اي وحده تبي تروح لندن و عندها سوال ( تم دمج الاستفسارات)

[بسبوسه11]

رد : اي وحده تبي تروح لندن و عندها سوال ( تم دمج الاستفسارات)

بدون سوق وتشري

 

[هيونه.المزيونه]

هاي حابه اسال عن لندن شهر اربعه

شلون الجو ؟؟

ابي اعرف صج يكون وايد زحه ؟؟

وشلون الاسعار عندهم سيل بهالفتره ولا لا ؟؟

 

[شواخي]

بنات شنو اشتري من لندن ؟

 

[قناديل الخير]

الله يعافيكم شرايكم في منطقة ادنبرة في اسكتلندا بأذن الله اذا نوينا نروح لها في القطار من مانشستر شنو فيها اماكن ترفية تنفع للأطفال ومطاعم واسواق وافضل الفنادق او شقق فندقية جاوبوني ولا تخلوني

 

[ورد#وعود]

بسبوسة ياقلبي شهيتني فيها عدد الاشخاص بس انا وزوجي فقط كم احط يعني اسمع المطاعم العربية غالية وزوجي لازم يشيش يوميا واحنا عادة طبيعتنا في السفر ناخذ الفطور مع الفندق وناكل وجبة متاخرة عشاء غذاء كذا متعودين وباقي اليوم اكيد نشرب كوفي ايس كريم اشياء خفيفة وثاني شي الاماكن السياحية والمواصلات عشان يعرف زوجي يرتب اموره ام المشتريات اخذ الشي اللي احتاجة فقك ومميز وببطاقة الفيزا زوجي يقولي اذا اكثر من الف ريال مصروف روحي دبي اصرفلك وانا خاطري في لندن من اول وشكرا

 

[قطورتي]

الله يعطيكم العافيه

خووش موضوع

 

[اوراد الكويت]

مرحبااا
بنات بسألكم عن جو لندن الحين
لاني بروحلها شهر عسل اول 4
وشلون السوق في سيل ولالا؟؟

وتسلمون

 

[سماء الشرقية]

مرحبا
كيفكم يا بنات الكويت
سعودية داخلة استفسر ياليت تجاوبوني
صراحة شفت الموضوع وعجبني وايد
ان شاء الله ناوية اروح بريطانيا بشهر 8
مخططة لندن ومانشتير وليفربول
ابي اسال الشقق هناك امان يعني الا يسكنوا في الشقق نفس امان الفندق وجوازاتكم وين تودوها
يمكن يكون السؤال بايخ بالنسبة لي الاخضر مهم وغالي
وياليت تدلوني على شقق حلوة وفخمة وكم اسعارها
معليش تحملوني
وين الاماكن الحلوة في ما نشستر
ويش فيها من اسواق
مع الشكر السعودي لكم

 

[قناديل الخير]

شفيكم ماااااتردون ان شاء الله المانع خير
وانا هذا حظي كل ما أدخل موضوع واستفسر يبرد الموضوع وما في أحد يرد علي

 

[british rora]

بنات الله يعطيكم الف عافيه على هالمساعدات وهذي مو غريبه على اهل الكويت
بس بغيت اسالكم وين صاير محل هامليز للالعاب وجم رقم الباص الي يوديله
والله يجبر بقلبكم ابي اعرف شنو المنتجات والاعراض الحلوه الي ما تتطوف بلندن

 

[راعية_الجمس]

Re: رد: اي وحده تبي تروح لندن و عندها سوال ( تم دمج الاستفسارات)

شفيكم ماااااتردون ان شاء الله المانع خير
وانا هذا حظي كل ما أدخل موضوع واستفسر يبرد الموضوع وما في أحد يرد علي

قناديل بعد عمري والله مع اني تعبانة بس قلت لازم ارد عليج
الحين الجو بلندن يهبل مو صج بس ما ادري يمكن يخون بشهر 4 معروف ان شهر 4 يكون الجو حلو ومعتدل وبالليل في شوي بروده يعني تحتاجين تشتين بالليل
اما بالنسبه للسيل هالفترة ما فا العاده يكون في راس النسنه السيل الكبير وبالصيف شهر 6 تقريبا يكون في سيل
واي استقسلؤ يعد لا يردج الا لسانج

 

[راعية_الجمس]

Re: رد: اي وحده تبي تروح لندن و عندها سوال ( تم دمج الاستفسارات)

بنات الله يعطيكم الف عافيه على هالمساعدات وهذي مو غريبه على اهل الكويت
بس بغيت اسالكم وين صاير محل هامليز للالعاب وجم رقم الباص الي يوديله
والله يجبر بقلبكم ابي اعرف شنو المنتجات والاعراض الحلوه الي ما تتطوف بلندن

حبيبتي محظوظه مجاوبه على هالسؤال من قبل بنفس الموضوع وشارحه شرح كامل جيكي عليه

 

[راعية_الجمس]

Re: رد: اي وحده تبي تروح لندن و عندها سوال ( تم دمج الاستفسارات)

بنات شنو اشتري من لندن ؟

والله اصعب سؤال مر علي بالمنتدى

 

[janoona]

رد: رد : رد: اي وحده تبي تروح لندن و عندها سوال

هلا فيج حبيبتي تفيدين وتستفيدين وانشاء الله نفيدكم باللي نقدر عليه
بالنسبه لارقام الباصات على حسب من وين تبين تيين يعني اكسفورد يمر فيه وايد باصات كل باص ايي من صوب

بالنسبه للسوق ويست فيلد حده حلووووووو وفيه كل شي وعندج بعد مجمع برنت كروس وبرا بمجمع برنت كروس في محل وايد وايد وايد حلو اسمه t k max يبيعون ماركات باسعار جلوه حيل

هامليز عندهم فرع في شارع ريجنت ستريت اوصف لج الشارع يا طويله العمر تمشين في اكسففورد ستريت تخلين الهايد بارك وراج تكملين سيده لما تحصلين محطه اكسفورد تلفين يميين جنج رايجه بيكاديلي تشين شوي مو وايد تحصلين المحل على ايدج اليسار
وفي بعد لهم فرع بهاردز بس مو متاكده هذيل اقرب شي بسنتر لندن

اول شي شي مشكوره علي سعت صدرج والله يقومج بالسلامه انتي والبيبي انا ان شاء الله ناويه ايي على نص 4 اذا الله سهل ويسر اموري فحابه اعرف شلون راح يكون الجوو و ابي اعرف المجمع الثاني الاي ذكرتيه وين صاير وشنو الماركات الاي فيه وشنو بضايع السوق تكون شتوي ولا صيفي ومشكوره وايد

 

[قناديل الخير]

رد: Re: رد: اي وحده تبي تروح لندن و عندها سوال ( تم دمج الاستفسارات)

قناديل بعد عمري والله مع اني تعبانة بس قلت لازم ارد عليج
الحين الجو بلندن يهبل مو صج بس ما ادري يمكن يخون بشهر 4 معروف ان شهر 4 يكون الجو حلو ومعتدل وبالليل في شوي بروده يعني تحتاجين تشتين بالليل
اما بالنسبه للسيل هالفترة ما فا العاده يكون في راس النسنه السيل الكبير وبالصيف شهر 6 تقريبا يكون في سيل
واي استقسلؤ يعد لا يردج الا لسانج

بعد عمري ما تقصرين وسلامتج ما تشوفين شر انا موهذا سؤالي انا كنت اسأل عن منطقة ادنبرة في اسكتلندا اذا تعرفين عنها اي شي سكن او اسواق او العاب للاطفال في ناس يمدحونها ويروحون لها في القطار من لندن

 

[british rora]

رد: Re: رد: اي وحده تبي تروح لندن و عندها سوال ( تم دمج الاستفسارات)

حبيبتي محظوظه مجاوبه على هالسؤال من قبل بنفس الموضوع وشارحه شرح كامل جيكي عليه

بعد عمري مشكوره وما قصرتي بس الله لا يهينج بآي صفحه؟؟ لان ماشالله الموضوع وايد كبير

 

[مرايم2009]

بنااااات الي بلندن منو فيكم الي تقدر تساعدني ماعليكم امر اي اعرف عن فندق the mandeville hotel

 

[دانه الغلا]

بنات اللي عندها فكره عن اسعار التذاكر الكويتيه للندن لاني ودي احجز حق شهر سبعه علي خير ومدري تنصحوني احجز من الحين او بوقتها احسن..؟

 

[kuwait_queen82]

انا ودي اسوي عمليه تجميل في مستشفى كرومويل لندن شرايج بداكترتهم ثقه ملوت التجميل؟؟؟

 

[BaiTotia]

بغيت أعرف متى التنزيلات بشهر 4؟؟؟؟؟ مالت العيد easter