اي انا اعترف اني تعبت ومومتحملةوبلغ السيل الزبى،،ومحتاجتكلم ياللي عندها اكثر من ياهل

[Melazlaza]

^^^^^
ام فاطمة وزهراء قالت الحل السحري طبقيه وشوفي الفرق

 

[om MaRyooM]

مشكورين والله ماقصرتو


الله يخليلكم عياااالكم يارب


لي عودة عشان ارجع اقرا مرة ثانية اركز عدلل

 

[يازمان العجايب]

بنتج أتغار من أختها أنا مريت في هالتجربة
لاتهتمين وايد بأختها حاولي ماتشيلينها ولا اتلعبينها بوجود مريومه
خليها اتساعدج يعني وقت البامبرز وقت اللبس اترش بودر اتسكر الملابس
ليمن اتطخ

 

[طيبة83]

ويه انا امس في اليل مصرخه ومصيحه

وبطلت الباب يازعم بقط روحي من فوق خخخخخخ

بنتي مااااااااااااااااااااااااااااااا تنااااااااااااااااااااااااااااااااااااااام

جان انتي وصلتي للاجهاد انا وصلت للكآبه وافكار سودا

الله يعين الامهات بس


المهم

انا باقرا البقره الليله جود الله يشرح صدري وصج اذا اقراها بنتي تتعتدل نومتها شوي

انتي اقريها جود الله يهدى بنتج

اي وبعد لا تحنين وايد على البنت امي تقول مب زين دايم نتحلطم ونركز عليهم الله لا يقول لو صادهم اقل شي بيطير عقلنا عليهم

 

[طيبة83]

اي واذا انتي معصبه ادعي لها بالهدايه

انا اذا اعصب ع بنتي اقولها ياعلج ريِـل خخخخخ

 

[جذابه بنت ذيابه]

نفسسسسسسسسسي مع ولدي

حيل حيل تعبت .. ويغار من اخته عمرها سنه وهو 3 ونص ..



عنيد عصبي اللي يبيه ياخذه يفشلني مرات بالاماكن العامه بس صدقيني جربت الطق مافاد جربت الريج الحلو
والكلام الطيب حيل فاد معاه بس والله للحين فيه شطانه بس الصراحه اررركد من قبل ..



خلي قلبج على قلبها و كلميها باسلوب لا تتنرفزين .. قوي قلبج و اصبررري مسألة وقت وتعدي يالغلا

 

[QYtiya.com]

الله يعينا ياارب

انا قبل ماكنت افكررر بالطق كلللللللش

بس اللحين صررت افقد اعصاابي

 

[-_-Designer-_-]

احسن حل انج تسوين اسلوب الثواب و العقاب يعني بدال لا تطقينها و تزفينها اذا سوت شي غلط شيلي منها الشي الي تحبه مثلا لعبه او اي شي و اذا سوت شي زين يبيلها هديه طلعيها , و البنات ما قصروو بالردود والله يعينج حبيبتي

 

[PuPa^^SWeeT]

كثر ماتطقين تعاند



طقيها طق تاديبي مو طق مبرح


انا اطق علي ولا جنفهم


يكوون مو حييل ولا اللي مايعور



طقي طق مفاجئ


مادري شلون اشرحلج


لاتقوليلها بطقج


لا فجاة قومي وطقي تاديبيا


حبسيها بغرفة


جذي يعني

 

[ايمانو حلوة]

استفدت منكم بناات

 

[ملاك ^ الحب]

بنتج تصرفاتها غيره من اختها

انا عندي بنت وحده بس بنتي تغار من بنت اختي وبنت اختي تغار من بنتي

وانا الي ماكلتها بنت اختي على طول عندي وبنتي تحبها بس تغار منها واااي ساعات افقد اعصابي منهم

الله يعينج الحين خلي الكبيره اهيا تهتم بالصغيره وانتي اهتمي بالكبيره ان شاء الله فهمتيني

 

[M&Ms]

انا ولدي تغير حاله من ولدت وصار وحشي ويكره اليهال ويفشلني جدام الناس وماقام ينام ولي طلعنا وياه ارد من الطلعه ابجي الحين عمره سنتين والصغير ٩ شهور بس هالمرحلة وايد صعبه حتى لو كان الياهل هادي يبيلهم مجابل وماكو نوم الحل ان وديت العود حضانة صار جدوله يقوم الصبح وياي ويروح هناك بعدين اخذه يتغدى وبعد الغدى انوم الصغير واقعد وياه لي الساعه ٧ المغرب بعدين ينام جذيه ارتاح بس اجابل الصغير و ولدي نفس بنتج يقوم بليل يبي حليب والحين طالع طلعه يبي عصير تخيلي يوديني لي الثلاجة وينقي مادري شنو الحل حق سالفة قومت الليل

 

[opera]

ام مريوم

الله يحفظلج بناتج

شفتي شلون ان كل الامهات عندهم نفس المشكله يعني اسم الله عليها مافيها الا العافيه غيره و لازم تعفين تتصرفين


البنات ماقصرو بالحلول


بس انا عندي نقطه على موضوع الطلعه وهذي جربتها مع ولدي


شوفي احنا اذا طلعنا نطلع عيالنا معانا واحنا نتعب من حنتهم وعنادهم واهم يملون يعني باختصار الياهل مو مال طلعات تسوق ومشاوير


الحل:

الطلعه تكون حق الياهل نفسه لا حقج ولا حق الابو .. يعني اذا بتودينها العاب بمجمع ديري بالج تدشين اي محل لانها بتمل وبتبدي تحن
يعني احترمي يومها يكون لها اهي اللي تختار وين بتروح وشنو بتتعشى واكيد تعرف اغلب الاماكن اللي انتي موديتها من قبل خليها تختار وحمسيها من قبل عالطلعه يعني قوليلها اليوم بعد صلاه العصر مثلا بطلعج وين بتروحين و شنو بتسوين وجذي سولفي معاها

وكلش كلش لا تطلعينها معاج غير مكان تستمتع فيه حتى لو بتتسوقين لا تاخذينها معاج لانه الياهل يمل من مشاوير الكبار ..

بس طلعيها طلعات اللي تخصها وبتشوفين شلون بترتاحين

ومو شرط كل يوم تطلعينها .. مو بالكم الموضوع بالكيف

يعني كفايه تطلع مرتين بالاسبوع ويكونون مخصصين حقها صدقيني ماراح تنسااهم


و بالليل قبل لا تنومينها حطيها بفراشها قوليلها اليوم طلعنا واستانسنا لانج بنيتي الحلوه الاموره اللي تسمع الكلام وتعاون امها وتحب اختها (يعني سمعيها حجي ايجابي يصنع شخصيتها) و اذا تميتي جذي اموره بطلعج بعد

 

[travel_addicted]

الله يعينج انشاءالله و يعينا على التربيه
مابي اعيد كلام البنات عن الاهتمام فيها اكثر من اختها و هالسوالف بس عندي تعليق على نقطه معينه انج اطلعينها كل يوم عشان تتحسن و هذا اكبر غلط
كثرة الطلعه و الالعاب و الهدايا تخلي الشي ماله قيمه و انا لاحظت هالشي على عيال خواتي و اخواني كله مو عاجبهم و كله متمللين بس يبون و يبون .. و تشوفين اللعبه يهبون فيها يومين و يقطونا
الطلعه خليها يوم او يومين بالاسبوع بس و خاصه ان اهيا اداوم فا اشوف ماله داعي كل يوم طلعه
خليها بالويك اند العاب و عشى او سينما و عشى و ما يمنع ان اتكافئينها اب لعبه اذا كانت تصرفاتها زينه

ثاني شي على كثر ما تزفين و اطقين بتصير زفتج مالها قيمه و ما تخرع .. اذكر و احنا يهال خالتي بس تزف عيالها قاموا يحقرونها و ساعات يضحكون على زفها فا خلي الزف على الاشياء اللي تسوى و باجي الاشياء حقريها و تجاهليها و بدال الطق حاربيها مثلا اذا سوت شي لا تقولين شي و اذا يت عقب بتحاجيج قوليلها انا زعلانه عليج لان سويتي جذي و جذي:bbbiu: ترى الياهل يضايق اذا حاربته امه و ما يتحمل

و انشاء الله اكون فدتج اب شي بسيط يا رب و الله يهديها لج:eh_s(7):​

 

[opera]

صح كلام ترافل الياهل مايتحمل امه تزعل عليه

مجربتها مع بدر

اذا قتله لا تكلمني انا زعلانه شيصير فيه ينكسر قلبه اثر من لمن ازفه واييي يبوسني ويقولي ماما سوووري بعد مره ثانيه ما اسوي جذي

 

[الشيخه فطامي]

ابي سالفه الخز شلون تخلونهم يخافون

يعني لازم الياهل يعرف اذا خزيتيه يخاف انج راح تعاقبينه او ماتعطينه شي

في يهال اذا خزيتيهم مايدرون وين الله قاطهم موعارفين انج معصبه حسبالهم لعبه

هه هه الله يخليهم لنا او يرزقنا الذريه الصالحه ياارب

 

[نعوومة *كيووت]

الله يهديها ويكون بعونج أنا اعرف شقا الجهال عندي وعندك خير
ان شاءالله فترة وتعدي

 

[الـفـجـر الـبـعـيـد]

انا بعد نفسج حتى اهلي يقولون لي ولدج مو طبيعي ههههههه
اسم الله عليه واتنرفز واطق واصرخ صوتي يوصل لي الجيران

يبت ولدي الثاني الله لا يوريج الوضع نفسج ابجي مو قادره اسيطر
على الوضع هديت الرضاعه الطبيعيه ما تحملت بس شوي شوي
تأقلمت بس ولدي ليما الحين متعبني عصبي وعسر وحررركي
ويغاااااار من اخوه وطق وتحرش فيه على طوووول

مرات اهدهم عند الخدامه وادخل غرفتي اقفل علي الباب وابجي
ما اتحمل الوضع بس شنسوي عيالنا لازم نتحمل لاحظت ان لما
اكون مع الصغير ايي يلمني ويقعد بحضني قبل لا اشيل اخوه
ولما المه وابوسه يهدى عن الشطانه يرتاااح

ما لنا الا الدعاء لهم والصبررررررر الله يعطينا القوه بس

 

[يا كويتنا]

انا بتكلم عن تجربتي


واتمنى تفيدج ام مريومه



اول شي الدعاء بالصلاة لا تخلينه كل صلااه ادعي ان الله يهديها وكل شي بقلبج قوليه بالصلاه

وكلي امرج لله



اهم شي


العقاب مو بالطق خليج صاارمه مع بنتج ترا البنت شخصيتها اقوى من الولد الولد من نضره يخق اما البنت لو نظرات وكفخ تقوم مره ثانيه واترد عليج لا ويمكن اتعمد اتعيد عشان اتغثج



انا طريقتي مع اعيالي عندي خير في اكبار واصغار متى ابلش من عمر ثلاث سنين

خلاص دلع مافي اصير شديييييده معاهم


اعطييها ذيج الخزه افلانه تعالي الغرفه ابيج بس اهني اتحس بجو العقاب والحسم


امسكها من ايدها واخزها بعينها اللي سويتيه غلط واقولها شسوت


او هالكلمة لا تعيدينها مره ثانيه.


واصارخ بصوت يبط الرااس

فهمتييييي واعيوني مبققه هااا

لا تضحكين بس والله تنفع ان شاء الله

المره الجايه اذا سويتي جذي واقول الشغله راح اطقج بالخيزرانه ههههههههه لا تستعجلين


الخيزرانه معلقتها ورا باب غرفتي واقسم بالله ما اطق فيها بس للتخويف هاذا اسلوب خالتي جربته مع بنتي ونفع



يعني في عقاب


اذا مو حابه فكره الخيزرانه قوليلها راح اطقج او راح احرمج من البلاستيشن او الايبود


فهمتيني

حبيبتي طولي بالج هذي الام الله ياجرنا ولا يحرمنا منهم