اي استفسار عن المكياج أو عن طريقة وضعه أنا حاضره ....

[كويتيات]

حبيبتي اول شي مشكوره على الجهد الكبيــر اللي بذلتيه والله حاســه فيج شلون دوخــه ويالله تلحقيــن

من بعد اذنج انا اشوف وايد بنات تحت عيونهم صوب الكونسيلر ابيض وفاتح وصاااااااافي ومنوور وشكله حجه ايشوف ويكون اللون افتح من لون اساسهم بس بشكل حلو وطبيعي مو اوفر وعيــزت وانا احاول بلوز باودر بكل انواع الكونسيلرات و الاضاءه والاساس بس ما ظبطته ويصير تحت عيوني رماادي وانا بيضاا بس هالاتي قااامجه حيل من السهر والمرض و الدراسه والله يعين

 

[زبــــــــدة]

كويتيات حبيبتي

اخذي كونسيلر غامج مو فاتح لان اذا حطيتي فاتح على الهالات اكيد بيصير رمادي

يعني تخيلي وحده سمرة تحط اساس ابيض شتصير؟؟

نفس الشي الكونسيلر قبل لا تاخذينه جربيه وفي عند ماك كونسيلر حلووو في كذا لون يكون مثل علبه شدوو بس

اهوا كونسيلر لوووووول ماعرف اشرح يعني العلبه فيها درجااات^_^

وبس

 

[ما لقيت اسم]

أنا أول ما أقعد الصبح ويهي حلو بس لما أدواوم نص الدوام يلوع الجبد يصير شاهب مو حلو على أنا مدرسه وتعرفين تعب التدريس بعد المهم أبي كريم لونه طبيعي ما جني حاطه كريم أساس يعني طبيعي زانا بشرتي مختلطه وصافيه بس سمره خفيف وما فيها حبوب أنا أشوف المدرسات يحطون كريم اساس بشرتهم طول اليوم تهبل لدرجه ودي البس ملافع ملونه بس مو حلو علي أموت وابسهم بس احس ويهي حيل شاحب بالدواااااااااام
اموت من الحره لما اشوف المدرسات وييهم تهبل ما جنهم حاطين كريم ولا باودر مع إنج لما تقربين تلاحظين اهم حاطين
كريم اساس أو باودر بس والله تهبل

اسفه على الإطاله

 

[ما لقيت اسم]

شنو بينفت ووين ألاقيه

 

[زبــــــــدة]

مالقيت اسم

عندج ماكس فاكتر وكلينك ماجنج حاطه شي وطبيعي انا اطول فيه يعني حق الجامعه نفس ما اهوا ما يتغير

^_^

 

[جـوهـره عـازمـيـه]

هاااااااي زبده

حبيت اسألج عن بودرة لابريري


وين القاها وبكم ؟؟

وتنصحيني فيها ؟

انا بشرتي عاديه ولله الحمدلله ماعندي فيها مشاكل .. صافيه وناعمه .. بفضل الله ..

 

[كويتيات]

حياتي زبده مشكووره

 

[زبــــــــدة]

عسوله

حبيبتي والله ما جربتها بس اذا بشرتج صافيه وحلوة جربي بودرة ماكس فاكتر طبيعيه وخفيفه

ولا لا تحطين شي مو لازم حرام تخربينها بالمكياج ^_^ ماشالله لا اله الا الله الفال لي

 

[زبــــــــدة]

كويتيات

العفو حبيبتي^_^

 

[Q8 3roos]

مشكورة

 

[جـوهـره عـازمـيـه]

مشكوورة زبده ...

بس ماكس فاكتور في انواع ..

اي بودره تقصدين العاديه او المضغطولة ؟

انا عندي المضغوطة ورقمها 1 واهي حلوة علي ^_^

 

[جـوهـره عـازمـيـه]

حبيبتي نسيت اسألج عن ماركة سماش بوكس

وين اقدر القاها ؟؟


ويعطيج الف عافيه ^_^

 

[زبــــــــدة]

هلا عسوله

اي المضغوطه وصح رقم 1 عجيييبه^_^

وسماش بوكس ماعرفها والله اول مرة اسمعها منج^_^

 

[اخصائيه]

شلون احط الايلاينر؟

 

[lميوره]

[COLOR="DarkRed[B[SIZE="6"][COLOR="Red[FONT="Arial Black"]"]]"]السلام عليكم [/[/COLOR][/SIZE]B][/COLOR][/FONT]


[COLOR="Black[COLOR="Red"][FONT="Comic Sans MS[FONT="Arial Black"]"]"]ابي اعرف شنو فايده البيس
ومتى ينحط قبل الفانديشن او قبل المرطب
وشنو احسن ماركه



وعندى مسامات مفتوحه اذا حطيت الفانديشن يبن[/FONT][/COLOR][/COLOR][/FONT]

 

[g6awi]

شلون احط ميك اب نفس طريقة البنت اللي بصوورة زبده ؟؟

اني العب بدرجات كريم الاساس ؟؟

انا بعد ودي اعرف عن البييس

ابي اعرف شنو احسن بييز يعطي اضاءه

واحسن بييز يعطي تغطيه ؟؟ لانه حوالين شفايفي اغمج من باجي ويهي شنو الحل ؟؟

وشنو احسن الكيك ايلاينر ولا العادي ؟ وشنو الفرق ؟

والكومباكت ابي شي حلوو حق الدوام وما يسوي نفس الرمل على الويه شنو في نوع زين حق الصبح ؟؟

ادري طولت عليج بس محتاجه اسأل

ومشكوره على الموضوع الحلوو

 

[JEED2007]

حابة اسئلك عن حمرة هيفاء وهبي اللحمية اذا تعرفين شنهي ماركتها ورقمها ياليت تفيديني احب الحمرة اللحمية اللي تصير عاللوردي الخفيف مثل اللي تحطها هيفا ونانسي

وبعد بالنسبة للحمرة البرتقاليه ابي لون برتقالي بس هادي وناعم


وشكرا

 

[جورية كويتية]

يعطيج العافيه ياقلبي
موضوع وايد حلو
ووايد استفدت منه
ماشاء الله البنات اسألو عن كل شي
سو ما عندي سؤال يديد ^_^

بنااااااااااااااااااااااااااااااااااااااااااااات
حابه احذركم من كريم ديور

لانه تاكل بشرة الوجه وهذا كلام اخصائي بشرة

وقال لي استخدموا اي كريم الا هالماركة

بالبدايه تخلي بشرتج روعة وناعمة بس بعدين تلاحظين مسامات بشرتج تتوسع بعدين تاكل البشرة


فقال بعدوا عنها ولا تستخدمون اي منتجات ديور للبشرة

وارجو الدعاء لي بالرزق

امبييييييييييييييييييييييي
صج
ترى صج صج :eh_s(1):
انا صارلي فتره ملاحظه ان المسامات بويهي اوسعت
مع ان ما كانت عندي هالمشكله
واستغربت !!
بس الحين عرفت السبب
مشكوره حبيبتي على التنبيه
يزاج الله خير

 

[ام سليمان 2008]

اول مشكورة حبوبتي على المجهود مع البنات

زعندي جمسؤال قلبي انا بشرتي بيضا وفيها نمش خفيف وطبعا لازم الهلات اللي تحت العين صارت من علامات الجمال المهم

ونوعها مختلطة ابي كريم اساس مناسب وايماركة ماعندي مشكلة وابي كونسيلر وكريم خافي العيوب اللي بالويه تكون مثل حبة او بقعة بسيطة وابي بودرةبس مشكورة يعني ابي اوحد لون بشرتي لاني مااحب الميك اب وايد احي ستايل

الاجنبي بس بشرتي وايد متعبتني يعني مافي فاونديشن مناسب

واسفة اختي طولت عليج

 

[عروس الدنيا]

بنات اسفه كنت منقطعه عن المنتدى 3 شهور بسبب ضروف خاصه و انشالله بحاول اقرا الاستفسارات كلها و ارد عليها ... و الضاهر في بنات جزاهم الله الف خير ما قصروا و ردوا على بعض التساؤولات يعطيكم الف عافيه