اول خطواتي بالمدرسة..!

[fri2010]

مشكورة ابله غزاله يعني اول شي اروح حق الوكيله اقول لهم اي وكيله اللي مالت الطلبه والا مالت المدرساتوشنو مسماهم؟ويعطيج الف عافيه جزاج الله خير

 

[طالبة1990]

ياحليلي انا رااهية

دشيت سيييدة ع الناظرة

رحبت فيني ونادت السكرتارية تاخذ ورقة تعييني

وماعبيت بيانات ولا شي بس عقبها بجم يوم نادتني السكرتارية وسألتني وكانت تدخل بياناتي بالسستم


بس انا جيتهم متأخر ع الساعة ١

يعني كانوا حزتها خلاص بيطلعون

كان تعييني نهاية شهر ٣

وطبعا يومها ما قدرت اشوف الا رئيسة القسم والناظرة لان الابلات كانوا ياطالعين يا بحصصهم الاخيرة

بس ثاني يوم رحت للوكيلة حطت اسمي بكشف الحضور ورحت بعدها بنفسي القسم <<<داالة الطرييج



عاد ثاني يوم رحت بعد ماقريت دعاء كنت محصلته بالنت عن اول يوم بالوظيفة

وتوتة توتة خلصت الحدوتة

 

[اخت اخوانها]

الله يسهل لنا هاليوم ،،، ومشكوووورين اصحاب الخبرة

انا بروح للوكيله واعرفها بنفسي وبعدها اشوف شتقول يمكن توديني للناظرة ويمكن للسكرتارية بس بالأخير لااازم اكون شايفه الناظرة مو معقولة قاعده بمدرسة والناظرة مجهوووله >>> لووووول

واهيا نفس الشئ بتشوف منو التعيين الجديد

الله يسهل علينا ويسخرهم لنا يااااارب

 

[ابلة غزالة]

مشكورة ابله غزاله يعني اول شي اروح حق الوكيله اقول لهم اي وكيله اللي مالت الطلبه والا مالت المدرساتوشنو مسماهم؟ويعطيج الف عافيه جزاج الله خير

المديرة المساعدة الادارية مختصه بالطلبه و الصيانه و غيره
المديرة المساعدة الفنيه مختصه للمعلمات و الجدول و الاحتياط و غيره

عادي دخلي او كلمي اي وحده فيهم لانها بس راح اترحب فيج و ادلج على السكرتاريه

وحاولي ما تطلعين من المدرسه الا وانتي معرفه نفسج على الناظرة و الوكيلتين لان اقدر اشبه لج بان مو حلوه تدخلين بيت احد من غير لا راعيه البيت تعرف
فمو حلوه اليوم الثاني اتشوفج الناظره مثلا بالطابور و تقعد تسأل الي حوليها منو هذي !!؟؟

 

[اخت اخوانها]

اي صح ابله غزاله وييييه فشششششلة

 

[بنات حواء2]

يعطيكم العافيه بنات كفيتوا و وفيتوا و مشكوره ابله غزاله على ردود الروعه

بنات ليش مستصعبين السالفه عادي ترى بالعكس اول يوم وناسه مافيها شي لا تخافون و توسوسون عادي محد راح يذبحكم
ههههههههههههههههههههههههههههههه
حلوه هذي يعني بطمنكم

 

[ذكريات عشاق]

منووريييييييييييييييين فديت قلوووبكم
ومشكورين على النصصايح

ام زنووب شنسوي لازم الربكة والخرعه من اول يوم خاصة بمكان يديد وماتعرفين احد
وانشالله كل شي يكون سهالات والله يوفقنا يارب

 

[fri2010]

يعطيج العافيه حبيبتي ابله غزاله

ومشكورين بنات على الاضافه والنصايح

والشكر طبعا لصاحبه الموضوع على الموضوع المفيد

 

[:: سمر ::]

سهالات ياذكريات ان شاء الله وماكو الا العافية بإذن الله ​

 

[LA TROO7]

فالكم التووفيق
والله يسخر لكم خلقه ويبعد عنكم الناس الكئيبه اللي بس تتحلطم

 

[بنات حواء2]

ذكريات لا تحاتين بالعكس
راح تستانسين و شعور حلو
لاتفكرين بسلبيات خليها على جنب
و نفس ماقالوا البنات
سيده تدشين عند الوكيله وهي بتقولج شتسوين تالي
و الله يوفقنه يارب

 

[هيبة ملك]

الله يوفقكم بنات

ويبقى أول يوم عالق بالذاكرة

 

[شقاوتي غير]

وييي بنات شوقتونني الله يهداااكم على اول يوم <<< وي تو الناس علي يبلي سنتين على ماخلص من كليتنا بس الله كريم​

 

[نفول]

مشكوووووووورين وايد استفدت منكم
ومسحت خطتي الي كنت بسويها
(( اول شي بقول حق الحارس ممكن ادخل وبعدين بقوله بقعد عنده ببجي وبعدين بكسر خاطره واهوه بيسوي كل اوراقي))
هههههههههههه والله حدي متصرقعه

الحين بروح ادرعم عند الوكيله
انزين بالمدرسه انادي الكل ابله؟
حتي الناظره و الوكيلات و السكرتاريه ؟

 

[fri2010]

بنات ادش على الوكيله على طول

والا اكلم سكرتيرتها الخاصه!

واذا كان عند الوكيله احد شنو اسوي بهذي الحاله؟

 

[نفول]

فراي انتي نفسي اجتماعيات منطقه حولي التعليميه
بس متوسط ولا ثانوي؟

 

[fri2010]

انا ثانوي وانتي؟

 

[نفول]

انا بعد بس انتي تاريخ وانا جغرافيا
خلاص فراي خل نتفق علي مدرسه وحده ونسوي واسطه حقها
واول يوم دوام ننطر بعض عند الباب وندخل مع بعض ويروح الخوف و التوتر


 

[fri2010]

بس انتي اي مدرسه تبين؟

انا بصراحه ابي على نفس المنطقه اللي ساكنه فيها

بس كل شي بواسطه هالوزاره

 

[نفول]

انا ودي بماريا القطبيه بس شدعوه بيقطوني فيها علي حظي بيصير اكتفاء
ومثل ماقلتي كل شي بالواسطه