اول الشهر دافي - ونصه كافي - واخره حافي (تعالي شوفي معاشج)

[xxx]

:eh_s(7): شلونكم يا احلى كويتيات :eh_s(7):

شرايكم بهالمقولة ؟؟

الراتب = المعاش

أول الشهر = دافي
نص الشهر = كافي
اخر الشهر = حافي


خلونا نتعرف من خلال هالبطاقة على صحة هالمقولة :eh_s(20):


:eh_s(17): بطاقة الراتب :eh_s(17):

* كم راتبك ؟
(بين 300 - 500 أو بين 500 - 1000)
* متى ينتهي الراتب؟
(اول الشهر - نص الشهر - اخر الشهر)
* اذا انتهى قبل نهاية الشهر شلون تتصرفين؟
( سلف - حرمان .. الخ)
* هل لديك اقساط أو قروض وكم؟
(ربع الراتب - نص الراتب - كل الراتب)
* توفرين من الراتب ؟
(اذا توفرين اذكري الطريقة)
* تمتلكين بطاقات ائتمان؟
(فيزا - ماستركاد)اذا نعم اذكري المزايا والعيوب
* فيه تعاون بين الزوج والزوجة في الراتب؟

 

[أحب ترابها]

راتبي فوق الخمسميه ولله الحمد... متى ينتهي:على حسب ..عيد_ مناسبه _تغير باثاث البيت بهالحاله ينتهي اول الشهر غالبا لوصلت نص الشهر مشيت حالي بالعافيه ...أذا انتهي قبل نهاية الشهر طبعا حرمااااان ولا افكر بالسلف لانه معناته معانات الشهر القادم._

 

[أوركيد]

كم راتبك ؟

بين ال500-1000

متى ينتهي الراتب؟

نص الشهر مودعني كله ومنحااااش

اذا انتهى قبل نهاية الشهر شلون تتصرفين؟

سلف ...ماكو غير جذي

هل لديك اقساط أو قروض وكم؟

استقطاعات مو قروض..

توفرين من الراتب ؟

استقطاع ..

تمتلكين بطاقات ائتمان؟

فيزا وماستركاردميزتها ..بالسفر حلوة وتنقذ حزة الخنقه ..

بس تساعد على الصرف الغير ضروري وتقضي على الباجي من الراتب ..

فوق هذا ياخذون قيمة اشتراكها حتى لو ما تم استعمالها لسنه كاملة !!!

فيه تعاون بين الزوج والزوجة في الراتب؟

الحمدلله ..راتبه بروح وراتب بروح ..بس عادي اللي يحناج الثاني مابيننا تكلفة ..

مشكوووورة بنوته عالموضوع الحلوو..والمفيد

 

[أحب ترابها]

راتبي فوق الخمسميه ولله الحمد... متى ينتهي:على حسب ..عيد_ مناسبه _تغير باثاث البيت بهالحاله ينتهي اول الشهر غالبا لوصلت نص الشهر مشيت حالي بالعافيه ...أذا انتهي قبل نهاية الشهر طبعا حرمااااان ولا افكر بالسلف لانه معناته معانات الشهر القادم._اقساطي ربع الراتب..,
بديت اطق نصايح البنات بالتوفير عن طريق الاستقطع واحسن طريقه انك تنسين الرقم السري لحساب الاستقطاع,
كانت عندي فيز ومستركارد ولغيتهم هذيلا الي يطيرون الراتب وتكونين دائما مديونه للبنك, التعاون بين الزوجين للحين ماجربته ....ودمتي سالمه اول مره اكتب رد طويل

 

[حبنا الله عليه]

* كم راتبك ؟
(بين 300 - 500 أو بين 500 - 1000)

الإختيار الأول

* متى ينتهي الراتب؟
(اول الشهر - نص الشهر - اخر الشهر)

وانتي صاجه اول يوم

* اذا انتهى قبل نهاية الشهر شلون تتصرفين؟
( سلف - حرمان .. الخ)

يسلم لي الوالده تصرف علي وانا موظفه

* هل لديك اقساط أو قروض وكم؟
(ربع الراتب - نص الراتب - كل الراتب)

ربع الراتب :eh_s(13):

* توفرين من الراتب ؟
(اذا توفرين اذكري الطريقة)

اتمنى لو دينار

* تمتلكين بطاقات ائتمان؟
(فيزا - ماستركاد)اذا نعم اذكري المزايا والعيوب

لا

* فيه تعاون بين الزوج والزوجة في الراتب؟

ارد عليج لاتزوجت

وشكراً جزيلاً مديرتنـــــــــا

:eh_s(7):

 

[Brounzi_girlly]

كم راتبك ؟
(بين 300 - 500 أو بين 500 - 1000):الإختيار الأول
* متى ينتهي الراتب؟
(اول الشهر - نص الشهر - اخر الشهر):نص الشهر
* اذا انتهى قبل نهاية الشهر شلون تتصرفين؟
( سلف - حرمان .. الخ):حرمان
* هل لديك اقساط أو قروض وكم؟
(ربع الراتب - نص الراتب - كل الراتب):اقساط ربع الراتب
* توفرين من الراتب ؟
(اذا توفرين اذكري الطريقة):تقريبا مبلغ زهيد ما ايي بالعين وساعات اطر آخذ منه
* تمتلكين بطاقات ائتمان؟
(فيزا - ماستركاد)اذا نعم اذكري المزايا والعيوب:أبدا ولا أفكر
* فيه تعاون بين الزوج والزوجة في الراتب؟
اي في مشاركة
مع التحية موضوع حلو................

 

[^^دموع الكويت^^]

* كم راتبك ؟
بين300 إلى500 د.ك .

* متى ينتهي الراتب؟
نص الشهر.

* اذا انتهى قبل نهاية الشهر شلون تتصرفين؟
حرمان .

* هل لديك اقساط أو قروض وكم؟
حمدالله ما عندي .

* توفرين من الراتب ؟
اي نعم اوفر من الرتب عن طريق استقطاع شهري واذا خلص معاشي اتسلف من حسابي التوفير :eh_s(6):

* تمتلكين بطاقات ائتمان؟
لا وما احبها كلش والله لا يعوزني لها ان شاءالله.

* فيه تعاون بين الزوج والزوجة في الراتب؟
مو متزوجة :eh_s(3):


ومشكووووووورة بنوتة يعطيج العافية:eh_s(8): ​

 

[xxx]

مشكوووووووورين على المشاركة

وين الباجي ؟! :eh_s(20):

دوري

---------------------------------

* كم راتبك ؟
بين 500 الى 1000

* متى ينتهي الراتب؟
نص الشهر

* اذا انتهى قبل نهاية الشهر شلون تتصرفين؟
سلف من ريلي ههههه

* هل لديك اقساط أو قروض وكم؟
لا ماعندي

* توفرين من الراتب ؟
نعم : جمعيات

* تمتلكين بطاقات ائتمان؟
نعم / ميزتها حق الازمات ممتازة بس مرات انسى نفسي

* فيه تعاون بين الزوج والزوجة في الراتب؟
نعم

 

[keeka]

* كم راتبك ؟
بين 500 الى 1000

* متى ينتهي الراتب؟
على حسب المناسبات جان فيه وايد لا والله اول الشهر خخخخ

* اذا انتهى قبل نهاية الشهر شلون تتصرفين؟
اخذ من ريلي خخخ

* هل لديك اقساط أو قروض وكم؟
قسط سيارتي ربع المعاش

* توفرين من الراتب ؟
كل ما اقول بوفر اوديه حساب السيفن واخر الشهر اردهم حسابي خخ

* تمتلكين بطاقات ائتمان؟
نعم وودي ودي اسكرها بس ماقدر ادماااان

* فيه تعاون بين الزوج والزوجة في الراتب؟
نعم شي اكيد عيل شخانته بالله

 

[xxx]

مشكورة كيكه على المشاركة

 

[زيـنـه]

*

كم راتبك ؟
(بين 300 - 500 أو بين 500 - 1000)

اممم ممم .. يعني يا هذا يا هذا .. ماكو بالنص

* متى ينتهي الراتب؟
(اول الشهر - نص الشهر - اخر الشهر)

الحمدلله برمجت نفسي انه ما ينزل الراتب اليديد الا عندي شي لو بسيط من القديم .. يغني غيرت في سياستي للصرف و نظرتي للمشترى.
*

اذا انتهى قبل نهاية الشهر شلون تتصرفين؟
( سلف - حرمان .. الخ)

*
مثل ما قلت لج لو يكون عندي على الاقل 10 دنانير امشي فيهم حالي بس ما اطلب او اتسلف .

هل لديك اقساط أو قروض وكم؟
(ربع الراتب - نص الراتب - كل الراتب)

*
لا الحمدلله ما عندي شي الحين

توفرين من الراتب ؟
(اذا توفرين اذكري الطريقة)

*
اي اقص منه في حساب ثاني يتحول له كل شهر مبلغ لو بسيط و ينفع للظروف.

تمتلكين بطاقات ائتمان؟
(فيزا - ماستركاد)اذا نعم اذكري المزايا والعيوب

*
اكيد املك الثنين .. و ميزتهم اذا بالكويت شريت شي غالي اخليه عليهم على الاقل يقصونه على نزلة الراتب اليديد مو اول باول مثل الكي نت ..و الاغلب استعمالي لهم وقت السفر.. او بالكويت اذا في عروض على استخدامهم

فيه تعاون بين الزوج والزوجة في الراتب؟

لازم .. بما انه الزوج عليه اغلب الصرف فلابد للزوجه انها تتعلم توفر شي من معاشها .. و هذه نصيحه من وحده عزيزه علي فادتني حيل حيل و الا اول ينزل المعاش هني و يطير اهني .. بس يوم حددنا مصاريفنا عرفنا شلون نقدر نوفر شي للظروف و الزمن الاقشر .

ايه و عجبني عنوان الموضوع وايد

و مشكوره على الموضوع

 

[@ الرسامة @]

* كم راتبك ؟
(بين 500 - 1000)


* متى ينتهي الراتب؟
الحمدلله مقسمته على طول الشهر

* اذا انتهى قبل نهاية الشهر شلون تتصرفين؟
اخذ من زوجي

* هل لديك اقساط أو قروض وكم؟
المدلله توني مخلصة من قسط سيارتي


* توفرين من الراتب ؟
اي استقطع من حسابي لي حساب ثاني عن طريق النت


* تمتلكين بطاقات ائتمان؟
كنت امتلكم وبعدين كنسلتهم ماوراهم الا الخسارة

* فيه تعاون بين الزوج والزوجة في الراتب؟
فيه

 

[q8_hala]

بطاقة الراتب
* كم راتبك ؟
( بين 500 - 1000)
* متى ينتهي الراتب؟
الحمدلله ما ينتهي يبقى لي للشهر اللي بعده
اذا انتهى قبل نهاية الشهر شلون تتصرفين؟
( الله لا يقول اذا انتهى عندي احتياط الاجيال القادمة )
* هل لديك اقساط أو قروض وكم؟
(أقل من ربع الراتب)
* توفرين من الراتب ؟
(اوفر..ماعندي طريقة معينة بس أحاول اني ما اشتري اشياء مالها معنى أو ماتلزمني)
* تمتلكين بطاقات ائتمان؟
(فيزا ) بس ما استخدمتها ولا مره مادري شنو مزاياها أو عيوبها
* فيه تعاون بين الزوج والزوجة في الراتب؟
لأ ما فيه ..لاني باختصار مو متزوجه

 

[xxx]

مشكورين على المشاركة

وانتو الصاجين الفيزا دمار

عسى الله يفكنا منها

 

[بسمة الروح]

* كم راتبك ؟
بين 300 الى 500

* متى ينتهي الراتب؟
نص الشهر

* اذا انتهى قبل نهاية الشهر شلون تتصرفين؟
حرمـــــــــان

* هل لديك اقساط أو قروض وكم؟
لا الحمدالله

* توفرين من الراتب ؟
حساب استقطاع مبلغ بسيط

* تمتلكين بطاقات ائتمان؟
نعم ماستركارد بس ليلحين ماستخدمتها

* فيه تعاون بين الزوج والزوجة في الراتب؟
مو متزوجة


والله يعيـــن هالراتــــب


يسلموووو على الموضـوع

 

[ana_tolip]

كم راتبك ؟
بين 500 -1000
متى ينتهي الراتب؟
نص الشهر :eh_s(16):
اذا انتهى قبل نهاية الشهر شلون تتصرفين؟
اقتصد في المصروف:eh_s(11):
هل لديك اقساط أو قروض وكم؟
ايع عندي ربع الراتب قسط واستقطاع
توفرين من الراتب ؟
الحمد لله كل شهر اذا اقدر اوفر 100 او 50 على حسب الظروف:eh_s(10):
تمتلكين بطاقات ائتمان؟
لا ماعندي
فيه تعاون بين الزوج والزوجة في الراتب؟
الحمدلله مابينا كلافة كل واحد يساعد الثاني حسب احتياجه:eh_s(7): ​

 

[قمر ضاوي33]

بطاقة الراتب
* كم راتبك ؟
( بين 500 - 1000)
* متى ينتهي الراتب؟
يبقى منه الحمد لله
اذا انتهى قبل نهاية الشهر شلون تتصرفين؟
تقليل بالمصروفات وماكو طلعات ومشتريات ما لها لزمة
* هل لديك اقساط أو قروض وكم؟
اي عندي قسط سيارة اقل من ربع الراتب
* توفرين من الراتب ؟
اوفر من مصروف البيت الي يعطيني اياه زوجي ومن راتبي كل شهر لازم
* تمتلكين بطاقات ائتمان؟
اي عندي فيزا وماستر بس صار لي اكثر من 3 شهور ما استعملهم ابي اسددهم والغيهم
ميزتهم بالسفر بس وعيوبهم اكثر من ميزتهم لأنهم بصراحة دمار للراتب والميزانية
* فيه تعاون بين الزوج والزوجة في الراتب؟
الحمد لله في تعاوان المليان يكب على الفاضي

 

[الحب الخالد]

كم الراتب ؟

500-1000

متى ينتهي الراتب ؟
اول ما ينزل

اذا انتهى قبل نهاية الشهر اشلون تتصرفين؟
اخذ من زوجي

هل لديك اقساط او قروض؟
نعم , نص الراتب

توفير !!!توني بادية من شهرين الله يعيني بنات ادعولي استمر

تمتلكين بطاقات ائتمان ؟
نعم فيزا وماستر قطيعه الله يفكني منهم ادعولي يا بنات

هل فيه تعاون بين الزوج والزوجه ؟
اكيد في تعاون والحياة اخذ وعطا


مشكوره على الموضوع الحلو

 

[xxx]

مشكورين على المشاركة

 

[طوق البنفسج]

متى ينتهي الراتب؟

مع نزلت الراتب اليديد

* اذا انتهى قبل نهاية الشهر شلون تتصرفين؟

الحمد الله مبرمجه نفسي انه ماينتهي الا لي نزل اليديد


* هل لديك اقساط أو قروض وكم؟

لا الحمد الله

* توفرين من الراتب ؟

على حسب ماعندي استراتيجيه معينه اتبعها يعني ينزل الراتب اصرف منه ليما ينزل اليديد اذا نزل اليديد و باقي شي من راتب الشهر الي طاف احوله على حسابي الثاني مابقى شي .. علي بالعافيه لول ..

ما احب اعيش تنشن الا خلص الراتب الا بقى


* تمتلكين بطاقات ائتمان؟

عندي بس ما استخدمهم ... كل سنه ادفع اشتراكهم اقول احتياط