اي استفسار لطلبة الحقوق - جامعة الكويت

[miss disaster]

up


up

ليش التجمع ورا ؟؟؟؟

 

[# miss tmo7a #]

رد : اي استفسار لطلبة الحقوق - جامعة الكويت

Lawyer

الله يبارك فيج حبيبتي عقبالج ان شاءالله ؛

تصدقين مو متخيله ان شهر 10 ما في دوام :eh_s(11):

واذا كنتي تعرفيني او لا ؟ اتشرف والله بمعرفتج ​

 

[# miss tmo7a #]

رد : اي استفسار لطلبة الحقوق - جامعة الكويت

eva

فديتج على هالترحيب اخجلتيني الصراحة :eh_s(22):

والله يبارك فيج ما بغينا نخلص ؛

واذا على اول مشاركة لي بالتجمع اصلا انا مسجلة عشان التجمع >> حقوقيه متعصبه

وعلى الاستفاده انتي راحت عليج ماراح تستفيدين مني ههههه احنا بنستفيد منج

و مشاريعي ماكو شي حاليا حتى ما فكرت اقدم على الوظيفه ابي نقاهه بعد اربع سنين كراف بالكليه بس مفكره بالماستر

ان شاءالله ​

 

[3ian-el7r]

هآآي شلونكم

في وحده اعرفها بكل شي يعني اهيا الاحسن:|

المهم
اهيا الحين اقبلوها بالشريعه
اتقولي

انا اذا تخرجت من الشريعه اصير ((محاميه))وافتح مكتب

قلت لها من صجج!!
لاحبيتي مايصير
ولا اتقول امبلى يصير

ياحقوقيات يصير انها اتصير محاميه؟؟؟؟؟؟؟!!!!!!!!!!!

 

[BeBoNz]

رد : اي استفسار لطلبة الحقوق - جامعة الكويت

^^^

موصج شريعة ومحامية شخلت لنا شنصير احنا مفتيات وداعيات لول ..

قوة شلونكم بنات انا توني حقوقية يديدة توني انقبلت ..

بغيت زويا تضيفني عالايميل عساس نتفاهم على اشياء ياريت تفيدوني فيها واي شخص بالحقوق وخبرة يضيفني او يراسلي عالبرايفت ..

ناطرة ردودكم واي شي يخص كلية الحقوق لقاءات ندوات اي شي مهم ياريت تبلغوني وتساعدوني وتعلموني ..

 

[3ian-el7r]

اي والله اظاهر احنا انصير ابلات اسلاميه ولا داعيات=)
بس جد غثتني وجدام الكل الناس انا راح اصير محاميه اذا تخرجت من الشريعه
اقولها ماااااايصصصصصصصصصصصصير
اتقولي بفتح مكتب واتشوفين
شدعوه:|
بطت جبدي
بس الله يووفقهآآ

ويوووفقنآآ

بنات يوم الاثنين فيه لقاء لطلبة الحقوق بس؟وساعه جم؟واي صوب؟

 

[BeBoNz]

رد : اي استفسار لطلبة الحقوق - جامعة الكويت

اي لطالبات المستجدات بالخالدية بمبنى الاتحاد الوطني لطبة جامعة الكويت ..
ساعة اربعة ونص ..
سألي سيكورتي (الامن والسلامة) يدليج ترى مية مية ..

واي شي تقدرين تساعديني فيه انا حقوق توني يديدة ابي اي شي يفيدني نوت لقاءات اي بطيخ لول ..موفقة

 

[miss disaster]

هآآي شلونكم

في وحده اعرفها بكل شي يعني اهيا الاحسن:|

المهم
اهيا الحين اقبلوها بالشريعه
اتقولي

انا اذا تخرجت من الشريعه اصير ((محاميه))وافتح مكتب

قلت لها من صجج!!
لاحبيتي مايصير
ولا اتقول امبلى يصير

ياحقوقيات يصير انها اتصير محاميه؟؟؟؟؟؟؟!!!!!!!!!!!

الحين شكو الحقوق بالشريعه :lkmnkl: :lkmnkl:

 

[miss disaster]

رد: رد : اي استفسار لطلبة الحقوق - جامعة الكويت

اي لطالبات المستجدات بالخالدية بمبنى الاتحاد الوطني لطبة جامعة الكويت ..
ساعة اربعة ونص ..
سألي سيكورتي (الامن والسلامة) يدليج ترى مية مية ..

واي شي تقدرين تساعديني فيه انا حقوق توني يديدة ابي اي شي يفيدني نوت لقاءات اي بطيخ لول ..موفقة

بنات حبايبي بوابه 7 صوب الخط السريع اهي بروحها مو صوب العلوم ولا الهندسه اهي براا مو داخل الخالديه

 

[SKY--NA]

بتروحون كلكم الاثنين ؟؟

منو بييبون من دكاتره ماعندكم خلفيه ؟؟

 

[روح الغلا]

اي ان شااااء الله اناا برووح .. بس مالي خلق يتحجون عن اشيااء اعرفهاا انذارات وغياب
ونظام الحقوق ...إلخ .. ؟

 

[miss disaster]

امم ان شاء الله بروح

وما ادري بس اذا قدرت اسألكم

 

[SKY--NA]

مادري خل نروح احنا مارحنا الاول

لازم نروح عالاقل لو واحد ونشوف شنو يقولون

سي يوو كلكم

 

[روح الغلا]

اممممممممم .. اي والله شورانااا ..

 

[eva beach]

sky--na

هلا والله

بالنسبه لي ماشجع ان اي احد ياخذ مواد لغااات بالكوورس العادي

طبعا ليش ؟؟

لان غالبا يصادف فاينل مواد اللغات مع المدتيرمات لباجي المواد

وبجذي راح تنضغطين وتتوهقين

انتي شوووفي نفسج اذا تقدرين وتتحملين اخذيها كورس اول

وانصحج تاخذين الفرنسي عند دكتورة هناء بوقريص احسسسسن دكتورة بالعالم العربي كله



******


وبناااااااااااااااااااااات ترررى انا تخررجت من الحقوووق وتوني هالسنه ادري انه يصير خريجين الشريعه

يقدروون يصيرون محاميين !!!!

هالمعلوومه قالتلي اياها رفيجتي .. واهيا اساسا مسجله بجمعيه المحاميين

يعني لا تستهزئوون فيهم باجر يصيرووون نفسكم هههههههههههههههههههههههههههههههههههه

>> اااااااااااااااااااااااااااااااااه يالقهررررررررر وتعب ال 4 سنييييييييييييييييين رااح

معني مو مفكره بالمحاماه بس قهرررر صج

 

[3ian-el7r]

يبا شلووون يصيرون محامين واهم خريجين شريعه
يمكن اتصير موثقه اووكي رضينا
بس محاميه مستحيل
اصلن مو نفس موادنا اللي بالحقوق ياخذونها
يعني بارده ومبرده مستحيل
الله يوفقنا

اي عن اللقاء
وين بمبنى الاتحاد؟
مو بمسرح الجامعه؟

 

[miss disaster]

يبا شلووون يصيرون محامين واهم خريجين شريعه
يمكن اتصير موثقه اووكي رضينا
بس محاميه مستحيل
اصلن مو نفس موادنا اللي بالحقوق ياخذونها
يعني بارده ومبرده مستحيل
الله يوفقنا

اي عن اللقاء
وين بمبنى الاتحاد؟
مو بمسرح الجامعه؟

اهو بالخالديه مسرح الاتحاد :eh_s(4):

 

[~.ąvȍƈaȚ.~]

بنات شسالفة اللقاء ؟!

و متى ؟؟ :d

و وين ؟؟

و حق الحقوق بس و الا شنو ؟؟

 

[eva beach]

شنووووووووووو الي مستحيييييييييل !!

@@

اقووولج البنت مسجله في جمعيه المحامين وناس قايلين لهااااا تقوليلي مستحييييييل !

اللله يهديييييج بس

انا عبااالي قبل يصير ووقفوا هالشي لان في محاميين خريجين شريعه

بس اهيا قالتلي انه لما الحين

اكبر مثااال المحامي سعد العنززي خررريج شريعه

وعلى فكره في قضاااااه خريجين شريعه !!

والنيااابه بعد ياخذوون حقوق وشريعه !! والشغل قانووووووني بححححت

واذا مصرره على رااايج كييفج نطريها تتخرج وتفتح لها مكتب وبعدين قولي مستحييل هههههههههههههه

وسواء رضينا والا مارضيناااا هذا الواااقع شنو بنسوووي بعد !!

وبعدين تسالين شلوون تصير واهيا خريجه شريعه !!! اذا مافي شررط بقانون مهنه المحامين تصير

وغصبا عن خشم الي مايرضى !! في صيغه خل اقولج اياها ( شهاده الحقوق ومايعادلها ) !!

ولو مو متاكده من الخبر جان دوورت قانون مهنه المحامين وسالت لج

بس انا مقتنعه .. so تقدرين تسالين بس نااس ثقه ودوري قانون المهنه وشوفي

وترى القهررر الصجي على النيااابه مو المحامين معني مقهووره عل 2

لانه فيها اعداد معينه وفيها استبعاد لقانونيين على حساب قبول شريعه

 

[eva beach]

تدرين شلووون دورت لج الماده الي تنص انه يصير

>> سووووري بس انا ماقوول شي الا متاكده منه وماحب احد يغلطني واهوا اساسا لا متاكد

ولا عنده سند ولا دليل .. واذا طلعت معلوومتي غلط او فهمي للماده غلط بقوولكم وماراح اكاابر

تقولج الماده 2 من قانون رقم 42 لسنة 1964 فى شأن تنظيم مهنة المحاماة أمام المحاكم ( 42 / 1964 )

الشروط الواجب توافرها للاشتغال بالمحاماة



مادة 2

يشترط فيمن يقيد أسمه بجدول المحامين الدائم.

أولا ـ أن يكون كويتيا.
ثانيا ـ أن يكون كامل الأهلية، محمود السيرة، حسن السمعة غير محكوم عليه قضائياً أو تأديبياً لأسباب ماسة بالذمة أو الشرف.

ثالثا ـ أن يكون حاصلا على إجازة الحقوق من جامعة الكويت أو من إحدى الجامعات المعترف بها أو إجازة القضاء الشرعي من إحدى كليات

الشريعة الإسلامية بإحدى دول الجامعة العربية. ويعفى من هذا الشرط المحامون الكويتيون الذين قيدوا بالجدول الدائم طبقاً لقانون المحاماة رقم

21 لسنة 1960



***


وهذا كلام المحامي مهنا العتيبي في مقابله صحفيه :

ما رأيك في قانون المحاماة الحالي؟

هو قانون متناقض، ولا يصلح للمرحلة الحالية. فقانون المحاماة متناقض والجمعية لا تحرك ساكنا. فقبول أناس في المهنة غير مشتغلين بالمحاماة مخالف للقانون. فكيف تقبل شخصا في وزارة الشؤون يجلس على مكتب ويتعامل مع القانون الإداري فقط وتسجله عندك بالجمعية وأنا أعمل في أروقة المحاكم وأتعامل يوميا مع جميع أفرع القانون ثم تمنحه درجة دستورية وتمييز عندما يستقيل من عمله بالوزارة بينما أنا كمحام متمرس لا أحصل عليها إلا بعد سنوات طويلة من الجهد والتعب؟ فهذا فيه إجحاف. أضف إلى ذلك قبول خريجي الشريعة والقانون في جمعية المحامين مخالفة صريحة وخطأ بارز. لقد كان هذا الأمر مقبولا فيما مضى عندما لم يكن هناك أعداد كبيرة من المحامين أما اليوم فخريجو القانون كثيرون. وأقترح على خريج الشريعة والقانون أن يخضع للتجربة لمدة أربع سنوات قبل منحه عضوية جمعية المحامين والاشتغال بالمحاماة. فهو لم يدرس قانون جنائي أو قانون إداري أو قانون مدني، اللهم إلا الأحوال الشخصية التي درسها وأتقنها



وهذا اللنك

http://www.alanba.com.kw/AbsoluteNMNEW/templates/weeklylocal.aspx?articleid=101991&zoneid=168



والحين لج كاامل الحريه في الاقتناع من عدمه