ايش رايكم بام زوجي يابنات حطو نفسكم مكاني

[لمست ود]

السلام عليكم

انا من السعوديه بس احبكم واااايد
انا عمري 21 متزوجه لي سنه وكم شهر وعندي بنوته عمرها خمس شهور

زوجي ماعنده خوات وامه اعتبرها زي ماما واحبها واقدرها بس دايما تصدمني بتصرفاتها




ابدا معاكم من البدايه


اول حركة سوتها معاي برمضان الي فات كنت حامل وكان الفطور ببيت اهل زوجي ورحت من الظهر وانا تعبانه مررررة علشان اساعدها وكنت اسيل واحط وبنات عم زوجي يقولون حرام عليك ارتاحي ببطنك نونو لاتشتغلي بس كنت اقولها ماعليه عادي الحمد لله اهم شي اساعد كم
ثاني يوم راح زوجي لبيت اهله وجاني يصارخ ويعصب ويقول انتي فشلتي امي قدام الناس وانتي بس جالسه في الارض وماتساعدي امس
انا انهرت والكي واحلف له واقول حتي بنات عمك شافوني وقالو ارتاحي بس انا مارضيت اجلس وقاعده اشتغل


ماصدقني ولاقدر حملي وانا تعبت مرة ودخت من البكي


بعدها اخدت موقف


وقبل اسبوع كنا زي السمن عالعسل انا وهيا ومابينا شي بس حقدت علي لان كنت رايحه المطعم مع زوجي وقال لي خلينا نودي البنت لامي ونروح
وهي ماشالله كل يوم خرجات وعزايم وسفريات وماركات وقاعدتلي عالخرجه



قامت اتصلت علي جدتي
وهات ياسب ولعن وافترا عليا
تقول لجدتي بنت بنتك بيتها وصخخ وترمي بنتها عندي وتروح مطاعم وتخرج وماتاخدني معاها ولاتساعدني وكلام كتير يابنات وربي وربي كله كذب وافترا علي




انا انهرت وجلست اصيح وماما انقهرت منها وطلعت اسرار بيتي كلها برة
والغلط من زوجي لان كل شي انا اسويه يروح يقول لامه وحتي هوا عصبت عليه لان كل اسراري قالها لامه وهي ماقصرت تتكلم عند الحريم علي وعلي اهلي


صار زوجي يكره اهلي كله لانها تحرشه علي وعلي اهلي
ماما هاوشتني وقالت ثاني مرة اذا بتطلعي مكان مع زوجك جيبي بنتك عندي انا اشيلها لك

حتي بنتي لما وديتها لام ززوجي جوعتها ومااعطتها رضاعه لانها مقهورة مني تبي تروح معاي
ويجي يقول انا ماقلت شي وماتكلمت انتي كذابه ويحلف بالله كذب الله يهديه بس


دايم يابنات تحرشه علي كل مايروح عند اهله تحرشه علي ويجيني يعصب ويصارخ
تغار مني حتي في لبسي تقول لجدتي بنت بنتك بس تتمكيج وتتشيك وتجينا كاشخه
تحسبني في عمرها وهي فوق خمسين
وربي مقهورة نار في صدري الا الظلم حسبي الله ونعم الوكيل
الله اجعلني مظلوم ولاتجعلني ظالم


انا الحين لي اسبوع ماروح لهم لان حتي ابو زوجي ورا كلامها وكان يحبني ويجيب لي هدايا بس تغير علي وكانت تشتري نفس الهدايا الي يجيبها لي
لدرجه طقم الشبكه اشترت نفسه




وزوجي معاهم صح ولا غلط وانا الي دايم يطلعني غلطانه وكذابه
قولولي كيف اتصرف معاهم
لاتقولو كلمي ام زوجك وتفاهمي معاها
لان اعرف نفسي انا عصبيه موووووت وراح اغلط عليها


ابغي اوقفهم علشان يعرفو مين انا الي يتكلمو علي عند الناس
حسبي الله وبس

 

[ناتشوو]

بس ملحوظة بسيطة
امهات الزوج مو مسؤولين عن عيالكم
خاصة حق تمشي وسياحة

وفي حالتج ماانصحج تسوين نفسج الند لها
وتبين تربينها وتعاقبينها
بتخسرين الكثير
خاصة ان زوجج يسمع منها
وعلاقته قوية فيها
هالنوع يجي بالمحايل
والذكاء
واللسان الحلو

والله يكفيج شرها
اكيد لج اخطائج معاها
مو ملاك انتي
واحنا ماسمعنا الموضوع منها
علشان نقدر نقول انها صج
مريضة وحقودة وشريرة

 

[انصاريه قمره]

بنتج ليش تقطينها عليها ؟؟؟ قطيها عند امج هذي بروحها تدور عليج الزله
ولا تكثرين الدوس عليهم وسطحي علاقتج وريحي راسج واذا شفتي زوجج معصب ومحرشته تحاشيه
واهو مع الاياك راح يستحي على ويهه وما راح اييلج شايش

 

[Perfume]

وريلج ليش ما يوزن الامور ؟؟؟؟

 

[Smchoocha]

حبيبتي سطحي علاقتج معاهم و بنتج وديها حق امج و صيري انتي الزينه اذا بتطلعون عزميها معاكم بين فتره و فتره عشان تطخ

 

[M!SS.LOBY]

الله يعينج عالنسره

بس لا تحرضين زوجج على امه ولاتذكرين طاري أمه لان زوجج متعلق بأمه حيل وما يصدق حرف من كلامج تجاهلي امه ولا تقربين صوبها حفظ للعلاقتج الزوجية

ريلج طلع ولد أمه

 

[مزآجيه!]

سطحي علآقتج فيها ،وخلي علاقتج فيها مجرد السلام عليكم ، كيف الحال وبسسس ، لا تسولفين ولا شي

وخالتج مو مكلوفه تمسك بنتكم وانتو تتطلعون تتمشون !

حطيها بعربه واخذيها معاج ، انا لو مكانها ارفض امسك بنتج ،وانتي طالعه تتمشين وتستانسين !

يعني تدرين ما تواطنج وتحطين بنتج عندها !!

بعدين كيفها تبي تطلع و تستانس لا تقارنين وضعج بوضع ام زوجج

انتي اصبري عليها وروقي المنجا ع قولتهم وخلي اعصابج باااااارده

واذا ع الشغل لا تشتغلين الا خفيف لا تجهدين عمرج دام بالاخير جاحدتج


والله يهدي النفوس ان شاءالله

 

[غآب نورك ~]

تدرين هي ليش تسوي جذي لانه ماعندها الا هالولد

اتوقع غيرره


طنشي واحتسبي الاجر عند ربج ومانصحج تتقربين من امه وايد سطحي علاقتج معاها عشان تسلمين منها ادي واجبج وبس

اي وشغله لا تشكين عند زوجج عن امه غلط غلط تحملي مافي حد يرضى على امه خاصة انه وايد يسمع لها

 

[لمست ود]

جزاكم الله خير

 

[لمست ود]

غاب نورك عندها خمسه عيال غير زوجي الله يهديها بس

 

[ام هيا العلي]

الله يكون ابعونج ياحبيبتي

معاناتج مثلي .. الله يلهمج الصبر واحتسبي الاجر عند رب العالمين

شوفي ياحبيبتي .. نصيحه لوجه الله ..تصبري وتحملي علشان خاطر ريلج وبنتج ..

مهما كانت امه قاسيه وقلبها اسود.. معليش دوم استغفري واطلبي من الله يصبرج ع ظلمها وقسوتها..


انا مثلج وايد عانيت من ام زوجي .. كانت تتكلم ابظهري وتتكلم عن خواتي ..يعني ماتخليني ابحالي بس كنت اتحمل

مع انه ريلي مايحب تصرفات امه وطريقة اسلوبها في الحش بالناس و تنقل الحجي وكنت انا اللي احنن قلبه
ع امه واقوله معليه مهما كان هذه امك مثل امي جنتك ونارك..

ليمن الله افرجها علينا وطلعت سكنت بروحي .. وماعرفت قدري الالمن رحت عنها..وحست بقيمتي



وبنتج خلاص خليها دوم عند امج والله الواحد من القهر وده يجيب كامره ويصور كل شي علشان يتاكدون بس مااقول غير الله المستعان

 

[سحابة امل]

الله يعينج

 

[t.o.o.ot]

والله يا حبيبتي أخذي الأمور ببساطة وحااااولي تلطفين الأجواء دائماً لان هال نوعية عندهم حب الذات تولد الغيرة العمياء لذلك تحاشي مواجهتها إلا بالرسميات وسلام وعليكم السلام وفكي نفسك حتى لوزوجك قال سويتي وسويتي لان شكله متأثر حيل بأمه لو مهما انكرتي قولي شالللي يرضيك باسويه وخلاااااص بلا ماتكبرين وتبررين السالفة التطنيش علاج والله

 

[ReD&FoSHia]

اهي شتصيرلكم
شنو نوع العلاقة بينها و بين يدتها اللي اتقولها هالكلام
ما اقدر اعطي رايي لانه الموضوع قيل و قااال

 

[الفدعه المزيونه]

لاتقطين بنتج لاعندها ولا عند امج اخذيها معاج عشان يتحمل المسؤوليه اكثر...وام زوجج لاتردين عليها الحقران يقط ع المصران وزوجج لا جا يعلق او يهاوش لاتردين عليه وايد لمن يهدا وضحي موقفج وانج ماسويتي شي وتحاشيها مره وحده والله ينصرج عليها ويهدي بالج الله يوفقج حبيبتي

 

[لمست ود]

تسلمو حبايبي ريحتوني
الحمد لله علي كل حال
الله يهديها ويصلحها

 

[لمست ود]

ررفع

 

[@شمس الضحى@]

بس ملحوظة بسيطة
امهات الزوج مو مسؤولين عن عيالكم
خاصة حق تمشي وسياحة

وفي حالتج ماانصحج تسوين نفسج الند لها
وتبين تربينها وتعاقبينها
بتخسرين الكثير
خاصة ان زوجج يسمع منها
وعلاقته قوية فيها
هالنوع يجي بالمحايل
والذكاء
واللسان الحلو

والله يكفيج شرها
اكيد لج اخطائج معاها

مو ملاك انتي
واحنا ماسمعنا الموضوع منها
علشان نقدر نقول انها صج
مريضة وحقودة وشريرة

دااايمااا تعجبني هالانسانه
تحيااتي يالغاليه:eh_s(7):

 

[فيلسوفة قلبي]

هذه غيرة الأم لأنج شاركتي حيآة ولدهآ الوحيد..

أتوقع ردة فعلها أنها للحين مو مستوعبة أنه خلآص تزوج وكبر وصار عنده بيبي ..

أنتي ردي لها الأساءة بالحسنة خليج أحسن منها مهما سوت فيج وقالت مردها بتندم وتحس ..

وشئ ثاني لآ تحطين بنتج عندها يآ تآخذينها ويآج أو تحطيها عند أمج ..

حتى ما تلاقين كلآم وقيل وقال ..

 

[نـعـومـه]

الله يهديها بس واضح غيره

ادعيلها بالهدايه واذا مخنوقه منها صارحيها قوليلها انا قلت هالكلام خالتي ؟؟؟!!! انا سويت جذي !!!