اي استفسار لطلبة الحقوق - جامعة الكويت

[محاميه الغد]

شهوده

اي الحمدلله مستعده متحمسه يعني
حماس اول جم يوم بس ادري
طبعا بعد ما قعدت سنه كامله بالبيت لازم اشتاق حق الجامعه و الدراسه
بس خايفه شوي من سنه ثالثه محد مدحلي اياها:krkrkr:


لوير
هلا حبيبتي
اانا ما ابي شي احمد ربي اذا معدل ظل نفس ما اهوا بسنه ثالثه
انشالله اللجنه تدزج دزززززززز و بعدين شفيهم يأجلون مل ساعه صج يذلون:eh_s(14)::eh_s(14):

سويت
حبيبتي خليج متحمسه و لا تخافين ترى والله سنه اولى سهله و بعدين 6 مواد شويه
عيل سنه ثانيه 8
و ثالثه 9
و بس مادتين منهم يحتاجون تركيز
انا اخذت جزاء عند فاضل نصر الله و اهوا يصير حق ريلي كل يوم رازه ويهي و مسلمه عليه فعلا خووووش دكتور ماشالله عليه طيب
و شاهين زين بعد
صدقيني يمكن اول ايام تحسين انج ضايعه بالمواد بس بعد فتره بسيطه خلاص راح تستوعبين كل شي
و شوفي انا مابي اقولج درسي كل يوم بيومه
انا احسن شوي
درسي كل اسبوع باسبوعه _03BA:

 

[SweET^LiKe^chocolate]

اي والله صح اسبوع بسبوع عشاد لا امل

 

[SweET^LiKe^chocolate]

محاميه بغتي اسالج شلون الزواج مع الدراسه ما اشغلج وحتى اليعال ماشغلوج عن الدراسة؟؟

 

[محاميه الغد]

اي كل يوم نفسيتنا تتعب
خليها كل اسبوع احسن
بعدين تملين
و تدرسين كل يوم بس اول جم شهر بعدين تكشتين
بس انا قلتلج لا تحاتين
انتي محوله من اي كليه ؟

 

[SweET^LiKe^chocolate]

انا محوله من علوم بيولوج وراحت علي سنه بس يالله سهالات انشالله

 

[محاميه الغد]

الزواج مع الدراسه وفقت بينهم الحمدلله يعني قبل الامتحانات كنت انثبر باليت و ادرس عدل بس بصراحه مو كل يوم ادرس
يعني اطلع و اروح و ايي بس وقت الامتحانات دراسه و بس
و ريلي ماشالله عليه وايد يشجعني على الدراسه
بس ما جربت الدراسه مع العيال و انا اعتقد اذا الوحده بغت تدرس و توصل تقدر و الزواج و العيال مو عائق
اختي كانت بكليه الهندسه و تزوجت و يابت بنتها و تخرجت بتوفق

 

[SweET^LiKe^chocolate]

ماشالله عليها صح اهو مو صعب السالفه مسالت ترتيب وقت وعلى الله

 

[محاميه الغد]

زين سويتي كليه العلوم محد يظل فيها
الدراسه وايد جامده فيها على حد علمي
الله يوفقج بالحقوق انشالله بس لازم تكونين حابه الحفظ

 

[SweET^LiKe^chocolate]

والله انا الصراحه ماحبه بس حابه الحقوق وبدام اني حابه الحقوق انشالله بحب الحفظ والله يسهل انشالله

 

[القلوب الساهيه]

باك بنات

ولهت عليج العافيه محامية الغد شلوونج وشخبااارج ,,,؟

 

[mo7amyaaa]

السلاااااااااااااااااااااام
هلا بمحاميه الغد ,,,شخبارج يالغاليه؟؟
وهلااااااااا ببنات كليتنا الحلوين كلهم <<<< باللغة العربيه الصح تنكتب الحلوات عشان ايفا ابله هويدا ماتصلحلي لوووووووول
يالله خلوني انا اول وحده اهنيكم بالعيد ليش ان صارت مسابق
عيدكم مبارك وكل عام وانتوا بألف ألف ألف خير
عن جد متعتونا معاكم حبايبي والله
تحيااااااااااااااااتي

 

[مـ سهله ـو]

محاميه عمري انا ابي دكاتره فصله عشان نسوي ثنائي مرح مابي واحد كريه ودمه ثقيل لاني صج بكره الماده واذا كرهتها مراح ادرس واذا ما درست سقطت يعني هاذي معادلة لازم تعرفينها :> هههههههههههههههههه


واااااي متى تييي الكلية ودي اقحص فيها خخخخ

 

[mo7amyaaa]

هاااااااااااااااااا مو سهله
يعني شنو تبين مواصفاتهم عشان نفصلهم لج

 

[مـ سهله ـو]

اوكي شوفي حبيبتي


أبيهم طوال


وعندهم شعر بروسهم <<<<<<<<< سبحان الله


وأبي مممممم نكته كله يضحك كل ما قال كلمه ضحك يعني نرد عليه ونقول (( الحمدالله والشكر ))


ما يعطي امتحانات مفاجئه لازم يقولنا قبلها بعشر ايام عشان استعد لها



أبي يحب الأكل بس بالاعتدال


وما عليكم أمر بنااات أبيه يكون اجتماعي مو عصبي

 

[mo7amyaaa]

ياجماعه ساعدوها بنات لازم تدرس البنت
لووووووووووووووووول
لازم شعر يعني

 

[مـ سهله ـو]

اي ما ابي اصلع اذا سمحتو :>

 

[Chocolate Milk]

محد رد علي

 

[eva beach]

فطومه
العفو حبيبتي ما سويت شي
اي واااااااااااااايد احسن لان باولى كنت ادرس دستوري واصول اول باول وكااااشته بباجي المواد لان دستوري كل اسبوع عندنا اكوز واصول كل محاضرة يسال شفوي بس احسنلج حق الميدتيرمات وحق الفاينل تحسين نفسج فاهمه وامشيه بالدراسه يلاااا انشالله خير

لوير
هههههههههههههه يا حلوج والله
اشوه الحمدلله انج حصلتيلج شي المهم شي ينلبس حق العيد ومدام عاجب الي وياج اكييييييييد حلوووووو
واهم شي انج بتعطينه حق امج صج صج امبين انج كرهتـــــــــيه من قلــــــــب والله احسن تاخذه امج ولا ينقط في الكبت لما ايي نصيبه ويروح في الزباله والا يتوزع

محامية الغد
هلاااا وغلاااا اولهت عليييج العافيه وانااا بعد ولهااانه عليييج صارلج جم يوم مو داخله موضوعنا معذووورة خلاااص سامحتج
وعلى الرضوان ترى ماارضى عليه واااااااااااااااااااي احبه امووووووووووت عليه عااد اهو صج نفسيه بس انا نوعي احب الرياييل النفسية واااااااي ايننننن معنه كل البنات يكرهونه ويكرهوني لما اقولهم احبه:krkrkr:

شهووده
وااااااي سمعت اسم الرضوان وييت ركض :krkrkr:
اي والله حدددددده حدددده كشخه اهو بس يت على بزماته شوفي ساعاته وااااي عجيب احس الدكتور واااايد نظيف ومهتم بعمره صج كشييييييييخ حدده رزه يااااحلاته

محاميه
ههههههههههههههههههههههه
اناا ابله هويدا هين محاميو بس خلني اشوفج ووريج اشلون اصير ابله هويدا مالتج :lololoe:
انتي الي يبتي الكلام حق نفسج عاااد انا ماكنت منتبهه خلاااص بعدلج اياها في اللغه العربيه ياابنتي مافي كلمه اسمهاا حلوات في شي اسمه جميلات ياا جميله _03BA:
عاااد باجر حطي الجدول عشااان نضبط لج اياه اوكي بنتي

 

[mo7amyaaa]

هههههههههههههههههههههههههاي
ايفا ههههههههههههههههههاي شنو هذا اللي اتطالع بزماته واللي اتطالع ساعاته
شكلكم ماتنتبهون لشرح كلش
وبعدين على طاري الجداول ماندري عنهم بس بيوم 29 في تدريب على التسجيل يمكن يعطونا الجداول؟؟؟؟؟؟
بس نبي تضبطينا عددددددددددددددل
تحياااااااااتي

 

[eva beach]

قووه

انا انشالله سنه وبدش حقوق ..

بس شلونها صعبه ولا سهله ؟

وشنو عنه راح يكون دراستها ؟

وبسألكم شنو يعدين عقب ما اتخرج شنو اقدر اشتغل

وياليت بالتفصيل


اي اي وجممم معدل القبول ؟

هلا والله

اهو مافي شي اسمه صعب ولا شي اسمه سهل يعني ببساطه الحقوق يبيلها مجابل اذا درستي يبيتي درجات حلوووة واذا مادرستي ماراح تنجحين وطبعاا في جم ماده شوي صعبين بس يعني اذا جابلتيهم بتتسهل امورج
وطبعااا الدراسه كلها رااح تكون عن القانون بمختلف فروعه وفي مواد شريعه كل سنه ناخذ مادة وحده وعندج جم مادة مالها شغل بالقانون مثل مبادئ اقتصاد وماليه
ومعدل القبول كل سنه يتغير يعني القبول الفوري 92 اما القبول العادي مادري بس يمكن 86 بس مو اكييييييد
ولما تتخرجين تقدرين تصيرين محاميه او انج تشتغلين في اي وزارة في الشئون القانونيه او تكملين دراسات عليا وتصيرين معيده او دكتورة
مثلا تقدرين تشتغلين في البلديه والفتوى والتشريع والتحقيقات وزارة العدل واااااااايد اماكن تقدرين تشتغلين فيهاا