اوكي شلون تجاملين يعني !! { ماعرف امثل }

[ماني من الناس]

انصدمت فيك


مناير


ايه الظاهر جي ليحيني عايشه دور العزوبيه اللي كلشي يمشي بكيفها ومزاجها خخخ

عشت العزوبيه بالطول وبالعرض وحان وقت الجد

 

[ماني من الناس]

الحين هي تتكلم ع المجامله كنمط حياه واغلب الردود مركزين ع شغله وحده


ماعلينا


اذا عرفتي علميني هههههههه



شوفي انا ديني ودين المجامله ماطيقها احس اني كذابه


بس شوفي الحين لما احتك مع حريم اخواني ونسايبنها وكذا


اقول بخاطري ي ربي مايصير الناس تجامل وانا اقطها بالوجه


الحين اللي ع نيتها تصير رديه واللي تلف وتدور تنحب


فلازم شويه منكهات ع الكلام



اما مع زوجك فلازم الترفيع يعني لازم تمدحينه وتبينن انك معججبه وعشان لاتحسين انك تبالغين


وتحسين انك مكشوفه حبي كل شي فيه عشان تصير مشاعرك صادقه


وبعطيك معلومه ابوي قايلها ترى الرجال يحب المره اللي تسوي نفسها فاهمه وتجامل وتهايط


حتى لو يدري انها تكذب بس يحبون المره اللي فيها حياه واللي ع نيتها وتقول اللي بقلبها هذي نكديه



فاحسن حل مع زوجك حبي كل شي فيه

ومع الناس خلي في بالك انهم لازم ياخذون فكره حلوه ويحبونك



موفقه

ماشالله الوالد اعترف انه الزوج يحب الزوجه اللي تهايط وتجامل يبيله جرعات هياط زياده

 

[أسوله السلطان]

جاااااااااااااااااااااملي بس مو بكل شي يعني كل شي بحدووووووووووووووووووود

 

[black rose BH]

يوو حالي من حااالج ههههههههه

بقرا الموضوع جان اتعلم وياج :$

 

[Patcholli]

لا المجامله مو نفاق منمن المجامله مراعاة لمشاعر الطرف الثاني ..

يعني تتنازلين عن شي بمزاجج عشان ترضين زوجج .. ماتوقع هالشي وايد عليه مو ..؟؟

وعلى فكره المجامله تقلل المشاكل ..

مثال زوجج قط نكته سخيفه وتافهه .. بتفشلينه ؟؟
ماراح يعيدها ولا راح ينكت معاج بعد ولا راح يشتهي يتغشمر ويتعبط وياج بيكون رسمي وبيدور ربعه يظحك وينكت معاهم
اهني الذكيه اهي الي تفصل من الظحك حتى لو مافيها ظحكه والله بيتشقق الريال من الوناسه وشوفي اشلون بيقعد يظحك ويكركر ويقولج بدال النكته الف .. اهني يصير بينكم وموده وألفه زياده ترى ..

مثال ثاني ..
يابلج هديه وحيل مستانس ومن داخله بس ناطر يقدملج ياها عشان يشوف ردة فعلج واهو متوقع انج بتطيحين غشيانه من حلات الهديه .. بس يوم شفتيها قلتي ويع شنو هاذا ..!! شالذوق ..!!
تهقين بيشتهي يشتريلج هديه بعد ؟؟
بيقط عليج الفلوس وبيقولج نتي روحي اشتري او بيقولج شنو تبين هديه ويفك عمره
ماراح تحسين بلذه ان زوجج منقيلج هديه حلوه وان هذا اختياره ويحب يشوفه عليج عرفتي ؟؟

وقت الشسمونه ..
تخيلي ريلج داش جو وانتي مالج مزاج وماتتفاعلين معاه
مالج خلق او نعسانه مثلا .. يحس انه نايم ويا حطبه
ترى الريال يكره ويحتقر عمره لما يواجه هالموقف وحيل يحز بخاطره
ليش اجرح قلب ريلي ومشاعره اتفاعل وياه غصب طيب حتى لو بالتمثيل بس عشان يستانس وين المشكله ؟؟

عرفتي ياحجيه منمن شنو فوايد المجامله بالعكس جاملي ومشي المركب على قولتهم وابتعدي عن الصد والتدقر ترى الريال يظحك مره ومرتين وثلاث بس اذا شاف رد الفعل يتكرر بيتظايق

 

[ماني من الناس]

باتشولي فاهمه عليج حبيبتي هذي الحركات تيي مع الخبره
ان شالله نصير محترفات مثلكم ههه يبيلها دورات

انا مشكلتي مو متعوده عالمجاملات عفويه وهالشي الحين ادفع ثمنه يعني يبين على ملامحي اذا شيً مو عاجبني

فالحل اني لازم امثل

ان شالله ابشركم باليوم اللي اصير فيه محترفه مجاملات

 

[أحلى البشر]

لووووووول

عبالكم الريايل مصدقين المجامله ترى يدرون انكم تجاملونهم واهمه يجاملون مجاملتكم