ايش رايكم بام زوجي يابنات حطو نفسكم مكاني

[لمست ود]

الله يعين كلمتها قبل
بس مافي فايدة

 

[Patcholli]

صج انها نسره وهالاشكال أأمنلج تتجنبينهم
قولي حق ريلج بكل صراحه ماني رايحه مدام كل مره اروح برجعلي بمشكله وكلام جارح يسم البدن اقعد فبيتي اشرف وابرك
ام زوجج تغار على ولدها لان وحيدها الظاهر
وانتي هم بنفس الوقت لاتقطين بنتج عليها حتى لو انها تطلع وتكشخ هاذا شي خاص فيها
والله يكون بعونج بس نصيحه ريلج اهو الي يبيله مواجهه مو امه
مو من حقه يسمع لطرف واحد ويجذبج
لازم تدافعين عن روحج جدامه وتوقفينه عند حده

 

[لمست ود]

لاابشرك ماسكتت له زوجي وواجهته مووحيدها عندها خمسه غير زوجي عيال

 

[بيبي قيرل]

في عندج حلين .. ياتصيرين رسميه حيل معاها وتطنشين ,, تدخلين الكلام من اذن وتطلعينه من الاذن الثانيه ..

ياتقوين علاقتج معاها وتكسبينها بالكلام الحلو وراح تتحسن علاقتج مع زوجج اذا شافج جي ..

 

[لمست ود]

قويت علاقتي بس مايفيد لانها بتغار حتي من لبسي

 

[mona q8]

صراحه ما اقدر احكم الا لما اسمع الطرف الاخر
بس مثل ما انصحوج خواتي سطحي العلاقه بينكم
ولا تتشكين عند زوجج من اهله
لانه جذي راح يصدق كلام امه
وبنتج خليها عند امج
انا اول مره اسمع وحده تخلي عيالها عند ام زوجها
وماعندي لج غير الدعاء

 

[al-musk]

حرب هذا مو زواج.. الله يعينج
دايما ادعي ربج اللهم من ارادني بسوء فاشغله في نفسه

 

[لمست ود]

مونا ليش اول مرة تسمعي؟ اغلب اقاربي تخلي عيالها عن امها ولا عند امه مافيها شي


تسلمي علي مرورك حبيبتي

 

[لمست ود]

اااب

 

[Tom ♥ Jerry]

,


كلكم غلط آنتي وريلج و آم زوجج و بنتج
> لا اتغشمر بنتج لا :$

أم زوجج تتدخل و مقهورة منج بس مآ تقدرين تسوين فيها اي شي
غير آنج تطلبين لها الهدآية من الله و ادعيلها


زوجج المفروض يعرف شنو الصح و شنو الغلط !
مآ يطلع اسرار بره حتى لو كان معصب
خير ياطير ؟ انا معصبه على زوجي اروح اخر الاكو و الماكو حق اهلي !
> مآدري اذا تفهمين علي ولا لا
قاعد اتكلم وياج كويتي بحت لوول

المهم قعدي وياه و فهميه انه بيتكم خاص فيكم
مو يقول كل شي حق آمه و لازم يكون بيتكم خط آحمر
محد يتدخل فيه و آنتو بس الي تقررون شلون تتصرفون مع بعض

و انتي غلطآنه ! تدرين خالتج عسره وياج
شكو تخلين بنتج عندها
بنتج بس خليها عند آمج اذا احتجتي تطلعين أو تقظين مشوار

ثاني شغله خلي علاقتج ويا خالتج سطحيه و سوالف سطحيه
مو تحقرينهآ و بنفس الوقت لا تصيرين حيل وياها !

 

[لمست ود]

الله يعين بس فاهمه عليك

 

[Shinexo]

ترى دآم تقول آنج تتكشخين وتتمكيجين مب معنآته تغآر من لبسج وتبي نفسج ترى قصدهآ آنتي مب معطته ‘ بيتج حقه ‘ لآن قآلت بيتج وصخه كلش مآيآت آنهآ محتره منج مآدري آيش ترى حتى آم آلخمسين تكشخ عآدي

بعدين حبوبه بنتج عمرهآ 5 شهور يآتودينهآ ويآج آو عند آمج مش عندهآ هي مب مسؤوله عن عيآلكم تحملون وتربون وتقطوون :\ ,

دآم عندهآ ريل و 4 آولآد مآدري 5 غير ريلج ترى مآتبيه ولآ تبي طلعتكم بس مآتبي هي تنحكر عشآنكم وآنتوآ مآفتكرتوآ فيهآ ترى هآلشي يضآيق !!

و بقولج شي حطيه ف بآلج آذآ آنتي آم دميعه وعلى طريف شلون عصبيه ؟ و من صجج قلتي ممكن آغلط عليهآ تدرين لو بس فكرتي تغلطين على وحده كبر آمج ريلج بيردج بيتكم مع ورقتج هذي آمه عسى مآشر ممكن آغلط عليهآ :\

مآدري ححسستيني آنج وآيد مسكينه ومآتسوينه و لآ شي وهي بس متسببه عليج


آلمهم سطحي آلعلآقه ويآهآ و تهآدوآ تحآبوآ شلي سآلفة تغآر مني وآغآر منهآ ومحتره مني آنتي مش يآهل