اي استفسار لطلبة الحقوق - جامعة الكويت

[bright future]

قوووة بنات شلونكم شخباركم ؟

بقولكم شغلة في بالي والي خلتني اهون عن الحقوق قالولي انها حرام لان قوانين فيها وضعية وما تححكم بالشرع وابرز دليل انها حرام انها مو موجودة بالسعودية وخريج الشريعة بالسعودية محامي

والله يوفقكم يا بنات الحقوق فيدوووني عفية سي يااا حبايبي

 

[blue diamond]

حبوبه ما اعتقد ان كلامج صح وهالشي اول مره اسمع فيه
ابوي خريج معهد ديني ومع هذا درس حقوق في الجامعه اذا كان هالشي حرام جان ما درس فيها ولا خلاني ادشها

القوانين الوضعيه لا بد منها خصوصا اهيا اللي تنظم الاامور الحياتيه العاديه مثل قانون المرور ماكو بالسنه ولا بالقرآن تكلم عنه فأشلون يتنظم السير >> هذا مثال بسيط بس وانا اكيد ما ابخص من القرآن والسنه لان مكانتهم كبيره وايد وكلن عارف هالشي واهم مرجعنا الاساسيين

وفي أمور دنيويه وايد سكت عنها الرسول عليه الصلاه والسلام وكان يعرفها عدل مع هذا كان يقول عليه الصلاه والسلام (( أنتم أعلم بشؤون دنياكم ))

 

[L a w y e R]

شخباركم بنات عساكم بخير ؟

.
.

حبيبتي برايت ..

اسمحيلي ياقلبي

زمنا حده يختلف عن زمن الرسول عليه الصلاة والسلام

وفي وايد اشيا استجدت وصارت وماكانت موجوده بعهده

وتنظيم الشؤون المجتمعية شي لابد منه

مايصير نقعد وكل 1 يحكم بشريعة الغاب :/

الشريعة الاسلامية مصدر اساسي وريئسي للتشريع بالكويت

يعني كلش مو غافلين عن الشريعة الاسلامية ولا هاملينها

والدين دين يسر مو عسر

القانون ينظم امور الناس بما يتناسب والشريعة الاسلامية ومصالح الناس بعد

 

[eva beach]

قوووة بنات شلونكم شخباركم ؟

بقولكم شغلة في بالي والي خلتني اهون عن الحقوق قالولي انها حرام لان قوانين فيها وضعية وما تححكم بالشرع وابرز دليل انها حرام انها مو موجودة بالسعودية وخريج الشريعة بالسعودية محامي

والله يوفقكم يا بنات الحقوق فيدوووني عفية سي يااا حبايبي

اولا دليلج ماله شغل بالموضوع يعني احنا مانمشي ورا السعودية بكل شي فالانسان مخير وليس مسير وبعدين هالكلام كان قبل قرن الي يقولون ان الحقوق حرااام بس بعدين الناااس توعت وتثقفت وعرفت ان هالشي مو حرااام والله لو اهي حرااام جان اهالينا ماخلونا ندخلها وعلى فكرة في وااااااااااااايد بنات ملتزمات وحقوقيات يعني شلون اهم ما يخافون ربهم ؟؟؟
لااااا طبعااا بس لانهم يدرون ان هالشي عاااادي واهو تخصص حاله حال اي تخصص ثاني
ولابد ان يكون عندنا قوانين عشان انظم حياتنا وشؤونا فتخيلي شلون بتعيشين اذا ما كان في قانون يحميج ؟؟؟
اكيييييييييييد رااااح تكون الدنيا سايبه والكل ينهش في الثاني
وبعدين من قالج ان القوانين مافيها احتكام للشريعه بالعكس عندج قانون الاحوال الشخصية تقريبا كله يرجع تنظيمه الى الشريعه الاسلامية
وطبعا في قوانين مالها شغل بالشريعه لان الشريعه ما نظمتها ولا بد انها تتنظم عشان نقدر نستمر بحياتنا
بس عمره ما يه القانون وتهجم على الشريعه واخل فيها
وبعدين انتي لما تتخرجين وتشتغلين ماراح تحطين قوانين عشان تقولين حرااام انتي ياااراح تشتغلين باحثه قانونية او محامية والمشكله الي الناس مسويتها على المحامين لانهم اهم الي يشتغلون بالقانون يعني سالفة الحرمنه اعتقد انها مختصه بالمحامين بس مو قصدي ان المهنه حراام لاا انا قصدي ان في محامين يقبلون قضايا واهم يدرون ان اهي حرااام وطبعااا اذا انتي بتصيرين محامية تقدرين ما تقبلين اي قضية انتي مو مقتنعه فيها والي يكون فيها شك بانها حرااام

 

[محامية دولة]

حبيبتي لازم تعرفين شغلة مهمة احنا بالكويت مجلس الأمة مايصدر قانون اذا كان مخالف للشريعة الاسلامية ولايكون مخالف للنظام العام ويلغونه واساسا الشريعة والفقه الاسلامي ثاني مصدر من مصادر القانون المدني

 

[بنت العديليه الشقرديه]

انا قبل لا اقدم عالحقوق سألت شيخ دين وقال دراستهااا حلاااااااااااااااال

 

[محامية دولة]

آنا تخرجت هالسنة حبيبتي

 

[محامية دولة]

امبيه جكيتيني منو انتي؟

 

[L a w y e R]

ايفااا قمت اشك فيج لووول

ماشالله عليج يبتيها ييب

منورة حبيبتي محامية

 

[رفييف]

يالله بنات نبي سالفه نسولف فيها !!
مممم مثلا شلون الدكتورات بالكليه !! جم دكتورة فيه !! و شلونهم ؟؟

والا شرايكم مثلا نسوي استفتاء بكل تخصص منو احسن دكتور .. شرح معامله درجات

 

[L a w y e R]

خوش شي

بالنسبة بالدكتورات

ندى الدعيج

وفاطمة دشتي

ومشاعل الهاجري

ماتوقع في بعد مادري

ماجربت ولا وحدة منهم

بس حدهم يمدحون ندى

درست رفيجاتي وماشالله الكل اخذ a عندها

ومشاعل يمدحونها بعد ونوعها كله قضايا

وفاطمة دشتي وايد ذموها فقيرة بس مادري احسها طيبة

.
.

جربت د.نادية منتدبة من الشريعة

تينن تينن تينن ماشالله عليها

قمة الاخلاق وتعاملها وايد راقي ماشالله

الله يوفقها يارب

 

[L a w y e R]

وبالنسبة لاحسن دكتور الصراحة انا اشوف ان :

جلال ابراهيم عسل ماشالله عليه وامتحاناته وايد حلوة

وكريم بالدرجات

حده عبقري هالدكتور ماشالله

.
.

د. رشيد العنزي

ونيس حده ماشالله وطيب حيل حيل حيل

ويعطي درجات بالهبل

.
.

د. خليفة الحميدة

يهبل حده طيب وعلى نياته ويعطي درجات

.
.

د. محمد بوزبر

جنتل حده ماشالله وشرحه يهبل

حقاني حيل حيل حيل

يعطي الدرجة بالملي مايزيد ولا ينقص لووول

بس وايد طيب

.
.

د.مشاري العيفان

هالدكتور كنت اكرهه لانه درسني بعد بوزبر

وطبعا وايد فرق الوضع من بوزبر لي 1 يديد توه يدرس

اول سنة له بالتدريس

بس الحق ينقال ..

طيب طيب طيب طيب طيب لو شقول ما اوصف طيبته ماشالله عليه

وكريم حييييييل بالدرجات

وتعامله وايد راقي مع البنات

عسى الله يوفقه انشالله

 

[SweET^LiKe^chocolate]

وناسة بن العديلية حتى انتي محوله نفسي انتي اي دفعه وباي اي كلية كنتي؟؟

 

[رفييف]

لوير
تتكلمين عن ناس ما قط سمعت فيهم
انا بو زبر درسني و اذكر كنا كله نجره هيهيهي خذيت عنده جزاء عام و مادري حزتها كانت اول سنه له بالجامعه او 2 سنه .. مشالله الحين صار خبره و عتيج ;p
وخليفه اذكر كنا نضغطه مادري شكان يدرس بس كانت اول سنه له بالجامعه و مادري حسيناه خايف من الطلبه لوول انا سمعت بصراحه ما شفت بعيني
وندى تدرس اي تخصص ؟ ترى ريلها هم دكتور بالكليه على ما سمعنا .. بس تخرجنا و اهم توهم متعينين و معطينهم بس قاعه بحث جنه
مشاعل يا كرهييييييي لما كلمتها كنت بخلص ماستر و كانت تتفلسف وايد على راسي وععع

وجلال ابراهيم شيطلع ؟ مصري ؟

و صج ممممممم ابي اسأل عو واحد و نسيت اسمه لوووول بعرف ارضه من سماه .. دكتور اداري نسيت اسمه الاول و حتى الاخير لووووول بس مادري يمكن العتيبي اسمر طويل شرحه يكسر الخاطر .. هالوصف يعنيلج شي ؟ :gr4uu:

 

[رفييف]

ايييييي فاطمه حبووووبه بشكل مو طبيعيي .. انا عاشرتها كانسانه مو كدكتوره فعلا و النعم فيها خووش انسانه

بعدين سؤال يطرح نفسه !! المرافعات من متى صارت 6 وحدات ؟؟ خبري فيها 4 وحدات !!

 

[Little_Queen]

بعد اذنج يا زويا استأذنج اني ادعو كل مستجدات الحقوق حق التور الي قررنا نسويها حق مستجداتنا العزيزات في المنتدى


التور رح تكون في حرم شويخ الجامعي ...

كلية العلوم الادارية + العلوم الاجتماعية + الحقوق


هذا لينك الموضوع

http://www.q8yat.net/showthread.php?t=220566


الي حابه تشارك بالتور تطرشلي عالخاص او تكتب رد في الموضوع ..

مبدأيا التور رح تكون يوم الاحد الياي 21-9 .. الساعه 10 الصبح ...

 

[القلوب الساهيه]

اممممم انا مخي قفل ... تور يعني تروحون زياره لكليه ولا شنووو......؟

 

[L a w y e R]

لوير
تتكلمين عن ناس ما قط سمعت فيهم
انا بو زبر درسني و اذكر كنا كله نجره هيهيهي خذيت عنده جزاء عام و مادري حزتها كانت اول سنه له بالجامعه او 2 سنه .. مشالله الحين صار خبره و عتيج ;p
وخليفه اذكر كنا نضغطه مادري شكان يدرس بس كانت اول سنه له بالجامعه و مادري حسيناه خايف من الطلبه لوول انا سمعت بصراحه ما شفت بعيني
وندى تدرس اي تخصص ؟ ترى ريلها هم دكتور بالكليه على ما سمعنا .. بس تخرجنا و اهم توهم متعينين و معطينهم بس قاعه بحث جنه
مشاعل يا كرهييييييي لما كلمتها كنت بخلص ماستر و كانت تتفلسف وايد على راسي وععع

وجلال ابراهيم شيطلع ؟ مصري ؟

و صج ممممممم ابي اسأل عو واحد و نسيت اسمه لوووول بعرف ارضه من سماه .. دكتور اداري نسيت اسمه الاول و حتى الاخير لووووول بس مادري يمكن العتيبي اسمر طويل شرحه يكسر الخاطر .. هالوصف يعنيلج شي ؟ :gr4uu:

بوزبر عجيب بس يخرع لووول

وخليفة حرام من كثر ماهو طيب وعلى نياته في ناس يفهمون هالشي غلط

عسل هالدكتور ماشالله عليه

بس لما درسني اداري وايد بنات قالولي انه متغير وحاط عالطلبة الا شوي لووول

لان حتى امتحانه ماكان هين

واللي تقصدينه "محمد العتيبي" مادرسني بس يمدحونه

يقولون خوش 1 بس ينوم من كثر ماهو فقير لووول

وماشالله عليه اهو وخليفة الكل يحبهم

.
.

ندى تدرس دولي

ووايد مدحوها ماشالله عليها

والبنات يحبونها

واهي مرت د. عيسى العنزي اللي هم يدرس دولي



مشاعل درست اولى العام وفي بنات ماحبوها

معنه اللي اعرفهم يقولون قضاياها وشرحها وحدة بوحدة لووول

والشباب يحبونها < اهم شي لوول

واخر شي جلال .. دكتور مصري

كان يدرس بالكويت بالثمانينات جنه

وتالي راح الامارات وصار عميد الحقوق بالشارجة او شي جذي

يا الشارجة او البحرين وحدة منهم يعني حده مو هين ماشالله

ورد الكويت عقب .. درسني اصول وشرحه عجييب ماشالله

ودي اخذ عنده اذا نزل شي بثالثة

ايييييي فاطمه حبووووبه بشكل مو طبيعيي .. انا عاشرتها كانسانه مو كدكتوره فعلا و النعم فيها خووش انسانه

بعدين سؤال يطرح نفسه !! المرافعات من متى صارت 6 وحدات ؟؟ خبري فيها 4 وحدات !!

فاطمة ودي اخذ عندها اذا نزلت شي بثالثة

بس ياربي الكل يذمها ليش مادري

معنها فقيرة مرة صادفتني عالدري وسلمت علي وسألتني عن موادي وشلون ثالثة

معني ماعرفها ولا تعرفني لووول

وجنه مرافعات توه ماصارلها وايد من سووها 6 وحدات

حدها تلعب بالمعدل

الله يهداهم حاطين علينا لوول

 

[رفييف]

تهبليييييييييين تبردين الجبد لما تردين عالواحد صراحه ;p
ووناسه من حظي الحلو خلو المرافعات 6 وحدات يالله عقبال التنفيذ لان هذا تخصصي
بس شفيكم عالمرافعات اهي صج تفر الراس و معقده بس لذيذه .. احس مافي احد يعرف يدرسها .. في طرق ممكن تخلي هالماده تصير حدها ممتعه لانها اجرائيه ..
بفرنسا يقطون الطلبه بمكاتب محامين حق يدرسون جزء من الماده و الدكتور ما كان يمسك موضوع و يشرحه مثل المملين اللي عندنا .. لا يمسك الكود و يتنطوط من ماده لي ماده .. ما نمل من كثر ما احنا بس نحاول نتبع معاه شحقه هالمناقز لووووول

 

[L a w y e R]

يابعد عمري

ترى اخجل لووول

.
.

انا بالخاص مو لي هناك

يمكن من الدكاترة ؟ يجوز

والعام صارت سالفة على درجات مرافعات

دكتورين احتكروا المادة

والطلبة وايد كانوا يذمونهم

الله يسهل ونعدي المادة على خير

لان حدي تعقدت من التزامات لووول

.
.

والحين بس خلاص على قولتهم اتخذت قرار جريء وصريح

بشد حيلي بثالثة وبعوض

انا وايد خرعوني من ثانية وقالولي غثيثة وصعبة

وبالعكس انا وايد حبيتها

اللهم التزامات بس < عقدتي الابدية لوول

فـ الحين مستحيل احد اسمع كلام احد

الا اذا كان ايجابي ويرفع المعنويات لوول

وانشالله ثالثة تكون احلى من ثانية

.
.

انا عمري ماسويت لي جدول دراسي

حاولت وفشلت الصراحة لوول

ابي طريقة دراسة حلوة وزينة حق ثالثة

بحيث اني استوعب كل المواد وما اتكود عندي الكميات

رفيف حبي اذا ماعليج امر ممكن تفيديني ؟

ولاهانوا باجي البنات

اللي تعرف خل تدلو بدولها بليز

.
.

اي نسيت اقول ..

مستحيل ادرس كل يوم بيومه :/

من له خلق ؟

وايد عباله الصراحة لوول

ابي طريقة دراسة حلوة وماتطول وايد

يعني مايروح يومي وانا بس ادرس لان ملاقة