اوقفووووووا مناظره الدويله والععسكريين

[لورا آشلي]

السلام عليكم ورحمة الله وبركاته


طبعا اغلبنا شاف مقابلة خالد عبدالجليل مع ناصر الدويله وحديثهم عن كتاب الأخير ( ردة الفرسان )

اللي يروي تفاصل الغزو العراقي الغاشم

في نهاية الحلقه حطوا اعلان للحلقه الجايه واعلنوا ان راح تكون فيه مناظره بين الدويله و6 من العسكريين

بعد ماانتهت الحلقه حبيت اقرا اراء الناس حول هالحلقه ولفت نظري كلام شخص اشوف انه منطقي وعين العقل

لان جد الكويت ماعادت تتحمل كل هذا !!!!!!!

اقروا معاي تعليق هالشخص واسمه ( الوحره ) عن هالمناظره اللي بتكون بعد عيد الاضحى


تفشت الفتنة وحديث الفتنة في كل مفاصل الدولة ؟؟؟؟

الفتنة في السياسة .... ومعاقل السياسة ....

الفتنة على الصعيد الاقتصادي ........ وتأرجح قرارات الدولة

بسبب حديث الفتنة الاقتصااااااااادي ....

وجااااااااااااااء الدور على المؤسسات العسكرية أحد القلاع التي يجب ان ترسي

قواعد الدولة ......................... التي تعتبر اوهكذا

يجب ان تكون ..........؟؟؟؟؟

فاذا بشظايا الفتنة وحديث الفتنة بدأ ينهش أطرااااااااااافها .........

تحدثنا مرارا على ضروة ان تكون قرارات الحكومة استباقية قبل خراب مااااااااااالطة

واليوم نكرر .................... وجوب اتخاذ قرارات على مستوى وزير الدفاع ومجلس

الوزرااااااااء من مناااااااااااظرة الافك التي تسعى لها قناة على ؟؟؟؟؟؟؟؟؟

ويدير خيوطها خالد .......!!!!!

الحديث عن مناظرة بين عسكرين على فضااااائية كويتة وفي أمور منتهية

لن يقدم ولن يؤخر .............. الا مزيدا من اشمااااااته ونشر الغسيل الكوتي

بكل انوااااااااااااااااااعه ..................

الى حكومة ردود الفعل هل ننتظر

تحرك متزن ومسؤل يوقف مهازل خالد وعلي .................؟؟؟؟؟؟

قبل فوات الاوان !!!!



انتهى كلامه

يابنات صج الوضع كل ماله ويتأزم !! يعني ليش يتكلمون في شي انتهى من 20 سنه !!

وكل واحد جاي يطعن بالثاني انت سويت وانت ما سويت !!

وعلى فكره يابنات خالد عبدالجليل ذكر ان الامن راح يتواجدون بالاستديو وبرا الاستدويو تحسبا لاي طارئ ينتج عن هالمناظره

يعني السالفه ابدا موهينه

 

[ماما نونا]

صح كلامج الموضوع قديم شكو يزيدون ويعيدون فيه حده غلط وماله داعي

 

[طرطعانه]

الله يـسـتر :/

 

[أحبه موت]

والله فراااااااغه يعني بعرف شنو بيستفيدون من هالمناظرة غير المشاكل والفتنه وعوار الراس

 

[الفدعى]

الله يعيين الكويت والله تعبنا والله تعبنا من هسوالف

 

[معكرونه أسبكتى يم يم]

رد : اوقفووووووا مناظره الدويله والععسكريين

ياربي حجي الريال صج والا من الخيال !!
انزين اذا صج شحقه مادرسناه بالمدارس مو تاريخ الكويت !!
انزين اذا مو صج شحقه هذا كله !!

الله يستر

 

[مطيريه ماركه]

رد : اوقفووووووا مناظره الدويله والععسكريين



آلدويلة يبي آحد يتذكره بعد مآ آلنآس تقريبآ نسوه

وآتمنى محد تآخذه آلحميّة شجآع وآبن قبيلة و و و آلخ !

ونعم فيه بس آلخزعبلآت آللي يقولهآ مآ آصدقهآ

ليش لمّآ غآلبية آلنآس آللي سآهمت في آلتحرير رآحوآ طلع لنآ ؟

 

[مس ^_^ تكانه]

الله يستر على الكويت والله يبعدنا من الفتن والله ديرتنا ماتستاهل اللي يجيها

الوضع كل ماله ويتردى بهالديره وكل يوم والثاني طالع لنا واحد ،والدويله ماوراه غير الهياااط والحجي

الفاضي عمال على بطال بس يبي يترزز درينا انك بطل التحرير فكنا بس

والله يحفظ كويتنا وشعبها من كل مكروه وماقصرتي اختي:aha:​

 

[قطيووه^_^]

رد : اوقفووووووا مناظره الدويله والععسكريين

والله الصراحة انا شفت المقابلة امس
حسيت ان خالد جايبه عشان يمصخره صج صج قهرني شفتو شلون اسلوبه جنه يقوله انت جذاااب
شي ثاني الصراحة استغربت انهم بيسوون مناظرة حق شنوووووو وليش وشنو راح يستفيدون منهااا يعني
غير المشاكل والحقد بينهم

 

[كوول حدي]

رد : اوقفووووووا مناظره الدويله والععسكريين

الله يسترر على الكوويت من هالفتن

ومشكوووره على هالطرح

 

[chanel N22]

ما ادري شنو سالفته بالضبط بس نو وي ان يجذب جدام الله وخلقه
انا احس يبي يشتهر

 

[عزتي مالها حد]

ننطر ونشوف المناظرة

حمى الله الكويت وشعبها من كل مكروه

 

[أنفاسي دخون]

الكلام في الماضـي نقصان في العقل

والله يكفينا شر اللي جاي

 

[>> True Love<<]

بعd

عششششششرين سنه منااااظره؟

عسى ماشر؟ تو يستوعب الغزو؟

 

[وهج الحب]

السلام:
بصراحة انا ما عجبني اسلوب عبد الجليل الساخر منه من اول الحلقات ..

انا ما اقول الريال كذاب بس ممكن بالغ ببعض الامور وليس كلها ..او انه ما قدر يوصل عدل لانه مفتخر بنفسه ...انا معاه ان لازم الخليجين مش ريايل والاجانب هم الوااااو رغم ان الامريكان اذا بغوا يبتدون حرب ما يقدرون يدخلونها بروحهم ابدا ..( وحروبهم السابقة اكبر دليل ..حرب اليابان ما قدروا ينتصرون الا لما رموا قنبلتي هورشيما ونازاجاكي اضطرت اليابان للاستسلام وقبل هالاستسلام كانت هي المنتصرة ...وقبلها حرب فيتنام اللي رجعت الجيش الامريكي منكسر وشبابه متشوة ومن بعدين صاروا مدمنين ماريجوانا عشان ينسون الهزيمة )

امريكا اسلوبها جوووي فقط يعني سياستها الان اذا بغت بلاد (مثل بغت سيطرتها تقوى على منابع النفط والخليج مقدور عليهم ايش تسوي تضعف الافوى العراق وايران ) العراق تعرفون ايش سوت بها طمعت صدام بالكويت وانك تقدر تاخذهم اذا بغيت ..صدام ثور وعمة عينه العظمة وكبرت الانا فيه وما صدق خبر ركض واحتل الكويت ...ومن جيشت دول الخليج عن طريق درع الجزيرة ..واقول الخليج فقط والباقي واجهه وكانوا حاطين العرب في الخلف ومن وقبلهم الباقي الحلفاء وبعدين الامريكان وفي الوجهة درع الجزيرة ...

وايران السناريو الحين تشوفونه وما يندرا على ايش بينتهي ..

وكانت امريكا تضعف الجيش العراقي بالضرب من الجو...

هذه اللي اقوله معروف اكيد وهو دليل على قوة الخليجين ...وانا معاكم مليون بالمية انه لولا الحلفاء اللي جمعتهم امريكا كواجهة لها انها داخلة عمل خير هم القوة وللولاهم كان الخليج كله ...واقول كله وليس الكويت بيد صدام الحين ( عشان ما احد يقول صدام الشجاع يريد الكويت فقط عشان انخدع بان الكويت اخفضت البترول الجوعان لما ياكل نتفة يطمع بالكل ولا احد يقول نحن اسود يقدر على الضعاف وما يقدر علينا لا كان بيقدر علينا كلنا )

وزبدة كلامي بعد معلماتي انكم لازم لا تستهينون بالناس اللي كانت تدخل وتطلع وحتى لو تجيب كسرة خبز للي بالداخل انتم ما تعرفون طريقة دخولهم وخروجهم والمخاطر اللي كانوا يتعرضون لها ..

اما ليش بستهنون فيه وفي بطولاته واللي انا متأكدة انه سوا الكثير منها ..السبب لانه وباقولها اشكرة وارجو ان تتقبلونها مني ان لازم الامور البطولية تنسب لناس معينين ومن اسرة معينة ..بكل الخليج وليس بالكويت فقط ناس تقتل انفسهم ويستشهدون وناس تطلع للاعلام بملابس جديدة وراكبة رنغ روفر وتاتي لتصور بمواقع الحدث وتتوكل على الله ..

والا اذا تكلم شخص وقال انا فعلت بأمرة العظيم المفخم الامجد كذا وكذا لازم يتصدق ولكن ان قال اني عصيت الاوامر لاني رأئيت الصواب نستنكر عليه ذلك ..

اوكيييه انتم قلتهم كذاب وانا معكم انه بالغ كثيرا كثيرا في اموور لكن الا ترون الان خمس حلقات وكل يوم يقول عبد الجليل ردوا يا اهل الكويت ولا احد يقدر يرد ..وقالوا الاسبوع الجاي بيجون يردون لواءات بالجيش واكية الحلقة جات وما في طوطي جا يرد واجلوها لبعد العيد عشان يجمعون شتاتهم ويدورون لهم كم معلومة يردون عليه بها ..هل يستاهل الامر كل هذه التأجيلات لو كان هناك شخص واحد يقدر يرد .

وواحدة تقول انه ينطر الناس يموتون .. لاء ما نطرهم يموتون هو قال شهودة اسألوا فلان واتصلوا بفلان وعلتان ..هل كل من شارك بحرب الكويت ماتوا يعني الكويت كلها ما فيها عسكرين عايشين من 20 سنه ..

لم يدرس بالتاريخ والاجتماعيات ووو انتوا ادرا عن مين لازم يدرس ..من عن علتان وفلتان ..

اخواتي ثقوا ان هناك كويتين وخليجين عن مليون جندي امريكي وان هناك شباب ما احد يعرفهم قدموا للكويت وضحوا لاجلها لكن قد يكونون كلهم ماتوا او يكونون خايفين يذكرون بطولاتهم عشان ما احد يشكك فيهم ويقول لهم اوه انتم كذابين ..واحبوا الستر والتزموا الصمت ..والا شوفوا الاوربين لو ربطوا خيط بالسلاح الف عنه كتاب والناس اجتمعوا يحيونهم ..

واحنا نستهزء ببطولات ابنائنا رغم انها عظيمة وندمسها واذا تكلموا تمسخرنا عليهم بس لانهم مش من اسر حاكمة ..بل من الشعب العادي..ونقول ايش سوت امريكا ..نعم امريكا لها فضل بس فضلها لمصلحة وصحيح لولاها لكنا جميعا في بطن الحوت ..لكن هناك ايضا من ضحى ..والا اذا تقولتم عنه كاذب اذا فلم يكن بالكويت رجل واحد اطعم وفجر ونظف وضحى بنفسه لانقاذ شرف امرأة ..

 

[Ṧђę5άţ 7ɭάά]

رد : اوقفووووووا مناظره الدويله والععسكريين

عاد انا كلشششش مافهمت من كلامه شي يبهبه مدري شيقول !!

:eh_s(4): فالحلقه الجايه أطااااااالب بوجود

متـــــــــرجم ​

 

[وهج الحب]

رد: رد : اوقفووووووا مناظره الدويله والععسكريين

عاد انا كلشششش مافهمت من كلامه شي يبهبه مدري شيقول !!

:eh_s(4): فالحلقه الجايه أطااااااالب بوجود

متـــــــــرجم ​

السلام:
يعل ربي يسعدك ويفرحج قسم بالله ذبحتيني من الضحك ذكرتيني بأبوي الله يرحمة كان يسمع شعر ويقول للريال صح لسانج ورد يكلمني " صح كلامة يما " عاد انا من غبائي قلت لبوي "يبي له ترانزليت ابوي ايش عرفة ترانزليت " والله يرحمة عقلب لي لاني قلت هالكلمة ولاني ما عرف بدوي اللزم علي كل ركن البادية لازم اقعد اشوفة ومعاه وانتي الحين ذكرتيني به يالله يا رب يسعدج بشئ يفرحج اليوم المبارك ..

 

[$ بنت علمي $]

الله يهديهم

 

[yam_yam]

رد : اوقفووووووا مناظره الدويله والععسكريين

الله يهديهم

 

[راعية الطويلة]

رد : اوقفووووووا مناظره الدويله والععسكريين

اللي ينقد على أسلوب العبد الجليل..
ليش يعني الوزير السابق ما يعرف البرنامج و المقدم و الهدف الإعلامي!!!

اللي يحط نفسه بهالموقف يتحمل ما يجيه خاصة إذا كان بعمرك يا ناصر و بمكانتك و شهرتك بالمجتمع..
و الكلام اللي قاله يتحمل نتيجته
و ما له داعي من الأساس
اللي شاف نفسه فدائي في سبيلك ياوطن..

ما له فايدة يقول للناس كلهم صدقوني ....:n2006107: