اي احد يعرف شي مقابله ابلات التاريخ الغير تربويات بليز يدش

[fri2010]

السلام عليكم ورحمه الله وبركاته

اشلونكم كويتيات شخباركم عسى اموركم طيبه:eh_s(7):

صار لي فتره غاطه عن المنتدى

بنات بليز لا تبخلون علي بأي معلومه عن مقابله معلمات ابلات التاريخ:eh_s(2):

بليز سواء كان المقابله او التحريري او اعضاء اللجنه:eh_s(10):

والله يعطيكم الف عافيه​

 

[أم شاهين]

هلا ياقلبي
انا من قبل شهر سويت مقابله حق التربيه انا تخصص تاريخ اداب
والله بصراحه شدي حيلج لانه عادي يسقطون انا مابي اخرعج بس وايد شديدين يعني دوريلج كتب عاشر وحادي عشر وثاني عشر درسيهم عدل لانه منهم الامتحان التحريري والشفوي بعد يسئلونج منه

والشفووي ثلاث موجهين واستغفرالله معاهم عبدالعزيز العصفور مايعجبه احد ودايم يمصخر يعني خلج واثقه من نفسج حيييييييييييييل وراح يسئلونج شنو الكتب اللي قريتيهم قبل لا اتيين المقابله عاد انتي اقري عن التاريخ المعاصر والاسلامي والتاريخ العرب من الحرب العالميه الاولى وسوالف الاستيطان الاسرائيلي وراح يقولج انتي موتربويه شنو الكتب اللي قريتها عن التربيه روحي مكتبه العامه واقري لج كتب عن التربيه وشلون طرق التدريس وقوليلهم اسم الكتب والمؤلفين وخلج واثقه


انا سقطوني اول مره
وثاني مره من حظي كان مسافر العصفور والباقي كانو زيينين ومشوووني


الله يوفقج

 

[fri2010]

وااااي شنو هذا بذاكر شنو والا شنو

التحريري اوكي اشير بس الشفوي اشلون

واللي ما عنده كتب شنو يسوي !!!

لا بصراحه بقول لهم لا قريت ولا شي لما اصير مدرسه اقرا

خرررعتيني ما ادري شسوي اتصلو فيني قالو الخميس مقابلتي حدي خايفه

يعني بالله في سؤال اسألوني عنه وما عرفت اجاوب عليه

شنو اقول مثلا؟

وبالنسبه لطرق تدريس اشلون اقرا عنه انا ما اعرف شي فيه

وانتي لما امتحنتي تحريري كنت دارسه او نجحتي فيه من غير ما تدرسين له ؟

سوو معاج مقابله وانتي واقفه والا قاعده واطلبو منج تشرحين شي وانتي واقفه؟​

 

[jen2n]

انا باجر عندي مقابله والله يستررررر

 

[أم شاهين]

والله ياقلبي هذا اللي صار وياي اول مره

دشيت قالو لي امتحان تحريري عطونا الاوراق بقاعه اجتماعات ولنا 20 دقيقه واسئله من كتب الثانويه عاشر وحادي وثنعش ودوريلج كتب او اشتريلهم من اى مدرسه او اى احد يوفرهم لج

وحاولي الحين تقرين بكتب عن تاريخ المعاصر والاسلامي والحرب العالميه الاولى والثانيه وحفظي اسامي الكتب والمؤلفين

ثانيا
ادشين تحريري
يسئلونج شنو الكتب اللي قريتيهم طبعن وانتي قاعده يعني مقابله عادي تقولين اسامي الكتب والمؤلفين وشنو قريتي ويسئلج قريتي كتب تربويه عاد قولي اى وكملي اسم المؤلفين
وبالنسبه لي بصر احه اول مره كنت دارسه بس مو ذاك الزود ثاني مره درست عدل الكتب ملوت الثانويه وجاوبتهم صح من امه لازم الثقه والمعرفه لاززززم وايد يسقطون وخصوصا الموجهه العصفور مايعجبه احد انا ثاني مره كان مسافر من حظي ونص البنات نجحوا بس لما اهو موجود وايد مسقطهم


وانشسالله سهالات

 

[fri2010]

بصراحه لما يسألوني عن الكتب بقول لهم ان قاريه من منهج قديمه

المناهج اللي درستها بالثانويه

وهم قريت كتب ملوتي في الجامعه

اما طرق تدريس بقول لهم راح اكتب لما اتعين او اخذ لي دورات بطرق تدريس

اصلا ما دقو علي بس قمت انا اتصلت على مكتب وكيل الوزير بكبره وبين عندهم متى مقابلتي

يعني ما جدامي الا جم يوم وين يمديني ادرس!

 

[أم شاهين]

الله يوفقج انشالله وسهالات وخلج واثقه
واذا نجحتي قوليلي واذا لاسمح الله ثاني مقابله لازم تدرسين بينهم فتره شهر تقريبا يمديج

 

[jen2n]

الحمدالله اليوم نجحت بالمقابله ترا سهالات واهم شي تدرسين منهاج الثانويه والاسئله خفيفه حيل

فراي بس مو انتي تخصصج تاريخ ليش ما نادوج اليوم بالمقابله كانو في 3 موجودين تاريخ وقابلوهم!

 

[fri2010]

مشكورة حبيبتي أم شاهين تسلمين يا قلبي

مشكوره جنان الله يطمن قلبج ومبروك القبول

جزاكم الله خير

 

[أم شاهين]

الله يسلمج وصح لازم تدرسين مناهج الثانويه

 

[fri2010]

وااااي بنات الامتحان التحريري كان صعب حيل وشيرت شوي بس ما قالو لي جم اخذت فيه !!

اما المقابله شويه احسن مع ان شكثر اسئله عن التاريخ الاسلامي اكثر شي وعن طرق التدريس

وجم موقف شنو ردة فعلي فيه!!!

واللي قابلني 3 موجهين كويتين وواحد منهم عبدالعزيز العصفور احسه مو بالع اجاباتي

وقالت لي السكرتيره النتيجه يوم الاحد بمكتب التنسيق اخر الدوام

واغلب اللي معاي قالو لهم نتايجهم الا انا ​