اوبرا وينفري...

[لعيـــ ترخص أرقاب ـــوني]

مشاركة: اوبرا وينفري...

مشكووووووورة اختي اوركيـــد

وانا ابي ادز بكل ايميلااتي و كل ايميلات بنات عمي

يعني لكم مني تقريبا 25 ايميل غير اللي ابي ارسلها لكل اللي عندي باللايميل

وفي كل الحالتين هو البطل الحقيقي في قلوبنا

تسلمين اختي مرة ثانية

 

[ياحلاتي]

مشاركة: اوبرا وينفري...

يستاهل ابونا جابر

 

[أوركيد]

مشاركة: اوبرا وينفري...

ياحلوكم والله وياحلووووو فزعتكم

 

[كويتية أمورة]

مشاركة: اوبرا وينفري...

عفية عليكم يابنات
وقولوا حق كل اللي تعرفونهم يدزون بعد
لان كل مادزيتوا اكثر يهتمون بالموضوع
شوفوا اهم شي تكتبونه ان هو اللي اقترح الغاء الفوائد على قروض الدول الفقيرة
وهو اللي لغى وضع صورة الحاكم على العملة الكويتية لانه قبل كان كل حاكم للكويت تنطبع صورته على العمله هو لغى هالشي
وبعدين كان متواضع جدا وبيته وسيارته وحياته مايختلفون عن اي مواطن كويتي عادي مايحب البذخ والبهرجة والفخفخة
كانت الاواني اللي ياكل فيها ستيل عادية ويقعد قعدة ارضيه وياكل لاطاولة طعام ولا شي
وعشاه غالبا روب وخبز ولاخبز رقاق وحليب
وهو كان لفترة طويله معارض فكرة انشاء جامعات خاصة بالكويت لانه مايبي المجتمع ينقسم مابين مقتدر وفقير والعيال يتعقدون يبيهم كلهم بجامعه وحدة حكومية عشان محد يحس انه في ناس اعلى منه مرتبه ولا يتلقون تعليم احسن منه
وهو اللي اقر اعطاء المرأة حقوقها السياسية
وهو اللي سوى شؤون القصر لرعاية الايتام
وقبل سنتين وزع على الشعب 200 دينار من ماله الخاص
وهو اللي انشأ صندوق الكويت للتنمية العربيه وحاليا صار مايقتصر على الدول العربيه بل تعداها الى كل دول العالم
وهو اللي اقترح استثمار الفائض من عائدات النفط بحساب سماه حساب الاجيال القادمة ومن هالحساب كان يصرف على الكويتيين اثناء الغزو فعاشوا الكويتيين اغنياء مو محتاجين لاي احد بفضله
وحتى اللي داخل الكويت كانت توصلهم الفلوس لي باب بيتهم
وكان يقيم مشاريع خيرية بدول افريقيا ويبني المساجد والبيوت والملاجئ والمستشفيات ويرفض رفض قاطع انه يوضع اسمه او اسم الكويت عليهم بل كان يسميهم باسامي احد الانبياء
وكان ينزل بنفسه الى الشارع الكويتي بسيارة قديمة يتفقد الشعب ويشوف بعينه الاوضاع بالبلاد عشان محد يخش عنه شقاعد يصير
وكان الحاكم الوحيد بالعالم اللي الشعب يقدرون يزورونه في بيته بأي وقت يبون ممكن يروحون القصر ويطلبون مقابلته فماكان فيه حاجز بين الحاكم والمحكوم
وكان يزور الدواوين بالبلد ويشوف هموم الشارع الكويتي ويستمع لهم ويقوم بتعزية العوائل الكويتيه بنفسه
ولازال يقدم المساعدات للدول اللي وقفت ضده ابان الغزو العراقي مثل الاردن وفلسطين والعراق والسودان واليمن
مع انه هالدول خانوه لكنه مايعاقب شعب بغلطة الحاكم وظل يمول مشاريعهم ويقدم القروض والمساعدات بالرغم من استمرار هجومهم على دولة الكويت والحاكم لكنه ماوقف مساعداته لهم
وهو اللي اقترح انشاء مجلس التعاون الخليجي
وقدم 500 مليون دولار لمتضرري اعصار كاترينا<<<<<هذا ذكروه خل يستانسون
وهو من اول من يقدمون المساعدات للدول اللي تتعرض لكوارث طبيعية او حروب
مثل باكستان وتركيا والزلازل اللي تصير فيهم
وهو دايما يلعب دور الوسيط للصلح بين اي دولتين متخاصمتين

ممممممم هذا اللي اذكره الحين عاد انتوا فكروا بعد وكتبوا
لازم كل هذا تذكرونه لاتخلون شي
واهم شي ركزوا على الجوانب الانسانية

 

[أوركيد]

مشاركة: اوبرا وينفري...

ما شاالله عليج أمورة كفيتي ووفيتي ...

وان شاالله البنات ما يقصرون..

هذا ابونا ...ابو الكويت..عسى الله يتغمده برحمته ..

 

[متميزه]

مشاركة: اوبرا وينفري...

السلاااااام عليكم و رحمه الله و بركاته ,,

بنات توه قاعده اقرى في منتدى ثاني .. لقيت انهم حاطين نفس الموضوع لكن عن شخصيه ثانيه !!

حاطين عن الرســــــول عليه الصلاة و السلام ..

على ما اظن انه من حقه علينا ان نكتب عنه ..

ما اقول لكم لا تكتبون عن الشيخ جابر بالعكس يستاااهل رحمه الله عليه

بس حتى لو تشوفون حبيبنا و قاائدنا رسولنا الكريم يستاهل .... و الا انتوا شرايكم !!

 

[أوركيد]

مشاركة: اوبرا وينفري...

هلا والله عشووقة ...

آنا والله تو الحين دريت منج انه كاتبين عن الرسول عليه الصلاة والسلام ...وأكيد من حقه علينا انه نكتب عنه وندافع عنه بعد اللي حاصل هاليومين من تعدي عليه ..وعلى أخلاقه _حسبي الله عليهم_

حبيبتي ماتقصرين على التنبيه وبميزان أعمالج ...

الحين بروح أكتب اللي الله يقدرني عليه ...

وعسى الله يجمعنا مع رسولنا الكريم صلى الله عليه وسلم وشيخنا الحبيب بالجنة ....يارب العالمين ..

 

[متميزه]

مشاركة: اوبرا وينفري...

هـلا فييييج حبوبه ..

اي و الله انا بعد ما كنت حاطه في بالي يعني ... و كتبت عن الشيخ جابر !!


بس الحين باذن الله بروح اكتب عن رسولي و حبيبي عليه الصلاة والسلام


العفوو حياااج الله ... و بميزان اعمالج انتي بعد لأنج صاحبه الموضوع

 

[Pinky Dream]

مشاركة: اوبرا وينفري...

بنات انا بكتب عن الشيخ جابر عفيه كتبولي رساله بالانجليزي برسلها

واهم شي كتبوا القصيده هذي من ضمن الكلام اللي بتكتبونه عن اميرنا جابر

((لي شفت ضيم الناس بكل ديره اسجد لربي اللي خلقني كويتي))

امانه اي وحده تسويلي رساله تعرفون اللغه ههههههههههه

 

[ظلال القرآن]

مشاركة: اوبرا وينفري...



انا راح اكتب محمد صلى الله عليه وسلم

واغلب السلمين راح يكتبون محمد صلى الله عليه وسلم فالي تحب رسولها تكتب عنه


وبابا جابر في قلوبنا ولن رسولنا وقدوتنا وحبيبنا اولى


لو بابا جابر عايش راح يقول اكتبو محمد


واتمنى من الجميع ان يكتبوا محمد بن عبد الله عليه الصلاه والسلام

 

[سبائك]

مشاركة: اوبرا وينفري...

سبحان الله نفس تفكيري يا عشوقه وظلال

بابي انت وامي ياااااااااااااااااا حبيبي يا رسول الله

 

[أم جوري]

مشاركة: اوبرا وينفري...

طيب بنات
ايش رايكم نكتب موضوع مدروس وواضح ووحدة تترجمه لنا وننشره كلنا هناك وان شاء الله بس ما اعتقد بتتكلم عن الرسول عليه الصلاة واللسلام ....

 

[ام مصعب]

مشاركة: اوبرا وينفري...

خوووش فكرة للوطن ندز عن اميرنا ولنصرة الدين لا تنسون رسولكم القائد صلى الله عليه وسلم حيث
لو انه نعرضت عنه حلقة راح يسلم الكثيرون واللي بتاخذون اجرهم ان شاء الله
فكروا فيها زين واحتسبوا الاجر اللي بييكم
وهذا الرابط
https://www.oprah.com/plugger/templates/BeOnTheShow.jhtml?action=respond&plugId=D55900003[/url

 

[السفيرة عزيزة]

مشاركة: اوبرا وينفري...

مشكوره يا حياتي

بحط تعليقي الحين

 

[المحرومه]

مشاركة: اوبرا وينفري...

انشالله نشوف حلقه عن الشيخ جابر

يعطيج العافيه

 

[أوركيد]

مشاركة: اوبرا وينفري...

حياكم الله بنات كلكم...

وياليت اللي تكتب ...تكتب عن الرسول صلى الله عليه وسلم وعن الشيخ جابر الله يرحمه (لازم ايميلين)

ترى الغرب تعرض للرسول عليه الصلاة والسلام بأشياء بشعة وما تنقال ...

وحقه علينا كمسلمين ندافع عن حبيبنا المصطفى ونهجم على من أساء له بلفظ أو رسم أو افتراء....

 

[كويتية أمورة]

مشاركة: اوبرا وينفري...

صاجين بنات كتبوا عن الرسول صلى الله عليه وسلم
بدال ماتخلون هالهمج يعطون فكرة غلط عن الاسلام خل نوضح لهم هو شنو
وماقصرتوا عالهمة

 

[HASB_83]

مشاركة: اوبرا وينفري...

واااي ترجمولي

 

[LATOFA]

مشاركة: اوبرا وينفري...

مشكوريين ويعطيكم العافيه

 

[رند]

مشاركة: اوبرا وينفري...

تسلميين حبيبتي
ماقصرتي