" بآركولي انا حـآمل & أبي رآيكـُم ولاعليكم أمـر "

[! بــدويه وآآيــد !]

،​

السلام عليكم ورحمة الله وبركاته​

الحمدلله بنات انا حآمل مع اني ماكنت لامستعده ولامتوقعه وكنت اسوي شغلات تمنع الحمل ، بس سبحان الله فرحت من دريت اني حامل يارب لك الحمد على هالنعمه الكبيره
الحمدالله
الحمدلله
الحمدلله​

ويارب تمم لي على خيــــر ويثبته واشوفه بحضني سليم معآفى​

بنات انا بجـــريه ورحت الهادي سويت تحليل حمل والحمدلله حامل بس نطرنا الدكتور وطول عنده ولاده وطلعت من المستشفى حيل طول مانطرته​

الحين أبي ابدي اراجع للحمل بس محتاره انا عمري ماجربت خاص الا الهادي وطيبه كلينك ، طيبه كلينك لوووعة جبد وما ارتحت له كلش كلش ما احبه اكرهه​

الهادي احبه واشوفه زين بس ماجربت غيره ماقدر اقارن !​

ابي تنصحوني بـ دكتوره دكتــــورهـ ما ابي دكتور زوجي مايرضى ، تكون زينه ونفسيتها حلوه اهم شي وتشرح بالتفصيل وبوقت الولاده تكون معاي وماتعصب وتصبر علي وخياطها حلوو وصدرها وسيع < كاملة المواصفات​

سمعت عن ندأء بوخضور برويال حياة يمدحونها بس مايمدحون المستشفى
سمعت عن انيتا الهادي بس يقولون صايره نفسيه ساعات
سمعت عن بريتي يقولون حلوه وحبوبه < اكثر وحده مفكره فيها
سمعت عن بهواني بس مادري شرايكم فيها؟؟​

بليز بنات الي حملت وراجعت وولدت تقولي شرايها بدكتورتها ؟؟​

ودعوااااتكم لي حبآآآآيبي :eh_s(17):​

 

[عذبة السجآيآ]

حياااااااااتي بدبد

الف الف الف مليوووووووون مبرووك

وعسى ربي يثتبه لج ويلغج فيه شافي معافي يااارب العالمين

وان شاءالله البنات مايقصرون بس الهادي ترا خوش مستشفى حتى االاستاف اللي فيه

 

[&هند&]

الف مبرووووووووووووووووووك يالغلا والله يثبته وقومج بالسلامه

انا احب الهادي وكنت اراجع عند انيتا واذا مو موجوده عند بهواني وكلهم يهبلون ،،،

 

[الفرفوشهـ]

ألففففف مبروك حبيبتي الله يثبته ان شاءالله


ماجربت الهادي بس رفيجتي تمدح انيتا حيييل

 

[ابدا يالغالي مانساك]

كلوووووووووووووووووش الف الف الف الف الف الف الف الف الق الف الف مبروووووووك ياقلبي حيل حيل فرحت لج يوووم شفت توقيعج ربي يثبته ويقر عينج بشوفته يارب

 

[المشيخه]

الف مبروك عسى ربي يثبته ونصيحه من اخت أخذي حبوب فوليك اسد ٥ ملي جرام لمده ٣ شهور لانها تمنع تشوه الجنين وتكون الخلايا العصبيه عنده

 

[om Firas]

الف الف الف مبرررررررررروك عسى الله يثبته وتفرحين بشوفته

 

[sosowaty]

مبروووك الف مبروك و عسا الله يتمم عليج و يثبته

ما عندي اي فكرة

 

[Model Look]

الف مبرووووووووك

بالنسبه لي جربت دكتوره بالسيف وماعجبتني ورحت المواساة عند دكتوره فرجينيا الحمدلله ارتحت لها بالها وسيع لاني حنانه لووول

بس انا بجريه واللي مدحتلي الدكتوره من اهلنا خالتي وبنت خالتي ولدو عندها

انتي اخذي تجارب اهلج مو تجارب النت احسنلج واضمن

 

[الريم اللعوب]

حياتي مبروووووووووك الله يتمم لك على خير
كا ودي افيدك لاكن سعوديه

 

[رشيدية وافتخر]

الف الف مبروك والله يتمم لك على خير

 

[شـيـوخـهـ]

الف مبرووووك حبيبتي الله يتمم على خير يارب

والله انا ما اراجع عند الهادي كلش فما اقدر افيدج انا مراجعاتي عند ناهده العلي ارتاح لها وقت الولاده ولو ان وقت المراجعه مو حيل تفيدني بس متعوده عليها

 

[مروة الكندري]

مبروووك اختي تستاهلين كل خير

الله يسهل عليج وعلى كل حامل

ما اقدر افيدج لأني بحرينيه اتوقع البنات بيساعدونج

وهم انا استفسر عن الماي والنشأ .. جم مره اقراا

 

[طرطيعه]

عليك السلام والرحمه

مبروووك حبيبتي والله يحفظه لك,,وربي فرحت لك وابشر اختي خخخخخخخخخخ
مو من الكويت انا ,,ان شاء الله يفيدونك البنات
احبك في الله

 

[Habibat Abooha]

الف مبررروك حبيبتي

الله يتمملج ويسهل عليــج

 

[وحيدة امى]

حياتي الف مبروك الف فرحانه حيل فيج الله يتمم عليج ديري بالج علي نفسج

 

[Angel-Lady]

مبروك حبيبتي و ان شالله ربي يثبته و يتمم عليج و يسهل عليج وقت الولاده و يكون كامل الخلق و ااخلقه

بالنسبة لرويال و نداء فانا ليومج هذا اذا شفت و لا احد ياب طاري نداء اقول حسبي الله عليها و لا اقدر اقول الله يسامحها خمس اشهر من حمالي تعذبت بسببها و لا راضيه تستوعب الي فيني و منها كرهت رويال مع ان حاطه بالي بولد فيه

لكن حسب ما سمعت ان وقت الولاده يقولون انها روعه و خياطها حلو بس المراجعات لا و بالنسبه لي فعلا المراجعات لا تنطرينها و يتكسر ظهرج و لما تدخلين عندها كلمتين و تطلع

بس ما يمنع انج اتجربينها فيمكن ترتاحين لها فكل وحده و حسب الي اتشوفه بالدكتوره

بالنسبه لهادي سمعت انه تغير حيل عن اول و ان فيه دكتوره هنديه وايد شاطره هذا الي اعرفه

فيه عندج ماجده كميخ في رويال يمدحونها، معصومه بس نسيت اسمها الكامل اذا تذكرت ارد اكتب لج، بنت خالتي ولدت بناتها الثنتين و رفيجتي عيالها الثلاثه عند دكتوره اسمها نجمه بالسلام وايد امدحوها

الدكتوره الي انا عندها محد يمدحها و يقولون غيريها و انا تعبت و مليت من اامستشفيات و اغلب الدكاتره و المستشفيات شغلهم تجاري <<< وايد بايعتها ادري لول

الله يوفقج و تلقين لج دكتوره زينه

*

 

[فاقده حنان ابوه]

الف مبروك الله يتمم عليج

انشالله البنات يفيدونج لاني كنت عند دكتور حيان الاحمد

 

[عاشقة امريكا]

الف الف مبروك والله يتمم عليج وبصراحه الهادي ماجربته انشالله البنات يفيدونج

 

[فرفشه منعنشه]

الف مبروك عسى ربي يثبته وتفرحين بشوفته معافى بسلامة