ببيع ذهبي وبسافر اوربا بالصيف...تأيدوني

[مناير ...!]

رد : ببيع ذهبي وبسافر اوربا بالصيف...تأيدوني

الله يرضى عليج لا تبيعين ذهبج
بتستانسين جم يوم
وتردين ما عندج ذهب
الحين من يطول الذهب يا حظي
وشراح تلبسين بالمناسبات ؟؟؟
غيري جو بالديره
شاليهات
والا البحرين والا عمره
توسع صدرج وتقربج لربج
والله انها أفضل من اوروبا
يا حلو مكه وشوفة بيت الله
عسى الله يرزقج بالضنا اللي تقر عينج فيه
آمين​

معاها :eh_s(17):
ترى الذهب عزوه يفيدج
باجرولاعقب تحوشكم مصيبه لاسمح الله
من وين تدبرين عمرج .. لاتقولين اهلي ولااهله
دام عندج شي يمكن يفيدج خليج محتفظه فيه
توك بااول حياتج باجر بيي ياهل وبتحتاجين امور اكبر من سفره
فمثل ماقالوا بالديره او مكه او الخبر او البحرين
مكان مايحدج تبيعين كل ذهبج علشان اسبوع
والله يفتحها بويهنا وويهكم :eh_s(17):

 

[مارغريتا]

غلطاااااانه ان سويتيها

اذا مستعده تبيعين ذهبج انصحج تصدقي بثمنه لوجه الله وشوفي شلون بتروح ضيقتج

 

[اختكم بالله]

خليه للزمن ماتدرين يمكن تحتاجين بعدين

 

[الجفول&]

رد : ببيع ذهبي وبسافر اوربا بالصيف...تأيدوني

لاحرام تبيعينه خليه لليوم الاسود خليه للعازه وماتدرين عن الظروف شبيصير فيج وتعتازين
اما بخصوص السفر سوي جمعيه انت وزوجج وسافرو منها.

 

[روحي تحبه غصب]

نصيحه لاتبيعين ذهبج عشان سفره بالعكس خلي الذهب لشي جايد بعيد الشر عنكم


واذا انتي نفسيتج تعبانه وبخاطرج تسافرين روحي لدبي جم يوم واستانسي

العمر قدام ان شاء الله ريلج بيعوضج بالسفرات والوناسه

 

[بخـــارى]

رد : ببيع ذهبي وبسافر اوربا بالصيف...تأيدوني

بيعي جزء بسيط منه مو كله ادا مشتهيه تسافرين
والله يوفقج

 

[هديل 77]

رد : ببيع ذهبي وبسافر اوربا بالصيف...تأيدوني

من صجج حبيبتى

رتبى أولوياتج وشوفى ...

برأي الشخصي الذهب للزمن حتى لو ما ألبسه كافى أنه ذخر لوقت الشده خاصة للمرة

 

[اعلاهن]

رد : ببيع ذهبي وبسافر اوربا بالصيف...تأيدوني

زييين عندج ذهب............ بيعته على خلاجين.وولبس وعطورات وجناط وهباااااااات

خليها على الله



بس لا تبيعين ذهبج...........نصيحة

 

[اعلاهن]

رد : ببيع ذهبي وبسافر اوربا بالصيف...تأيدوني

النصيحة لا تستهسنين فيها لا تبيعين ذهبج

 

[احبه مووت]

رد : ببيع ذهبي وبسافر اوربا بالصيف...تأيدوني

انا اول بيعي بالف وخلي الباجي للزمن وروحي دول عربيه اوفرلج ولبنان حيل حلوه الحين وشرم الشيخ بعد حلوه هذي اماكن حلوه وارخصلج

 

[صعب أسامح]

رد : ببيع ذهبي وبسافر اوربا بالصيف...تأيدوني

حبيبتي خليه للزمن ماراح تندمين ! واذا قصدج تغيرين جو روحي منتجع بالبحرين روحي شاليه او الخبر ؟؟؟؟
اما اذا بعتي ذهبج وصادفج موقف صعب راح اتحسفين قد شعر راسج عليه!!!!
وبعدين النفسية راح ترد تتازم لما تردين !!!!!!!!!!1 المشكلة مو بالمكان المشكلة براسج !!!!!!!!
ولو تلفين العالم ماتتغير الا لما انتي تغيرينها بنفسج@@@@@@
ولاحقة عالسفرات لما تخلصين جامعة وتتوظفين!!!

 

[مرتاحه]

لا تبيعين ذهبك خليه للعوزه
تبيم تغيرين جو روحي شاليه او نفس ما قالو البنات
حجزي بفندق
وصدقيني بتيك ايام تحتاجين هذا الذهب

 

[رحيل المرافيء]

رد : ببيع ذهبي وبسافر اوربا بالصيف...تأيدوني

روحي مكان قريب ورخيص روحي تركيا
وممكن تبيعين جزء من الذهب مو كله الله يهداج
وكلش كلش روحي العمرة دبي البحرين
مو لازم اوروبااااااااااااا
والذهب كل ماله ويغلى صار كنز خليه للازمات القوية

 

[عاشقة_الجمال]

بيعي نصه مو كله

والصراحه بنات منو الحين يلبس ذهب !!!

احس الذهب صار موضه قديمه ونادرا ما اشووف وحده لابسه ذهب

روحي مصر استانسي او دبي

اوربا غاليه حيل

ودخلي جمعيه او ريلج يدخل جمعيه وسافرري

 

[$$king moon$$]

شوفي حبيبتي نصيحة اخت الذهب مرتفع حيل وانا اقول بيعي الذهب واستانسي لان العمر واحد وانتي نفسيتج تعبانه وريلج راتبه ضعيف والي سافروا مو احسن منج وعشان اتغيرين نفسيتج عدل ما انصحج باوروبا لانها غالية انا اقول روحي شرق اسيا جزر بتكون السفره رومنسية اذا كانت بجزيره والجو هناك عجيب وبعدين انا قبل اسبوع بعت الذهب الي عندي عشان استانس انا اقولج ليش لان الذهب قاعد لاالبسه ولا شي قاعده البسه ولا شي

 

[& شرطان الذهب &]

رد : ببيع ذهبي وبسافر اوربا بالصيف...تأيدوني

لااااااااااااااااااااااااااااااااااااااااااااااااااااا
ياقلبي خليه للزمن اسالي مجربه اخ بس

 

[tbola]

رد : ببيع ذهبي وبسافر اوربا بالصيف...تأيدوني

البنات كفوو وووفووو

 

[قمة الرضا]

والله الوناسه بالقلب السفر مايفرح ولا شي كل الكويتيين يسافرون ويهايلون كل مكان ويردون مالهم خلق ومغلقين هذا غير نجره السفر
روحي شاليه يكون بعيد ومكانه حلوو وبسيط عشان تذكرين طلعات قبل والله بتغيريين جو من قلب

 

[al-musk]

رد : ببيع ذهبي وبسافر اوربا بالصيف...تأيدوني

والله مادري بس ماتدرين شنو ضروفج بالمستقبل

 

[brettey]

رد : ببيع ذهبي وبسافر اوربا بالصيف...تأيدوني

استخيري حبوبه
وبعدين مادري منو معاشه 400 هالايام ؟ حتى لو ماعنده شهاده اقل شي 600 تقريبا