بتتزوج واحد متزوج ( استشاره )

[naseem]

اختج كبيره وعقلها براسها والواحد يفكر بقلبه وعقله احنا مو حجر عشان نفكر بمصالحنا وبس وننسى الناس الي راح نبني سعادتنا على تعاستهم ..!!عيل الله ليش خالق لنا قلب ؟؟
و اختج خل تحط روحها مكان الزوجه ؟؟

وتتخيل الوضع ..

مسكينه حاشتها اعراض ومضاعفات بدال لا يوقف معاها بشدتها ويهون عليها يجازيها بشريجه اتحر قلبها ؟؟ اناني الصراحه ويفكر بنفسه وبس ..!!

صج الريايل مالهم امان

لو انه العيب منه جان اتحملت واصبرت وماخلت باب ماطقته واهي تدور علاج حق زوجها


بالنهايه ربج كاتب شي واحد اما يتم الزواج او لا لو شنو نقول ونتكلم اللي قاسمه رب العالمين راح يصير

حبيبني كل خلفتها عمليات وجاتها جلطه الله يشفيها ومره اي ولاده خطر عليها لانها ماتقدر طبيعي!!

مادري صح هالكلام او لا ( بحكم انكم متزوجات تعرفن هالسوالف)


طيب هي لو تحط نفسها مكانه هو يبغي عيال !!

تخيل بس بنتين !! عنده


والله يختى مدري كيف .. حيره حد النخاااع :eh_s(2):

يارب رحمتك

 

[حبيبه العلي]

احترم اغلب الاراء لانها تنم عن تجارب شخصيه لهم او مع الاقارب والاصدقاء

ولكن ليش مافكرنا بالبنت فيه ناس يعتبرون البنت عنست من توصل العشرينات

وناس لا عادي للثلاثينات وصاحبه الموضوع ادرى بنفسها ةاهلها

ثاني شي تحاول تعرف السبب الحقيقي للزواج يعني اذا يبي ولد

والله رزقها ببنيه شنو مصيرها؟؟ او الزوجه الاولى جابت الولد؟؟؟

من جهه ثانيه وهي الاهم عندي موقف الزوجه الاولى اذا موافقه وتدري بالزواج او لا

وين بتسكن وكيف على حقوقها الماديه والمعنويه

واخيرا لازم كل وحده تخاف الله في البيت اللي بتدخل عليه لان الدنيا دواره وتقدم تنازلات كثير

ولاتنسى الدعاء وصلاة الاستخاره وربي يوفقها

يمكن البعض يحس بتاقض اراي في بعض الردود ولكن احاول احط نفسي في مكان صاحبه المشكله واتحكم بعقلي وليس بعواطفي

 

[غرور الريم]

تستخييير والله يوفقها

 

[StEllA]

اول مرة برد على موضوع بالقسم هذا ، صح ما في وحدة ترضى زوجها يتزوج عليها لاي سبب من الاسباب و لا تحب هالشي لاي انسانة، بس يا اختي فكري باختج مو صغيرة و العمر يركض و بمجتمع ما يرحم و باجر لا انت و لا اخوانج و لا احنا اللي قاعدين نحكم و نرد على الموضوع بنهتم فيها و لا بنشيلها لكبرت و صارت وحيدة ، صح حرام الاولى بس هم حرام اختج تقعد جذي يمكن تزوجه و تنجح و تجيب اعيال يصيرون كل دنيتها ، بس خليها تستخير عدل عدل و ندعي ربي و تحط ببالها انها بتزوج نص رجال و اهم شي تخاف الله بزوجة الاولى و تعاونه انه يعدل بينهم و خليها توكل على الله ، و بالنسبة للاسباب اللي خلته يتزوج اسباب تافه بس الريال اذا حط بباله فكرة الزواج بيتزوج و لو عنده ٢٠ ولد ، و اللي تقول الدنيا دوارة اهي ما سوت شي غلط انها تزوجت بس الغلط اذا بعد الزواج بتحرمه من مرته و عياله والله يوفها للي فيه الخير لها

 

[ام العبايه]

الله يهديها متزوج ليش ناقصه وجع راس خليها تشوف زوجته وتحط نفسها بمكانها بتحمل والا .......... الراى رايها

 

[r0007]

انا من رأيي انو تستخير
من ثم تشرط انو زوجته تعرف قبل عقد الزواج وتكون متقبله وتشرط عليه العدل

 

[اللؤلؤ المتناثر]

تصير ليش لا ... بس قولي لها
ان الحياة سلف ودين .. واذا اليوم بتاخذه على مرته، باجر بتيي اللي تاخذه منها! الدنيا دوارة ....

كلامها صح محد يرضا على نفسه صدقيني مدام رخصت بعينه أم بناته
ماتضمن إختج باجر بتجيب له ولد ولا ﻷ وبعدين يروح ويتزوج عليها بنفس الحجه

​

 

[G!RLooNa]

شهالتخلف في احد يتزوج على مرته الحين عشان يبي ولد !!

لي الحين في رياييل عقولهم متحجره و عايشين بايام الجاهليه !!!

انا صج اني ضد الزواج على شريجه بس يعني لو عنده اسباب ثانيه نقول ممكن تدرس الموضوع مو يايها عشان يبي ولد !! يولي زييين

بعد لو ما عنده عيال لا حول و لا قوه بس عنده لكنه ما يحمد ربه و يتبطر عالنعمه

زين لو خذا اختج و يابتله بنات بروح ياخذ عليها بعد!!!

ذكرني بمسلسل دارت الايام

 

[G!RLooNa]

انزين و خير يا طير عنده بنتين بس نعمه من رب العالمين غيره مو شامين ريحه الياهل و متشفقين على نص ياهل و اهوا عنده بنتين !!!

و لو كان العيب منه و ماكان اييب عيال اساسا ٩٠٪ مرته كانت بتصبر عليه و توقف معاه لما الله يفرجها !!

بس و الله الرياييل مو كفو يابتله مرته بنتين و مو موقفه من كيفها تعبانه المره حط لسانك بحلجك و احمد الله عالنعمه اللي عندك و صون مرتك و بناتك مو تروح تتزوج عليها جبح ويه

 

[مجنونه هواهـ]

حبوبهـ لا تقولين عمرها 30 يعني توافق عشان ما را حتتزوج بعد وحده نصيبها متوفق لين صار عمرها 35 واتزوجت ومتهنيهـ عندها 4 اولاد 2 توام 2 توام والحين مشالله واحد اكبر من الثاني والي معرس والي صار اب والحين ه عمرها 52 وتحمد ربها الف عافيه انها تزوجت ولسه باقي لها عمر انشالله

 

[رتو الكيوت]

شوفي هالموضوع مافيه عواطف لو هو فعلا مايتطوف خل تاخذه لان ممكن تاخذ اعزب ويتزوج عليها !

اذا مشكلتها زوتين وليلتين وهالسوالف لان هالشي ممكن يصير وياها بعدين خل تركز على الرجل ومواصفاته هالسولف تنحل بعدين

اما يبي ولد ! تاكدو في مشكله غير ولا لا اذا اي ماكو الا هالسبب توكل توافق بسسسس خل يوافق على شروطها تضمن روحها وياه والشغل يلهيها عن التفكير فيه يوم يكون عند الثانيه

 

[أحبك أمي]

لازم تستخير والله يكتب لها الخير
ويكفي انه ذكر لكم الاسباب
والله اعلم

 

[pusy cat]

واذا ماجبتله ولد بيتزوج علي مثلا ؟؟

لاقيها حجه ماعليج منه اهو يبي يتزوج وخلاص

اللي مافيه خير لام بناته مافيه خير للناس

ليش مايصبر عليها ليش ما يعالجها

خلي اختج تستخير

 

[كويتيه مـزيونه]

تصلي الاستخاره والله يتمم ع خير

 

[دمثة]

وبعدين الاستخاره


والله يوفق يارب

 

[منو انت]

الله يكتب لها اللي فيه الخير

 

[no0o0o0r]

اول شي لا تتسرع لازم تصلي استخارة والله يكتب الي فيه الخير لها

 

[رووح ابووها]

يفظل انكم تسألون اكثر بخصوص الاسباب الي دعته للزواج الثاني .... وتتأكدون من موافقة زوجته الأولى لأنه وهذا براي الشخصي من المؤسف انها تبني سعادتها على تعاسة الغير ....

والله يكتبلها الي فيه الخير لها وله يااارب

:eh_s(15)::eh_s(15): معاها

 

[فوفو22]

اذا الهدف الاول الولد

فهذا يكون عن طريق الزوج تحديد جنس الجنين

لانه رحم المراه وعاء ولا يحدد نوع الجنين

سائل الزوج هو اللي فيه y و x

اما زوجته الاولى فبامكانها الحمل لاكثر من 4 مرات اذا قيصري

نرجع لاختك اذا استخارت وارتاحت لموضوع الزواج

فالف مبروك

فوفو

 

[بآتونيآ]

الله يوفقها يارب