اول لوك لي مكياجي لتكبير العيون مثل اليابانيات ^_^

[ام علي84]

مشاء الله مكياج راقي وحلو يريت تكتبين شنو نوع الروموش لانها حلوه ومن اي ماركه وهل انتي حاطه رموش تحت؟؟؟؟؟؟

وشنو فرق العدسات الكوريه عن العاديه؟؟؟؟هل توسع العين؟؟؟

حياااتي والله اسلوبج الراقي وعيونج الحلوة ,,, انا حاطة رموش فوق وتحت وتلاقين الاغراض بصفحة ستة حبيبتي ^_^

 

[فررصة]

ماشاءالله تبارك الرحمن
الله يحفظج

 

[ام علي84]

اهااا يعني تشتغلين انتي في صالون لج بروحج؟؟ شسمة

- والله من شهر يينة الكويت كان عرس اختي ورحنا صالون موب شي خربوني واخرتها انا اللي عدلت الميك اب بروحي توهقت وتوترت تخيلي رحت القاعة والحضور كلهم موجودين وانا قاعدة داخلة اظبط الميك اب اللي سووه

- ابي اسم الصالون لاهنتي عشان يوم انيي مرة ثانية ع طول وبدون تفكير انتي تحطيلي وخصوصا ان الحين اختي استقرت عندكم عشان افيدها لان ستايلها ناعم وماتحب ميك اب دفش..

والله يا ام علي حتى اختي مسكينة خربوها سوو لها ميك اب كريه واهي يازعم عروس المفروض يهتمون فيها صج ان سوو لها ع طلبها بس مستواهم موب مستوا انهم يحطون لعروس والله اكتب وفيني قهررررر اتذكر ذاك اليوم ولابعد رحنا مانعرف ولا صالون يسوي عدل مانعرف شي تخبرين لان دولة ثانية>>بس عاد قلتي قصة حياتج المهم ياستي انهم احر شي خربوها بس اشوة فالتصوير طلع مايبين هععععععععع وليومج كلما اجوف صورها واكلمها اقول لها والله لو انا حاطة لج ميك اب احسن لج هععععع

- وبالنسبة للتدريب خخخخخخ ضحكتيني فدييييييت قلبج دمج خفيف صلختي جارتج ياشريرررررررررة

- انا بديت من وانا ثالث اعدادي تقريبا كهواية احط لخواتي وعلية كل شوي ساحبتهم ويلااا جلسة ميك اب
والمشكلة يتغلون بعد زين مني احط لكم يه هعععع ولا بعد واتم بالوحدة ساعة ونص عشان اخلص تييهم النودة هعععع امي تقول خفي يدج اقول لها لا ماقدر ماعرف بسرعة

الحين تطورت اتم بالوحدة ساعة الا ربع خخخخخ

اي صح نسيت آقول لج جربت الميك اليوم اب ع اختي خخخخخ وصورت عينها بس الصورة ماضبطت عدل لان صورتها بالفون والالوان شوي ماتبين بحاول اعدلها واحطها لكم بس ترا فرق كبير بين لمساتج البروفيشنال ولمساتي هععع صج اني اعرف بس مو احترافية مثلج>>بس عاد طولتي ترا

المهم ياتويلة العمر اتمنى انج تجاوبين ع سؤالي..
اي صح تذكرت اسم الفاونديشن شكلة حلو في وحدة سألتج عنة بس ماركزت عدل اذا جاوبتيها ولا لا
ووووبس تسلمين

اي في شي يقرقع بقلبي ,,>>مابخلص اليوم الله يعينج علي هعععع
احين انتي حامل صح.. طيب شلون لج خلق تسوين هالاشياء وتقعدين ع النت
والله لو انا مكانج ماتحمل الله يعينج ويسهل لج ويقومج بالسلامة يااااااااااااااااااااااااااااااارب

وتسلم اناااملج ع هيك لمسات

حبيبتي جوهرة صج انج جوهرة مشكورة حياتي بس انا ما اشتغل بصالون للاسف الموضوع هواية وان حبيت اشتغل بالبيت جذي اطقطق عرفتي ,, واذا على سالفة اختج لاتخليني اتهور وحط لج مكياج استقبالي ؟@@@ كاسبر على دراكولا شدو حوالي عيني احمر احمر ههههههه بس عشان ماعندي وقت رضيت بالامر الواقع وكل ما اشوف الصور اتحسر ههههه فعشان جذي قمت انا احط حق نفسي من الافلام الي شفتها بالصالونات والله يوفقج انتي واختج ولا يغيركم على بعض ويهنيكم ان شاء الله ,,,,
وعلى جارتي الي صلختها وعليه مرة كسرت ايدها فديتها حبيبتي كنت وايد عايشة الدور والا اخليها تلعب جمباز وكنا يومها بنسوي عرض ههههههههههه انكسرت ايديها وانا غصب مترجية امها تيي معاي بيت خالي وانا بالستشفى اتذكر كنت اخزها عشان لا تصرخ وتبجي هههههههههههههههه واااااي سوالف قبل ان شاء الله القاها اسمها لولوة الفودري ان شاء الله تكون بالمنتدى وتقرى هههههه دشي علي ابي اكلمج هههههههه ووريني الصورة خل اتمقل واشوف مبين عليج عيارة تحطين مكياج دامج مثلي خبرة بتلطخ بويوه الاهل من الصغر هههههههه مسوينهم تجارب وعليه ومشكورة ياقلبي ماعليج زود
الفونديشن ماكنت حاطة صراحة بس كونسيلر كريولاين ,,:/
وعلى اخر سؤال ضحكتيني هههههههه اي حامل خو اشوة اني قاعدة على الانترنت مو واقفة ههههههه بس قاعدة قاعدة قاعدة جني بوذا متربعة وارد هههههههه وهم وانا احط مكياج قاعدة هههه ونقول ليش ماكو لياقة ها هههههههههه مشكووووورة ردج صج صج ونسني حبيبتي فديتج :***************

 

[أحزان شتى]

حلوووووو حيييييييييييييييييييل

يعطيج العاااااااااااااااافية

 

[ام علي84]

قوه حنوووون

أنا وااايد معجبه بشغلج ماشاءالله رووووووووووووووووووووعه
حده كلااااااااااااااااس وصج صج صج لا يعلى عليه من أرقى اللوكات في المنتدى
انا كنت من أوائل الناس اللي شفت موضوعج واستانست بس اتشغلت ونسيت اعلق واليوم تذكرته
قلت لازم اقول حجي يقرقع بقلبي

اول شي انا ماشفت ميك ارتست جذي تسوي لوك يعتمد على اظهار الملامح بطريقة جمالية بدون الوان
و خبصه وشكل اوفر وستايل xxxxxxx نفس اغلب خبيرات التجميل عندنا للأسف
انا كنت يانه على ميكبج من اول ما شفت صور حنان جابر من زمان ودشيت على بروفايلج بالفيسبوك
وحتى ردوودج اللي كنتي كاتبه شنو استخدمتي بموضوع حنان جابر بقسم اللوكات قريتها يوم تقولين انا اللي سويتلها ميك اب وجذي وشرحتي وكل شي تكتبينه سويتله كوبي عندي عشان اشتري واسوي مثلج ويوم قلتي انج بتسوين موضوع عن شغلج
استااااااااااانست كنتي تقولين ماتعرفين تنزلين موضوع والشكر موصول حق فوشييا انها علمتج

وانا أحسج مثل أفكاري حتى بالسوالف..
وانا كنت عبالي انا الوحيده اللي اخفف لون حواجبي دايما اسويهم بني فاتح واشوف البنات كلهم يرسمون حواجبهم رسم
بتاتو اسود او بني غامج او تاتو صجي اقول من صجهم!!
دايما اقول انا امووت عاللوك البريء الحواجب الصجيه الذربه ليش جذي اوفر ونفس فكرتي يوم تقولين تضيع العيون
البنت اجمل شي بويهها عيونها !! فلمن تبرز حواجبها راح يصير ويهها حده قاسي ويشتت النظر ويخلي لوكها ثقيل مبالغ فيه
فشكرا لج انج تنوهين البنات على هالنقطه

انا قريت كل ال28 صفحه وعجبتني روددود واستفدت منها واايد مشكوووره وهمن اسلوبج عسل ويضحك!!
بس اعتب عليج بشي لا تضغطين نفسج جدام ريلج حتو لو على قولتج شكلج واايد غير بالمكياج!
والله المخ يتبرمج على جذي ويصير اللي تعتقدينه صح ولوكان مو صح فإقنعي نفسج انج ملكة جمال
مثل ما تقولين ان الفنانات مو احسن منا والعمليات هاذي ليش يلجئولها!!


وعندي طلب ماعليج امر
بخصوص لوك النينجا بغيت اعرف شنو استخدمتي حق حواجبج شلون صارو جذي فاتحين حييل!
انا قبل لمن كنت اصبغ شعري اشقر صبغت حواجبي اشقر وصار الكل عباله اعوووذ بالله كافينا الشر فيني الشين مااحب اقول
عشان كنت ابي لوكي طبيعي بس صرت مااطلع الا وانا راسمه حواجبي وقتها

فقوليلي شسويتي ؟ بسويهم حق الصبغ
لإن الصوره واايد حلوووه خلت التركيز عالعين وجمالها

وو ترا يبيلنا دروووس بالفوتشوب وواضح انج محترفه واللي يزيد مكيبج جمال الفوتشوب المستخدم
فلو تقولين شنو استخدمتي وتعطينا دروووس بكون شاكرتلج..

وعندي اقتراح ليش ما تغيرين اسمج ترا يصير بالمنتدى تغيير الأسامي
تكتبين اسمج اللي تكبينه عاللوكات والفيس بوك بالانقلش
جربي احسه اكشخ يلوق لج كميكب ارتست ام علي واايد مخرب عليج


ويعطيج العافيه وناطرين لوكاات أجمل وأجمل

واااااي فديتج مسس يونفرررررس حبيبتي مشكورة مشكورة مشكوووووورة والله مادري شرد وشقول حبيبتي كلامج يهبل مثلج :****************************
وصج صج مثل ذوقي وفكرتي عن الحواجب ,, مو عن ان الحواجب الغامجة مو حلوة بس شبعت منها واحب شي غير ولو تشوفين الفرق عن مكياجنا ومكياج الي برة الحواجب معنة مو ناقصين حواجب احنا مادري ليش نزيد ونكبر ونغمج ؟؟!! هذا الي مو مستوعبتة اهمة ميتين على قصات عيونا وحواجبنا ولونا واحنا نروح نخرب احسج نفس تفكيري صج ^_^
واذا على كلامي مع الهازبن ,, حبيبتي اكييييييد اكيييييييد اكيييييييييييد كنت قاعدة اتغشمر واهو عارف هالشي وانا بعد عارفتة ومو معتقدة اني جيكرة بس تعرفين السوالف شلون تاخذج والضغاط ,, مادري اذا فهمتوني ولا لا فقط اتشاقى معكم ههههههههه
وعلى اللوك الي بالننجا ترتر ترة مثلج كنت اصبغهم فاتحين لي اقصى درجة ابيه بصالون رفيجتي كنت اصبغهم واستغفر الله استغفر الله لمن يشوفوني البنات الي بالصالون مايدرون شالسالفة فكنت اكح كح اقول ابي كيماووووي عطوني كيماويي بسرعة واهمه عبالهم صج ويطالعوني بنظرة اكسر خاطرهم ورفيجتي كانت تفطس ضحك هههههههههههههههههههه استغفر الله كنا ميانين قبل نفاول على عمرنا استغفر الله الله يبعد المرض عنا وعنكم وعن المؤمنين والمؤمنات والمسلمين والمسلمات امين
والله اكبر دروس بالفوتوشوب هههههههههه ترة اعرف استخدم الفوتوشوب بس مو تكنيك يعني بالصورة الننجا حدي لعبت فوتوشوب بس ماعرف شلون اشرح وبس الاشياء الاساسية عرفتي عاد هني بلشت ازعل عاد افا اغير اسمي لمازا؟؟؟ واسمي شطولة بس احتمال اغيرة ههههه مادري اشوف ومشكووورة حياتي فدييييييييتج تسلمين يالغالية :******

 

[ام علي84]

ام علي يا حلات نفسيتج واي تهبلين مشالله عليج كل شوي داشه موضوعج

شخصيتج مميزه ودمج خفيف لووووووول

وبليز نبي خطوات هاللوك حتى انا حسيته دعايه مسكرا

واحلى تقييم حق ام علي :rerrerek::rerrerek:

حيااااااااتي رورو مشكوووووورة ( ولو اني مادري شسالفة التقييم بس اتوقع شي حلووووو هههههههه ) فديتج وان شاء الله بعد اللوك اليديد بسوي لوك الننجا هههههه من عيووني :********

 

[ام علي84]

عجيب موضوعك
بس ما أدرى ليش شرحك بالكلام مو فاهمته يا ليت تكتبين خطوات مكياجك بالكلام والأرقام يعنى واحد سويت جذية واستخدمت هذا الشى اللى رقمه جذية

واللهم بارك على حبك للخير

وجزاك الله خير

وييي صج عاد انا اهلي كله يقولون لي مانفهم عليج لمن تتحجين ههههه ان شاء الله احاول اوضح اكثر باللوك اليديد ان شاء الله بسوية بالتفصيل الممل مشكووورة حبيبتي ^_^

 

[ام علي84]

مشالله تبارك الرحمن شغلج حلووو

دامج خبيره بسألج انا حواجبي كثيفه وسودا وعيوني كبار نظرتي حاده

جربت مره اصبغ حواجبي بني فاتح بس ماضبط غمجها زياده تهقين هالمسكره بتنفع وياي ؟

وبرايج شنو رسمة الحاجب اللي تناسبني انا بالعاده اخليها دائريه ماحب الثمانيه

واخررر سؤال من وين رمووشج اللي تحت سويلنا درس رمووش من تحت ومن فووق

وشكراااا والله يهون عليج

عيونج الحلوة حبيبتي مشكوورة ,,, بسألج سؤال؟ اذا يبتي كرتونة سودة ويبتي قلم ادعم وكتبتي عليها يبين شي؟؟؟؟؟ عمر اللون الصبغ مايشيل لون لازم مرحلة قبلها الي اهي التفتيح بعدين تبنين عليه تحطين اللون الي بمزاجج ,, بس ما انصح فيها لانة فيها صبغ واكسجين ولوية وان شاء الله المسكرا الي تفتح الحواجب ماسوها حق حواجب فاتحة سوها حق حواجب غامجة فانشاء الله بتنفع عليج وعلى حواجبج خليهم دائرين بس مو وايد مقوسين معنهم هم يليقون عليج بس بين الثمانية بس منغير الكسرة تخلينة مدور مادري شلون اشرح :/ ان شاء الله فهمتي علي

 

[ام علي84]

حبيبتي ام علي لو ما عليج امر ممكن توضحين لي استخدام كريولاين اللي فيه برتقالي وازرق كل لون حق شنو :eh_s(22):

ادري كثرت عليج :eh_s(7):

اختي اللون البرتقالي حق الاماكن الغامجة او الي تقلب على رمادي مثلا تحت العين صوب الهالات اطراف الشفايف جذي واللون الاخضر يسحب الحمار الي بالوي اذا عندج حبة مثلا ولا خشمج يصير احمر ولا صوب يبهتج ولا توج حافة حطي الاخضر يشيل الاحمر وبث ^_^

 

[يـونـيـك الغـلا]

ماشاء الله تبارك الرحمن روووووووووعه
يسلموو

 

[ام علي84]

ام علي اللوك رووووعه
اسمله عليج
الله يحفظج ويبعد عنج عيون الحساد
والله امس نمت الساعه 3
من كثر ما انا مشتطه واقرا موضوعج
الى الامام ام علي

مشكوووووورة حياتي تسلمين مشكوورة على الدعوة الحلوة ولج بمثلها ان شاء الله
فديييييتج وربي يوفقج

 

[ام علي84]

هلووو ام علاوي
ياية اتحرش
شخبااااااااارج

هلا والله بتالية الكويت هلالالالالا اتحرشي حبي واخذي راحتج

 

[ام علي84]

واي فديتج ام علاوووي والله انج صج فنانه حبيبتي ما ادري شقولج شكثر عاجبني مكياجج من زمان ادور احد يسوي جذي ميك اب تكفين متي موعد ولاتج بقعد انطرج لما تولديين وانا اول وحده عندج عشان تسويني حلوه نفسج تدرين شفايفج جنهم شفايف انجلينا جولي قاعد اقول يمكن حاطه صوره شفايف انجلينا بروح اشتري نفس اغراضج بس ما ظنتي اسوي نفسج انتي فنانه صج يعني ماكو فايده اذا اشتريتهم لاني ما اعرف تكفين متي تولدين عشان تفضين وليه بس اكيد بتلهيين بالبيبي بس ما عليج كل اغراضج مالت النفاس علي والله يقومج بسلامه حبيبتي والله يعينج علينا توهقتي وحطيتي ميك ابج اذكر لما شرحتي مكياج حنان جابر حاولت اسويه بس ما ضبط معاي صج ايد عن ايد تختلف فديتج لا طوليين علينا

ههههه حياااااااااااتي مشكوووورة انتي ثانية وحدة تقول شفايف انجلينا جولي الصراحة مادري شلون تشوفون يعني هههههههههههههههههه بس مستانسة من تشبيهم يعني هههههههههههههههههههههههههههههههه واي مشكوورة حياتي ترة عادي اعيش دور انجلينا هه وحبيبتي مشكورة انا ليلحين مادري بالضبط متى اتوقع اتوقع 24/8 هههههههه شرايج فيني وانا مادري بالضبط متى ههههههه
واذا على سالفة تطبيقج ميخالف مو من اول مرة تضبطين كل شي اذا انتي مو ماخذة على الطريقة الي اسويها جربي وجربي ولا تاياسي والى الامام دار دار زنقة زنقة ,,, فديييييييييييييتج

 

[ام علي84]

ليلى المطووووع حبيبتي فديييتج مشكوووورة حياتي ,,
وكل البنات مشكوووووورين ماقصرتو حبايبي والي سألت عن الفرشة من ميك اب فور ايفر مالت الاي لاينر تلقينها بصفحة ستة ومكتوب عليها الرقم
وبنات الاغراض الي استدخدمتها موجودة بصفحة 6

 

[ايمانو حلوة]

حنووووووون ام علوووش

تصدقين امس اول مرة اجرب استخدم الللوز باودر بدل الكومباكت تحت عيني عقب الكونسيلر العادة بس احط مرطب وكونسيلر وكومباكت وكنت اتضاايق الخطوط اللي تحت العين تكون واااضحة تبط الجبدج واللوز باودر قللها صارت اخف من قبل

فديتج والله مواااااااه مواااااااح

اي خنوريج صورة الكونسيلر باليت مالتي هي كريولاين بس من امريكا اصورها لج وشوفيها سالت عنها كل مكان ماكوووووووووووو

 

[ام علي84]

حنووووووون ام علوووش

تصدقين امس اول مرة اجرب استخدم الللوز باودر بدل الكومباكت تحت عيني عقب الكونسيلر العادة بس احط مرطب وكونسيلر وكومباكت وكنت اتضاايق الخطوط اللي تحت العين تكون واااضحة تبط الجبدج واللوز باودر قللها صارت اخف من قبل

فديتج والله مواااااااه مواااااااح

اي خنوريج صورة الكونسيلر باليت مالتي هي كريولاين بس من امريكا اصورها لج وشوفيها سالت عنها كل مكان ماكوووووووووووو

الله وناسة من امريكا ماشاء الله خنشوفها حطي الصورة ,, وتبين نصيحتي ,,, اذا بتطلعين لا تحطين حتى لوز بودر تحت عينج سوب المدمبع وبداية الخطوط بس اما الباجي كملي واذا صارت خصوط عادي بصبعج طبطبي عليه بيختفون مشكلتي قبل وجربي تستخدمين نفس شكل الفرشة الي مستخدمتها حق توزيع الفونديشن ماشاء الله ماتطلع خطوط وكل ماقللتي الكونسيلر كل ما يكون مافي خطوط عرفتي اما انج تنشفينة وتسحبين الدهن بسرعة يتجعد ووتطلع الخطوط خليه كريمي تحت عينج احسن بس خفيييييييييييييييييف جنج بتمسحين شي تحت عينج طايح ,, فهمتي علي ^_^

يالله بنات برب اللوك الجديد ان شاء الله باذن الله قادم بتتتتتتهور هالمرة وكيفكم بروح اسويه واصورة ههههه يالله برب

 

[منار البربرية]

الله في لوك جديد وناااسه بنتظرج على نار هجوم على موضوعج بيصير فديتج هههه

 

[ايمانو حلوة]

 

[فنديه]

فديتج ام علي الي الامام الي الامام ناطرينج واي متشوقه اشوف

 

[Xx Kitty xX]

واو بانتظارج حبي