ايميلي انباق من تقدر تساعدني ....

[عروس الدنيا]

بنات ايميلي انباق من تقدر ترده لي ؟؟؟؟؟؟؟؟؟ محتاجته ضروري في وحده تعرف احد يقدر يرجعه لي ؟

 

[II_BsKooTa_II]

انا بعد نفس الحاله إيميلي انباق تكفون تساعدونا

 

[قــ القلوب ــوت]

اختي في طريقه تردين لها بس المشكله انا ناسيه بالضبط شلون ..

بس سؤال رابطه ايميلج بايميل ثاني؟؟؟ اذا مو فاهمه شنو معناه رابطه يعني حاطه ايميل ثاني في داخل اعدادات ايميلج حق لو صار شي تقدرين تدزين الباسوورد اليديده حق هالايميل .. بس اذا ماكنتي رابطه الايميل فراح تكون عمليه انه تردينه حيل صعبه بس مو مستحيله لاني قبل شهر رديت ايميل رفيجتي مع انه مانباق بس اهيا نست الباسوورد وماكانت رابطه ايميلها ..

بس بالضبط شلون ناسيه والله لاني سويت اكثر من شغله بس اللي اتذكره اني دزيت حق الهوت ميل من ايميلي وقلتلهم انه رفيجتي نست الباسوورد وانه ماتتذكر الجواب السري وعطيتهم معلومات خاصه داخل الايميل .. وبعدين ردوا علي بس من مكان ثاني بس تبع الهوت ميل وقالولي انه راح يحولوني على فرع ثاني من افرعهم وراح يدزون الفرع الثاني رساله لي عن المشكله وصج مامر يوم الا ووصلني ايميل من وحدا ثانيه من السبورت وطلبت مني معلومات معينه وطبعا اعتذرت لانهم تاخروا بالرد علي ..

المهم اهم شي انج تعرفين معلومات وايد عن ايميلج .. مثلا شنو كانت اخر باسوورد وشنو السؤال السري اللي تتذكرينه وشنو الملفات اللي موجوده داخل وشنو الرسايل اللي تتذكرين انج دازتهم او احد دازلج يعني لازم تقولين شنو عنوان الرساله .. وهم لازم تقولين المعلومات الشخصيه اللي انتي حاطتهم داخل وتقولين كل الباسووردات اللي انتي كنتي تستخدمينهم وتقولين جم نك من النكات اللي انتي ضايفتهم في اللسته داخل الايميل وفي المسنجر ..

والله ناسيه بالضبط بس هذيله جزء من المعلومات .. اهم شي خلي احد توثقين فيه يدز للهوت ميل ويقولوهم عن ايميلج واهما راح يطلبون اللي يبونه بالضبط وجاوبيه صح وان شاء الله راح يدزون لج في الايميل اللي دزيتيلهم منه انه انباق ايميلج ايميل فيه لنك تقدرين تغيرين باسوورد ايميلج عن طريجه بس ترى هالايميل راح يختفي بعد 3 ايام ولازم لمن تدشين تغيرين كل المعلومات والسؤال السري علشان لاينباق مره ثانيه

وسوري ادري طولت بس حبيت اقولج تجربتي

 

[عروس الدنيا]

مشكوره و يعطيج الف عافيه ... و هذا الي صار معاي انباق الايميل و الي باقه غير بمعلومات الايميل الثاني و السؤال السري ... و حاليا قاعده اتفاوض معاهم و انشالله خير و الله يعطيج الي ببالج

 

[II_BsKooTa_II]

انا نفس حالت عروس الحزن

اللي باق ايميلي غير كل البروفايل وغير السؤال السري واكيد غير الايميل البديل لاني حاولت ادز حق الايميل البديل الباسوورد اليديد مو قاعد يوصلني شي


قوت القلوب

انزين ادز حق منو بالضبط بالهوتميل واللي قلتيه اكتبه كله بالانجليزي والا عادي بالعربي

 

[قــ القلوب ــوت]

والله الله يعينكم صج اكثر شي يقهر لمن ينباق الايميل وخصوصا لو فيه معلومات خاصه ..

واختي بسكوته والله انا ناسيه شلون بالضبط وصلت للسبورت سيستم لاني مثل ماقلت جربت اكثر من طريقه .. لانه اول كان في ايميل تدزين له ايميل واهما يساعدونج بس هالايميل تصكر وانا دزيت من داخل ايميلي حقهم ..

يعني كاني بقدم اقتراح او شكوه جذي دزيت واهما بعد فتره ردوا علي وودوني للقسم المعين ..

ولازم تخاطبينهم بالانجليزي لانه لاتنسين اهما اجانب ومافي عرب .. بس مثلا انتي مسويه ملف في ايميلج وكان بالعربي فحطي اسم الملف بالعربي مو الانجليزي .. يعني لو الملفات اللي تتذكرينها بالعربي حطيها مثل شلون كنتي كاتبتها بس التخاطب وكل شي لازم انجليزي ..

وانا بدور الايميلات اللي كانت عن هالموضوع في ايميلي وان شاء الله القاهم واقول بالضبط شنو المعلومات اللي طلبوها مني .. بس ان شاء الله مو ضايعين لانه بصراحه اخر ايميل اللي فيه اللنك اللي غيرت عن طريجه الباسوورد بس تم 3 ايام واختفى تلقائي من عندهم ..

 

[II_BsKooTa_II]

مشكور وما قصرتي يا الغاليه

وإن شاءالله تلقينهم

وانا بانتظارج سواء لقيتيهم او لأ

 

[بنت الوفا]

اناااااااااااااااااااااااااااااااا3 اميلات انباقت منى

 

[قــ القلوب ــوت]

أسفة خواتي تأخرت عليكم بس والله ايميلي متروس لدرجه حتى ماشيكه من كثر الايميلات .. المهم بعطيكم اهم ايميل والشخص اللي حل المشكله لي واسمها كريستن .. طبعا راح احط الايميل بالكامل بس راح اشيل شغلات والايميل بالانجليزي وان شاء الله تفهمونه

صج قبل لا احط الايميل بقول شغله .. انا مثل ماقلت دزيت لمكان وهالمكان حولوني لقسم ثاني وردت علي وحدا اسمها انجلينا وانا لاني حطيت شويه معلومات لاني مجربه هالموضوع من قبل فاهيا تاكدت انه انا صاجه في كلامي فحولتني للقسم اللي يساعدني في اني ارد ايميلي وهني دزتلي كريستن هالايميل .. فاللي ابي اقوله هذا عنوان المرسل بس اخاف مايشتغل معاكم لانه انا كل اللي كنت اسويه اعاده ارسال لهم ..

هذا عنوان اللي دازتلي الرسالة:

Microsoft Customer Support (LV_ID.WNLV.NA.US.EN.SYK.MNL.TS.T01.SPT.00.EM@css.one.microsoft.com)​

وهذي الرسالة مع حذف المعلومات والايميلات

Hello Qatwa,


Your e-mail has been forwarded to us at Windows Live ID Technical Support. My name is Christian Eugene and I understand that you are unable to reset the password of your ***@hotmail.com account. I sincerely apologize for the inconvenience that this may have caused you and I look forward to providing you with the necessary assistance today.


Qatwa, since you cannot take advantage of the password reset options available online, I am pleased to inform you that we can still help you on how you can reset your password on your end. For us to investigate your concern, we will need your cooperation by verifying your account ownership. To do this, please provide the following information completely and accurately:



1. Your Windows Live ID

2. Your first name and your last name

3. Your date of birth (month/date/year)

4. Your country

5. Your state (if applicable)

6. Your postal code

7. Your IP address

List the IP addresses from each computer that you use to access your account. To determine your IP address, visit the following Web site:

http://www.whatismyip.com

The numbers that appear at the top of this Web page are your IP address.

8. The answer to your secret question

9. The "alternate e-mail address" that is on file for the account

10. Your Internet service provider (home or work). An ISP is a company that provides an end user with a connection to the Internet and other similar services, such as e-mail. Examples include MSNIA, EarthLink, and Comcast.

11. The last date and time that you successfully signed in



More information that may help us verify account ownership



- Windows Live Hotmail customers

-- The names of any folders that you created in addition to the default folders

-- Names of contacts in your address book

-- Subjects of any old mail that is in your inbox or mail folders



- Windows Live Messenger or MSN Messenger customers:

-- Names of contacts on your contact list

-- Your Windows Live Messenger nickname (display name)



When we receive and verify this information, we can give you the instructions that you need to reset your password. We look forward to your response.



Sincerely,



Christian Eugene

Windows Live ID Technical Support​

ترى على فكره قطوه لقبي انا علشان لاتضيعون .. واذا مافهمتوا عدل شنو المطلوب قولوا وانا ان شاء الله اعلمكم بالضبط شنو كل وحدا مقصود فيها

سلام :tek: