اوت ليت متزينقن -المانيا

[FeShinGoOo]

قووه بنات​

الي رايحين شتوتغارت - المانيا هالسنه​

حبيت اقولكم اني طحت على اوت ليت عجيييييييب اسمه متزينقن ..​

فيه اغلب الماركات المشهوره والحلو ان بضاعتهم موجوده بالبوتيك الحين ..​

خذيت منهم شغلات من بالي وبربري وسكادا وبوغاتي ..الخ ولما وصلت سويسرا جيكت عليهم بالبوتيك ولا موجودين ودبل السعر بالظبط​

يعني الي ب 300 خذيته اب 160 واللي اب 200 خذيته اب 80 واللي اب 800 حصلته اب 350​

للايطوفكم حده عجيب .. وكبير يعني يبيله يوم كااااااااااااامل اتروحونله من الصبح ليما يصكر وهالله هالله بجواتي الرياضه لان ريولكم راح اتطيح من الفراره ​

وسلامتكم ​

 

[om_7sin]

علييج بالف عااافية عطيني اسمه بالانجلش

 

[دلع86]

عليج بالف عااااافيه

 

[يالبيه]

حبيتي وين صاير شوتغارت بالمانيا

 

[Q8yatمحدمثلنا]

شتوتغارت من ميونخ تقريبا" 100 كيلو...وقريبه من يورب بارك..

والآوت ليت ميتزينقن جنوب شتوتغارت 40 كيلو ..Metzingen

وهذي احسن اسواق بالمانيا مني لكم..

1- (كوف هوف) ميونخ...Galeria Kaufhof...عجييييييب

2- (كارشتات) فرانكفورت Karstadt..يدوخ ..بضاعته شي:rerrerek:

3 - (سي اند اى) ميونخ C & A.......يهبل..اذكر تشريت منه للبيبي وانا حامل..

كلهم بضاعتهم حلوه ..وجوده..ورقم 3 لقيته بكذا دوله اوروبيه..

 

[FeShinGoOo]

http://www.outletcity-metzingen.com/


بنات هاذا موقع الاوت ليت تقدرون تشوفون الوقت متى يبطل وشنو الماركات الموجوده


وباجر انشالله بروح اوت ليت فوكس بس راح يكون مطر :< احس ماراح اقدر اخذ راحتي اليوم اتبهذلنا بالمطر

 

[sa7ab]

عليييج بالعافيه
ومشكوووره عالمعلومات الحلوه

وياليت تعينا معلومات زياده عن التسوق بالمانيا والاوت لت الثاني اللي رحتيله حلو ؟وايهو افضل

 

[noor sultan]

قووه بنات​

الي رايحين شتوتغارت - المانيا هالسنه​

حبيت اقولكم اني طحت على اوت ليت عجيييييييب اسمه متزينقن ..​

فيه اغلب الماركات المشهوره والحلو ان بضاعتهم موجوده بالبوتيك الحين ..​

خذيت منهم شغلات من بالي وبربري وسكادا وبوغاتي ..الخ ولما وصلت سويسرا جيكت عليهم بالبوتيك ولا موجودين ودبل السعر بالظبط​

يعني الي ب 300 خذيته اب 160 واللي اب 200 خذيته اب 80 واللي اب 800 حصلته اب 350​

للايطوفكم حده عجيب .. وكبير يعني يبيله يوم كااااااااااااامل اتروحونله من الصبح ليما يصكر وهالله هالله بجواتي الرياضه لان ريولكم راح اتطيح من الفراره ​

وسلامتكم ​

الله يهينيكم بالسفره ويردكم سالمين

بس الاوت لت ميتزنجن يسوى الروحه له وشلون اسعارهم وياليت تعطينا تفاصيل عن اسعار السوق ؟

شكرا

 

[weddy]

أنا رحت عليها .كمان موجودة أوتلات في مدينة زفاي بريكن zweibrücken وهو أحسن من ستوتغارت

 

[سنايا]

الأخت weddy يا ريت تفصلنا لنا اكثر ليش آوت لت zweibrücken أحسن ؟

و لج الشكر و للأخت صاحبة الموضوع
آنا حاليا في ألمانيا و مخططة أروح حق أوت لت شتوتغارت لأني سمعت عنه تقييمات حلوة، بس بعد محتاجين معلومات أكثر.

 

[weddy]

أختي مرحبا مدينة zweibrücken هي في جنوب غرب ألمانيا 150 km جنوب فرانكفرت قريبة من الحدود الفرنسية بعيدة عني ما يقارب 80 km وهدا العنوان :Londoner Bogen 10, 66482 Zweibrücken
في أي مكان أنت في ألمانيا?

 

[كاتبة]

رحتله من منيوخ بنفس اليوم ورديت

فعلا رائع

 

[لولوة الكويتية]

عليك بالعافيه
ومشكوووورة

 

[سنايا]

أختي مرحبا مدينة zweibrücken هي في جنوب غرب ألمانيا 150 km جنوب فرانكفرت قريبة من الحدود الفرنسية بعيدة عني ما يقارب 80 km وهدا العنوان :Londoner Bogen 10, 66482 Zweibrücken
في أي مكان أنت في ألمانيا?

مراحب أختي weddy آنا عاجزة عن شكرك، فقد قضيت اليوم السبت منذ الصباح و حتى الساعة الرابعة في أوت ليت zweibrücken وهو كما تفضلتي رائع.

يحتاج لزيارة ثانية .

ألف ألف شكر :eh_s(7):

 

[PuPa^^SWeeT]

عليج بالعافية





يسلموووووووووووووو

 

[نون 123]

حبيبتي بالنسبه للاوت لت zweibrücken اقدر اروح له من فرانكفورت ؟

 

[الوزيرة q8]

حبيبتي الاوت لت شنو اسمه بالعربي بالضبط وفي أي مدينة المانية موجود لاني ما لقيت الاسم السابق في خريطة المانيا وشكرا على مساعدتك

 

[سنايا]

مراحب خواتي

بكل صراحة من بعد زيارتي اليوم حق أوت ليت ميتزينقن شتوتجارت، و السبت كنت في أوت ليت زفاي بريكن أقدر أقول لكم إنه لا مجال للمقارنة بين السوقين، والأفضلية حق أوت ليت زفاي بريكن.

أكرر شكري حق أختي weddy مرة ثانية.

بصراحة أسباب الأفضلية لأنه مافيه ذاك التنوع اللي حصلته في أوت ليت زفاي بريكن، و حتى الحجم و الحداثة. صحيح إنه في خلاف بينهم يعني ميتزينقن تتجولين في القرية نفسها ، و هالشي يعطيه أفضلية التجول و السياحة، لكن بخصوص الهدف الأساسي هو التسوق.

بالنسبة للأخوات اللي يسئلون كيف يوصلون لأوت ليت زفاي بريكن تقدرين تستخدمين خدمة جوجل ماب وتحددين المدينة اللي إنتي فيها، و الوجهة اللي تبينها و هي zweibrücken Out let
مجرد تعملين كوبي و بيست.

http://maps.google.com/?hl=en

و طبعا هو راح يرسم لك خطوط الوصول للهدف، و إذا كنتوا أصحاب خبرة، ماراح تتعبون في اختيار أقصر الطرق.

و بالتوفيق للجميع.

 

[الوزيرة q8]

شكرا حبيبتي على المعلومة وما قصرتي - ستقوم بالبحث انشاالله

 

[Daleela]

تتهنين انشالله

والله تلفنا المطر باوروبا هالسنه

انشالله يحوش هالمطر الحلو ديرتنا ولو ان مستحيل

ام ابيها ما قصرتي