اول مره اسافر اروبا مادري وين اروح؟؟ممكن رايكم

[*يارا*]

حبيبتي فكرة ام خلوودي وايد حلوه. عن تجربه
ولأن اول مره تسافرين اوروبا لندن وباريس احسن من ايطاليا لأن فيها وايد خلييجين ممكن يفيدونكم هناك
وبالنسبه للمعيشه و الاسعار ايطاليا وباريس نفس المعييشه تقريبا اما لندن اغلى
واعرف جم اوتيل جربتهم في باريس كانوا حلويين واسعارهم وايد مناسبه مثل الشيرتون (ورا الشانز) تقريبا ليلته 50 دينار
وهوليدي ان (بسان جيرمن) 39 دينار وموقعه وايد عجبني لأنه قريب من السب واي وسوقه وايد حلو واسعاره مناسبه وفيه بعد كل الماركات
والمنطقه بين الشانز و برج ايفيل
بالنسبه للخطوط . الخطوط القطريه حلوة واسعارها مناسبه والطيارات إلي تروح باريس كلها جديدة وعندهم بمكتب القطريه واحد اسمه ألن اهو إلي حجزلنا التذاكر والاوتيل
او استفسري عن الخطوط الفرنسيه لأن كانت أسعارهم هم زينه بس ماني متأكدة اذا ألحين في من الكويت إلى باريس أعتقد بس بالصيف - اذا بتروحين اول لندن روحي على البرتش احسن
إن شاء الله أكون فدتج ... بالتوفيق:aha:

 

[لندن سيتي]

شوفي انا رحت لبنان حلوة وارخص من اوروبا وتركيا مايمدحون معاملتهم مع العرب مدري لية حاقدين وسويسرا فيها مشاكل بعد ماادري وش سالفتهم شايشين على العرب وايطاليا بعد مايمدحونها واصلن مايحبون العرب ويتكلمون ايطالي والانجليزي نادر انا الحين في لندن ومليانة عرب وتحسين بالامان والسووووووق يونس وحلو والجو باااااردومليانة كويتيين بهالفترة وفرنسا حلووووة يعني اقسمي الرحلة بين لندن وباريس واللة يوفقكم ان شاء اللة .

 

[a woman on top]

روحي النمسا و راح تدعين لي