اي استفسار عن المكياج أو عن طريقة وضعه أنا حاضره ....

[TooToo]

حبيبتي في ماركه ممتازه يستخدمونها اخصائين المكياج بره و هذي صورته من ماركة stila
اهي بصراحه مو موجوده اذا تقدرين تطلبين من النت زين بس اذا ما تقدرين بلغيني بشوف لج شغله مقاربه و من الكويت
هذي ال صوره

اي والله حبوبه شنو الكونسيلر المقارب له ؟

 

[سارونه أشكناني]

حبيبتي مشكورة على هالمبادره ما قصرتي بس بغيت تفيديني انا عندي اثار حبوب لونها احمر بوسط خدودي بس وخذيت كونسيلر ميك اي فور ايفر اللي فيه كونسيلر اخضر عشان الاحمرار احطه وبعدها احط البيج الغامج بعدها احط كونسلر لون الستيك اللي بحطه بعده بس مو حلو ما عجبني انا الحين كل يوم الصبح احط كريم اساس ماكس فاكتر وبودرة ماكس فاكتر تغطيته حلوة وما تبين الاثار وبدون كونسيلر بس الدرجه مو حلوة لاني بيضه ولما احطه الكل عباله انا حنطاويه ؟؟؟ ابي كريم اساس حلو ويصلح للاستعمال اليومي ولونه طبيعي وفاتح ومشكووووووورة

 

[زهرة الثلج]

مشكورة ياقلبي...
حابة أسألك...

كيف أخلي وجهي بعد الأساس يلمع كلمعة بلاستيكية...
نفسي أعرف...

لك كل الود

 

[عروس الدنيا]

>>>>

اي والله حبوبه شنو الكونسيلر المقارب له ؟

حبيبتي .... من Givenchy يمكن هل كونسيلر بيفيدج .. و حاولي تاخذين دايما الكونسيلر درجه افتح من درجة الفاونديشن و الزين بهل فاونديشن انه ريشته منه و فيه

 

[عروس الدنيا]

حبيبتي مشكورة على هالمبادره ما قصرتي بس بغيت تفيديني انا عندي اثار حبوب لونها احمر بوسط خدودي بس وخذيت كونسيلر ميك اي فور ايفر اللي فيه كونسيلر اخضر عشان الاحمرار احطه وبعدها احط البيج الغامج بعدها احط كونسلر لون الستيك اللي بحطه بعده بس مو حلو ما عجبني انا الحين كل يوم الصبح احط كريم اساس ماكس فاكتر وبودرة ماكس فاكتر تغطيته حلوة وما تبين الاثار وبدون كونسيلر بس الدرجه مو حلوة لاني بيضه ولما احطه الكل عباله انا حنطاويه ؟؟؟ ابي كريم اساس حلو ويصلح للاستعمال اليومي ولونه طبيعي وفاتح ومشكووووووورة

هلا حبيبتي .... شوفي اذا تبين شي خفيف استخدمي الفاونديشن من بينفت او كانيبو الي حاطه صورهم انا من قبل و عليهم حطي كومباكت بودر من لابريري و اخذي درجه فاتحه هذا اهو حبيبتي

 

[عروس الدنيا]

مشكورة ياقلبي...
حابة أسألك...

كيف أخلي وجهي بعد الأساس يلمع كلمعة بلاستيكية...
نفسي أعرف...

لك كل الود

خبيبتي قبل لا تحطين البلاشر حطي على كل ويهج هل منتج من بينفت
و بتشوفينه مثل الممثلات يلمع

اسمه هوليود جلو

 

[عروس الدنيا]

بنات لا تنسون تجيكون على صلاحية الميك اب و تشوفون متى بينتهي و اذا شميتوا ريحة شي حزر قطوه على طووووووووووووووووووووووووول

 

[جـوهـره عـازمـيـه]

ابي احسن كريم للاعراس

واحسن كونسيلر

 

[بنت الحزن]

مشكوره علي الموضوع المميز

 

[عروس الدنيا]

ابي احسن كريم للاعراس

واحسن كونسيلر

حبيبتي للأعراس لازم الاساس يكون متقن جدا
راح ابدي معاج خطوه خطوه عشان ويهج يكون مجهز .
طبعا بعد ما تغسلين ويهج و تحطين المرطب الي تستخدمينه
في شي اسمه base
تحطينه على خدودج و جبهتج و خشمج من فوق . بعدين تبدين تحطين الكونسيلر الملون و تلقينه بأكثر المحلات و انا شخصيا استخدم من عند ريد ايرث . حطي الاخضر على الاماكن الحمرا و أثار الحبوب
و حطي الوردي على النمش و حطي الاصفر على الاماكن الفامجه شوي بالويه
بعدين حطي كونسيلر ماركة ستيلا و انا حاطة صورته بنفس الموضوع دوريه بالصفحه الاولى او الثانيه
و لم تحطين الكونسيلر تأكدي توزع صح ...عقبها حطي الفاونديشن ... اذا تحبينه ثقيل استخدمي أي نوع من ديور لأن عموما أكثر الفاونديشن يكون ثقيل عندهم و عقبها حطي كومباكت باودر من لابريري هم انا حاطه صورته بالموضوع .. و انشالله بيكون الويه جاهز للخطوات التاليه

 

[عروس الدنيا]

بنت الحزن مشكوره و هذا من ذوقج

 

[شهووده]

حبيبتي عندي استفسار بسيط أبيج تساعديني فيه ..

لما أحط شدو أسود على خط رموشي اللي تحت بالفرشه المشطوفه يكون حلو وثابت بالبدايه لكن بعد

فتره أشوفه بدى ينثر ويسود منطقة تحت العين .. مع العلم إني أحط كونسيلر تحت عيني بس هم ماكو

فايده .. فشنو الحل برايج عشان يتم الشدو الأسود ثابت ؟

ومشكووره مقدما ..

 

[زهرة الثلج]

مشكورة ياقلبي الله يجزاك خير...

بس كم سعره اللي من بنفت وهل يخلي لالوجه برونزي لأني ماأحب إتكون بشرتي برنزيه...

المفروض يثبت الموضوع لأنه عن جد رائع

 

[عروس الدنيا]

حبيبتي عندي استفسار بسيط أبيج تساعديني فيه ..

لما أحط شدو أسود على خط رموشي اللي تحت بالفرشه المشطوفه يكون حلو وثابت بالبدايه لكن بعد

فتره أشوفه بدى ينثر ويسود منطقة تحت العين .. مع العلم إني أحط كونسيلر تحت عيني بس هم ماكو

فايده .. فشنو الحل برايج عشان يتم الشدو الأسود ثابت ؟

ومشكووره مقدما ..

حبيبتي اي شدو تستخدمين ؟؟؟؟ يمكن من الشدو يصير جذي .... حاولي تغغرين الشدو ... أو استخدمي الي يصير كحل سائل في علبه و كل الماركات عندهم انت استخدميه مثل الشادو يصير أثبت و ما يتحرك من مكانه

 

[عروس الدنيا]

مشكورة ياقلبي الله يجزاك خير...

بس كم سعره اللي من بنفت وهل يخلي لالوجه برونزي لأني ماأحب إتكون بشرتي برنزيه...

المفروض يثبت الموضوع لأنه عن جد رائع

الي من بنفت سعره يمكن 10 و اي يخلي الوجه عليه لمعه شويه برونزيه ..... و دام ما تحبين اللون البرونزي جربي herbal highlighter من ماركة PALLADIO تلاقينها موجوده بلاندمارك و سعرها ما يتعدى 5 دنانير
و استخدميها اخر شي عقب ما تخلصين المكياج حطيها باصابعج ووزعيها على المكان الي تحبينه

 

[زهرة الثلج]

مشكورة ياقلبي الله يجزاك خير تعبناك معانا........

 

[june_m00n]

مشكوره تالولو على الموضوع

بس بغيت اسألج عن فاونديشن اليزابيث اردن اللي تقولين مثل الفوم يصلح للبشره المختلطة المايله الى الجفاف؟

 

[عروس الدنيا]

جون مون حبيبتي ينفع حق البشره المختلطه بس لا تنسين تحطين مرطب قبل لا تحطينه

 

[عروس الدنيا]

عطر الخدود

--------------------------------------------------------------------------------



صباح الخير
ابسالج عن اضاءه شفافه
عن الخدود الي نفس الفازلين ينحط عند الخدود ودقن والجبه
انتي فهمتيني ولالال؟؟


حبيبتي ياريت تكتبوت مواضيعكم اهني بالموضوع ... انا مسويه الموضوع عشان الكل يستفيد بالخاص محد بيدري عن السؤال و جوابه ....
المهم
يا عمري فاهمتج في من بينيفت هوليود جلو الي قلت لج عنه
و حاطه صورته بالموضوع ... و اذا ما تحبين اللون الي على برونزي استخدمي المنتج الي فوق هيربال و يعطيج نفس النتيجه على لون ابيض

 

[عروس الدنيا]

السلام عليكم .....
اشلونج اختي talolo2000

حبيت اسألج هذا الكحل اللي بالصور اللي تكلمتي عنه وين القاه وجم سعره



و السموحه ......




الكحل هذا من شيسيدو ........... و سعره اذا ماني غلطانه 7 او 8 و تلقينه باكثر مراكز التجميل و الي بالجمعيات و بدبنهامز
و انا شخصيا شاريته من جمعية المنصوريه