ايكيا شنو تشترون منه؟؟؟؟؟؟

[كويتية اصيلة]

بنات انا وحده لما ادخل ايكيا ماعرف شنو اشتري منه؟؟؟؟؟؟ظ
ياريت تفيدوني وتفيدون كويتيات الى عندهم خبرة بايكيا؟؟؟؟؟؟؟



يعني اي شي شريتيه من ايكيا واستفدتي منه اكتبي اسمه ومن اي قسم








مشكورييييييييييييييييييييين:eh_s(15): :eh_s(15):

 

[موج الحزن]

هلا فيج يا الغاليه شوفى وانا اختج والله انا اشترى اكثر شي الاثاث النعوم مثل الطاولات كراسي تحف الصراحه روووعه

 

[هدوي]

انا داري كلها من ايكيا بس ترى من زمان شاريتها
وان شاءالله بغيرها وأشتري من ايكيا

بس اللي يدوخون مطابخهم تهببببببببببببببببببل

 

[العنونة]

:eh_s(8): عن نفسي أنا أشتري مواعين الشوي +أدوات المطبخ من إيكيا وايد عملية + قوالب الثلج أشكالها تونس للعيال وألعاب إسفنج للصغار بإختصار أي شيء أشوفة وآنا محتاجتة اشترية على فكرة أنا جهزت أدراج وكبت للمواليد منهم صج كد ومد صارلة أكثر من 10 سنوات وأخير شيء وزعتة وهو عدل ما فية شيء:eh_s(15): :eh_s(15):

 

[الغاليه نونو]

شريت منهم رفوف حق السيديات وشريت طاوله صغيرونه بخمس دنانير حق تلفزيون ولدي الصغير
احب اشتري منهم الكوشيات الملونه حق اليهال وخذيت منهم العلبه مالت جياس النايلون حق المطبخ وخذيت الرول البلاستيك حق رفوف المطبخ
تلاقين عندهم الرفوف حق العلاق شكلهم حلو وذرب تحطينهم بالكبت صوب العلاق يمه
تلقين بإيكيا الماعين مقالي تيفال وقلاصات وشغلات حلوه حق المطبخ
تلقين بعد الشراشف ملونيين حق غرف اليهال
والله انا اخذ العربانه وافتر واللي يعجبني اخذه بس مارهق ميزانيتي يعني ابتدي بالشغلات المهمه حيل بعدين الاقل اهميه علي حسب فلوسي امد ريولي ههههههههههههههه

 

[نونو جين]

مناظرهم تخخخخخخخخخخخخخبل
انا شريت وحده اربع مناظر كبار ب8 جنه
بلااااااااش اسعارهم
مناظرهم تهبل
قصدي المرايا
تحياتي

 

[نطوووعه]

انا اخذ منهم قطع السجات الصغار حلوين اذا انتي ساكنه بشقه لانهم بسيطين ونعومين .. اغراض المطبخ ... ثروواات ناعمه ... اغلب اثاث دار ولدي ماعدا السرير

 

[xxx]

خوش موضوع

ايكيا يونس حق اكسسوارات البيت

خذيت منهم قطع زل حق عيالي على رسومات وايد حلوين
(القطعة = 5 دنانير)

وخذيت منهم سلال قش وايد حلوين حق اغراض التسريحة
(طقم 4 احجام = 0.950 فلس)

وخذيت منهم بعد جنطة السيديات الكبيرة
(بدينار وشوي)

القلاصات والمواعين عندهم تهبللللللللللللللللللللللللللل

واذا تذكرت شي اقولكم

بس المناظر احب الي بسنتربوينت وايد احلى من ايكيا

 

[فازة ورد]

السلام عليكم
ايكيا بالمعرض الجديد صار فيه تشكيله اكبر واحلى بكثير
انا كل ما اروح ايكيا اشتري اباجورات ولمبديرات جدا حلوين
و اواني للزرع
ايضا اكسسوارات للحمام من علاقات للمرايات
احب فازات الورد
ايضا قطع السجاد
اخر مره رحت شريت ليت على شكل قلب حب + صطل زباله + لمبدر مع واحد صغير يتركب فوقه ب5 + قطعة وضع ريموتات التلفزيون تنحط عالقنفه + مرايا مربعه لحمام الخدامه.
شكرا

 

[زهرة اللوتس]

مرايا شموع ادوات المطبخ ارفف وليتات
مشكورة عالموضوع المفيد

 

[المرام]

تونى راده منه بس اللى عاجبنى وسوي فرق فى مطبخي هو هراست الثوم ,,,بصراحه اختفى دق الهاون وصار الثوم انعم,,,تخيلون تقدررون تهرسون الثوم وهو فى قشره,,يعنى ما تسير فى ايدكم ريحته,,,
وبعد سجاد الحمام اللى تحت منه ربل ,,,يعنى عزل من أرضيه الحمام الرطبه
,,,,وبعد الكراسي عندهم حلوه

 

[سويتي الحلوه]

ايكيا ينن

شوفي امي تتشري من ايكيا الزل الصغار حق الحمامات وتشتري منهم غلاصات واكواب وساعات فناتق وسوالف تيوزلها منهم
وساعات شراشف
وطبعا كنابلهم هذي الي ملونه حلوه وايد ادفي صج

وممممممممممممم شنو بعد
وانا اخذ منهم ابجورات واي سوالف حلوه بقسم الاضاءه حق غرفتي
واخذ منهم مخدات وسوالف حق المكتب وصناديق الاغراض والجناط حق التخزين

وشغلااااااااااااااات وااااااااايد الصراااااحه

اي وبعد مكتبي حق الكمبيوتر منهم

 

[أغلى حبيبه]

ابجورات
وثريات مجكنمه
وشموع
وجامات
وقلاصات
وطقم القفاش حق طاولة الطعام

وفي وايد شغلات

 

[سبائك]

خوووووووووووش موضوع

الله يسلمج آنا آخذ الآتي

-أكياس الكفرات الكبار الي لهم سحاب(وايد مفيدين حتى حق تخزين هدوم الشتا والصيف)

-في عندهم شغله ما ادري شسميها(يمكن عوازل) الي تحطينهم داخل الادراج بحيث يرتبون لج الدرج من داخل وما يعتفس عليج كل شوي(هذيله انا اعتبرهم كنز دفين الصراحه وان شاءالله بصور لكم ادراجي قبل وبعد ما رتبتهم بهالعوازل)

-علاليق الملافع

-زوليه عليها رسمة شوارع حق عيالي يمشون سياييرهم عليها(وايد استانسوا عليها عيالي)

-مخاد ريش النعام(مريحين)

-عندهم اللحف الصغار الي ينحطون بالصاله تتلحفين فيهم وايد دافين وحلوه اشكالهم

 

[[]نهاوند[]]

انا لي دخلته خميت من كل شي :eh_s(6):

اكثر شي يعجبني الاثاث اللي حجمه صغير مثل الطاولات الصغيره وطاولات الكمبيوتر وخذيت منهم مره مكتبه للدراسه عندي من ايام الثانويه وللحين مثل شكلها

والاكسسوارات اللي عندهم لما اشوفها ادوخ والاباجورات وشغلات حق غرفتي

من زمان ما رحت له يبيله روحه عن قريب :eh_s(3):​

 

[rudy]

اما انا يسموني وكيلة ايكيا كل شي آخذه منهم ومن اهم الأشياء الي اخذتها واستفدت منها طبعا غير الأثاث هو شنط التخزين لملابس الصيف والشتاء اتيي مثل قماش الخيمه النايلون وفيه سحابات من 3 جهات وتقدرين تكتبين على كرت وصف لمحتوى الصندوق واتحطينه من بره وايد وايد عملي واذا ما تبين تستعملينه تقدرن اتصفطينه ما يخذ مكان لأنه قماش.\
صراح لا يطوفكم

 

[ghalaty]

طقم الملاعق الصراحه وايد حلوين وذربين وأحذية التواليت وانتوا بكرامه الي على خام فوطه الشموع الصغيره براويز الصور وأرفف وعلاق الشيلات وشغلات وايد من قسم الي في شغلات لترتيب الارفف بس الصراحه ايكيا اليديد متعب في التسوق والبسرعه البضاعه تخلص

 

[أم حيدر]

انا اشتري منهم الرفوف والاضاءات وشريت طاولة مطبخ تينن وايد عملية ومساحتها صغيرة تتثبت بالطوفة ولما تخلصين منها تنزلينها

هذا ب 16 دينار.

واحب مراياتهم بعد.

وهذا موقعهم بالكويت

http://www.ikea.com.kw/Ourproducts.html

 

[New Mum]

انا احب فوطهم عجيبه كد و مد وجنها يديده