اي استفسار انا حاضره يا حبايبي لان امي و جدتي يعالجون

[7ob dyaley]

فراوله
بليز ابي شورج
انا الدوره متأخره أسبوعين وسويت تحليل حمل ماطلع شي
واحس بأعراض حمل_ لانه رفيجتي حامل ونفس أعراضها (افرازات على شكل خيوط عزكم الله وعوار اسفل البطن بس مو عوار دوره وعوار في حلمة الثدي واحس في تورم شوي) قلت اروح حق وحد تدهني وتعطيني شي ينزل الدوره بس رفيجتي حذرتني وقالت لا تروحين لانه يوم حملت مابين الا بالشهر الثاني مع انها سوت تحاليل حمل ومابين انه في شي_ شسوي الحين ؟ وهل في طريقه طبيعيه او اعراض غير اللي ذكرتها تبين انه في حمل؟ انتظ ردج لاني خايفه خذيت حبوب وابره من الطبيب تنزل الدوره ومانزلت صارلي اسبوع من خذيتهم

 

[فراولة زرقاء]

وحش الكويت اية هي نفسها

رورو حرام مدام هاذي ظروفها و تبي الرضاعة لا تمنعونها البنت تعبانة خلوها على راحتها لاحد ما تتحسن مافيها شي
لا تضغطون عليها حرام خلوها

7ob فديتك و الله ما اقدر اقولك شي الا اذا تاكدي من نفسك اذا فيه حمل او لا انتظري و عطي نفسك وقت و عادي بعض الحمل يبين بالشهر الثاني و البعض يبين بالثالث انتظري هالاسبوعين و سوي تخليل

اي استفسار انا حاضره

 

[روروو]

تسلمين ياعسل بس انتي مافهمتيني هي الحمدلله صحتها زينه بس حنا نبيها تترك الرضاعه عشان تتعود تاكل ويتعدل جسمها ع الحليب جسمها ضعيف وماراح يتغير
السؤال الثاني : ابي علاج لها للوز؟؟
الثالث: تعرفين علاج للخلعه (الخوف) اللي تعرض لخبر يخوف؟؟​

 

[فراولة زرقاء]

رورو شوفي احنا متعودين الطفل الي موراضي يترك الرضاعة نحط فيها حشرة علشان يكرها و كل ماطلبها نطلع له الرضاعة و يتركها يخاف منها
او نحط على الرضاعة عنزروت وكل ماجاء يحطها بفمه رمها علشان طعمها مر
بس شوفي افضل شي لصحة الطفل تحطين كوب حليب بالخلاط مع بيضة وحدة و تمرة او تمرتين منزوعة النوى و تضربيها بالخلاط و تصفينها و تشربها تزين عليها الصحة مع كل رضعة
و بالنسبة للاكل سوو لها اشكال بالاكل يعني التوست قصوه دائري و سوي له عيون بالزيتون و فم بالجزر و زي كذا احنا كذا مع بنات اختي الصغار
و الوز عطوها مغلي حبة سوداء مع عسل و الخلع لازم حرمه تعالج ماتفيد فيه وصفة


اي استفسار انا حاضره

 

[مملكة الحزن]

اختي الله يعافيج بغيت رقم حريم يعالجون الخراب 00000000 وبطبق طريقتج التمرة والحليب وشوف لان معاي هوا

 

[روروو]

تسلمين وماقصرتي
بس سؤال يعني اذا تعرفين اش ممكن يكون علاجه يعني علاجه كوي او دوا ينشرب؟؟​

 

[بنت الفضلي2009]

ابي اسال امج شنو الاعشاب لي تخفيف الجسم وتنزل الوزن

 

[فراولة زرقاء]

مملكة الحزن و الله ما اعرف رقم حريم تعالج

رورو علاجة مساج معين مايعرف له غير الحريم الي يعالجون ولازم تكون شاطر المستشفيات ما ينفعون

بنت الفضلي 2009 امي و جديتي ما يحبون يعطون اعشاب تخفف الوزن لان يبي لها وقت طويل يقولون الرياضة احسن شي و الاعشاب لها مدة معينه و انا الصراحة ما عمري عطيت بنات وصفات تنحيف شوفي البنات يمكن يفيدونك


اي استفسار انا حاضره

 

[منارتهم]

حبيبتي شلونج دايما اتابع ردودج وكلامج المعسول واقدرلج جهدج واشكرج عليه بعد انا عندي كذا سؤال ومادري بحصل الفايده منج
انا سمعت عن الزنجبيل يصغر الانف وجربته ولافاد اذا تعرفين عشبه جويده اكون ممنونتلج والغازات اللي بالبطن ومنتفخه بطني ولاقيت لها علاج
وابي شي لزياده الوزن بدون ضرر ولا مشهيات واذا تعرفين شي للشعر لان شعري يطيح وخفيف ابي لغزاره الشعر بمده قصيره لان وراي عرس وادري قرقت على راسج واسمحيلي يالغاليه

 

[فراولة زرقاء]

منارتهم اسمع كثير يقولون عن الزنجبيل بس مو داخل راسي الواحد اذا كبر مافيه شي يغيره الا عمليات التجميل
و بالنسبة للغازات الي بالبطن شوفي الصفحة السابقة 18 فيه برنامج لعلاج غازات البطن بالاضافة لشرب اليانسون و الكمون طارده للغازات
و للشهية كثري اكل فواكة بالذات البرتقال يفتح الشهية مره و حبوب الخميرة علبتها بيضاء عند الصيدلية اخذي حبتين بعد كل وجبة و تفتح الشهية بعد بس لازم بعد الاكل مو قبل و في ظرف شهر بتشوفين زيادة بالوزن بس زيادة حلوة مو سمنه لا
و الشعر فديتك اهم شي شوفي الحديد بالدم اذا اوكي ما عليك شر اهم شي لاتحوسين بين الزيوت و تغيرين كل شوي لان الشعر ينصدم بالتغير فيطيح و لازم النفسية تكون مرتاحة خصصي لك زيت واحد بس و استعملة زيت الخروع حلو للشعر و حطي حناء مع بيض ممتاز يقلل من تساقط الشعر 50% بشكل ملحوظ و فيه عند الحواجين يبيعون خلاصة الصبار بعلبة بلاستك او جيكات استعملية مرتين بالاسبوع ممتاز ينبت الشعر

اي استفسار انا حاضره

 

[منارتهم]

تسلمين ياعمري والله لايحرمنا منج

 

[فنانة الحزن]

انا اعاني من خمول الغده وسبتها الاجسام المضاده .. ابي علاج حقهااااااااا ..

 

[فراولة زرقاء]

فنانة الحزن ارسلت لك على الخاص


اي استفسار انا حاضره

 

[فنانة الحزن]

حبيبتي شكرا انا رديت عليج .. وانطر ردج ..

 

[حـــور..]

انابنت وحبيت اسالك عن منقوع المر
في الايام الاخيره من الدوره كاغسول..

 

[شهرزاد الحكايا]

تسلمين على لردود المفيدة وإن شاء الله في ميزانكم وصالح أعمالكم...أنا تعبت من خمول الغدة لدرجة أسوي رجيم وما أنزل مع إني منتظمه جدا بأخذ الحبوب..شربت مردقوش ماكو فاية قالوا لي ينظم الغدد وبس يارب القى حل,,,ومشكورة وبارك الله فيك

 

[فراولة زرقاء]

حور يااااااااااااسلام و الله احب هالمذيع ذوق فديتك انا البنات انصحهم يعتنون من الداخل احسن و اضمن و ما انصح با استخدام الغسول للبنات لانهم غير المتزوجات يعني حلك بسيط بالاكل الزين و قت الدورة و الاعشاب المفيدة


شهرازاد الحكايا عليك بالقسط البحري اخذي الي لونه بني انتبهي بني تلقينه عند الحواج و اطحنية بالبيت خلية مرره ناعم و اخذ منه اربع مرات باليوم مرة قبل الريوق ومرة قبل الغداء و المغرب و قبل العشاء تاخذينه قبل كل وجبة بنص ساعة لمدة شهرين كاملة و بعدين سوي تحاليل و قولي لي شنو صار


اي استفسار انا حاضره

 

[شهرزاد الحكايا]

lمشكورة على الرد السريع وبارك الله فيك ان شاء الله اشتريه اليوم وأبدأ من بكر وكل تطور اقول لك عنه بس حبوب الغدة أخذهم عادي لأني أخذ 75 ..حسب رأي الدكتور وتسلمين يارب

 

[قهوة برية]

عساج ع القوة .!

 

[حـــور..]

مشكوره حبيبتي طيب وش رايك في الملح ؟