اي استفسار لطلبة الحقوق - جامعة الكويت

[~.ąvȍƈaȚ.~]

قووة يا بنات الحقوق

شلونكم ؟؟ شخباركم ؟؟

منو يدري متى تاريخ التحويل حق الكلية ؟؟

 

[anjelena]

^^

حبيبتي والله ما ادري اتوقع ليلحين ما حدووا موعد بالضبط وانشالله بس يوصلنا خبر على طول نبلغكم اهني

افوووي

ابشركم اطلعت النسبة والحمدالله زينة وارتاح الاخ لا ويقول عازمكم على عشى لووول ياحليله مو المفروض احنا اللي نعزمه

ما بغينا نخلص من هالمسلسل

هممممم

امس صارلي موقف يلوع الجبد :/

انا واايد اخاف من الطريج امشي شوي شوي ما اسرع كلش امشي على اليمين على طول << جني سايق هندي توه ماخذ الليسن

يت ابي الف وانا شايفة اللي وراي كانوا بعيدين عني واايد يت ابي الف طالعلي واحد من ما ادري من وين وبغيت ادعمه :/

وقعد يحدني ويزفني بصوت عالي وتخيلوا هذا كله واحنا بالطريج !! :/ وانا مو ملتفته عليه مع انه ريال عود كبير واايد بس قاعده اسمعه واااي انا بغيت ابجي بس الحمدالله انا لفيت واهوا كمل سيدة !

بنات شفيهم خلق الله فاصلين ! وين ادب الطريج الظاهر مأثر عليهم الحر بعدين انا بنت وين احد يزفني ! خل يراعون شويه ! وهذا كله وانا مو غلطانه ! اهوا اللي مسرع انا ابي الف بس محد كان يمي ليلحين اكلمكم وانا ما ادري من وين طلع :/

ناس تمشي بسرعه عبالها الطريج لها بروحها ويطوفون الاشارة عادي !!

اي لي متى جذي واللي يقهر انهم اذا سافروا برا يحترمون قوانين الديرة اللي اهما فيها :/ مو تناقض !

بس الموقف اللي ما انساه لما شباب تخرجوا من الثانوية على دخلة منطقتنا في اشارة لما صارت حمرا طلعوا وشغلوا الاغاني عن النجاح وقعدوا يرقصون لوووول شكلهم كان فصلة لوووووووووووووووووووووووووووووول اهوا هم هذا غلط بس فصلوا حدهم تحسين قاعدين يطلعون الحرة لوول

:]

 

[^ The MooN FaCe ^]

قوووه صديقااات المستقبل
انا توني تخرجت من الثانويه ويبت 92.2٪ ادبي
يقبلوني فوري مو ؟
وابي الدكاتره الزينين حق مواد سنه اولى
وبعرف شنو اهيا المواد وشنو الصعب والسهل
وبالنسبه للمواد الاختياري !!
ويعطيكم العااافيه

 

[eva beach]

قوووه صديقااات المستقبل
انا توني تخرجت من الثانويه ويبت 92.2٪ ادبي
يقبلوني فوري مو ؟
وابي الدكاتره الزينين حق مواد سنه اولى
وبعرف شنو اهيا المواد وشنو الصعب والسهل
وبالنسبه للمواد الاختياري !!
ويعطيكم العااافيه

اهلين

عاد توني راده بموضووعج

اولا ارد واقولج مبرووك عل تخرج ومنها للاعلى ان شالله

واكيييد قبول فووري .. تسالين بعد الحمدلله يعني ضامنه مكانج

الدكاتره الله يسلمج انا اقدر اقوولج الحين بس المشكله كل سنه يغيروون

فانتي نطررري لما تنزل الجداول وقوليلنا منو الدكاتره الي منزلين وماراح نقصر معاج ان شالله

المواد اهيا كالتالي

اصول قانون
تعتبر اصعب ماده بسنه 1 .. بس اهيا احلى ماده بالنسبه لي وفيها معلومات قانونيه

دستوري
تعتبر 2 اصعب ماده >> بالنسبه لي سههههله حدهاااااااااا


مبادئ
ماده مليقه مادري ليش ندرسها !! اذا درستي تضمنين ال a


شريعه
سهله

اختياري
اسهل شي علم اجرام


قاعه بحث >> خربووطه بس تسوين بحث وممكن الدكتور يعطيج امتحان بس مافيها فاينل ولا شي

 

[eva beach]

^^
افوووي
ابشركم اطلعت النسبة والحمدالله زينة وارتاح الاخ لا ويقول عازمكم على عشى لووول ياحليله مو المفروض احنا اللي نعزمه
ما بغينا نخلص من هالمسلسل
هممممم
امس صارلي موقف يلوع الجبد :/
انا واايد اخاف من الطريج امشي شوي شوي ما اسرع كلش امشي على اليمين على طول << جني سايق هندي توه ماخذ الليسن
يت ابي الف وانا شايفة اللي وراي كانوا بعيدين عني واايد يت ابي الف طالعلي واحد من ما ادري من وين وبغيت ادعمه :/
وقعد يحدني ويزفني بصوت عالي وتخيلوا هذا كله واحنا بالطريج !! :/ وانا مو ملتفته عليه مع انه ريال عود كبير واايد بس قاعده اسمعه واااي انا بغيت ابجي بس الحمدالله انا لفيت واهوا كمل سيدة !
بنات شفيهم خلق الله فاصلين ! وين ادب الطريج الظاهر مأثر عليهم الحر بعدين انا بنت وين احد يزفني ! خل يراعون شويه ! وهذا كله وانا مو غلطانه ! اهوا اللي مسرع انا ابي الف بس محد كان يمي ليلحين اكلمكم وانا ما ادري من وين طلع :/
ناس تمشي بسرعه عبالها الطريج لها بروحها ويطوفون الاشارة عادي !!
اي لي متى جذي واللي يقهر انهم اذا سافروا برا يحترمون قوانين الديرة اللي اهما فيها :/ مو تناقض !
بس الموقف اللي ما انساه لما شباب تخرجوا من الثانوية على دخلة منطقتنا في اشارة لما صارت حمرا طلعوا وشغلوا الاغاني عن النجاح وقعدوا يرقصون لوووول شكلهم كان فصلة لوووووووووووووووووووووووووووووول اهوا هم هذا غلط بس فصلوا حدهم تحسين قاعدين يطلعون الحرة لوول
:]

لوووووووووووووووووول

يلاااااااا عل بررركه .. يحليله حده مستانس شسوي بعد


**

لوووووووووووووووووووووول

الله يغرربل ابليسج حلووة جني سايق هندي :dddds:

وعاادي هالمطاااييير واااااااااااااااااااايد بالشاااارع .. مادري متى يعقلووون

تمشين بحال سبيلج ويتسببوولج .. استغفر الله

ودامه ريال عوود اي عااادي مرفووع عنه القلم هههههههههههههههههههه

اعرف سواالف الشيااااب عزززززز المعرفه ههههههههههههههههههههههه

يكون غلطاان ويتحلطم :eh_s(6):

اييييييييييييييييييي اهوا صااجه يقهرووون وهالايام كل ماطلع لاااازم سب سب سب بالسياره

ولما امي تصعد معاااي ماقدر امسك نفسي شووي .. والسبات تكون معقووله ماخذ راحتي

لووووووووووووووووووول

استغفر الله انا استاااثم حييييييييل لما اطلع وااايد اسب :/ بس اشووه محد يسمعني جان يفنقرووني

خخخخخخخخخخ

وترى حتى انا ثووله وسواقتي تفشششل .. بس يعني الحمدلله ماسوي سوالف مثل غيري >> ترقيع

وشوفي ذكرتيني بموقفين

خل اقولج الاول حدده سبب لي اززززمه وقتها :/

تخيلي مره رااده من الجامعه .. وفي شارع وانا راده من الجامعه اكررررهه يصير قريب يم منطقتنا

المهم وجدامي وااحد يطق بريكات الله ياخذ عدوووه ينني .. عرفت انه بوهقني وما منه امااان

خليت مساافه بيني وبينه لان ادري بيعطيني بريك قووي يكسر لي ويهي :krkrkr:

المهم على اخر المفرق شوي زدت السرعه بس في مساااافه

المهم والا الاخ يعطيني برييييييييييييييييييييك مووووطبيعي

والله بس اصااارخ بالسيااااره وطقيت برييييييييك قووووي وسكرت عيووووووني

لاني ادري اني راح ادعمه .. فحيييييييل سكرررررت عيوووني مابي اشوووف

لما وقفت السياره بطلت عيوني والا اشووه مو داعمته .. شوي رفعت راسي اشوف الي وراي

شصار عليه لاني همن انا عطيته بريك بسبة الاثول الي جدامي .. والا تكسي واشووه منتبه

طق بريك حييل .. جان اسمع دوووووووووووووووووووووووووووووووووف !!

@@

والله عيووني طااارت عبالي دعمني وكنت حددي مخترعه وارجف !! والا ياااحرااااااام

دعمه واااحد :/ كسرررررر خااطري بغيت ابجي والله ارررررجف حييييل

وااقفه متنحه .. واشوف راعي التكسي منصدم !! شوووي جان امشي ههههههههههه

وبس حسيت اني تسببت له .. قلت للكل السالفه .. ابوي يقولي انتي مو غلطانه



ثاني موقف توووه صاير من اسبوع تقريبا

كنت طالعه عندي مشوااار الصبح .. ورديت عل ظهر .. امي دقت علي تبي شغله

وانا الحلوه بدال لا اصعد الجسر جان اكمل وادخل من تحته على بيتنا على طووول !!!

انبطت جبدي !! واساسا كان في شي رااافع ضغطييييييييييييييييييييي وقاااهرني

جان اووقف عن الاشاره الي داخل المنطقه .. ومافي ولا سياااره

مت وانا انطررررررررررررر !! افففففففففففف مو وقته كلش والمزاااج اكسسسسس

جان اقول يلا الطريج امان خل اطلع بسرعه

واشخططططططططططططططط والاشاره حمره ههههههههههههههه

والي يمي والي وراي هنود عيونهم طاايره ومنصدمين خخخخخخخخخ

بس عاادي الحمدلله عدت على خير

>>> ادري اني قرقه كتبت قصيده لوووووول

 

[رمز الوفـا]

ايفا احس انج بالحياه العمليه هههههه يا عمليه يا انتي هاديه وما تكلمين مع احد <--- احساس

 

[رمز الوفـا]

البنت محتره وذابحها الفضول <---

الا صج ايفا وين تداومين والا للحين ما اشتغلتي

 

[رمز الوفـا]

برايفت لايفا

ايفا ما يصير ابي اعرف الحين الحين منو انتي بالصج

 

[رمز الوفـا]

اعذروني فاصله بس مو مني <--- تخيلو من الساعه نمت ساعه الفجر وقعدت وللحين مو نايمه اخترعت تحلمت اني ساقطه وما رحت الامتحان مو مصدق عقلي الباطني اني افتكيت

 

[eva beach]

لوووووووووووووووووووووووووول

رمووووز العاده انا افصل .. بلو تفصل .. بس انتي شفيج فصلتي بعد !!

هههههههه هذا مصير كل حقوقيه هههههههههه

امممم ممكن احساسج صح وممكن غلط

شووفي انا اول حييييييييييييل كنت هاااديه واستحي

بعدين لما صرت بسنه 3 لااااااااا فصخت الحياااااااااا خخخخخخخ

يعني عاادي اسوووولف ويا كل البنات وكووونت صداقات وااايد

هاديه .. !! اممم شكلي هااااديه للي مايعرفني

ماتكلم مع احد !! اممم بلى اتكلم عااادي

بس على حسب الظرووف والبنات .. يعني لما فليتها بالجامعه كنت اكلم كل البنات عادي

الحين بالماستر لااااااااااا ظليت بس مع رفيجاتي .. وما كنت احتك بالبنات الباجي

بس بعدين عل كووورس الثاني تقريبا .. لااااا والله الحياااه حلوووة قمت اتكلم ويا البنات

وخصوصا لما قربت تنتهي السنه قمت اكلم الكل >> شعقبه لوووووووووووووول


ويختج لما الحين عااطله عن العمل ماشتغلت الحمدلله رااااااااااااااااااااااااااحه والله

انتي بعد لااحقه على الشغل لاااااا تقدمين الحين .. ريحي واخذي فترره نقااهه عوضي عن السنين الي طافت

خخخخخخخخخخخ >> حددددي خراااابوووووو

وعلى الاحلاام عااادي يايبه وبعد لاااحقه على الاحلام كااااااااااااااااااااااااااااااك

انا ايام امتحانات هلاااااااااااااااااااااوس وكواااااااااااااااااااااااااااااابيس مو طبيعيه

استغفر الله .. اخر شي لاااعت جبدي .. يعني انا قاعده لايعه جبدي من الدراسه

وبس انام ابي ارتاح تشتغل الكوابيس المزززززززعجه

ياراح علي الامتحان ... يا ماكفاني الوقت .. يا مو داله القاعه .. يا خرااااااااااابيط !!

ووووووووووووووع وتقومين من النوم لاااايعه جبدج وكارهه حيااتج :/

يبه عقلج الباطن مسكين تعبااااااان صدقيني ههههههههههه كلنا عقولنا ضرربت هههههههه

 

[^ The MooN FaCe ^]

ايفا بيتش مشكوووره حبيبتي عالمسااعده
اما بالنسبه للقبول الفوري فرحتيني وربييي
انزين بالنسبه للمواد مادة الشريعه ناخذها بشويخ ولا كلية الشريعه !

 

[حـوريـه]

حقوقياااات فديتكم

ودي أقدم ع الحقوق !
وحابتها صراحه لانها من أقوى الكليات بالكويت + الطب + الهندسه
ومابي أهدر دراسة 4 سنين بشي تافه وماله مستقبل
يعني دام اني دارسه هالـ4 سنين بخليهم بشي قوي وحلو وممتتع بالنسبه لي وماننسى يبيلها مجابل بزود

بس بنات تنصحوني يعني انا طالبة ثنوي و موحد ونسبتي حلوة وحابتها وودي بمنصب لو انه عقب تعب
بس بسألكم عنها ككل هل هي مٌتعبه ولا مُجهِده يعني فوق الطاقه
وجم يوم تدرسون للامتحان .. الخ ؟

 

[حـوريـه]

حقوقيات شدعوه

 

[^ The MooN FaCe ^]

حوريه يعني انتي معاي
حيالله محامية المستقبل

 

[miss_mazajyh]

ايفا بيتش مشكوووره حبيبتي عالمسااعده
اما بالنسبه للقبول الفوري فرحتيني وربييي
انزين بالنسبه للمواد مادة الشريعه ناخذها بشويخ ولا كلية الشريعه !

لا حبيبتي مادة الشريعة راح تكون بكليتنا بالشويخ .. >> راده عن ايفا بريحها شوي تعبت معانا بالاسئلة خخ:ggdw:

 

[miss_mazajyh]

حقوقياااات فديتكم

ودي أقدم ع الحقوق !
وحابتها صراحه لانها من أقوى الكليات بالكويت + الطب + الهندسه
ومابي أهدر دراسة 4 سنين بشي تافه وماله مستقبل
يعني دام اني دارسه هالـ4 سنين بخليهم بشي قوي وحلو وممتتع بالنسبه لي وماننسى يبيلها مجابل بزود

بس بنات تنصحوني يعني انا طالبة ثنوي و موحد ونسبتي حلوة وحابتها وودي بمنصب لو انه عقب تعب
بس بسألكم عنها ككل هل هي مٌتعبه ولا مُجهِده يعني فوق الطاقه
وجم يوم تدرسون للامتحان .. الخ ؟

هلا حبيبتي حياج الله ..:68_asmilies-com:

صح كلامج حببتي اهي من اقوى الكليات بالكويت واذا انتي حابة تدشينها قدمي عليها وحطيها رغبة اولى ..

يعني بصراحه كليتنا حلوة بس يبيلها مجابل يعيني تدرسين اول بأول ..ودراستها موفوق طاقتج دام ان جايبه نسبة تدخلج للكلية

والامتحانات لازم تدرسين لها قبل بفترة علشان يمديج ..


حياكم الله محاميات المستقبل ..:q8:

 

[~.ąvȍƈaȚ.~]

زين عرفت فترة التحويل 15-8

بس عندي سؤال ثاني

كشف الدرجات من وين ناخذه من العماده ؟؟ :$

 

[eva beach]

the moon face
ولو ماسويت شي

حيااااااج الله .. تعالي كل يوم

الحين خلاااص لاازم تصيرين مقيمه بتجمعنااااا هههههههههه


حوريه
حياج الله حبوبه .. وان شالله تدخلين كليتنا دامج حابتها

بصراااااااحه الكليه متعبـــــــــــــــــــة حيييييييييييييل >> ماراح اقص عليج

وفي اشياء وااااايد لازم تتخلين عنها .. طلعات .. زوارات .. عرووس .. الخ

لان وقت الامتحانات راح يكون الوقت مقدددددس عندج يالله يمديج تخلصين الكميه

والله يسلمج جم يوم ندرس ؟؟؟ على حسب كل ماده وعلى حسب المده الي عندنا

بس اذا عندي وقت .. ادرس قبل اسبووع يالله تخلصين

طبعا نسيت اقوولج بالحقوق تنسين شي اسمه ادرس قبل الامتحان بيوم او يومين !!

هالشي ماينفع بالمررررره .. لازم قبلها بفتره

الا اذا كنتي منحدددده هذا شي 2

ومافي شي فوووق الطاقه !!! او تعجيزي !! عيل شلون احنا تخرجنا !!

ممكن مرات يعطوونج اشياء صج تحسينها مهوله وفوق طاقتج بس مراااااااااااااااااااات مو دايما

وعادي لاتحاتين هالشي كلللللش لان الي بتقدرين عليه بتدرسينه .. والباجي طااااف .. وربج يحلها

>> لاتقولين حقوقيات اشدعووه ههههههههههههه

بس الوقت مو وقت شبك الحقوقيات ههههههههههههههه وهالايام حقوقياتنا نايمين مادري وينهم

واحنا ان شالله مانطنش احد الي نقدددر عليه نسويه معاكم .. بس عطونا وقت شووي

واي سؤال حاضرين كلنا خوات


miss
تسلمين حبيبتي .. عاااااادي التجمع حق كل البنات

واخذييييي راحتج ردددي على كيفج حبوبه مو شرط انا الي ارد اهم شي توصل المعلومه




*****

AVOCAT

اي حبيبتي تاخذينه من العماده


*****

امبييييييييييييييييييييي المنتدى حددده معلق عندي وواااايد اشياء ماتطلع .. وماكنت اقدر اشارك !!

امبي هذي قصه يديده بعد !!

 

[على النيه!]

قوه بنات انا تخرجت من الثنوي نسبتي 88 كان ببالي حقوق بس خوفوني منها ومن دكاترتها ؟
شتنصحوني ؟

 

[anjelena]

إعلان للراغبين
بالتحويل إلى كلية الحقوق


****************************
شروط التحويل إلى الكلية :-

**************
1- ألاّ يقل المعدل العام عن 2.67 ( B- ).
2- أن يكون الطالب قد أجتاز بحد أدنى 12 و حدة دراسية و ألا تزيد عن 36 وحدة دراسية.
3- تقديم أحدث كشف درجات معتمد من عمادة القبول والتسجيل ويرفق مع النموذج .
4- تعبئة نموذج التحويل من موقع الكلية (http://law.hardtask.com/uploads/طلب تحويل.jpg )

وسوف يتم تخصيص صناديق في ممرات كلية الحقوق لاستلام طلبات التحويل خلال الفترة من
الأحد 15/8/2010 – الخميس 19/8/2010

وسوف تعرض الطلبات على لجنة الشؤون الطلابية بالكلية
ملاحظة هامة:
********
( التحويل مرة واحدة بالسنة ).





بالتوفيق :
جمعيه القانون 2010 :ggdw: