اه يا قلبي..!

[Q8Lady]

رد: رد : اه يا قلبي..!

والله يا بنات انا ودي اروح اي مكان وادق مابي اي احد يدري بالموضوع لا اهلي ولأ رفيجاتي..
املى انا فكرت مليون مره.. اذا بقوله انا شاكه فيك ..راح يتمادى بغلطه..
ابيه اهوا يجي ويعترف..
انا لازم لازم اعرف منو هالبنت..
عاد ما تسوى عليها ادعي عليها دعوه بالعشر الاواخر..
الله يهديه..
شوفوا من خوفه حط رأسه ونام ومو من عواديه ينام الا 8 الصبح..
بس الخوف وما يسوي

كويتي ليدي عرفت شنو تقصدين ومخططه اسوي هالشي..
بس بنات اذا اكتشفت انها بنت شلون اواجهه!!

اذا رد عليج واحد سكريه وجنه ماصار شي ةلا تردين لو دق عليج مرة ثانية وهم اذا طلعت وحده سكريه وروحي حق ريلج لا تكلمينها لانها راح تتبلى عليج عنده
وهم انصحج لو دقيتي وطلع واحد ردي دقي مره ثانيه للتأكيد من رقم غيره بقاله اي شي لان يمكن اذا كانت وحده خايسه تعطي اخوها يرد مثلا اذا ريلج حسسها وحذرها انج يمكن ادقين
وخلج كملي اللي انتي قاعده تسوينه
والله الهادي

 

[Lolaaa]

رد : اه يا قلبي..!

خليه يصير مينون كل ماتحسين ان دقت عليها خليه يمج وجابليه
ودقي اذا عنده ويتنق وعيشي بنار خليه اهو ايي يعترف
واهي الجلبة اخذي رقمها ودقي على اهلها حاولي توصلي لأهلها شوفي احد تعرفينه بالاتصالات وبهذليها ​

هذا من رأيي
و الله يوفقج ويهديه وبشرينا بالنتيجة
وعاد دقي من رقم غريب وريلج ما يعرفه​

 

[نــعــوومــه]

الله يهديهم بس .. ​

​

 

[دلع العتبان]

انطري عليه شويه يعترف يسوي روحه مسكين خخخخ رياييل

ربي يستر عليج وعلى ريلج

 

[عبااير]

حبيبتي انا برايي انج لاتدقين عليها ولا شي هذي اذا كانت بنت فهي بنت ملعونه ممكن انها تسوي اي شي وتضرج
واذا انتي تاكدتي صدقيني ماراح ترتاحين بالعكس راح ينكسر شي بقلبج وهالشي انا متاكده منه
رايي ....قولي حق زوجج عن هالرقم وقوليله جدامك حلين ....يادق جدامي على هالرقم وتحطه سبيكر اذا هو رفيجك
واذا هو بنت ...لاتهدم اللي بيني وبينك عشان وحده اتكلمك وباجر اتكلم غيرك ...بينيله انها مو زينه لانها اتكلم واحد وترافجه فهمتي
وعاد احتوي زوجج
الله يهديه ويبعد عنه بنات الحرام يااارب

 

[روح عاشقها]

والله يعينج ويهديه لج

 

[جنتي نوف]

رد : اه يا قلبي..!

شوفي
طريقتج معاه صح
بس لازم تنهينه بسرعه
تقعدين معها قعده خليها مفاجأه له عشان مايحسب احسابه
وقوليله تبي اتعرف اشفيني؟
امسكي جهازه وخليه يدق ع الرق جدامج
اذا رفض معناته بنت
اذا قالج راح ادق بس اذا طلع واحد ماراح اسامحج>>اهني لاتضعفين ..خليه يدق لأنه حركاتهم
وطبعا بعد ماتكتشفين انها بنت ..لاتبينين السالفه انها عاديه عندج ..خليج مصدومه فيه..وحذريه لآخر مره وهدديه اذا تكرر الكل راح يعرف وانج اتخلين عنه
وبعدها خليج جم يوم ماخذه بخاطرج..خليه يفقد كل شي يحبه>>طبعا لاطولين مجرد قرصه له
والسالفه خليييييييييييييييييها بينكم لحد يعرف من اهلج او اهله
والله يسخره لج ويبعد عنه الحرام يااااارب

 

[موج-البحر]

الله يعينج هذول حتى الحب ماينفع معاهم حتى لو الزواج عن حب مع الوقت تلاقينه غير مزاجه وماتعجبه الا بنت الحرام

انتي عطيه فرصة ولمحيله على قولتج لغاية مايطيحه الله بيدج يمكن يكون صج مظلوم ويمكن يكون ظالم وفوق الشين قوات عين

الله يعينج بس

 

[حزينه 22]

رد : اه يا قلبي..!

الله يهديه ويسخره لج يارب ويبعد عنكم بنات ابليس هاللي ماوراهم غير هد البيوت حبيبتي ماانصحج تدقين وتنزلين نفسج وتحرقين اعصابج
انا مو قصدي احرشج بس الشي واضح انه مورفيجه بس نصيحتي عيشيه بحيره خلي بحرب اعصاب حسسيه انج تدرين بس بالنغزات وقطي عليه حجي انه يما ناس نهدت بيوتهم والسبب بنات ابليس واللي قبلت تكلمه واهو متزوج عادي تقبل تكلم غيره وانه مصيره بينقط عاد لا من زوجته ولا من بنت ابليس هاذي يعني جيبيها على قصص او مو اقف وعلقي على المواقف عاد بطريقتج يعني كلام يهزه ونفس الوقت يحسسه بالذنب فهمتي يعني تعلقين وترفعيله انج واثقه فيه ماتتخيلين انه يسوي سوالف واسفه على الطواله

 

[غنج اهلها]

اهوا خاف منج

وربي يعينج على بلواج