باااك لمشكلة زواج المذاهب ساعدوهاا بأرائكم وتجاربكم

[ام حموديNEW]

بنااات ابي رايكم الشخصي
وعالدين ماااكو فتوى تمنع مسلم ياخذ مسلمه شككووو المذاهب
بناات مطااوعه ياخذويين شيعه والعكس صحيح مافيه شك هالشي كلنا مسلميين
واللي انا اتحسف علييييه الولد اخلاااااااااااااااااااااااااااااااااااااااق وحاااط الله بين عيووونه <<<<<<<<<عمله نادره هذذذي
وفووق هذا متفهم <<<<<<<<<<بشهااااادة الكل سواااء ربعه وقرايبه وجيرااانه
عشان جذي احس صعب تلاقي زوج جذي

 

[Gatwa DaloO3a]

اقول خل تتوكل عالى الله وتاخذه ،، يمكن هو اللي يسعدها ويهنيها ،،، ما اشوف ان المذهب عيب !!!

طبعا خل يتفقووون ، اذا كانت هي راضيه في ان عيالها على مذهب ابوهم .. توافق ..

بصراحه .. انا اشوف انو حساافه ترفض شخص كامل من كل النواحي .. يعني ما اشوف اختلاف المذهب ينقص من الشخص ..

لا انا ولا اي احد ولا من حق اي احد اصلا ان يقدر يحكم على تدين الشخص و مدى قربه لرب العالمين
والشخص سواء كان صالح او غير صالح هذا ما يمثل مذهبه ، يمثل تربيته اللي تربى عليها ..

والحمدلله دامه كويتي و اصيل .. خل توافق

 

[ام حموديNEW]

اي والله كويتي واصيل
الله يهدي اهلهاا ويسخرهم لهاا

 

[رهيبة قطر]

دام اهلها مب راضيين خلاص ماتقدر تسوي شوي

رضى الله من رضى الوالدين وان شاء الله ربي بيعوضها باللي احسن منه

 

[فطيرة الشوكولا]

احس كل واحد لازم ياخذ من مذهبه
باجر لي يابت يهال على منو بيطلعون ؟؟؟الام تبي على مذهبها الاب يبي على مذهبه

 

[بنت الحداد]

خل تتوكل

النبي قال (من جاءكم من ترضونه دينه وخلقه فزوجوه)) ماقال مذهبه ؟؟!!

وعلى فكره 26 صغيره ,, نهائيا مافي شي يمنع الا القناعات التافهه

نتمنالها التوفيق

 

[اميره1980]

دامه ما بينهم حب خلاص لا تاخذه لانها بعد الزواج اكيد بتصير مشاكل و حتى ريلها لو بلحظة غضب بيقط عليها قطات اهي بغنى عن هالسوالف
ختكون نظرتها بعيدة و تفكر بعيالها بعدين
صحيح ما بينا تفرقة و كلنا عيال قرية بس حلات الثوب رقعته منه و فيه

 

[law love]

لا لا. لا لا لا لا لا لا لا لا لا لااااااااااا توافق

من عدة تجارب شفتها بعيني

الزواج مع اختلاف المذاهب = مشكل و عدم توافق بين العايلتين

 

[G!RLooNa]

انا مو مع الزواج بين المذهبين اختلاف كبييير بينهم بالاحكام الشرعيه و القانونيه و الصلاه و الصيام و وايد اشياء

 

[اللعبه]

خل تتوكل

النبي قال (من جاءكم من ترضونه دينه وخلقه فزوجوه)) ماقال مذهبه ؟؟!!

وعلى فكره 26 صغيره ,, نهائيا مافي شي يمنع الا القناعات التافهه

نتمنالها التوفيق

الدين = المذهب .............. بربج هذا مستوى تاخذين رايه

 

[اللعبه]

من وين الفتوى ؟؟ حطي سايت او شي يمنع زواج المذاهب المختلفه ... !!
أقول البنت تبي حل ما قالت تبي فتوى .. وبسكم بتقلبون الموضوع وبتسون فتنه عشان واحد يغلط على الثاني .. كبروا عقولكم الحمدلله والشكر .. تفكير رجعي .. اشفايدت نفس مذهبي وما يعرف ربه ..الله يهديكم حرمتوا زواج بين المسلمين بعد ؟؟؟

انا من رايي تصلي استخارة وتكلم اهلها اذا لها نصيب بتاخذه ... والله يوفق الجميع

يالله شوفوا المستوى تقول ما نبي فتوى ...؟:bbbiu:

 

[سآموو]

والله ماشوف فيها شي
الكويت قبل ماكان فيها جذي عاتي يعني الشيعه والسنه متزاوجين
شوفوا العراقيين مشالله عليهم مافيه فرق بين سني وشيعي
والراي الاول والاخير لها ولاهلها

 

[حورية الكويت]

لا اؤيد بتاتا و الاسباب :

1- اختلاف الاحكام و المراجع و الامور الدينية و المعتقدات ...يعني على سبيل المثلا لا الحصر ...وقت الصيام يختلف ... وقت العيد يختلف ... اركان العمرة و الحج يختلف ... الصلوت اوقاتها تحتلف و طريقتها ايضا .. المعتقدات الدينية مختلفة ... اذا كانت الاخت حريصة على دينها فلن ترضى بان تشتت نفسها و تقترن بشخص يختلف عنها .

2 -تشتت الابناء بين مذهب الام و الاب ...و عن تجربة حية ...الابناء يعيشون في حيرة و تشتت من يتبعون و لماذا ..

3 - رضى الله من رضى الوالدين ....و اهم شي مباركة الاهل و رضاهم بالزواج... اذا بتعيش بطمانينة و راحة بال .. خل تدور رضى اهلها امها و ابوها ... و لو خذته غصبن عنهم عزوتها راحت ... و مع مرور الايام الزوج راح يحتقرها لانها مثل ما باعت اهلها بتبيعني ..

و انا اؤكد لها

لا تاخذين واحد اهلج ما يرضون عليه .... خصوصا اذا كان اختلاف المذاهب ... هذا زواج .. مو صداقة ولا زمالة مؤقتة

و سؤال ؟؟ راح تتزوج على اي عقد ؟؟؟ وباي محكمة ؟؟؟ اهي عارفة شنو حقوق المراة في هذا المذهب اللي بتتزوج عليه ؟ لانها راح تتبع الرجل ...

الحديث يطول في هذا المجال

تجارب سابقة اكدت لي ان زواج البنت من شخص مو من ثوبها راح تواجه مشاكل لا محالة و توصل لمرحلة تتحسف ... لان الحب مهما كان موجود قبل الزواج ( و انا من مؤيدي الحب قبل الزواج بس مع الشخص الصح ) راح يوصل فيه المتزوجين الى مرحلة ما يبقى فيها الا الاخلاق و الدين ( الدين = المذهب ) .

و على فكرة 26 ياهل مو كبيرة و فرص الزواج باذن الله موجودة

خل تصلي استخارة ( صلاة الاستخارة بالمذهبين مختلفة ) خل تبحث و تشوف كل شي يختلفون

صدقيني اهم شي بالزواج بعد حين من الزمن هم الابناء خل تفكر مليون مرة قبل لا تجزم

كلنا مسلمين و كلنا موحدين بس الزواج هو اقتران اسرتين و ليس شخصين

و نصيحتي اخذي اللي منج و فيج و اللي اهلج يرضون عليه ... على الاقل تتحاشين هالمشاكل اللي ممكن تصير من هالاختلاف

و الله يوفق الجميع

 

[حورية الكويت]

والله ماشوف فيها شي
الكويت قبل ماكان فيها جذي عاتي يعني الشيعه والسنه متزاوجين
شوفوا العراقيين مشالله عليهم مافيه فرق بين سني وشيعي
والراي الاول والاخير لها ولاهلها

بس احب اعقب حبيبتي على كلامج

الظاهر ما تسمعين الاخبار بغت تصير حرب اهلية و السبة هالموضوع و لا زالت فيه مشاكل في هالامر

الله يهديهم

 

[بحرينية بحرانية]

اذا اهي خايفة على نفسها من ناحية العمر خليها تتطمن
تراها بعدها صغييرة
و اذا هو صج صج عاجبها ........بغض النظر عن عمرها و عن مذهبه

خليها تستخير
و الله يوفقها ان شاءالله و ييسر امرها

 

[0oR0R0 honeyo0]

انا اقول اشلك بعوار الراس ليش تحنين على راس البنت تراها مو بالخمسين ولا بالستين عشان تقولي كبيره توها عمرها ٢٦ وعملتيها عنست ومدري ايش
المهم انا اقولك اياها من الحين امشي بجنازة ولاتمشي بجوازة حبيبتي بكرة لاصار ماصار بتلومك انتي واهلها بعد بيلومونك انا نصحتك وانتي كيفك ترا هذا مولعبة هذا زواااااااااااااااااااااااااااج

 

[يارب احفظ عيالي]

انا ضد زواج المذاهب المختلفه

 

[FeShinGoOo]

الله يوفقهاا

 

[♥ SWeeRa ♥]

حلات الثوب رقعته منه وفيه

انا سنيه وماراح اخذ الا سني ..
يمكن لاننا متشديدين بالشي هذا



في عوايل عندهم عادي سنه وشيعه مع بعض
اذا اهلها من النوع شيعه وسنه خليها تتوكل على الله


اما اذا اهي شيعيه واهلها مايزوجون سنه
او سنيه واهلها مايزوجون شيعه
فتاخذ اللي منها وفيها

 

[الملكة فيكتوريا]

عاااادي ياما نااااس تزوجوا وهذا مذهبا غير وهذا غير

واذكر قبل ابلتنا تقوول انا من كثر ماني ضد الفتن تزوجت واحد و من مذهبي
رجال ما يعيبه شيء وكلنا نعبد لله واحد شنو المشكله

وسالفه اليهال تكووون اختياري لما يكبرون
اول يحلوونها فيما بينهم