السلام عليكم ورحمة الله وبركاته
كيف حالك أم علي ؟؟ كل عام وانتي بخير :eh_s(17):
أنا عندي استفسار يالغالية وأتمنى تتحمليني
أنا عمري 40 سنة ومو متزوجة فاستخدامي للمكياج قليييييييييييييييل لأني أعتبر نفسي جاااااهلة فيه ،،حدي روج وكحل وبلاشر وأحيانا مسكرا.. ورغم عمري إلا إن ملامحي صغيرة فكل من يشوفني يعطيني 27 أو 28 سنة الحمد لله" يمكن من قلة ما أستخدم المكياج"،، سؤالي بعد المقدمة اللي مالها داعي حبيت أسألك ايش المكياج اللي يناسبني من ناحية الرسمات؟
وابغى أعرف ايش هو البيس؟ وكيف استخدمه وايش أفضل أنواعه؟ وهل أوزعه على كل الوجه ولا بس منطقة العين؟؟ عندي هالات سودا وخطوط بسيطة حول العين فايش أفضل أنواع الكونسيلر وما يعملي خطوط تحت العين؟؟وكيف اختارلونه يكون زي لون الفاونديشن ولا أغمق ولا أفتح.. الله يسسسسسعدك أكتبيلي الخطوات لتحضير الوجه قبل الميك أب .. يعني ايش أحط اول.. المرطب وبعدين البيس وبعدين الكونسيلر وبعدين الفاونديشن؟؟ وإن شاءالله ناوية أشتري فاونديشن بوبي براون من كثر ما مدحتيه ومدحوه بنات المنتدى
وعندي كمان طلب صغيرووون :eh_s(22): أنا سمرا زي الممثلة هند البلوشي أيش الوان الظلال اللي تناسبني؟؟ وبث
والله أرسلك وأنا مستحية ما ودي أثقل عليك بس والله أبغى أستفيد ولك الأجر إن شاء الله..:eh_s(7)::eh_s(7):
