باليت نيكد التقليد والاصلي

[Fashionista]

احد يفهمني الفرق بين الاصلي والتقليييد ماافهمت شي :d

الفيديو انقلش وانا دررج بالانقلش:d

طيب الباليت الاصلي سعره بكمم بالريال ؟

و بماانكم فتحتو سيرةة الشنط اعرف تاجرات ثنتين وحده تبيع شنط بالاف الريالات والثانيه تبيع نفسهم بحدود 400ريال ! طبعا تقليد

طيب التقليد وش عيوبه؟؟ فكرت اشتري من ام 400 بس كلامكم خوفني:bbbiu:

اعجججبني الموقع اللي اعطيهم طلبي ويجيبونه لي :eh_s(2):ليت في بالسعوديه زي هالمواقعع يفكوون ازمه:eh_s(2):

حبيبتي مانصح باي شي تقليد شدراج شنهي المواد المصنعه يمكن تكون ضارة

 

[Fashionista]

جدام الكل وربي شاهد علي لا اعرف مس هارودز ولا تعاملت معاها ولا ابي اخرب سوقها ... من حقنا كعضوات في المنتدا وممكن زباين مستقبلييين نعرف ونسال ونتطمن وماشوف في اي شي زعل او مضايقه
لانه البنات قاعدين ياخذون منها بفلوسهم مو ببلاش ولا هدايا فلازم الكل يتطمن انها ملمه بالماركات وعالم التجميل وعارفه تتصرف
واذا اهي انخدعت انه الباليت تقليد فمسموحه ومعذورة واي شي ثاني مثل ترد نص المبالغ للبنات او فلوسهم او غيره هذا راجع لها اهي وزبوناتها
واذا الزبونه شرت واهي تدري تقليد وراضيه عليها بالعافيه بس ترا ماتدرين مصنع من شنو يمكن يكون ضار لج !!! لانه رخيص وكل شي دش بصناعته ارخص

 

[Laidy n3ooma]

انا تعاملت مع مس هاروودز وانسانه ذوووووق وحتى اتصلت فيني اتاكد اذا كل شي اوكي وعجبني

طلبت منها باليت سليك وفراشي ورووووووووووعه وثابت يعني باييين اصلي

للامانه ماجربت نيكد بس اكيييد مراح تغشنا

خصوصا ان الطاف الخلف وحنان النجاده يتعاملون معاها يعني خبرررره بالميكب بيعرفون الاصلي والتقلييييد

يمكن بعد هي انغشت والشركه قالت لها اصلي

لاتظلمونهاااا

 

[الأميرة ريماس]

اللي تقوول الطاف الخاف وأم علي يتعاملون معاها مويمكن تبيع عليهم الأصلي وعلينا التقليد!!!
عشان يسون لها ددعاائة

 

[Fashionista]

انا تعاملت مع مس هاروودز وانسانه ذوووووق وحتى اتصلت فيني اتاكد اذا كل شي اوكي وعجبني

طلبت منها باليت سليك وفراشي ورووووووووووعه وثابت يعني باييين اصلي

للامانه ماجربت نيكد بس اكيييد مراح تغشنا

خصوصا ان الطاف الخلف وحنان النجاده يتعاملون معاها يعني خبرررره بالميكب بيعرفون الاصلي والتقلييييد

يمكن بعد هي انغشت والشركه قالت لها اصلي

لاتظلمونهاااا

بالنسبة لي انا انا ماقلت حشا كل شغلها تقليد بس نبي منها ردود واضحة عن باليت نيكد الماني :eh_s(10): علشان الغالبيه تطلب واهما متطنين

في اكثر من اخت راسلوني عالخاص ومؤيدين رايي بس يمكن مايبون يزعلون احد او تصير حساسيه فتجنبو المشاركة والله اعلم مع انه ماشوف في شي غلط

 

[Fashionista]

اللي تقوول الطاف الخاف وأم علي يتعاملون معاها مويمكن تبيع عليهم الأصلي وعلينا التقليد!!!
عشان يسون لها ددعاائة

لا لا حبوبه ماعتقد ماتوصل هالدرجه تقدرين تصورين الباليت اللي عندج وتعرضينه ؟ علشان الكل يستفيد صج انه في صور بالنت بس لمن تذكرينها انتي مع صور خاصه تكون اوضح للبنات

 

[..~Goolz]

مشكورين ع التفاعل ع الخاص والعام

نطروني بموضوع ثاني لوووول

 

[miss habona]

انا وحده من الناس شهادتي ب مس هارودز مجروحه انساااانه ذوووووووووووووووووووووق ( ما تصير لي من اي ناحيه ) !!

و مستحيل تسوي جذي مستحيييييييييييييييل !
شريت منها نايكد 1 و باليت الشادوز و فرش و باليتات ثانيه و اشيا وااااايده , و لازم كل سبوع اشتري منها و لا وحده من هل اشيا طلعوا تقليد و حتى بنات خالتي و عماتي و رفيجاتي نتعامل معاها و كلهم يشهدون لها !!

و مس هارودز ما يهمها الماديات كلللللللللللللللللللللللللللللللش و انا اضمن لكم هل شي !! بعد ما استلم اغراضي كلل مره تسالني اذا كل شي اوكي ولا !!

و انا اول مره اسمع احد يتكلم عنها بلشين و مصدومه حيل !!
اغلبيه البنات يتعاملون معاها و لا وحده تشكت منها !!

ماله اي داعي تغلطون عليها و تخربون سمعتها !!

​

 

[!! Ba6a 7lwa !!]

ماشفت باليتاتي اشوفهم واردلكم

الله يستر

 

[BankerQ8]

يعني ينفع عالميا شركة تاخذ اسم شركة ثانية!!! اذا كنا في دولنا العربية ممنوع والأجانب اكثر صرامة في نظامهم وخاصة التقليد وبعدين تقليد ماك صيني .وتصدقي انه اغلب البنات بتطلب الالماني وتتصر ولما انصح بالأمريكي تفكرني حابة اكسب زيادة وبعدين كل شي متاح امام البنات بس في بنات تسترخص وتطلب الرخيص وبعدين تشتكي ودائما انصح بالغالي لان الغالي على المدى البعيد لو حسبناها يطلع ارخص عندي في السايت عرضت الالماني وكتبت جمب الاسم بالانجليزي والعربي المااااااااااااااااااااااااااااااااني وجمبه الصورة الي بعده الامريكي وكتبت امريييييييكي واغلب الطلب للأسف للأسف على الالماني وانا مازال عندي طبعا كمية وقررت أرميهم في الزبالة بس عشان مليت من النقاشات يشتروا رخيص وبعدين يزعلو طيب مين غصبك تشتريه وكان معروض الامريكي وترفض تماماً شراءه

انتي مصريه ؟! وشنو هالأسلوب ويييع انصدمت منج وليش تنصبين عالبنات تبيعين تقليد وبسعر غالي ماتخافين ربج !:eh_s(14):

 

[BankerQ8]

الحححين شنووووووووووو الحل مس هارودز صكت الفون بوجهي ؤموراضية تعوضني ؟؟
بناات خنسوي موضوع عنهااا يمكن تعوضنا أو يوقفون عضويتها المنتددددى !!!ة!!!!

وانا ااضم صوتي لصوتج لأن أكره النصابات الي ينهبون فلوس الناس مايخافون الله كلها فلوس حرام حسبي الله ونعم الوكيل فيهم

 

[BankerQ8]

لم أضرب واحده على ايدها لما طلبت الرخيص وكان الغالي امام عيونها عارفة كويس انه رخيص وفرق 11 دك وانا كاتبة نكد الماني ولم اكتب لا اصلي ولا فصلي وكاتبة عند الآخر نكد امريكي وفي النهاية الحرية لمستوى الزبونة وقدراتها المادية..من حق زبوناتي العزيزيات ان أرد المنتج في الحالات الأتية فقط اذا وصلها طلب مختلف عن ما طلبته او وصلها طلب مكسور ..ومكتوب في الفاتورة ممنوع التبديل او الارجاع والطلب يصل امام عين الزبونة العزيزة وتفتحه امام المندوب قبل أن تدفع تمنه فهل انا مطالبة ان كل زبونة تجرب مكب ويطلع ياحرام وحش عليها اني اخده وادفع كمان تمن استخدامه للنص للاسف تشترو من امازون وايباي ويغشوكم ببضاعه صينية وتكونو سعدا وفخورين بها بس لأني وفرت لكم المنتجات الاصلي بكل بساطة كثرت اعدائي وانا لم اغلق التلفون في وجه احد وأظن الاخوات عارفين اخلاقي والي يمدحوني مالي علاقة بهم شخصية وانما اللي ذمتني هي فقط اللي لي لها منافسة معي في شغل وللأسف كلامها اسعدني لدرجة اني بطلت اتابع الموضوع لولا ان اخوات محترمات من خارج الكويت كمان اتصلوا بي مصرين اني ارد ورغم اني من الصبح في اجتماع وبيع وزباين وشغل الا اني دخلت ارضاء لزبوناتي الي بموت فيهم وعسل وسكر وشيخات الخليج وصراحة موقعنا مخصص لفئة معينة والباقي ورجاء الباقي لا يقتربو من سايت ميس هارودز فهو غالي جداااااااااااااااااااااااااااااااااااا

هههههههههههههههههههه والنبي ياتوحه اسلوبج بصراحه وقح وانتم معروفين بالنصب وعيب عليج تقولين سايت مس هرود غالي ولاتقتربو منه وهو للشيخات حبوبه انتي تنظفتي وصرتي واستويتي من بنات المنتدى الكويتيات اهم رفعو فيج واظاهر انهم عطوج اكبر من حجمج وياحلوج قاصه عالناس شاريه الي على قولتج الماني وهو بالحقيقه(صيني) وسعره مايتعدى ال 5 دك وكاتبه بالسايت انه الماني وتبيعينه بسعر غالي والله انج اكبر نصابه

 

[$الاميررة$]

اول شي بنات اذكروا الله واحسنوا الظن مس هاردوز تعاملت معاها شخصيا وكانت قمه وأشوف أسعارها مناسبه واللي اثبتلي هالشي ان منتجات the balm لما نزلوها عندنا بالكويت نفس أسعارها بالضبط أنا يمكن عتبانه عليها شوي انها مانبهتنا عن هالشغله بس أنا متأكده انها ماتقصد تغش احد وبليز ارتقوا بالاسلوب عيب نجرح بعض حتى لو انغشيتي هي غلطه وتعلمتي منها والمسامح كريم

 

[الأميرة ريماس]

أميررة طبعااا حيااأتي لإنج ما نقشيتي نفسناا
لو انقشيتي جاان قامت القيامة ؤانأا وحدة موتاجرة وفلوسي أقطها
آناا وحدة ع قد حاللي وطلبتة وجذبت علي بندددعي عليج لين يَ مس هارديز هههههههههه لين ما اللهه ينتقم منج

 

[الأميرة ريماس]

ؤمسس هارودز بسببنا صارت غنية واتوقع بتشتري فيلا بشرم الشيخ وتنحاش بتاااكيد

 

[$الاميررة$]

أنا شاريه بس للحين ما جيكت على اللي عندي هدي أعصابج ليش هالحقد كله ترا موزين لج

 

[Fashionista]

بنات تعوذو من ابليس مانبي الموضوع يتحول لهوشه انا ماعرف بنت الحلال ولا شريت منها بس استغربت من الموضوع وايد وردها مع كل تقديري مو مقنع !!! فاتمنى منها توضح موضوع باليت الماني لانه صيني ماكو شي اسمه الماني وروسي وكويتي ومصري

اهي عندها علم من البدايه انه تقليد هذا السؤال ؟؟ المفروض اي تاجرة تبي الافضل تراسل الشركة الام وتستفسر وتثبت مصداقيتها مايصير تخلي الموضوع عايم واللي يبي يشتري واللي مايبي يفتح الله

شكرا واتمنى من البنات التفاعل مع التحفظ

 

[MakeupAholic]

اول شي ذكروا الله
قاعدين تتهاوشون وكلام ماله داعي ..

اول شي كلمة حق تنقال مس هارودز انسانه روعه الله يشهد عمرها ماقصرت ولا كان همها بيوم الفلوس
المسكينه همها البنات يكونون راضيين

وبعدين الحين تشترون من الهنود مكياج تقليد لي الراس وماتقولون شي مسكتوا هالمسكينه
زين المره كاتبه وقايله انه الماني وتعيد وتزيد انه الماني الرخيص
وبعدين كل وحده تقط حجي من مادري وين
اللي ماجربت تطلب اون لاين لاتقول شي .. غير الوزن والشحن والجمارك ياخذون عمولتهم والبنت لي زادت سعره كيفها اسمها تاجره
يعني التجاره مافيها عيب وحرام كل واحد يشوف نفسه قبل لا يتكلم
وبعدين عيب التطنز والله المره ماقالت شي عشان تاكلونها جذي
واتمني احد يصكر هالموضوع واللي ماتبي تطلب منها لاتطلب محد يجبرها
لو بنتكلم عن النصب ترى وايد تاجرات طلبت منهم ونصبوا علي وفوق هذا اسلوبهم زفت وماكو احترام
بس هالمسكينه اسلوب وذوق وتعامل اروع وعمرها مازعلت او كسرت فيني
انا عن نفسي اعتذر حق مس هارودز عن الكلام اللي ماله داعي
وبس لاتكبرون الموضوع بزياده

 

[..~Goolz]

اتمنى من المشرفات ما يحذفوون الموضوووع لانه وايد نبهه بنات وعرفوا يميزووون بين الاصلي والتقليد


وانا ما ذكرت اسم اي تاااااااااااجره



الردود الي مو لايقه اتمنى تنحذف وبس

 

[ميااااار]

عييييييب يابنات في كلام ماله داعي ينقااال

واللي تقول انغشت ورينا الباليت تبعكك طيب !!

مو جالسه ادافع عن اححد مااعرف مس هارودز ولا غيررها اذا بينكم شي الخاص موجود

ماادري المشرفات وينهم عن ردود بعض بنات