اي انا اعترف اني تعبت ومومتحملةوبلغ السيل الزبى،،ومحتاجتكلم ياللي عندها اكثر من ياهل

[om MaRyooM]

الســـــــــــــــــــــلام










طبعا مالي غنى عن نصايحكم وتجاربكم
:eh_s(11):

بنات صج صج وصلت مرحلة الاجهااااااااااااد

مو التعب .. لا لا لا
االاجهاااد



اكيد اللي عندها اكثر من ياهل حاسة بمعناااات هالكلمة اللي اقووولها حرفيـاً

مشكلتي ببنتي مريم الله يحفظها جم مرة كتبت موضوع عنها

وايد مأذييييتني وعنيدة بشكل غريب

الكل منصدم من قوة شخصيتها وعنادها :eh_s(14):
وعندي بنوتة 5اشهر الله يحفظها

وهالشي سويلي لوووووووووود مو طبيعي
:eh_s(4):
والله اقعد من الصبح عشان ابوها يوديها الحضانة .. والتهي بالصغيرة
ولما ترد مريووم اظل مشغوووولة لي الساعه 11بالليل ! :ch12:

وفوق كل هذا للحينها تقعد بالليل وايد يمكن 4 مرات :eh_s(14):



قاعدة افقد اعصاااابي وصايرة اطقها
اتعوذ من الشيطان وادعي الله يمدني بالصبر والقووووة

بس لما تعاندني وتصااارخ وتطقني وتصير غريييبة ..ماامسك نفسي
اطلع عن طوري واطقها


قمت اطقها حيل
بنات كل يوم ابجي ابجي والله ماااحب جذي اسوي !

بس ماعاد في اعصاب تتحمل
قوتي راااحت


امس ريلي يقولي ليش اصابع ايدينج ترتجف !!
وشعري قام يطيح

صج زعلانة على نفسي ودايما نجرة وصراخ مع بنتي
واذا طلعتها برة (للعلم كل يوووم نطلعها انا وابوها عشان تتحسن) تطلعنا عن طوورنا
واردها البيت واهي مطقوقة ولا مزفووفة


حتى امي موقادرة عليها تدق علي تقولي بنتج وبنتج .. :eh_s(16): مع انها كل ويكند تاخذها عندها ماتقصر

شسوي !!


اللي عندهم اكثر من ياهل شلون تنظمون وقتكم

شلون تمسكون اعصاابكم !

واذا داومت شبسوي ! لأني للحين باجازة !ّ

تكفون لاتردوني
احاول اغير نفسيتي بالمشتروات والطلعات بس ارد البيت احس بكآبة وماقدر اتحمل الضغط


عطوني من تجاربكم ونصااايحكم

وسوري طولت عليكم
اعتبروها فضفضة :eh_s(17):

 

[do0ora]

نصيحه مني قد ماتقدرين بعدين عن الطق انا عندي اثنين وبنتج الي قاعد تسويه كل غيره من اختها حاولي تهتمين بالكبيرة وخلي الصغيرة ماتفه خلي حيلج مع الكبيرة وهي موقاعد تسوي جذي الا وهي تبي تلفت نظركم عليها سايسيها جربي كل الطرق انا بنتي جذب حتى مكياج شريت لها واقولها تعالي حطي لي خل تخبص بس شوي تستانس وخليها تمشط شعرج سوي كيكة او حلو وقولي هذه عالشان عيدميلادج وبكل صلاة ادعي لها ربج يهيدها وقولي اللهم اعني على تربيتهم والله يخليهم لج عندي كلام وايد ودي اقوله بس شابكة من تلفوني

 

[om MaRyooM]

^
^
لوول عاد بنتي تموت علا شخصية دورها

المهم
حبيبتي ماقصرتي باخذ كلامج بعين الاعتبار
وناطرة كلامج المفصل

 

[الريمـ اللعوبـ]

والله انا مجربه شعووورج
عندي بنتي صج صج عذبتني حركاتها مو طبيعيه والله مره قاعده ابدلها واهي معصبه
عطتني ذاك الكف اللي قعدت ابجي<<<<<ترا بجيت من القهر
كنت البي لها كل طلباتها وكل شي تبيه عندها والمكان اللي تبي نوديها
بسسسسسسسس بعدين اكتشفت انه غلط
لما قريت وشفت برامج للدكتور محمد الثويني عرفت اني اخضع لها
يعني اهي فبالها اذا رفضت وقامت تبجي راح اسوي اللي تبي
بس بديت اعطيهااااا طاف تبجي لخد ماتسكت

والشغله الثانيه من ناحيه الطق كنت اطقها وضميري يأنبني بس
الاسلوب الثاني اللي اهو عن طريق النظرات اذا عصبت بس اخزهااااا والله
الحين بس اخزها تسكت وتقعد
الملخص غيييييييري اسلوبج معاها لاتكونين المطيعه اللي تلبي الطلبات غصب
لا فهميها انج انتي صاحبة الراي واتبعي اسلوب العقاب من غييييير طق


قرقت عليييييج بس والله من القهر فضفضتلج
عسى الله يهديها لج وتصير اهدااااا بنت

 

[رووح ابووها]

الاسلوب الثاني اللي اهو عن طريق النظرات اذا عصبت بس اخزهااااا والله
الحين بس اخزها تسكت وتقعد

نفس اسلوب امي الله يخليها لنا ماكانت تطق ولا تعصب بس اذا سوينا شي قوي تعطينا نظره ونخاف

الله يهدي بنتج هذا من الغيره اهتمي فيها اكثر بس لاتطقين

 

[فاقده ابوهاااا]

ام مريوم الحال من بعضه انا عبادي عمره ٣ سنين وولدي الصغير توه اربع اشهر تخيلي وضعي بين الياهل وبين غيره عبود وبين مدارس اليهال الكبار وطلباتهم ودراستهم يعني والله اني ما اجذب عليج ما اشوف الراحه الا عالساعه ١٢ بالليل وفوق هذا ايي دور الريل يبي حقوقه من امجابل وتهمز وتدلك وتدلع يعني شاقه عمري مو بالنص لا والله صايره اشلاء خخخخخخ

هونيها وتهون مافي اكثر مني متلعوزه والكل مستغرب من حنت ولدي الصغير بس مستحمله وعرفت ان الصراخ والطق يزيد من نرفزه وصياح الياهل خلج كوول وحطي في بالج انج راح ترتاحين بالليل واهي مسأله اشهر وتفتكين من حنت البيبي الصغير

والله يعينا

 

[شادن33]

ام مريووووووم ويييييه عيل شبسوين لين الله يرزقج بالاولااااد بطلعون عينج لووووول
حبيبتي لازم تمسكين اعصابج استغفري وايد تروووح الحره
وصج اول لما اطق بنتي تعورني ايدي اقول وعليه حوبتها خخخ
انصحج تشترين الكتب اللي انا كاتبتها بموضووعي بتفيدج
موفقه حبيبتي

 

[الأميرة جوري]

نصيحه لاطقين بتصير خوافه من الكل وراح تتندميييين بعدين الطق موحل

 

[جنى]

ذكرتيني بنفسي الله لا يعودها من ايام
بس الحمدلله تلاحقت على روحي و على بنتي قبل لا ادمر نفسيتها و شخصيتها

في بنتي البجر محد مسكها الا انا (انوم ابدل اغسل اغير اوكل اشرب) ما اخلي احد يساعدني فيها حتى سفر ما اسافر بعد
لما ولدت مرة ثانية على بالي راح اقدر اصير الام المثالية مرة ثانية و اجابل عيالي عدل و بروحي

بس الواقع طلع شي ثاني.. صرت حييل عصبية من فترة النفاس ما الي خلق اشوف بنيتي البجر (تخيلي هاذي اللي كنت ما افارقها لحظة) بنتي اطلعت غيورة و مرات بدون قصد طبعا تلقينها مدت ايدها على البيبي و انا من غير وعي اطقها و ازفها

حسيت اني تحولت حق ام شريرة مو الام اللي انا في بالي اصير. و بنتي في عمر حضانة اسملله عليها و الطفل يبدي يتذكر من عمر 3 سنوات..

التغيرات اللي سويتها :

1- بنتي لازم تاخذ الاهتمام الاول ! اهي اللي تفهم اهي اللي تحس و شافت الفرق قبل و بعد البيبي

2- البيبي مو كله عندي . اصلا ما اخليهم مع بعض معاي نفس الوقت .

3- مع مرور الوقت اقعدهم مع بعض .. بشكل تدريجي .. على طول اسولف لها عن البيبي و اقولها البيبي يناديج او يبي يشوف نفنوفج اليديد

4- غيري من نفسج .. حبيها .. لميها .. ادري مع البيبي اليديد و اللوية اللي مسويتها تنسين تلمينها مثل قبل .. لا تحسينها كبيرة ترى اهي ياهل بعد

و الله و الله عن تجربة اول ما تبدي شطانة شيليها حيييل و بوسيها و دلدغيها راح تهدى ان شاء الله

هذي تجربتي و عيالي كبر عيالج الله يحفضهم و يخليهم لنا

 

[الشوق يجيبك؟؟]

عندن وعندج خير

بس اللي اكتشفته من تجربتي مع عيالي انه مو كلهم تستخدمين معاهم نفس الاسلوب
انا ولدي الثاني مجنني وكل الاساليب مانفعت معاها تخيلي بس يخرب في البيت ويطق اخته النونو حرام صغنونه

الله يصلحهم يهديهم​

 

[شـيـوخـهـ]

مريت بنفس وضعج قبل لما كان اليهال صغار الحين اسم الله عليهم حييل تغيرت شخصياتهم

حطي في بالج اهي مسألة وقت بس حاولي على قد ماتقدرين لا تطقين بنتج الكبيره ترى الطق بيخليها

تعاند اكثر ادري مو بيدج واهي تطلعج من طورج لان ولدي كان يسوي فيني جذي تخيلي لو اذبحه

بيسوي الي براسه !! الحين تعالي شوفيه الله يحفظه كلمتي عنده ما تنزل الارض مع انه ليلحين صغيرون بالروضه

بس حيل تغير لاني بديت اعطيه الاهتمام اكثر ودايما اقوله اني احبه اكثر واحد حركات بنتج ترى غيره بعد من اختها

الحين عقب ما كبرت بنتي الصغيره وصارت 3 سنين ونص الحمدالله الولد دخل الروضه والبنت نومتها تعدلت وصار الوضع عادي ومشت حياتي ولله الحمد عادي ما انكر في مسؤليات ثانيه وفي ضغوط بس هم مو نفس قبل صارت الضغوط من بره اكثر من انها تكون من البيت

تحملي وهدي اعصابج ودايما اي شي يصير شوفيه بنظره ايجابيه يعني قعدت بنتج بليل لا تنرفزج انتي حاولي تسيطرين على نفسج

قولي صغيره وفزت وعادي ترى والله التفكير الايجابي ياثر

والله ما ابالغ لما قريتج كاتبه بنتج الكبيره بالطلع ترد مطقوقه ولا مزفوفه والله لي طلع ولدي معانا قبل بجي ولي ربطته بالعربااانه

تعالي شووفي الصراخ والتيبس كاني ذابحته من الطق الحين تغير الوضع وانا اكون مو مسويتله شي بس من كثر ما طفرني ربطته بالعربانه لانه كان حووسه

خليج دايما مبتسمه ادري مو بكيفج بس حاولي حاولي تفرضين الايجابيه بحياتج غصب وبتشوفين مع الوقت ان
نفسيتج تستجيب وتستانسين

 

[Om _ Almona]

الله يعينج ويهديلج بنيتج

أول الشي الطق عمره ما كان "حل" وكل ياهل لازم يمر بمرحلة الشطانة والراس اليابس
ومن الممكن إن بنتج الحين شطانتها زادت عن قبل لان حاسه بنوع من الغيره

الحل: إن لمن تغلط او لي سوت شي غلط لازم انج تمسكين أعصابج وتهدين وتنزلين لمن مستواها
وتقولين لها ان الشي اللي سوته غلط وان لازم تسوي الشي الصح المره الثانيه (بصوت واطي من غير صراخ)
وخليها تصيح وتصرخ ولا تلتفتين صوبها
لمن تشوف ان محد معبرها
راح تسكت بروحها وبتعرف ان بهالطريقه ما راح تلفت انتباهكم
*لان لمن اطقينها راح يصير فيها حالة عناد وبتعرف ان كل ما تبيكم تشوفونها او تلفت انتباهكم بتصرخ وبتتشيطن

بالمقابل: لمن تسوي شي صح وزين كافإيها:
بلمه قويه منج
صفقيلها
حتى لو بوسه
أو عطيها أي شي تحبه
وقولي لها ان هذا الشي اللي سويتيه وايد حلو وانها بنت مطيعه وشاطره

وإن شاء الله تكبر وتهدي​

 

[om_3azoz]

أم مريوم انا عزوز ولدي قد بنتج ونفس الشي جنج قاعده تتكلمين عن ولدي
وصلت لي مرحله اطقه حيل واتحسف شويه وايلي يلمي وانا احبج


ونومته قبل لا اولد كان ينام في داره احط له بباي وينام ومايقعد بليل
من يوم ولدت ماقام ينام الا عندي مايرضى مايبي ولمن ينام اوديه داره
الفير اشوف واحد ياي وارد اوديه ويرد الصبح ايه ينني


الحين سبوع الياي بدخله حضانه كان يروح بس كان يبجي مايبي بس الحين غصبا عليه حضانه الصبح واقول حق ريلي عصر بدخله نادي ههههه

الحين قاعده اعلمه على الحمام وقت اللي ارد من الدوام اطبخ وجذي اتغدى وبعدين بنام لي ساعه اقوله البس بامبرز عشان بنام مايرح حمام مع الخدامه مايبي بجي

وبليل البسه عشان لايدمر هم يبجي مايبي حدي معانات انا


وطبعا غير لمن يعصب بعض المرات يطقني ويعصب علي ,,


انا اقولج هذا من الدلع الزايد اهو اللي خلاهم جذي

 

[تفداج روحي]

ام مريوووم
الله يعينج ويعينا كلنا
انا ولدي جذي وكتت احس انه مو طبيعي فيه شي واقرا عليه وحاله بس طمنتوني ان هالشغله مو بس ولدي يعاني منها

انا بقولج بس ان الطق والصراخ ماراح اييب نتيجه انا عارفه هالشي بس حزة الصجيه انسااااه وافقد واقعد اصرخ وساعات ابجي

مالنا الا الكتب نقراها ونستوعب الحاله اللي صايره عشان نعرف نتعامل معاها

 

[توتاتوتا]

ذكرتيني بنفسي الله لا يعودها من ايام
بس الحمدلله تلاحقت على روحي و على بنتي قبل لا ادمر نفسيتها و شخصيتها

في بنتي البجر محد مسكها الا انا (انوم ابدل اغسل اغير اوكل اشرب) ما اخلي احد يساعدني فيها حتى سفر ما اسافر بعد
لما ولدت مرة ثانية على بالي راح اقدر اصير الام المثالية مرة ثانية و اجابل عيالي عدل و بروحي

بس الواقع طلع شي ثاني.. صرت حييل عصبية من فترة النفاس ما الي خلق اشوف بنيتي البجر (تخيلي هاذي اللي كنت ما افارقها لحظة) بنتي اطلعت غيورة و مرات بدون قصد طبعا تلقينها مدت ايدها على البيبي و انا من غير وعي اطقها و ازفها

حسيت اني تحولت حق ام شريرة مو الام اللي انا في بالي اصير. و بنتي في عمر حضانة اسملله عليها و الطفل يبدي يتذكر من عمر 3 سنوات..

التغيرات اللي سويتها :

1- بنتي لازم تاخذ الاهتمام الاول ! اهي اللي تفهم اهي اللي تحس و شافت الفرق قبل و بعد البيبي

2- البيبي مو كله عندي . اصلا ما اخليهم مع بعض معاي نفس الوقت .

3- مع مرور الوقت اقعدهم مع بعض .. بشكل تدريجي .. على طول اسولف لها عن البيبي و اقولها البيبي يناديج او يبي يشوف نفنوفج اليديد

4- غيري من نفسج .. حبيها .. لميها .. ادري مع البيبي اليديد و اللوية اللي مسويتها تنسين تلمينها مثل قبل .. لا تحسينها كبيرة ترى اهي ياهل بعد

و الله و الله عن تجربة اول ما تبدي شطانة شيليها حيييل و بوسيها و دلدغيها راح تهدى ان شاء الله

هذي تجربتي و عيالي كبر عيالج الله يحفضهم و يخليهم لنا

:eh_s(15)::eh_s(15)::eh_s(15):

 

[hneen2]

اااااااه لاتشكيلي لا بكيلك لووول


انا موظفه مارجع الا الساعه 3 وشوي
عيالي الكبار صبيان الله يحفظهم وبسن مراهقه تدرين يعني شنو هالمرحله صعبه يعني اكثر من الصغار يبيلهم مراقبه ومجابل 24 ساعه


انيي للصغار بنت عمرها 7 وولد 4 وبنت 1ونص الله يحفظهم بالضبط تؤم لا تشوفين فارق السن شوي بس والله تؤم بالضبط هذا يبجي هاذي تبجي هذا بنام هاذي بتاكل هذا بيلبس وخدمي من ارجع يشيلون الغدا ويروحون يرتاحون ماورا هلكو من الفير


المهم انا ولدي بو 4 سنين شطانه الدنيا كلها متيمعه فيه اسم الله عليه نزرزقه ومخلي شي مايحوس فيه والمساعده بالخراب اخته ام 7 المصونه حان ادراج فججوها جان ملابس عفسوها كلشي يخطر بالج يسونه

قمت اطق غصبن علي بس طق تأديبي مو قسوه

والله مطلعيني من طوري
وانا طفارتي اقعد وبيتي معفوس تتناقز شياطيني والله وعقب الخدم ييون بال6 يردون يسون للهيال عشا اعشيهم ونسبح الصغيره نعشيها واسكر الليتات خررررمس خخخخخخ بس علي الابجورات ونشغل بغرفهم البباي او قناه براعم خلاص يدخون وينامون



بس نخلص لوووول عندي بعد ريلي لازم احابله واعشيه او او او او
بالمختصر الساعه 12 يالله تخلص منهمتي اكون خلااااص فجيت وهلكت ونام جني قتيله لووول
واقعد الصبح ونرد نفس الروتين


مضغوطه وقلبي مترووووسه&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;&#55357;&#56877;

 

[عيالي ذيابه]

واااي ام مريوووم نفس وضعي
ولا اللحين حامل احس خلاص تعبت
الكل يشتكي من ولدي
مؤ عارفه شسوي معه

 

[عنووشه]

انا بعد بنتي مجننتني ومطلعتني من طوووري كل شي تبيه


وحنااااااانه


الله يهديهم بس لا تطقييين هذا اهم شي

 

[ديانا سبنسر]

لي عودة بعيوني النوم وموقادرة اركز

 

[ام فاطمة وزهراء]

اختى مشكلتج بالضبظ نفس مشكلتى بس انا الحمدلله سيطرت على الموضوع وقدرت بفضل الله وزوجي نحلها .

اختى اول شئ لا تصرخين على بنتج انا كنت اصرخ على ولدي وشفت سلوكه السئ وفكرت وعرفت انه يغار من خواته ولاني اصرخ عليه قام بعاند انا كان يطقنى ويطق امى :eh_s(10): تخيلى وبعد خدامه امى كان سلوكه واجد سئ وماينام ويصيح فى الليل


من غيرت معاملتى ولدى تغير واجد وصار طفل هادئ ويحب امي وديته روضه وقمت اهتم فيه وصبرت واجد لين اهو حس اني احبه اكثر من خواته قام يروح ويجى يبوسنى ويقول ماما احبج .


صدقينى بالحب والهدوء بتصير حياتج احلى دائما يودى بنتج وطالعى فى عينها وكلميها بهدوء وابتسمى ولميها وقولى لها انت حبيبتى وانا احبج اكثر شئ

وراح تتغير حتى نومها بيغير لعبنى معاها حتى لو ماعندج وقت حطى اغانى اطفال ورقصى لو 5 دقايقى كله ابتسمى فى وجهاها ولميها بحنان راح تحس بالحب وتطمئن انها المتربعه على عرش قلب الماما وراح تتغير وراح انت تحسين بسعادة ترى الطفل حساس ويغار لما يجى على راسه بيبى ثانى


انا وضعى اسوأ منك انا ولدى كان المدلل وعقب ماشاف الا توائم بنات الصلاة على محمد ينافسونه فى حب امه :eh_s(11):جنيت وياه .


بس اللحين الحمدلله صار احسن ولله الحمد