اوووف منقهره على بنت حماي >>> تعالو عطوني رايكم بالتربيه.!!

[دنيا الصدمات]

مرحبا بنات
أخباركم..

بنااات امس صار موقف جدامي والله اني مارقدت الليل عدل من كثر ما ذابحني التفكير ..

عندي بنت حما في سن المراهقه >> وشي طبيعي بهالسن البنات ما يحبون احد غير امهم وابوهم يتامر عليهم او يعاملهم كاليهال...

اللي صار انه العمه كانت تسال البنت سؤال قامت البنت ردت عليها وسيده مشت بعد فتره راحت العمه كلمتها قالت لها ليش تكلميني باحتقار انتي تكرهيني والبنت ساكته ماردت قامت وسطرتها >>> اووف قووويه

مع العلم انه البنت تكره عمتها ذي بالذات >>> لانها واايد تتدخل بكل امورهم وكله تشوش ابوهم وتبي تمشي حياتهم على كيفها

وانا اعرف البنتين واعرف اطباعهم

بنت حماي عنيده ماتحب عماتها يتدخلون
وحماتي الصراحه تحب تتدخل فيهم وايد بطريقه تبين انها طيبه بس.....
بس السؤال ليش هيا تامرهم بشي وماتامر بنتها بعني شنو المغزى تخاف على عيال الناس اكثر من بنتها .؟؟


وين المشكله...؟؟؟

المشكله انه الابو ما راح للبنت وسالها ليش تعاملين عمتج جذي
لا راح للعمه وقالها عندج اياها تبين اتطقينها طقيها جدامنا كلنا
مع انه عمره ما طقت بناته...


بالله من متى التربيه جذي
او من متى تبين الناس يحترمونج تستقوين على صغيره

الموضوع مجرد فضفضه
وابي رايكم بالموقف والتربيه ككل
ولو هذي بنتج شتسوين
مع العلم امهاا وااايد طيبه ومستحيل تتكلم كافيه خيرها شرها..؟؟

سؤال اخير..
اذا الام ساكته وا لابو ساكت والعيال مراهقين ومحد يسمع مشاكلهم ويحلها لمن يلجاون العيال........؟؟؟؟؟؟​

 

[Sayounara]

رد : اوووف منقهره على بنت حماي >>> تعالو عطوني رايكم بالتربيه.!!

اكسرت خاااااااطري:eh_s(2):

كم عمرها؟

يمكن هي فعمري

لو أنا مكانهاااا مستحيل اسكت مع اني جبانه

بس برووح اكفخ عيالها لووول

ولا ليش تمد يدها علي مالها حق لو اصرخ عليها تصرخ علي وانتهينا:eh_s(2):

 

[~ FOOSY ~]

رد : اوووف منقهره على بنت حماي >>> تعالو عطوني رايكم بالتربيه.!!

امبي شلون تمد ايدها على عمتها المفروض الابو والام يرحون يتفاهمون مع البنت ويقولون لها ما يصير تمد ايدها وهم يروحون يكلمون العمه ان ما يصير تتدخل بكل شي

والله يعين

 

[sunshine22]

رد : اوووف منقهره على بنت حماي >>> تعالو عطوني رايكم بالتربيه.!!

حرام عليها

امحق عمه

بجذي بشريها بكره البنت لها اكثرررررررررر واكثرررررررررر


ووين الام غريبه في ام تسكت عن حقوق عيالها بهالزمن شكل الام حاله نادره

كلمي امها قولي سوت ببنتج جذي وجذي دامنج عارفه انها كافيه خيرها شرها وطيبه تكسبين اجر هالبنت الفقيره
او قولي لابوها يوم قال لعمتها طقيها جدامنا ليش سكتي انتي سكتي عن كلمت حق يااختي واحتسبي اجرج من الله لا تقولين انا شعلي ومالي شغل فيهم

 

[sunshine22]

رد : اوووف منقهره على بنت حماي >>> تعالو عطوني رايكم بالتربيه.!!

امبي شلون تمد ايدها على عمتها المفروض الابو والام يرحون يتفاهمون مع البنت ويقولون لها ما يصير تمد ايدها وهم يروحون يكلمون العمه ان ما يصير تتدخل بكل شي

والله يعين

حبيبتي انتي فهمتي غلط

العمه هي اللي مدت اليد على بنت اخوها

 

[دنيا الصدمات]

رد : اوووف منقهره على بنت حماي >>> تعالو عطوني رايكم بالتربيه.!!

مشكورين بنات على ردودكم

والله اني متضايقه حدي
يعني لا عمه سنعه ولا ام وابو يدافعون
بالله العيال يلجؤن لمن

..

المشكله انه الكل قام على البنيه
على ابو انه صغيره
بالله من متى افعال الناس وقيمتهم تنحسب بعمرهم
حدي مقهوره

ياريت بيدي شي اسويه..​

 

[semaasem]

خلاص ماكو الا طريقة وحدة هي انج انتي تبدين الزينة وتحاولين تكسبين البنت وصدقيني البنات بهالعمر بس يبون حضن يحتويهم وراح تلاقينها
تفضفض لج بكل شي اذا ارتاحت لج يعني لا ام ولا ابو ولا عمه حرام على الاقل انتي خليها وحدة من بناتج انا اعرف البنات بهالعمر مايبون
الشدة واذا شديتي شدوا وماكو فايدة هم يبون التفاهم والاقناع وانا بيوم من الايام كنت بهالعمر ومريت بهالمرحلة والله يعين البنت وانتي حاولي
تكلمين العمة تخف عليها شوي واللي يبط الجبد انهم يحطون على عيال الناس وعيالهم لا الله يهديهم ان شاء الله.

 

[واقـــــــعيه]

امحق ابو وعمه ... حتى لو البنت قله ادبها او تكلمت بطريقه مو اوكي تظل اهيه بسن المراهقه .. واحنه بزمن الطق كلش ملش ماينفع كل شي بالسياسه والتفاهم ينفع وينجح

مادري اذا في ميانه بينج وبين البنت كلميها انصحيها قوليلها عمتج تبي مصلحتج بس جذي طريقتها وهالامور

والله يهديهم لبعض ويصلح الاحوال

 

[واقـــــــعيه]

امحق ابو وعمه ... حتى لو البنت قله ادبها او تكلمت بطريقه مو اوكي تظل اهيه بسن المراهقه .. واحنه بزمن الطق كلش ملش ماينفع كل شي بالسياسه والتفاهم ينفع وينجح

مادري اذا في ميانه بينج وبين البنت كلميها انصحيها قوليلها عمتج تبي مصلحتج بس جذي طريقتها وهالامور

والله يهديهم لبعض ويصلح الاحوال

 

[Maaya]

الصراحه احس ان اهي مسأله احترام
يعني صج البنت صغيره
بس ماحترمت عمتها ماحترمت اللي اكبر منها وبحسبة امها
هذي منو يربيها؟
شكلها عمتها انقهرت وتبون الصراحه انا حاسه بالأثنين لأن مع اخواني اللكبار ومع امي وابوي نفس الشي
بس جدام الناس؟ نحترمهم ومانرد طلب ونسمع الكلام.. واااي فشله نحقر ننطنش؟ الناس بينقدووون علينا مثل ما انقدوا على اللصغيره. واذا نبي نزعل نزعل بعدين لما ماكو ناس ونتحاسب.
وهم لو ولد اختي يسوي فيني جذي تقوم القيامه شنووو تحقرني؟ بس انا ماتدخل بحياتهم بس شنو يعاملني كالياهل وين قاعدين اصغر عياااله مثلاا؟ احترمني بحكم السن !

صح البنت مسكينه بس هم غلطانه المفروض تكسر الشر لأن اهي اللصغيره وتحترم الأكبر منها ولاتحط راسها براس عمتها ولوو الحق مع البنت ..
عمتها اغلطت بس صراحه الموقف ماينسكت عنه يهال هالزمن بايعينها وصدقيني شكله البنت راسها حيل يابس اللي مو مخليه مجال حتى اهلها يدافعون عنها؟؟

نبيّنا يقول لنا: "ليس منَّا من لم يوقِّر كبيرَنا ويرحَم صغيرَنا"[4]، ونبيّنا إذا تحدّث عنده اثنان في أمرٍ ما يبدَأ بأكبَرهما بالحديث ويقول: "كبِّر كبِّر"[5]، يبدأ الأكبرُ قبلَ أن يبدأَ الأصغر. هكذا خلُق الإسلام، وهكذا رُبِّي المسلمون على هذه التربيةِ العظيمة، أن يحترِمَ صغارهم كبارَهم، وأن يرحَمَ كبارهم صغارَهم.

المسلم يحترم الكبير ولو أخطأ الكبير
هذي أخلاقنا
تعاليم ديننا تأمرنا بالاحتراااام
تبون تعرفون شلون الأحترااام بالدين الاسلامي ؟؟؟؟؟
كان سهل بن حنيف‏,‏ وقيس بن سعد قاعدين بالقادسية‏,‏ فمروا عليهما بالجنازة‏,‏ فقاما‏,‏ فقيل لهما‏:‏ إنها من أهل الأرض ـ أي من أهل الذمة في هذه البلد ـ فقالا‏:‏ إن النبي صلي الله عليه وآله وسلم مرت به جنازة فقام‏ ,‏ فقيل له ‏:‏ انها جنازة يهودي‏ ,‏ فقال أليست نفسا!!! ؟‏.‏


يعني يهودي لا يحترم المسلمين ولا يتمنى لهم الخير ومع ذلك مرت جنازته امام الرسول صلى الله عليه وسلم فوقف
تخيلوا وقف لها
انظروا لوين وصل الإحترام في ديننا وفي نبينا صلى الله عليه وسلم
احترم النفس التي تمر من امامه حتى وان كانت نفس يهودي

هذه اخلاقياتنا وهذا ما علمنا نبينا صلى الله عليه وسلم الأحترام

وصدقيني لولا ان البنت مابدر منها شي يحسس عمتها انها ماحترمتها صدقيني ماطقتها ..

تخيلوا بس اختج اللصغيره او بنت اختج او اخوج تسوي فيكم جذي وجدام الناس تحسسج ان مااااالج كلمه كلش وكلامج ولاشي يعني ( استحقرتج) شتسوين؟؟​

 

[ام الدرر]

البنت غلطت لما سفهت عمتها
والعمة غلطت بردة فعلها
بس انا لو مكان الاب بسوي نفس اللي سواه​

 

[دنيا الصدمات]

رد : اوووف منقهره على بنت حماي >>> تعالو عطوني رايكم بالتربيه.!!

شكرا على ردودكم

أختي Maaya اتفق معاج بكل اللي قلتيه
بس عندي وجهة نظر غير

الحين الام والابو ما ربو عيالهم على الدين او خله نقول يقولون لهم لاتسون جذي عيب لا ما فيه >>>> نهي بدون ابداء الاسباب
في هالزمن مستحيل تنفع هالطرريقه


انزين انيي للعمه او العمات ككل
غالبا يتكلمون ع الناس ويتطنزون
مما يولد نفور من اللي قاعد وياهم والمثل يقول >>>> من تحجى لك تحجى عليك

وبنات الاخو يجوفون ويسمعون وفوق ذي يفرقون بالمعامله بنت الاخو يشدون عليها وبنت الاخت بارد على قلبي

من جذي انا قلبي معورني ع البنت
لانه المعامله غير طبيعيه وسليمه بناتا

وثانيا بالعكس هالبنت مؤدبه وساكته ولا ترادد
بس من كثر ماحاطه بخاطرها بدا ينعكس ع تصرفاتها

 

[أحـلآم . *]

رد : اوووف منقهره على بنت حماي >>> تعالو عطوني رايكم بالتربيه.!!

مادري شقول ؟
الله الهادي

 

[حجيه هيونه]

رد : رد: اوووف منقهره على بنت حماي >>> تعالو عطوني رايكم بالتربيه.!!

خلاص ماكو الا طريقة وحدة هي انج انتي تبدين الزينة وتحاولين تكسبين البنت وصدقيني البنات بهالعمر بس يبون حضن يحتويهم وراح تلاقينها
تفضفض لج بكل شي اذا ارتاحت لج يعني لا ام ولا ابو ولا عمه حرام على الاقل انتي خليها وحدة من بناتج انا اعرف البنات بهالعمر مايبون
الشدة واذا شديتي شدوا وماكو فايدة هم يبون التفاهم والاقناع وانا بيوم من الايام كنت بهالعمر ومريت بهالمرحلة والله يعين البنت وانتي حاولي
تكلمين العمة تخف عليها شوي واللي يبط الجبد انهم يحطون على عيال الناس وعيالهم لا الله يهديهم ان شاء الله.

انا معاها


والله مادري الناس شلون قلوبها تطاوعها على عيالهم

 

[غرور وايل]

بصصصصصصصصصصصصراحه عمر الطق ماكان اساس للتربيه

وبعدين العمه مالها حق طق البنت دام امها وابوها موجودين

امحق عمه وابو وام

بصصراحه حرام ثم حرام طق البنت جدام الكل بهالطريقه راح تنبني شخصيه البنت بطرريقه سلبيه ويزيد كره البنت للعمه

وبعدين اذا ام موجوده ليش ماتصير رفيجة بنتهاا
لان متى ماكانت الام بعيده عن البنت ,, البنت تلجا لاي احد يشتكي له واقرب طريقه الشباب

الله يهديها ويهدينا يااارب ..,,

 

[brettey]

رد : اوووف منقهره على بنت حماي >>> تعالو عطوني رايكم بالتربيه.!!

مالها حق تسطرها تزفها اوكي بس تسطرها لا شنو البنت بسن المراهقه يعني مو ياهل ام 5 سنين عشان تطقها
لو انا مكان الام اقوم الدنيا ولا اقعدها

 

[đeɱɛɼɑ™]

وهالعمة تبي الشآرة !!
الابو يمكن ظن انه اخته سنعة و بتكون حنونة مع بنته مو على طول ترفع ايدها عليها > ما سدئت يا سيد

كلمته لـ اخته لما عطاها هالحق كان من باب الاحترام والوآجب وتقدير صلة القرآبة..
ما اتوقع انه كان يقصد تنفذها بالمعنى الحرفي !!

المهم ليتج تتقربين من البنت وتحاولين تحتوينها كثر ما تقدرين والله يآجرج ان شاء الله

 

[انصاريه قمره]

شهالابو وشهالام غريبين بصراااحه والاغرب الام شلون ما تدافع عن عيالهااا صج البنت غلطانه بس العمه هم غلطاانه ودام عندها ام واب مالها حق تتدخل خل تربي بناتهاااا مو بنات الناس

 

[G.U.C.C.I]

رد : اوووف منقهره على بنت حماي >>> تعالو عطوني رايكم بالتربيه.!!

@@

مو من حقها سراحا شكو اطقها !

واهم شئ امها وابوها ساكتيين

كسرت خاطري مسكينه الله يعينها على اهلها :\

 

[ملاك حبي هلاك]

ذكرتيني بسالفتي مع عماتي


والله ما انسى اليسوه فيني اهما كرهوني فيهم

الي اسبوع كامل ابجي .. طلعوا عني كلااااام شكثر

سفلوا فيني وسبوني ومع ان عمري ماغلطت عليهم

واخر شي سكتوا خافوا على يدتي طلعوني انا بغيت اذبحها واوقف قلبها

ماقول الا حسبي الله ونعم الوكيل