اول لوك لي مكياجي لتكبير العيون مثل اليابانيات ^_^

[ام علي84]

اذا هالمكياج حاطته انامل كويتية فانا من اعماق قلبي اشجع المنتج الكويتي لووووووووول صج بدعتي خليتيني اقط خيط وخيط
بليز بطلي صالون خلينا نحر القبيسي فيج

يختتتتي انتي كلامج خلاني امشي وارقص وكل شوي رايحة احر ريلي اقولة قالولي نحر القبيسي واهو ودة يطقني لوعت جبدة من احلالالالالالالالالالالالا الردود وانا من اعماق قلبي اقولج مشكووووورة :*****

 

[^_^ Coco Chanel]

روووووووووووووعه صراحه وما توقعت جذي
قلت اكيد مكياجها خربووطه وموحلو ههههههههه بس صراحه اول ماشفت عيونج ماشالله رووووعه
لاتحرمينااا من هالوكااات الاكثر من وااااااااااو ....
وياليت لو تروحين تجمع لوكات كويتيات ....

 

[ام علي84]

شوشو العنزي مشكوورة حبيبتي :** و بنتq8 تسلمييين حبيبتي انتي الروعة
q8ia_cutaa بعد عمري الله يسلمج حياج الله حبيبتي الاغراض صفحة 6 وفرشتي المايلة ماركتها القنز بس في واااايد مثلها اهم شي ماتاخذينة شعر طبيعي اخذيها بلاستيك حق الرسم يصير اسهل يعني الشعر فايبر بلاستيك وتلقينها مقططة كل مكان بس جولي الانجل براش ويطلعون لج اياها تلقينها بكل الماركات وحتى الماركات البسيطة بجودة الي عند فور ايفر وماك الا احسن منهم هههههههههه
* بنت المطر * مشكوورة حبيبتي : نوع الصمغ من ميك اب فور ايفر ماكو غيرة والرموش الي تحت اختار الخفيف حيل والقصير والمفرقين واقص حسب العين يعني ما اخليها لي اخر العين لانة راح تطلع الرموش حيل طويلة صوب البداية الا اذا كانت رموش خاصة حق تحت العين تحطينها كاملة تلقين رموش العين الي تحت عند ماك ولا عند فور ايفر وحتى الهنود تلاقين عندهم اتوقع
Killer^Girl مشكووووورة حبيبتي ^_^@انا قلب بدر@ مشكووورة حبيبتي فديييييييييييتج تهبلييييين :*** حطيت الاغراض بصفحة 6 الملآك واااااي انتي الي تيننين مشكوووووورة

eva beach ههههههههههههههه تصدقين كلمن يقولي ام علي يعني عجفتين ودراعة حمرة منقطة اسود هههههههههههههه ضغاطي المعتمد هذا هههههه شسوي اسمي شطولة وحنان بروحة ماخذينة حنان 84 هم ماخذينة قلت ام علي وخلاص هههه مشكووووورة حبيبتي على كلامج وتلاقين العدة بصفحة 6
زوغاا هههه حبيبتي انتي الزوغة كلها مشكووورة اركب خشم : اذوب الشمع واخلطة مع فونديشن لوني ولوز بودر وانا الزقة بويهي وتالي انحتة بالوي وبعدين فونديشن فوقة والى مايضبط يصير طبيعي ههههههههه ( العقل نعمة ) عادي عادي ترة احيانا اذا ضاق خلقي البس ميداليات امي بطولة سباحة ( بس عشان ارفع معنوياتي ) شكووو بس تصدقين ترتفع المعنويات هههههههههههههه اي اذا عرفتيني اكثر يا انج تنحاشين يا انج تقولين مستشفة الامراض العقلية على طولل هههههه
قطرة من سحاب بعد عمرررررررررري ردج الجنان ويهبل مشكووورة حبيبتي وانتي الى الامام بعد دوم دار دار زنقة زنقة :***
برستيج إماراتيه هلا والله باحبابنا اهل الامارات فديتهم وان شاء الله من عيوني ^_^

 

[drawing life]

امبيييييه شيشتيني .. لوكج صج صج رووووعة ماشاء الله وايي مزاااجي
ربي يحفظج من كل شر

 

[تراب زماني]

ام علي خاله ..خاله ام علي

انتي روعه والميك اب جونان وشخصيتك خفيفة دم ومعطاءه يعني بأختصار انتي

فلة

شمعه

منوووووره

الله يعطيك العافيه وتقومي بالسلامه عن جد مكياجج ذرب وناعم ومايحتاج اشحد منجج لوكات
حطي على يبهتي الشحاده رقم 1 هههههههه للللله يامحسنيين ام علي عندها فناتق واحنا محتاجين
بصي يختشي لو نص لوك كل ويك اند :eh_s(17):​

 

[um3bdullah]

روعة ماشاء الله تبارك الرحمن ,,,

 

[om-s3oodi]

تبارك الله

قل أعوذ برب الفلق

إيننن مشالله ..

أنتي فـخر المنتج الكويتي لووول

الله يسهل عليج يااااااارب .. ولادتج

سؤال : الرموش حطيتيها فوق ولا تحت ؟
بقلدج لوول


:eh_s(7):

 

[ام دليار]

غير أضل مية سنة ماراح أقدر أساوي مثلك
انتي فنانة

 

[ام علي84]

وااااي قلبي يماااااا بس كرهت جهازي ودي اشوووووووتة ودي اعذبة تعذيب بطيئ بنات يمعت الردود كلها واخر شي يعلة الماحي انمحى واااااااي بس خلاص ,,,,,,,
سامحووووني بنات واللـــــــــــــــــــــــــه كلكم مشكوووورين ماتتصورون مناقز ورقص وهز كل شي سويتة من الوناسة حتى بجي بغيت ابجي من بعض الردود فدييييييييييييييييييييييييتكم والله والله وكلامكم على عيني وعلى راسي فديتكم وحدة وحدة وحفظت نكاتكم وبحاول ارد على الردود الي فيهم اسئلة وساامحوني يالله شنسوي وصج صج شجعتوني احط لكم لوكات ثانية واذا في طلب معين قولو شنو تبون بس الله يخليكم لاتقولون مكياج هيفا ولا اليسا ولا ميساء ووالخ ابي اغير عطوني خيارات يالله شيشتوني اسوي لوك ثاني هههه عاد ببالي لوك بس اخاف مايتقبلة العقل ابيعها ولا لا؟؟؟؟؟ والي تعرف شكثر يصير انزل موضوع يعني لازم جم يوم يمر قبل لا انزل موضوع ثاني ؟؟؟
واي شي تبونة من هاللوك تلقونة ان شاء الله صفحة ستة 6

 

[ام علي84]

غير أضل مية سنة ماراح أقدر أساوي مثلك
انتي فنانة

بعد عمري ام دلياار انتي عبالج طلعت من بطن امي ووقمت احط مكياج لا يقلبي كل شي مع الاستمرار والممارسة يصير ان شاء الله والبنت اذا تبي الشي تسويية قلدي جربي اذا تلخبطتي مو نهاية العالم هذا مكياج مو تاتو ينمسح واحيانا بالخربطة تطلع بلالاوي عجيبة حلوة شوي تجرئي ولا تقولين مايليق علي هالطريقة او مو حلو علي هاللون تحايلي على الطريقة خليها تمشي معاج غصب اهو المكياج كله تحايل وخدع ماجذب الي قال المكياج سحر والله اقولج شي اذا يات عندي بنت وقالت لي ماحب مثلا :نقول قلم ابيض داخل العين احط لها عنااااد على شان ابين لها انة حلو بس شلون حاطتة واي درجة واي لون فهمتي علي جربي ولا تخافين شوفي اذا رحتي تشترين وقالت لج الي تبيع اخذي هذا زين انتي اخذي عكس الي تقوله لج ههههههههههههههههه وكل البنات بتحبك كل البنات حلــــــوين

 

[ام علي84]

تبارك الله

قل أعوذ برب الفلق

إيننن مشالله ..

أنتي فـخر المنتج الكويتي لووول

الله يسهل عليج يااااااارب .. ولادتج

سؤال : الرموش حطيتيها فوق ولا تحت ؟
بقلدج لوول



:eh_s(7):

حبيييييبتي مشكوووووووووووووووورة وايد صج فرحتيني تسلمين
الرموش حطيتها فوق وتحت ولو يحصلي احطهم يمين ويسار جان حطيت ههههههههه

 

[mryoma-ksa]

ام علي حبيبتي لاتنسين تردين علي

هذي ثاني مره ارد ومايطلع ردي كلمه راااااااااااااائع قليييييل في حقه والله ماشاء الله تبارك الرحمن الله يحفظك يارب وربي يجنن انيق ونظيف ومرتب وملفت ويجنن وبسيط وفخم في نفس الوقت انا مرررررررررره عجبني وحبيته ونفسي اتعلم منك هذا اللوك بالذات حييييييييييييل احبه وللأسف ما اعرف اسوي ميك اب بس اسوي بسيط بلاش وشدو وروج بدون اي لاينر ولا حاجه تخيلي صارلي سنتين متزوجه وما اعرف نفسي تكتبين كل شي كل شي استخدمتيه من فرش ومن ادوات وكل شي مع الماركه تبعه والرموش ايش اسمها اروح اشتريها من فين الصيدليه والا باريس غاليري والا فين بالضبط مع العلم انا من السعوديه وربي انا قبل كذا طلبت من ثنتين يعلموني ميك اب وجلسو يتريقون علي ومن بعدها ماعاد طلبت من احد الله يوفقك ويسعدك ويسهل كل امورك ويحميك من كل شر تسلم اناملك اللي بسطت ناظري باللوك الرائع وعلى فكره العدسات من فين اشتريها جيبي لي اسم الموقع وبكم توصلني قد ايش تاخذ وقت وعللميني الميك اب لأنه عندي مناسبه الاسبوع الجاي وابي ابهر الكل بهذا اللوك اللي خبلتي عقلي فيه انا اشوفه دااايم واقول ياريت اعرف اسوي كذا وشكراً سامحيني على الاطاله احبكم في الله
ـــــــــــــــــــــ
ام علي انا الصراحه احط على عيوني من نفس الاساس حقي بس مكياجي يطلع مو حلو خصوصاً ناحيه العين مايجي زيك ماشاءالله يلمع ومشع ونظيف ونضاره لا !! يجي باهت وكأني تعبانه وحتى الشدو مايبين كثير مع اني فاتحه ولوني واحد والحمدلله

بس لما اروح لكوافير اشوف تحط لي شي ما اعرفه اسأله وماتعلمني

ايش حطيتي انتي ؟؟ شفت شي سايل حطيتيه على عينك ايش هذا قولي لي اسمه وماركته والدرجه وقولي الاساس وش تنصحيني فيه لأني والله اشتري غالي بس ما اعرف استخدم ولا اعرف احط بعد يومين بنزل باريس غاليري ابيك تكتبين الاشياء الاساسيه ماعليك امر ادري تعبتك بس سامحيني الله يجعله في ميزان حسناتك ويسهل امورك كلها
في رقم 3 ايش حطيتي



بعده تحطين شي ؟؟ وش هو الكونسيلر اسمع عنه بس ما اعرفه حق ايش هو ؟؟
ياريت تقول لي الخطوات الاساسيه لعمل ميك اب لأني ما اعرف اشوف الناس ويعجبني بس ما اعرف وربي ببكي من القهر عندي كل شي بس ما اعرف ؟؟ سامحيني ياقلبي طفشتك وشكرا

ـــــــــــ
الكونسيلر حقك من اي ماركه وايش رقمه عشان اشتري زيه وكيف طريقته وسامحيني امانه طولت عليك

نسخت الكلام عشان تردين علي
الله يسهل عليك يارب ولايحرمنا منك ويوفقك​

 

[ام علي84]

mryoma-ksa
حبيبتي مررررريومة شرفتي يااااحياتي ترة رديت عليج وانمسح واحس اني على حافة الانهيار ههههههه حياتي فديت السعودية واهلها :**** الي سئلتيني عليه مثبت شدو برايمر خاص للعين الي ستخدمتة ماركة كارغو بس تقدرين تستخدمين ماركة استي لودر ولا ماك و بنفت ,, اي ماركة راح تلقين عندهم مثبت شدو ,, بس كارغو وبنفت واستي لودر احسن شي جربتة واستي لودر الصراحة قمة واذا كنتي تستخدمين الكونسيلر نفسي من كريولاين وحسيتي طلع ناشف او باهت معناتة الكريم او اللوشن الي حاطتة قبل المكياج ماينفع لج واذا تبينة يلمع ( لمعة نضارة اشراقة اذا بشرتج مو دهنية حطي الجل الاخضر مال كريولاين حطيه على ويهج وتحت عينج وفوق جفنج بس لا يدش داخل عينج فيه نسبة كحول بسيطة وبعدين تحطين طبقة حييييييل خفيفة من الكونسيلر اذا محتاجة تحطين مكان الهالات السود اول شي لون برتقالي مسحة خفيييييفة وبعدين حطي لون بيج خفيف وبصبعج ولا تكثرين والفونديشن استخدمي اي ماركة ثانية بس تكون خفيفة حيل يعني لمن تشترين قوليلها ما ابي تغطية ابي نضارة حيل خفيف لانة الفونديشن حق النضارة مو الا يكون طبقة وماسك خصوصا ماشاء الله بشرتج مافيها شي وكونسيلر حق الاضائة مو تحطين كمية كبيرة تحت عينج راح يتجعد ترة ولا تثبتينة باي لوس باودر ولا باي شي خليه على حطتة وكل ماحسيتي تجمع شوي بصبعج طبطبي عليه اما حق ويهج استخدمي اي بودرة حرة قولي حق الي بتشترين من عندها بودرة شفافة مافيها لون تجي لونها ابيض مو بيجي بس تحطين مكان الخشم شوي على الخدود شوي على اليبهة وفوق وتحت حلجج واذا كنتي رايحة عرس تعبي على الرموش بس يعني اخذي من فور ايفر ولا ماك وحاولي تستغنين عن الاسود باللون البني الا جان بتحطين مسكرا ولا اي لاينر هني تحطين اسود اذا تبين ,,, واذا تبين لمعة شدو اي شي جربية عليج انتبهي لا يطلع ذهبي مولية ولا سلفر ,, اخذي شي بس تحسينة لمعة بيج بين الذهبي والسلفر استخدمية شدو واضائة وكل شي واذا تبين ارشح لج فونديشن اهم شي خفييييييف وسائل مو كريمي مو موس مو ستيك سااااااااااائل ارشح لج بوبي براون نيفيا ريفلون فور ايفر الخفييييف اخف واحد استي لودر مو الدبل وير ولا الفول كفر اخف واحد ومن ديور الي اسمة (فور ايفر ) حدة خفيف واذا توج مو متمكنة مكياج وخري عن الكريولاين والدبل وير ووووووالخ الي تغطيتهم حيل ثقيلة شوفي لمن تاخذين فونديشن جربيه على خدج صوب حنجج اذا اختفى هذا اهو لونج واذا حسيتية حيل ماي وخفيف وفيه نسبة ترطيب كبيرة هذا اهو الصح واهم شي الفرشة تحطينة بفرشة خاصة حق الفونديشن ماتكون بلاستيك كاملة لا اخذيها نص بلاستيك ونص شعر ,, بين اخذي فرشة استي لودر تههههههههههههبل وسعرها ارخص من اي ماركة ثانية بتنصدمين من فرشهم واسعارهم بالنسبة للباجي وانا عندي اذا الحواجب والفونديشن صح مع عدسات ورموش لو تحطين بلشر وجلوس خلاص ان شاء الله تطلعييييييييين قمر واحلا وحدة يااااااااااااارب بس اهم شي اهم شي اهم شي الفونديشن ^_^ ​

 

[mryoma-ksa]

طيب ام علي شكرا ياقلبي الله يوفقك دنيا واخره وربي ردك اسعدني الله لايحرمني منك بسوي كل اللي قلتي لي عليه
وبشتري كل شي بالتفصيل الممل بكتب كل شي وبروح اشتريه وراح ابلغك ان شاء الله
يسلموووووووووووووووو

 

[أأأميرة الورد]

ما شاء الله

 

[q8ia_cutaa]

هاي اقين

حبيبتي قلم beyo اهو الحين القلم البيج الي حطيتيه داخل العين ؟؟

اذا اهو جم رقمه؟؟ وانتي قلتي يبيله مثبت مادري مصحح مافهمت ^_^

 

[~{.. روج احمر]

انا اهنيج بصراحه علي الميك اب الاكثر من روعه

واحب الناس الي تكتب الخطوات

مو ترز صورها وتروح

يعطيج الف عافيه يارب

 

[the^mother]

صرااحة رووووعه ماشاءالله عليج

مكياج قمة بالنظافة والترتيب ومبين عليه فنانه ماشاءالله


انا ضيعت باغراضج وبغيت اسالج

شنو ماركة القلم البيج اللي داخل عينج ؟؟

وفي حوالي عيونج مثل اللمعه شنو هي ؟؟

وما الماسكرا مالت ماك حق الحواجب ؟؟ واذا حطيتها لحواجبي ما دبق ؟؟ ومافي نفسها غير ماركة ماك ؟؟

وتسلمين يام علاوي وعسى ربي يخليلج عليوي وتحطين مكياجج بعرسه

 

[q8ia7]

تم تقييم الموضوع

بنات قيمو الموضوع يستاهل 5 نجوم :rerrerek: من ناحية الشغل والشرح وردود ام علي بالتفصيل :eh_s(7):

 

[ام علي84]

ماشالله حلووووو ونعوووم حدج ستايلي

الا بغيت اسالج وين احصل الرموش حق تحت العين

اي وسؤل ثاني ابي سيروم او شغلة حق البشرة المختلطة اقدر احطه قبل الفاونديشن او الباودر

حبييييبتي انتي النعومة كلهاااا ياقلبي الرموش حق تحت العين اذا لج تقصصين تاخذين من الهنود خفيف حيل وقصير وقلبية ولا تلاقين عندهم رموش خاصة حق تحت العين واذا تبينة بروفيشنال تاخذين ملوت ماك او فور ايفر ,, والسيرم او اللوشن اذا بشرتج مختلطة انا ماحب الكومباكت بودر احطة منغير فونديشن اساسا انا عندي الكومباكت بودر ماعترف فيه بتاتا واذا حطيتية بعد الكريم بعد فترة بيكتل لمن تتشرب بشرتج اللوشن ويصير بس بودر يصير ويهج باهت واذا كلش كلش تبينة طبيعي حطي بس كونسيلر خفيف بدال الفونديشن تحت عينج واطراف خشمج وحوالي حلجج بصبعج حيل خفيف وبعدين حطي لوز باودر شفاف بيطلع احلا من الكومباكت واذا تبين لوشن حق البشرة المختلطة عندج من شااانيل لييي جارنير لاتاخذين فور ايفر وماك وكريولاين وسوالف بس تخصص مكياج لا اخذي من اي ماركة حتى اولاي روووعة بعدين حطي فوق اي لوشن طلبيه منغير اس بي اف خلي الاس بي اف بروح وهذا بروح وبعدها ارشح والوحيد والاونلي ون بدال البرايمر تروحين بودي شوب تاخذين كريم فيتامين سي تحطينة بعد اللوشن على الخدود وعلى الخشم والحنج واليبهة بس مو تحت عينج ولا صوب الحلج ولا اي مكان يطلع خطوط وحطي اي فونديشن ان شاء الله اماندا ههههههه لا اتغشمر مو تاخذينة مو شي بس ان شاء الله تطلع النتيجة الي تبينها