صباح الخير......
اليوم تريقت توسته وحده مع جبن قلاصات
لول و كبتشينو..
توه.. الغدا.. قطعتين او 3 رقي.. و بسويني كبتشينو..
بنات اليوم كانت مناقشة رسالة التخرج. يعني على حسب الرساله المفروض انا ثاني اسم بس جدمو بنتين قبل اول وحده فصرت رابع وحده.. الدكتور قال لازم نكون موجودين 8 ونص.. انا رحت ما شفت احد و الكلاسات حاره و مو راضيه اللي بالمكتبه ان ادش تقول ممنوع جرد :0bee2e8d89:
المهم.. لما اتجمعو الدكاتره"النقاد" عالساعه 10 دشت اول بنت طولت ثلث ساعه و احنا خايفين طلعت تقول شلون هاجموها و يطلعون أخطاء رسالتها حتى الاخطاء الاملائيه.. يعني دققو وايد و عالاشياء التافهه بعد .. دشت ثاني بنت طولت ساعه الا ربع و انا خايفه كل ما تطلع وحده تخوفني مع ان كنت مو خايفه و كاتبه النقاط اللي بتكلم عنها..
لما صار دوري.. رحت حدي خايفه قالولي تكلمي عن رسالتج.. اتكلم و بعد شوي اتنح اسكت لوووووول :0bee2e8d89:
بعدين يسألني الدكتور اللي يايبينه من مصر و رئيس القسم حضرته معطي النسخه اللي اليوم خذاها مني مو من اللي قبل معطيته معدلتهم لان قال يبي زياده..
بعدين يقولي عنوان رسالتج غلط و شعلاقة هذا بهذا لما بقوله و ادافع يقول لازم تحترمين راي الدكتور يعني اللي يقوله غلط اهوه دكتور و جذي انا حسيت ببجي حتى لما خلص المفروض الباجي يناقشوني.. بس انا نسيت قمت بطلع لوووووووووووول :krkrkr:
المهم بعدين الدكتور اللي وراه يطلع البدليات و الاخطاء المطبعيه بعد.. و يقولون شعلاقة الفصل الثاني ماله شغل بالرساله و المشرف على رسالتي يقول ايي اللي ببالها تسوي وجذي شكوووووووو بس لان ما كنت اوري لان مافي وقت و مو قاعده اخلص فصل فصل ماعرف طريقته :0bee2e8d89: يعني سويت الرساله بروحي.....
و رئيس القسم قال جمله بدال لا يسأل.......... يقول نفس الناقد.... لما يسءلونه عن عمل و يقول عمل جميل جنه مو قاريه يعني قاعد يتفلسف :0bee2e8d89: و انا مو قادره احس ببجي عيوني متروسه دموع لووووووووووووووووووول بس قاعده احاول امسك نفسي........
بس خلصت طلعت و البنات كلهم عليي و انا ما قدرت :eh_s(16):
لما قلت حق امي و ابوي السالفه يقولون عادي مو نقاد و لان مسوين نفس الشي بالبنات اللي قبلي بس احس انا على ازيد يعني مطلعين رسالتي ولاشي
عاد انا ما كنت خايفه بس لما قالولي البنات اللي قبلي اللي صارلهم يمكن صار فيني جذي و لان هاجموني الدكاتره و مايخلوني ادافع عن رسالتي :0bee2e8d89:
و الحين بنطر النتايج.. قلت حق امي وابوي عادي اذا مو نتيجه زينه لوول لان كنت أتوقع راح تعجبهم رسالتي مو جذي :0bee2e8d89: يقولون عادي بس افتكيت و ان شاء الله ناجحه و محد ساقط :eh_s(1):
