باستا بالكريمة و الدجاج و المشروم لذيييييييييييذه ولا جوني كارينوز .. من ايدي
شلونكم بنات
اليوم يايبه لكم باستا بصراحه حدها حدها لذيذة حق ذويقين الباستات
تبون الصراحه أحلى حتى من المطعم الإيطالي اللي بالأفنيوز جنه اسمه ( الفورنو ) أنا جربت باستتهم اللي بالمشروم حلوه بس باستتي أحلى
يالله خل اقولكم الوصفه مابي أمدح بطبختي وايد
بحط لكم صورتها عشان تتشوقون تسوونها
المقادير:
- معكرونيه فوتيشيني الإيطالية ( هذي قالت لي عنها صديقتي بصراحه وايد أحلى من الفوتشيني مالت الكويت ) صورته لكم شوفوه
- علبة مشروم طازج
- صدور دجاج بدون عظم و بدون جلد
- بصل مفروم صغار
- كريمة كي دي دي
- أوريغانو ( زعتر البيتزا )
- مكعب ماجي دجاج
- جبن مزرولا مبشور
- زيت القلي
- ملح
- فلفل حلو
الطريقة :
1- نجهز جدر فيه ماي حار و نضيف له شوية دهن و ملح و نحط فيه المعكرونيه و نتركه على جنب حتى تستوي ( ملاحظه : لايكون وايد لين أو مايستوي تماما يعني يبقاله على الاستواء شوي ) ثم نزيل عنها الماء يعني نشخلها و نتركها على جنب
2- نسلق صدور الدجاج في الماء حتى يستوي ( أيضاً لا يستوي تماماً بحيث ان نقدر نسحبه ، تقريبا 3 قطع )بعد ذلك نسحبه إلى قطع طويله و ماتكون حيل رفيعه و نتركه على جنب
3- نقطع المشروم إلى شرائح و نتركه على جنب
4- في جدر غزير نحط الدهن و نحمس البصل لما يصير لونه أشقر شوي بعدين نحط عليه مكعب الماجي و نذوبه ، بعدين نصب عليهم الكريمة و نخليها لما تبدا تطبخ مع التحريك ( ملاحظه : الكريمه لاتحطون وايد شوي شوي عشان ماتكون أكثر من المطلوب )
5- أول ماتبدا الكريمة تغلي نحط المشروم و نحركه ثم الدجاج و نقلبه ثم المعكرونيه و نقلبه لما يمتزج الخليط ( أكرر الكريمة تغطي الخليط كله و ماتبين انها تطبخ مع المعكرونيه ) .
6- نضيف رشه من الفلفل الحلو ، و أيضا نضيف الأوريغانو (المقدار حسب الرغبة ) و نستمر بالتقليب
7- نغطي الجدر و نتركه قليلا على نار هادئه إلى وقت التقديم
8- نحط الطبخه في ماعون التقديم و نرش جبن المازرولا قليلا على الوجه ثم نرش الأوريغانو و يقدم
هذي صوره بعد للطبق اللي سويته
و بالعافيه على قلوبكم و ان شالله عجبكم شغلي
ترا الباستا من تأليفي
شلونكم بنات
اليوم يايبه لكم باستا بصراحه حدها حدها لذيذة حق ذويقين الباستات
تبون الصراحه أحلى حتى من المطعم الإيطالي اللي بالأفنيوز جنه اسمه ( الفورنو ) أنا جربت باستتهم اللي بالمشروم حلوه بس باستتي أحلى
يالله خل اقولكم الوصفه مابي أمدح بطبختي وايد
بحط لكم صورتها عشان تتشوقون تسوونها
المقادير:
- معكرونيه فوتيشيني الإيطالية ( هذي قالت لي عنها صديقتي بصراحه وايد أحلى من الفوتشيني مالت الكويت ) صورته لكم شوفوه
- علبة مشروم طازج
- صدور دجاج بدون عظم و بدون جلد
- بصل مفروم صغار
- كريمة كي دي دي
- أوريغانو ( زعتر البيتزا )
- مكعب ماجي دجاج
- جبن مزرولا مبشور
- زيت القلي
- ملح
- فلفل حلو
الطريقة :
1- نجهز جدر فيه ماي حار و نضيف له شوية دهن و ملح و نحط فيه المعكرونيه و نتركه على جنب حتى تستوي ( ملاحظه : لايكون وايد لين أو مايستوي تماما يعني يبقاله على الاستواء شوي ) ثم نزيل عنها الماء يعني نشخلها و نتركها على جنب
2- نسلق صدور الدجاج في الماء حتى يستوي ( أيضاً لا يستوي تماماً بحيث ان نقدر نسحبه ، تقريبا 3 قطع )بعد ذلك نسحبه إلى قطع طويله و ماتكون حيل رفيعه و نتركه على جنب
3- نقطع المشروم إلى شرائح و نتركه على جنب
4- في جدر غزير نحط الدهن و نحمس البصل لما يصير لونه أشقر شوي بعدين نحط عليه مكعب الماجي و نذوبه ، بعدين نصب عليهم الكريمة و نخليها لما تبدا تطبخ مع التحريك ( ملاحظه : الكريمه لاتحطون وايد شوي شوي عشان ماتكون أكثر من المطلوب )
5- أول ماتبدا الكريمة تغلي نحط المشروم و نحركه ثم الدجاج و نقلبه ثم المعكرونيه و نقلبه لما يمتزج الخليط ( أكرر الكريمة تغطي الخليط كله و ماتبين انها تطبخ مع المعكرونيه ) .
6- نضيف رشه من الفلفل الحلو ، و أيضا نضيف الأوريغانو (المقدار حسب الرغبة ) و نستمر بالتقليب
7- نغطي الجدر و نتركه قليلا على نار هادئه إلى وقت التقديم
8- نحط الطبخه في ماعون التقديم و نرش جبن المازرولا قليلا على الوجه ثم نرش الأوريغانو و يقدم
هذي صوره بعد للطبق اللي سويته
و بالعافيه على قلوبكم و ان شالله عجبكم شغلي
ترا الباستا من تأليفي
