاريف الله يعينا انا كنت ماخذة مجلس طبي شهر كنت تعبانه من الدوام و ينزل دم و المشيمة كانت نازلة بعيد عنكم و الحين الحمداللة و المعاش هالشهر خصم .. يالله الله كريم