#@باقي ثلاث مواد واتخرج ومانزلو شسوي#@

[lolowawa1234]

:ggdw:هلاا والله بنوووته

اي كل المواد بالجامعه تصير قراءات عدى المواد اللي فيها شغل وعملي بس

وارض وكون عادي قراءات بالعكس اكثر ماده ياخذونها قراءاتا ارض وكون


*************************************************

عبوووووره:ggdw: :ggdw: :ggdw:

قرقيعان وقرقيعان بين قصير ورمضان عادت عليكم صيام كل سنه وكل عام

الله يخلي عبووور يالله خلهاا لامهاااا :ggdw: :ggdw: عاااشووووو
عبووور
عطرتي الموضوع


عطيني اذنج عبوووور

دااوميي امبجر حيييييييييييل واصلي وتوكلي على الله من تطلع الشمس ويبي ويااج كرسي من مطبخكم وقعدي جدااام الباااب

وبالتوفيق يااااااااااااارب ونتخرج ونفتك ونتوفق باماكن سنعه ونزرق من دواماتنا ونتريق بمطعم ونتغدى بمطعم,,,ونروووح السوووووق ونشبع منه ثم نرجع الدوام نبصم ونرد البيت واناام
ونشتري مرسيدس ونقحص فيها:krkrkr::krkrkr:

كاني خرتهااا شوي ,,,

 

[عيونك اخر آمآلي]

ياليت ينزلون منهج ... ماقالوا متى ينزلونهم على السستم ؟

 

[• MuFFiN •]

لوووووووووووووول اي والله متى يعدي هالكوووورس ونفتك من هالجامعه الز

ز

ز

زيـــنه


والله شكلي جذي يعني تشورين علي اروح من الساعه جم ..

بس تعالي بسألج انتوا سجلوتي الاسامي ؟ والا نطرتوهم لين وزعوا الاررقام ومتى بطوا الباب

والوضع اوكي مشى تمام والا ردوا احد نفس ما ردوووني

 

[العسل كلة]

اهلين عبورة انا اليوم كنت بقاعه الام تي سي الساعه 8 ورقمي كان 47 وبطلوا الباب الساعه 9 اخذوا من التربية 50 بنت غشاشين الارقام مامنها فايده يمشون اللي يعرفونهم قدام رقمج ورديت البيت ولا سجلت وقبل امس كنت الساعه 7 عندهم
وبعد اشوي 6ونص بطلع من البيت واللي في امها خير ماتدخلني راح اوقف عند باب التسجيل

بلا اسماء بلا بطيخ
وبلا حب وبلا وجع قلب
وبلا جامعه وبلا مذلة التسجيل

 

[ع ــندك / خ ــبر]

الحين شالزبده ارض وكون متى ينزلونها ؟؟

 

[• MuFFiN •]

امبييييييييييه من صجج لي متى هالحال هذا واحنا خريجين لي متى يعني

نروح من الــ 6 ونص يعني شهالحـــال ؟! واخر شي ما ندشش

 

[Artya 【ツ】●]

lolowawa1234 ،، وناسه !

آنا ورفيجاتي نجره على هالسالفه لووووول ،، يقولون مايصير مواد العلوم قراءات ،، بآخذها قراءات عيل ،، إن شاء الله ما اندقر بس لوووووووووول

الله يبشرج بالخير


انزين سؤال ثاني << مصختيها لووووووول

يصير آخذ 6 مواد + ماده قراءات وآنا مو متفوقه؟

لانه بس المتفوقين يآخذون 7 مواد !

آنا قلت القراءات من غير وحدات يعني عادي؟

يصير ولا لا؟


الله يوفقج حبيبتي وسوري قرقت وايد :$

 

[Artya 【ツ】●]

اووووووووووبا

 

[bent_7awa]

انتي طالبة تربيه يعني لااااااااااازم من الساعة 6 ونص باجر انتي بالام تي سي

والله انا اليوم لما رحت وشفت هناااك زحمه ولا شنو

مساااكين بنات التربية خلصت الارقام عليهم من 7 خلصوا وزعوا 50 رقم

 

[lolowawa1234]

ااهليييييييييييييين وسهلييييييييييين

مراااااحب

الحين برد على اسئلتكم

متى ينزلون بالسستم (هذا بعلم الغيب اختي)بس اذا دريت ببلغكم هني
واللي سعلت قصدي سألت عن مادة ارف وكون اقصد ارض وكوون هم مادري بس هالماده تنزل كل كورس تقريبا ست شعب وهم هي بعلم الغيب واذا مانزلت اسجلها قراءات

اللي سالت انها بتاخذ ست مواااد عااااااادي اصلا الخريج ياخذ 21 وحده اما اذا نازله ميداني حدج تاخذين الى 18 وحده او 15

اللي تقووول حصلت رقم بالاربعين اقولهاااا انا اخذت رقم بطعش ودخلت عقب ساعه ونص انتي متى يدخلونج

بناااااات صلو الفجر ولبسو على ما تطلع الشمس ركبو وسيايركم وتوجهو للمقبره قصديالجامعه وياج سيفج وخنجرج بعد
واذا فاطر بعذر شرعي ه ياوخيتي مري بقالة مستشفى الصباح واشتري لج ماي مفلللج موو مثلج هااا المفلج يعني يكون كله ثلج داخل والمثلج ربع ثلجه انتي عاد اخذي مفلج عشان لاصارت الساعه 10 الا انتي ميته الاشوي عطش واخذي لج كرواسونه وعصيره

ولاوصلتي هناك شبكي بتلفونج او لابتوبج وسجلي اسمج عند البنات اللي معاهم التسجيل
والله ماتحسووون بالوقت
حتى الشبك ببلاش بدون ايقو ولاهم يحزنون لان فيه تغطيه هنااك بس دوري شبكه واذا لقيتيها كتبي رقمج الجامعي ويدخلونج بالنت ودشي كويتيات هنيييي اقري جم موضوع ولاااتحسووون بالوقت ,,,

وبهدي لكن هديه يااابنااااااااااات:klhfl:

قصيدة طالب عماني بغى يموووت من القهر بسبة الجامعه اقرنهاا وادعن لي لانه يتحجى عن حالنا بالظبط


تفرح إذا قالوا النتيجة تشرّف جات ##### وتعرف بان اسمك مع اللي مدرجين

ودّك يقــــال انـه انـدرج للجامعــات ##### وانــدمــج مـع جمـع لــي متـعلمـين

تدخـل تفــكـر للـسنـيـن المـقبــلات ##### باصير المهندس عندي الشي الثمين

شـهـادتي سلاحـي فــيوم النـايبـات ##### وفخــرا لمـن مالجامـعه متخرجيــن

شهــادة فيـها الجـهات الخاتـمــــات ##### الجــامعــة و كـلــيـة الــمـهـنـدســـيـن

وتقول يا ليت الـدراسـة بس جـات ##### باكـون مـن ضمـن الـذي متـفوقيـن

وبـاخـذ دروس وانشـــطة متّـاليـات ##### و في المعرفة يتقدموا المتخصصين

لكـن مـن تدخـل تجيـك المعضــلات ###### مـتّالية واسـمــع لقـولـي كــن فطــين

أول وصــولك تبـتـلـي بالـلـيقيــــلات ##### وتضــل تـدرس انجـليـزي كـل حيـن

قلـنـا استفـدتوا قال بضـــع الكـلمـات ##### هل كيـف واهمـه دايـمـا متشـدديــن

واذا انتهت دراستك من سنتر اللغات ##### اثــــنِِِِِ الشــكـر للـه رب العالــميــن

واطــلبــه تيـسـيـر امــر الكورســـات ##### امـــرها صـعــب وبـهـا لا تـســتهين

أيـضـاً التسـجـيل إحــدى المـشـكـلات ##### نبغي نسجّل بـس ما احـنه محصلين

الكورس نازل ضمـن اربـع سكشنـات ##### اثنيـن فُـلً والـبــقـيــة مـعـارضـيــن

تبـا تـسجّــل يبـتــغيـلــك واسـطـــات ##### عميـد عـالاقــل والا مسـاعــديـن

واذا مـشيـت وخـــذتـلـــك متـطــلبـات ##### من العـلوم تكــون مـثـل الميتيـن

لا انته مع اللي عايشاً في ذي الحياة ##### دايم علـى كتابـك تناظر كل حيـن

والا تـرى راسـب ضعـيف الدرجــات ##### منـضّـم للــي دايمـا متلاحـظـيــن

اذا درسـت الفيزيـاء شفـت الـممـات ##### شراة درس الكيمياء درسا محـين

وكــان لـك حـظ ونصـيب فمـاركـات ##### كنت مـــــع دكتـور مالـمتـفاهـمـين

واحـذر الدكتـور مـذمـوم الصـفــات ##### لا بـغــالـك حـطــلـك افـاً لـعـيــــن

وش جابنـي للعـاصمـة والجامعــات ##### ليش ما ابقى فديرتي في كل حين

واكتـفـي باللـي معـي مـن البكــرات ##### واركز العرشـان في وسط البطين

بـس هــزَّت مسمعـي كـلمـة وصـاة ##### قالـها الـوالـد وحـن لـه طايعـيـن

قــال خــلـك تــدرس بـعــزم وثبــات ##### ولا اتسمّـع قـول لـي متخاذلـيـن

الـدراسـة صــح فــيـهـا مـصـعـبـات ##### ولا ينــال العـلم غـيـر الصـابـرين​