عايشه على وهم
اممم مادري شقوولج كلامج يصددم !!
ماشالله تبارك الرحمن اشووف المستجدات شايلين التجمع وحدهم مستانسين والله يتمم عليهم يااارب
وانتي جذي حالتج !! هو ليش !!
شووفي بما اني خريجه حقوق بقولج كل شي تبينه وفوقه رايي ووجهة نظري
واتمنى انج تقرين كلاامي عدددل بلييز لاني اكتب واشرح بضميير
اولا برد عليج شنو مجالات الحقوق ؟
لما تتخرجين تقدرين تشتغلين باي مكان لانه كل الجهات فيها الادارات القانونيه
واذا تبين تشتغلين بحيالله مكان صدقيني من 2 شهر من تخرجج بتتوظفين
لان الديوان بس تقدمين عليه على طوول ينزل ترشيحج ويا الاسامي بالشهر الي وراه >> طبعا اقل من شهر
واذا ماتبين رفضي وبنفس اليوم يطلع اسمج بوزاره 2
هذا بالنسبه اذا تبين وزارات
اذا ماتبين السالفه شووي تطوول ويبيلها يا نسبه قوويه او واسطه قوويه على حسب المكان
في مجلس الامه - ديوان المحاسبه - التحقيقات - الفتوى والتشريع - كونا - معهد الابحاث
الهيئه العامه للصناعه - البنووك بمختلف انواعه - التامينات الاجتماعيه - ديوان الخدمه
مجلس الوزرا ......... ووايد اماكن ماقدر اعددها
مو شرط المحاماه
واذا عندج اراده وطموح تقدرين تكملين ماستر ودكتوراه وتصيرين دكتوره بالجامعه
او تكملين ماستر وتدرسين بالتطبيقي او تصيرين معيده
انتهينا من الوظيفه
بالنسبه للكادر لج كادر شلوون مالج !!!!
اذا الحقوق مالهم كادر منو له بالله @@
كادرنا على ماعتقد 160 .. ومعاشاتنا احسن من واايد كليات
>> بغض النظر عن المدرسات
الوزرات اتوقع تبدا معاشاتنا من 800 او يمكن 700 وشوي مادري جم بالضبط .. وفي اماكن توصل ل 1000 وووشوي
وبعدين ماااااااااااااااااااااااااااالج شغغغغغغغغغغل باحد لاتقولين خواتي واخواني باجر محد بينفعج غييير شهادتج
هذا مستقبلج وهذا قرااارج انتي برووحج .. بيتطنزون بالطقاق سمعي من اهني وطلعي من اهني !!!
خل يشبعووون تطنزز وباجر لي صرتي احسن منهم خل يعرفون شلون يتطنزووووون !!
عاادي انا وحده ياتني احباطااااات وايده من ناس قريبين علي .. ويمجدووون ويقدسوون التطبيقي بعد !!
وطلعي وشلج بعواار القلب ومعاش وما معااش !! لو انا طالعه جان شنو مصيري الحين !!
جان لطمت لين قلت بس لان نفس هالاشخااص الحين لما اذكرهم بسواالفهم يضحكون
ويعطووني ابتسامه صفراء !! يدروون انهم غلـــــــــــط وكلامهم كله خرررطي !!
ماعليج باحد هذي حياتج الخاصه محد يتدخل فيها ولاااااا احد
انا امي وابوي ماتدخلوا لان هذي حياااااااااااااااااتي اعيشها مثل ماابي
والحمدلله احمد ربي واشكرره لانهم حيييل متفهمين وعمرهم ماغصبووني ولا اجبرووني على شي
حتى اقتراحات مايقولون !! لانه مايبوون ياثروون علي
وبعدين شكو سجووون وماسجووون !! شنو هالكلااام !!
لا ماما لج مكتبج بتداومين فيه وشعلينا احنا من السجون
وبقوولج شغله ترى دراستنا مووسهله حلوو .. فاذا ناويه تكملين شدددي حييلج
وجابلي درووسج وكسري عيوون الكل وتفووقي وتحدي نفسج
موووو تهملين الدراسه وتقولين صعبه وصعبه واخر شي بــط !! وتحولين وتخلينهم يتشمتون عددل
لا ماما تبين الحقوق جابلي حبي وضحي بكل شي .. خلي دراستج من اولوياااتج
بقوولج شي معني ماحب اتكلم باشياء جذي بس حاالتج بتخليني اتكلم غصب
انا الحمدلله تخرجت والحين اكمل ماستر وماشتغلت بعد في اماكن قدمت عليها ومالي نصيب فيها
وفي اماكن ناطره النتايج والقبول
ولكن شنووو !! ترى لي الحين دراستي من اولوياااتي
انا مافكرت اشتغل الا هالسنه لان السنه الي طافت كانت اول سنه ماستر
هالسنه اووكي مو مشكله اهم شي عدينا سنه 1
وترى انا مضحييه بوااااااااااايد اشياااء عشان دراستي ومثل ماقلت لج الوظيفه اولها
والزواج ثانيها ههههههههه يعني امي تدري انه ماكووو زواج الا لما اتخرج ويمكن اغيير رايي
بس شووور مو الحين اذا عدت هالسنه على خير يصير خير تالي
>> شفتي دراستي اهم شي بحياااتي ومضححيه بكل شي عشان عيونها ههههه
ابيج تصيرين بعد مو مثلي لاااااااااااااااااااااااااا ابيج احسسسن مني بعد
وشوفي بعد خل اقوولج الواقع مابي اجذب عليج صج اول ماتخررجت وااايد ياتني حاله يأس
وتحسسفت عل يووم الي دشيت فيه هالكليه صج وياما بجييييييييت هههههههههههههههههههههه
بس عادي شعوور طبيعي .. الحين الحمدلله راضيه بكل شي صج اتييني عراات عل كليه
بس ماقدر احبها واحب تخصصي
وصدقيني هالي يعيبووون ميتييييييييييين ومحترييييييييييييييييييييييييييين لانهم مو قادرين يوصلوون مواصييلج
ويييييييي عاد يحصلهم .. وه بس قوليلهم مووتوا قهرررر حرررره هههههه
عل عمووم التربيه انا ماحبها ولا اواطنها بس فيها مميزاات .. وبنظري يبيلها وحده تحبها عشان تقدر تستحمل الغثااااا
غير جذيي نوووو ماينفع
وبالنهااايه اقووولج استخييـــري حبووبه والخيره فيما اختاره الله
ادري واايد قرققت بس اول شي مابغيت اررد تالي حاشتني صدمه وقلت لاازم ارد
وادري افكاري مو منظمه بس قاعده اكتب جذي على سجيتي
وسوري اذا ضايقتج بشي
مووووفقه
