ا مطلوب طقم صلاة

[مذهلة 78]

السلام عليكم

بنات ابي وحده تسوي اطقم صلاه ذربه وابي الطقم كامل الثوب والسجاده وغلاف المصحف والجنطه ابي 5 اطقم ويكون بسعر مناسب

 

[مرايــــــــم]

اببببببب

 

[هيا دبي]

للرفع

 

[ranh]

هلا حبيبتي
كيف حالك
في تاجره تبيعهم

ولقيت ردود سويت بحث بجوجل الحين

والله اعرف وحدها شغلها حده راقي وماخذين منها بس ما قامت تسوي

بس في وحده شفتها بمعرض مره شغلها مشابه تبيع فضيات وسجاجيد وهذا رقمها 6634545

حبايبي أنا أعرف وحده تبيعهم وهذا رقمها 7947553

ها لا تنسون تدعون لي بظهر الغيب !!!!!!!!

بنات روحوا سوق الكويت ، سوق الحريم وايد سجادة الصلاة على كثر و بعدين فى سوق الذهب نفسه الطابق اللى فوق فى محل يبيع اشكال و الوان و ناعمة و رخيصة

اما بالنسبة لثوب الصلاة أنا ما لقيت شي مميز و جائتنى فكرة رحت شريت ثوب صلاة من نفس سوق الكويت من عند محلات الهنود و شريت خام ايطالى فخم قطن و ناعم و رحت للخياط و قلت له سوى لى نفس هذا الثوب من هذا الخام و سواه لى أوكى و الحمد لله أحس بالراحة و الثوب واسع و مغطى و ترتاحين فيه بالصلاة و سلامتكم

نا رحت معرض الي بفندق سفير الرقعي وشفت وحده تبيع ثواب صلاة قتلها ماتبيعين طقم قالت ابيع بس ماعندي الحين بالمعرض دقي علي واوصله لج لي البيت وسعره الطقم 10 دنانير
وهذا رقمها 6280422 ام محمد

موجودين بجمعية الفيحا فوق
المحل اللي يبيع يونيفورمات خدم وملابس داخليه وبجايم
عند ام محمد

 

[كويتيه برونزيه]

في تاجره اسمها دلول بالانجلش
تسوي اطقم

 

[سلاسل ذهبيه]

انا بعد ابي طقم صلاه وفيه تاجرات عندنا بالمول يبيعون اطقم
ياليت اذا عندهم مديلات جديده يعرضونها

 

[صابرة وراضية]

عندى اطقم صلاة توب مع السجادة بجنطة روووعة لاى طلب 55121830

 

[مذهلة 78]

يعطيكم الف عافيه بنات على الرفع واشكرج اختي رنا على الاقتباس

 

[افكاري]

هلا اختي

حياج بمعرض افكاري عندنا محل متخصص بأطقم الصلاة

تلاقين عندها تشكيلة كبيرة ومتنوعة واسعارها حلووة

اسم المحل: إلا صلاتي

بإدارة : ام فاطمة

 

[D@LoOoL]

حبيبتي عندي نوعين من الأطقم ألوان و موديلات يديده و متميزه مو عارضتهم بالمنتدى


عندي طقم العروس ( ثوب صلاة + سجاده + فوطه + قرآن + تلبيسه + كيس أورغانزا )

و عندي الطقم العادي ( ثوب صلاة + سجاده )



جيكي على توقيعي فيه التفاصيل



حياج الله

 

[حرم عبدالله]

في وحدة معانا بالمنتدى بس ما اذكر اسمها ..حفظتها بجهازي روب صلاة ورقمها55121830 شغلها حلوو وذرب ثوب صلاة وسجادة داخل جنطة والثوب نفس طريقة اللي بمطار جدة اللي يكون معاه نفس الملفع مو نفس العادي فهمتي علي..
وسعرها معقوووول 12 دينار والتوصيل 2او3 دينار حسب المنطقة
واتمنى تعجبج..

 

[أم جوري]

توجد موديلات اخرى بصندوق وبدون صندوق
اطقم الصلاة الساتان
اطقم تركي وكشميري

التوصيل مجانا

97947553

مسج فقط

 

[remaas]

للرفع

 

[الأميرة جوري]

شوفي موضوعي....
http://www.q8yat.com/t890407.html

 

[ريري 2012]

هلا حبيباتي انا قيد طلبت من ام جوري وكان مو صندوق جنطه وانا كنت ابيه صندوق وجاني الدانتيل مختلف السجاده مع ثوب الصلاة وكانت مكلمتها من قبل قالت انا زدة الاسعار من ٣٥الى٤٥دينار وبعدين خليتها بعد فتره دقيت عليها ابي اتاكد وحليت اختي تكلمها وقالت اي عندي ٣٥دينار يعني ماعجبتني حركتها وفوق هذا طلع الطلب مو حلو ورديته ودفعة دينارين لتوصيل والله يوفق الجميع