اول مره بسافر دبي مع زوجي ساعدوني

[Roty]

قوة بنات

انا بسافر دبي مع زوجي وهذي اول مره نسافر

ابي اسامي فنادق حلوة

ابي يم دبي مول والمجمعات

ونصحوني بالاماكن اللي نروحلها

مشكورين​

 

[Roty]

اشدعوا ولا رد ماصدق ولا وحده سافرت

 

[دروبك يالسهر]

شوفي حبيبتي انا توني راده من دبي قبل شهر مع زوجي وسكنت بفندق ذا ادرس داون تاون يم دبي مول على طول تنزلين على دبي مول مايحتاج لا تاكسي ولا شي بس ديري بالج وانتي تحجزين الفندق ترا في اكثر من فرع لهم انتي اختاري اللي عند دبي مول وبالنسبه للاماكن الحلوه بدبي وااااايد يعني وين ما تروحين تلقين اماكن حلوه يعني المطاعم اللي عالنافوره كنت اقعد فيها ساعتين وللا تحسين بالوقت والجو الحين رووووعه وروحي جميرا بيتش هذا نفس شارع الشانزليزي كله كافيهات ومطاعم
وان شاء الله تستانسين بسفرتج

 

[القصيدة]

السلام عليكم و رحمة الله و بركاته

إذا مو ضروري جنب دبي مول فيه فندق الكمبينسكي جنب مول الامارات بالضبط ،، الاوتيل مرة حلو و مول الامارات أحلى


إن شاء الله تنبسطون و تكون رحلة موفقة :eh_s(7):​

 

[Q8tya_GirL]

عندج فندق ذا ادرس دبي مول وفندق كمبنسكي في مجمع الامارات مول وهم فندق بولمان الامارات مول
وعندج مجمع دبي مول في مطاعم اللي بره تكون عند النافوره والجو الحين عجيب راح تعجبكم القعده جبال النافوره
وعندج مجمع الامارات مول ومجمع فستيفال هم في مطاعم وقعدات بره ومجمع المردف ستي سنتر هم حلو
وبالليل روحو قعدو في ذا ووك بالجميره كلها مطاعم وقهاوي القعده فيها ترد الروح

واى شي بعد اذكره ارجع اكتب لج ان شاءالله

 

[law love]

سكني بذا ادرس دبي مول

او ذا بلاس اولد تاون

و شوفي تقريري مال دبي فيه كل الاماكن اللي انص فيها بالاضافه ل ذا ووك

 

[Roty]

مشكورين حياااتي

 

[AVE.NJ]

فندق ذا ادرس بدبي مول ماتحتاجين تاكسي
والمحلات والمطاعم اتينن
موفقه بالسفره

 

[سيده نفسي]

ادرس بدبي مول

 

[ام مهاوش]

فندق ارماني اللي في برج خليفه قمة الفخامه والتطور جربته وما افكر اسكن بمكان ثاني غيره

 

[Roty]

مشكورين

ولي يعافيكم ابي اسعار معقوله

هذول نار

 

[Roty]

مشكورين حبايبي وايد ساعدتوني

سفرتي باذن الله اليمعه

 

[noor salam]

الله يحفظكم يا رب
دبي من المدن الجملية التي زرتها و في كل مرة تجدين شي جديد ما شاءالله تبارك الرحمن ، نا س مهتمين في بلادهم ، انصحك بالسكن في منطقة fistival انا سكنت في crow plaza fistival و كان رائع جدا و اسعاره معقولة و مقبولة و في نفس المنطقة يوجد مجمعات كبيرة و فيها محلات كثيرة جدا جدا جدا و تقدرين تاجرين سيارة افضل للتنقل هناك ترى الديرة ما تضيع انا لما اروح ناجر سيارة و اسوق هناك
من المجمعات التي زرتها:
دبي مول
الامارات مول
fistival city mall
السوق الصيني dragon
outlet mall
سوق المرشد (شعبي)
سوق نايف(شعبي)

و من الاماكن الترفيهية
wild wadi
atlantis
القرية التراثية

لا تنسين تركبين المترو
اتمنى لك رحلة سعيدة و موفقة
​

 

[Roty]

مشكوووورة حبي نور

 

[toofaa79]

http://www.booking.com/hotel/ae/corp-executive-dubai.html?tab=1&origin=hp&error_url=%2Fhotel%2Fae%2Fcorp-executive-dubai.ar.html%3Faid%3D325250%3Blabel%3Dbookings-naam-Q2baxLPfjqBIpLENLTYbvgS5979554598%3Bsid%3D7f603b13b4d7007e48b7db3c81534718%3Bdcid%3D1%3B&do_availability_check=on&aid=325250&dcid=1&label=bookings-naam-Q2baxLPfjqBIpLENLTYbvgS5979554598&sid=7f603b13b4d7007e48b7db3c81534718&checkin_monthday=28&checkin_year_month=2012-1&checkout_monthday=31&checkout_year_month=2012-1

 

[toofaa79]

اختي هذي شقق نظيفة واسعارها واقعية وزينة وقريبة من كل الاماكن المهمة وحتى التاكسي مايكلفج وااايد

 

[Roty]

888888888

مشكورة بس وايد غالي نار

عموما انا حجزت مشكورين وايد