اي استفسار انا حاضره يا حبايبي لان امي و جدتي يعالجون

[miss sweet]

مشكووووره ياقلبي على المووضوع

انا فيني بواسير وابي اعرف اذا في علاج لهم ؟ سئلي جدتج وامج الله يخليهم لج

 

[فراولة زرقاء]

هلا ما تشوفين شر بعطيك وصفة لمدة اسبوعين اذا ما صار تحسن عطيني خبر شوفي حبيبتي كل يوم و لمدة اسبوعين تاخذيين موزة و تقسمينها بالنص مع القشر لا ترمينه انتبهي القشر ضروري و اذا قسميتها نصيين حطي النص الاول على البخار لحد ما يصير لونها بني شوي و بعدين النص الثاني و بعدين حطيهم بالخلاط مع القشر و اخلطيهم و اكليهم تسوين هالطريقة مرتين باليوم مرة على الريق قبل الفطور و مرة قبل النوم هذا بالنسبة للاكل لان الموز راح يشد الامعاء و يرجعها لمكانها اذا شفتي تحسن و صرتي اوكي قبل الاسبوعين خلاص و قفي لاتكمليين اسبوعين

و بالنسبة للتحاميل اخذي بصلة متوسطة و اشويها و بعدين اعجنيها مع اربع ملاعق زيت زيتون و حطي معهم ملعقتين مرة مطحونه طحن ناعم جدا و منخولة و خلطيهم مع بعض لازم تكون مثل العجينه متماسكه و كوريهم كور صغير بحجم التحاميل و حطيهم بالفريزر و كل يوم قبل النوم اخذي وحده و حطيها من وراء في المؤخرة بس حاولي تثبتينها و نامي بس انتبهي اذا كان ينزل دم لا تحطين لا زم يوقف دم

و بالنسبة للدهان تجيبين من الحواج عشبة اسمها السناء مكي و تجيبين بعد زيت بذره القطن
تحطين اربع ملاعق من زيت بذره القطن و تسخنينه و تحطين معه ثلاث ملاعق سناء مكي و تحركينهم لاحد ما يمتزجون عدل و بعدين تدهنين فية صباح و ليل و هالطريقة انفعت مع كثير

اما بالنسبة للغسول تاخذين كراث و تغلين منه كمية تكفيك غسول حق يوم و اذا صار بارد مو دافي بارد تحطينه بسطل و تجلسين فية عشر دقايق لان الكراث ينشف البواسير و يصير بعد تتبخريين بالكراث يعني تحطين المبخر و فيه كراث و توقفين و هو بين رجولك

و اذا انتي من الناس الي تحب المكولات البحرية جيبي المحار و سوي منه مرقة مرة ممتازة للبواسير

و كل ماقضيتي حاجتك غسلي بالماء البارد انتبهي من الماء الحار او الدافي لانه البواسير راح تزيد مع الحرارة يعني كل ماجيتي تروحين لدورة المياه اخذي ماي من البرادة

يعني الحين صار عندك طريقة الموز مرتين باليوم و الدهان مرتين و الغسول مرة كل يوم و التحاميل مرة
بس اهم شي لازم تاخذين ملينات علشان ما يجيك امساك و اهم شي كثري الياف البرتقال و غيره و التمر ضروري سبع حبات الصبح و سبع باليل لانه يعتبر ملين قوي و ابعدي عن الاشياء الحارة و البهارات مثل الفلفل و الشطة غيره و اكلي كراث بعد كل وجبة بعد تشد الامعاء

بس حبيبتي البواسير كم صار لها معك قريب جتك ولا مطولة اذا مطولة يبي لك شغلات اقوى من الي ذكرت

 

[روروو]

حبي فراوله بثقل عليك
صح الماش يتعب القولون ؟؟
انا هالمره اول مره اشرب قرفه وقت الدوره واخذ تمره ورشاد انا دورتي دايم 7 ايام هالمره من رابع يوم مااشوف غير لون احمر خفيف مره هالشي عادي؟؟​

 

[miss sweet]

هلا فراوله مشكوووره ياقلبي على الرد بس انا مو متأكده الي فيني بواسير او شرخ لاني بصراحه استحي ارووح الدكتوور

فمادري البواسير والشرخ لهم نفس الاعراض ولا غير ؟ شلون اعرف الي فيني

انا طالع عندي نفس الجلد الزايد والدم مايطلع بس احيانا احسن بالم وخصوصا وقت تكرمين القويه وبطني متفوخ وغازات وكله فيني امساك
فحييل هلشي مضايقني

مشكله مأكل فلفل وبهارات عاد انا على طوول فلفل وبهارات وليمون مااستغنى عنهم

 

[فراولة زرقاء]

miss sweet شوفي حبيبتي الي معك بواسير و لا تتهاونيين بالامساك و انتبهي من كثر البهارات و الاشياء الحارة ماراح تستفيدين من العلاج وفي فية عشبة سناء مكي الي قلت سوي منها دهان تغلين كوب ماي و بعدين طفي عنه و حطي ملعقتين من هالعشبة و خلية ينقع لاحد ما يدفى و حركية بعدين صفية وشربية مرتين باليوم الصبح على الريق و اليل بس و لاعاد تكررينها هالعشبة ممتازة لو تاخذينها كل شهر مرة لان الرسول صلى الله علية وسلم كان يحتل فيها كل شهر راح تحسين بشوية نغزات عادي لانها طلع الغازات و بعديين الفضلات وماراح تقضين حاجتك زي الاسهال لا بتقظينها طبيعي و بسهولة


روررو فديتك الماش يهيج القولون يعني يزيده
شربي المريمية والكمون زين للقولن و فيه بعد عشبة الصندل الأحمر : تطحنينه الصندل لاحد ما يصير ناعم ، وتحطين ملعقة صغيرة منه في كوب ماء ويغلى النار ، يترك دقيقه ثم يصفى ويشرب وهو فاتر بعد كل وجبه أي ثلاث مرات ، وتحضر كل مرة في و قتها
و صفت الصندل اضمن و احسن وصفة للقولون تطرد الغازات و بتشفين بأذن الله من القولون
و بالنسبة للدورة لا تحاتينن حبيبتي اصلا الرشاد حار على الرحم علشان كذا اقول اخذية وقت الدورة لانه يسخن الرحم و ينزل كل الي فيه و لون الدم الطبيعي يكون احمر غامق و صافي ما فية تكتلات كثير و كل ما تعافيتي قلت ايام الدورة


اي استفسار انا حاضره

 

[صاحبة الأمتياز]

جزاك الله خير
لوسمحتي ابي شي ينزل الدوره متأخره شهرين
دورتي مو منتظمه تنتظم 4شهور وتنقطع شهرين واذا تأخرت ماينزلها الا الحبوب
لوسمحتي أذا تعرفين حرمه تعالج تكيس المايض وتأخر الحمل ترسلين لي رقمها ومشكوره

 

[ii DareeN ii]

مشكورة على افادة البنات


تم تثبيت الموضوع

 

[فـرفـر]

تستااهل التثيت



جد موضووعج فاادني

الله يجزيج خير

 

[روروو]

جد الموضوع يستاهل التثبيت لان الاخت فراوله فادتنا كثير اللي يعطيها العافيه

فراوله قد ايش اشرب كوب صغير كبير ؟؟
انا مااعرف شي كذا لازم المقادير بالظبط:eh_s(6):​

 

[فراولة زرقاء]

مشكور مشرفتنا و يعطيك العافية ومشكورين و يعطيكم العافية انتم تستاهلون الشكر لانكم ساهمتوا معي بالافادة

روررو الكوب العادي فديتك مو كبير و لاصغير وسط


صاحبة الامتياز برد عليك على الخاص فديتك بس قولي لي حالتك بالتفصيل سبق لك الحمل
او تاخذين حبوب منع حمل و الدورة كذا من و انتي بنت او بعد ما تزوجتي و اذا نزلت الدورة شنو شكلة
ناشفة او تنزل كتل

 

[الكرملين]

قوة فراوله تكفين شنو علاج جرثومة المعدة

 

[فراولة زرقاء]

اول شي : الثوم تاخذين فصين مفرومة مع كل وجبة يومياً ولمدة شهر و حطيه مع اي شي يعجبك يعني مثل السلطة او غيره لمدة شهر الثوم ممتاز للجراثيم ال بالمعده و الامعاء
ثاني شي : يشرب كوب شاي صيني بعد كل وجبة ولمدة شهر.
ثالث شي تاخذين ملعقتين عسل اصلي و تذوبينة بنص كوب ماي و تشربينه قبل وجبت الفطور والغداء بنحو نصف ساعة ولمدة شهر
وفية المصطكي عند الحواج و له اسم ثاني المستكة تجيبين كمية تكفيك شهر و تطحنينها طحن ناعم خذي ملعقة أكل منها،وتنقعينها في كوب ماء لمدة 12دقيقة ،ثم تصفينه وتشربين الماي وتكررين الطريقة مرة كل 12ساعة يومياً لمدة شهر ضروري لان المستكة علاج فعال للجرثومة

قللي من القهوة و الشاي و الكاكاو لانها تزيد من نمو جرثومة المعدة و اقطعي الوجبات السريعة و اكل المطاعم و كثرة الدهون لانها سبب من الاسباب الي تجيب جرثومة المعدة

وكل الي قلته لك تمشين علية زي ما قلت و بعد شهر قولي لي شنو صار معك


اي استفسار انا حاضرة

 

[الإمبراطوره]

يعطيك العافيه اختي الغاليه...
بسألك انا عمري 21 والدوره ما جاتني الا بعمر 17 (متأخر) وكنت اعاني من تأخرها ولما تجيني ما أحس بولا الم ولا عوار يعني تمر مرور الكرام وقالولي إن الي ما تتألم فيها بلى...وقبل 4شهور صار معاي نزيف يعني من أخلص الدوره بعد 9أيام آخذلي يومين ترد تنزل علي مره ثانيه,,,وتعبت حيييييييل ومع التحاليل طلع معاي ضعف بالمبايض وأحجامهم صغيره والهرمون متدني فعلا تحبطت لما افكر بالمستقبل كيف بدبر أموري...واختي نفس المعاناة زود عني هرمون الحليب عندها عاااالي وبنتها ما جابتها الا عن طريق الانابيب...وصراحه خايفه اكون مثلها مع ان الدكتوره قالتلي هرمونك الحليب طيب..فاتمنى يالغاليه تفيديني كيف انظم الدوره واتخلص من افرازاتها.؟وأداري هرموناتي عشان محد يعلى عالثاني؟ وهل حجم المبايض يكبر بعلاج معين وإلا خلاص هذا هو مثله ما بتغير؟؟؟


وهل تساقط الشعر عندي والحبوب الي تطلعلي والتعب له سبب في هبوط وتغير الهرمونات؟
وشاكرتلك حبيبتي..

 

[صاحبة الأمتياز]

صاحبة الامتياز برد عليك على الخاص فديتك بس قولي لي حالتك بالتفصيل سبق لك الحمل
او تاخذين حبوب منع حمل و الدورة كذا من و انتي بنت او بعد ما تزوجتي و اذا نزلت الدورة شنو شكلة
ناشفة او تنزل كتل
الحمدلله حملت بس مستخدمه منشطات
لاماخذيت حبوب منع الحمل
والدوره نفسها قبل الزواج وبعده
واذانزلت غزيره وبزياده واحيانا ينزل مع الدم كتل صغيره
وبعض الدورات بدايتها ونهايتها دم بني

 

[فراولة زرقاء]

الامبراطورة حبيبتي لا بلى و لاشي انا تجيني و تروح مرور الكرام بس المفروض ما تتكلمين قدام الناس شكلهم ما عطوك خير يعني احسدوك و العين حق بس اذا تبين النصيحة انتي و اختك استخدموا طريقة القسط البحري و الله العظيم ممتاز للهرمونات ينظم كل شي هرمون الدورة و الحليب و الغدة و التكيس و المبايض و ضعفها لان كل هالاشياء تصير من تخربط الهرمون
تروحيين للحواج و تطلبين قسط بحري اخذي الي لونه بني انتبهي بني و اطحنية طحن ناعم و كل يوم تاخذين مرتيين مرة قبل الافطار بنص ساعة و مرة قبل العشاء بنص ساعة لازم قبل الاكل ما يصير بعد و اذا جتك الدورة وقفية و كملي اذا خلصت الدورة و استمري علية انتي و اختك شهريين بالضبط لا توقفون و بعديين سوي تحاليل و شوفي الهرمونات
و الغدة يا حبيبتي تأثر على كل شي البشرة و الشعر و غيرة
و انتي الي عندك ضعف مبايض تاخذين مطحون الحلبة ثلاث مرات سفوف ضروري تاخذينه لان الحلبة اقوى شي للضعف الي يصير بالمبايض و اذا ما قدرتوا تاخذون سفوف القسط البحري لان طعمه مر حطي ملعقة قسط بحري مع ربع ملعقة عسل اصلي و حركيهم مع بعض بيصير زي العجينه و ناشف لان العسل كمية قليلة و بعدين اكلية صدقيني اذا اخذتي القسط البحري بترتاحيين من كل مشاكل الهرمونات

و ابعدي عن الكاكاو لانه يزيد الغدة تدهور و الوجبات السريعة تخربط هرمون الجسم اتركيها و بعد شهريين قولي لي شنو يصير معاك

صاحبة الامتياز مبين عندك هرمونات الدورة مو منتظمة و الي مسبب لك الضف هو الهرمونات نفس الشي لتنظيم كل الهرمونات اخذي القسط البحري هو اقوى عشبة لمعلاجة الهرمونات و تنظيمها نفس الطريقة الي ذكرتها للاخت امبراطوره

ابعطيك و صفة لتكييس المبايض بس لازم تستمريين شهر دون انقطاع
اولا :خلط نبتة المردقوش و ليس البردقوش مع الميرمية وتأخذ ملعقة كبيرة وتحطينها في ماء يغلي عشر دقائق وتشربين كأسين يوميا لمدة شهر
ثانيا : تجيبين من عند الحواج الحلتيت الابيض تاخذين منه قد حبة الحمص من الحلتيت الابيض لمدة اسبوعان بشرط شرب الحليب الطازج بعده مباشرة على الريق الحلتيت تلقينه عند الحواج تاخذيين كسرة قد حبة الحمص بس انتبهي لمدة اسبوعين بس

ثالثا : خلط كيلو عسل مع 50 جم غذاء ملكات و 40 جم مسحوق طلع النخل وتاخذين ملعقة كبيرة يوميا على الريق ما كاس ماء فاتر لمدة شهر
بس انتبهي المسكن الباندول ابعدي عنه يسبب تكيسس و تليف و تكسر للدم - الوجبات السريعه تاثر على الهرمونات
وما تشوفيين شر و بعد شهريين بشريني بالنتيجة

وعلشان اسهل عليك ارتب لك الجدول اذا قمتي الصبح اخذي القسط البحري على الريق و بعده بنص ساعة او ساعة اخذي الحلتيت الابيض و عادي معه طريقة العسل و اذا انتهت اسبوعين الحلتيت الابيض خلاص يصير ما عندك الصبح غير القسط البحري و خليط العسل

بس داوميين على هالوصفة بتلاحضين وقت الدورة يتغير لاحد ما تصير طبيعية و تنزل عليك كل شهر و بالنسبة للرحم بعطيك بخور ضروري تسوينه علشان الرحم ينظف لان الي عندها خلل بالهرمون يبقى الدم بالرحم ما ينزل كل شهر فيصير محتاجة تنظيف

البخور جيبي الشاي الاخضر طازج اذا ما لقيتي اخذي العادي الي بعلب بالجمعية بس حاولي تلقين الطازج و اذا جتك الدورة
تستخدمية من خامس يوم بالدورة 3ايام وتتبخري في نفس الوقت من كل يوم يعني احسبي بعد خامس يوم دورة ثلاثة ايام بخور
وبعدها تجلسي 3 ايام من غير جماع لانه احتمال تطلع من الرحم بلاوي بعد التبخير
بعدين عاد يبدأ الجماع.....طبيعي
و اذا حسيتي بقرب موعد الدورة يعني قبله بيوم اشربي مغلى الكركم حق الاكل اغلي كوب ماي و حطي ملعقة كركم دقيقتين وطفي عنه و شربية دافي ينزل كل الي بالرحم عادي لا تحاتيين اذا شفتي دم سائل مرة و ينزل بسرعة لان الكركم يسخن الرحم

و الله يا حبيبتي انا اعرف حرمة تعالج و اثق فيها بس ساكنة الرياض اذا انتي من اهل الرياض عطيني خبر اعطيك عنوانها

واذا الله ارزقك بالحمل بشريني


اي استفسار انا حاضره

 

[صاحبة الأمتياز]

مشكوره وجزاك الله خير
الحلتيت متى استخدمه ايام الدوره والا بعدها و عادي استحدم خلطة الزنجبيل والماش والفلفل
ولوسمحتي ارسلي لي رقم الحرمه اللي تعالج وعنوانها

 

[miss sweet]

فراوله مشكوووووووووووره قلبي انشاء الله بروح اشتري العشبه

 

[والله احبه]

مشكووووووره ع هالباادره الطيبه واتمنى انها تكون في ميزان حسنااتج .. بدش بالموضووع انا بنت بس احس ان في افرازاات وسواائل لزجه شفافه مثل المااي واحس ان يطلع مني هوا بس موووو وااااجد يعني بالشهرين مره تقريبا شنو الحل اانا خايفه اني خربااااااانه وعلى
وجه زواج شالحل.. تكفييييييييين

 

[مطيرية متواضعة]

مشكووووووووووورة وتقبل الله طاعتج

أخوي يعاني من مشكلة عادي اسئلة او خاص للنساء فقط؟؟؟؟؟

 

[فراولة زرقاء]

صاحبة الامتياز الحلتيت استخدمية بعد ما تخلصين من الدورة بس اسبوعين و وقفية و خلطة الماش عادي حبيبتي هي تنفع للبنات و المتزوجات و مرررره مفيدة ورقم الحرمة ان شاء بحاول ادورة و ارسلة لك

و الله احبة ما فيك الا العافية خراب بسيط مره مو قوي الي فيك انا ذكرت للبنات طريقة التمر و الرشاد بس وقت الدورة غير كذا لا ما تاخذينها
و اخذي طريقة الحليب الي مع الزنجبيل و الفلفل الابيض و الرشاد لمدة شهريين بالضبط شوفيها كتبتها للبنات تلقينها باحدى الصفحات شربي عشبة اسمها العنزروت حلوة مرة لتنظيف الرحم و الزنجبيل بعد حلو

مطيرية متواضعة عادي اخوك امك ابوك كل واحد حبيبتي


اي استفسار انا حاضره