بتخرب بيتي/ادزلي شباب

[miss_jamsheer]

هاي بنات والله مادري شقول
قبل سنتين تقريبا وحده موزعه رقمي مابي اذكر التفاصيل كلها بس انه شباب وايد متصلين عطيتهم حق ريلي امبيه لاتشوفونه اشلون انهار يقوله انا اعرف مرتك ومرقمها واسمها جذي انت فلان تخيلوا قايلتله انا اسمي فلانه طبعا اسمي واذا رد عليك واحد قوله انت فلان يعني كلش موواضحه انها بتخرب المهم ريلي كلمه وقال حق ريلي انه هالبنت اكلمها بالنت وعطتتي هالرقم وقالتلي هالكلام اللي قاله والارقام الباجي كلهم شباب طبعا
وبعدها ريلي عصب وقال ماكو فون وبعدها عطاني بس غير رقمي وقال ماتعطينه حق احد المهم صارلها سنتين وبس تعبت ابي اواصل رفيجاتي وعطيت جم بنت طبعا الثقه واغلبهم تكانه وفي متزوجين طبعا مورفيجاتي كلخم بس الحيل معاهم
ادري طولت عليكم بس السالفه تكررت معاي الحين ورادين موزعين رقمي شسوي بس تعبت المشكله اللي شاكه فيهم ماعطيتهم رقمي ابي اطلع البنت اشلون لانه احس اذا درت هالشي ماراح يفيد اكيد بتسوي خطه ثانيه وتخرب حياتي والله اعلم شنو السالفه اليايه
بليز ساعدوني اشلون اعرف منو

 

[نور الكوثر]

عادي مو شي صعب اول شي تروحين تبلغين المخفر وتعطينهم كل الارقام الي ادق عليج وتحاول تخرب بيتج والمخفر راح يتعرفون عليهم وتحت ضغط التحقيق راح يعترفون او يدزون حق الشباب برامج تجسس عشان يشوفون محادثاتهم مع البنيه وهني راح يعرفون رقم الاي دي مال جهازها يطلع بسم منو الجهاز ويطلع المنطقه ويسلم راسج

للعلم ترا مريت بنفس تجربتج وسويت الي قلتلج عليه

 

[miss_jamsheer]

صج احس صعبه يمكن ماترد اتكلمهم شسوي وصج فادت معاج يعني

 

[3so0ola]

الله يلعنها بنت ابليسسس وتشوفها بحياتها قليلة الادب
ماعندي حل الا انج تقطعين رفيجاتج لان ما منهم فائدة خلي وحدة ثنتين بس
واهم شي زوجج وبيتج

 

[الرماسيه]

رد : بتخرب بيتي/ادزلي شباب

استغفرالله والله هذا عمل الشيطان يحب التفريق بين الازواج لاحول ولاقوه الا با الله

 

[شقرديـه عالطل]

نور الكوثر قالتلج احسن حل

 

[miss_jamsheer]

مادري والله بس لازم اتاكد انه هالمره بعد موزعته بالنت بس صعبه بالله ماردت اشبكت اشلون اطلعها والعلم هالمره اتصلوا الصبح يعني من امس الصبح وبس واليوم الصبح بعد واااي بس صج لاعت جبدي ليش جذي تسوي قلت حق ريلي تروح تشتكي بس انا تعبت باجر بتسوي شي العن

 

[لوازم العائلة]

رد : بتخرب بيتي/ادزلي شباب

لاحول ولاقوة الا بالله

 

[*ريما*]

رد : بتخرب بيتي/ادزلي شباب

الله يهديها

 

[miss_jamsheer]

لاعت جبدي هم توه واحد اتصل رد ريلي قاله غلطانه مادري شسوي وعصب قال بس هذي حالتنا ماكو الا اذا اتصل واحد يستجوبه

 

[(m & m)]

روحوا المخفر واشتكوا على جم واحد من الي يتصلون والله بيتشرشحون اهما بس مستقوين لان من ورا التلفون بالصج راح يموتون من الخرعه و يخرون الي اكو والي ماكو

 

[JNOON ||~]

رد : بتخرب بيتي/ادزلي شباب



أشتكي عليهآ .. !!

 

[بتبوتااا]

اللي يدق عليج من رقم غريب لا تردين واذا تكرر الاتصال قولي لريلج يودي الرقم المخفر وايوبنه مثل الحمار حشاكم ..
واكيد بيقول منو دازه وان شاء الله تنحل المشكله ,,

 

[محبوبه25]

رد : رد: بتخرب بيتي/ادزلي شباب

روحوا المخفر واشتكوا على جم واحد من الي يتصلون والله بيتشرشحون اهما بس مستقوين لان من ورا التلفون بالصج راح يموتون من الخرعه و يخرون الي اكو والي ماكو

صاجه مااكو الا المخفر اهو يادبهم

 

[miss_jamsheer]

اللي يدق عليج من رقم غريب لا تردين واذا تكرر الاتصال قولي لريلج يودي الرقم المخفر وايوبنه مثل الحمار حشاكم ..
واكيد بيقول منو دازه وان شاء الله تنحل المشكله ,,

العيب مو من اللي قاعد يتصل العيب من اللي ادزهم حتى لو بلغت ليقدرون يصيدونعا لانه بالجات اتزوعه مومتاكده من هالمره بس المره اللي طافت موزعته بالجات كانت فما يقدرون يصيدونها

 

[miss_jamsheer]

رد: رد : بتخرب بيتي/ادزلي شباب

أشتكي عليهآ .. !!

مادري منو لو ادري جان بدون لا اشتكي بس اروح اشرشحها

 

[أم@الحلوين]

الله ينتقم منها اللي قاعده تسوي جذي وين بتروح من عذاب الله

وانتي كل رقم يدق عليج ماتعرفينه لا تشيلينه نهائياا خليه يرن لمن يمل

واذا زاد خل ريلج يروح المخفر ويقدم بلاغ على هالارقام ويبونه ويشرشحونه ويكتبون عليه تعهد

ونصيحه لا تعطين رقمج حق احد دام انج جربتي مرتين ان هالرفجه ما وراها غير البلاوي

والله يبعد عنج هالاشكال

 

[Stay alive]

غيري خطج ولا تحطينه باسمج

ولا تعطينه اي احد حتى خواتج لا تعطينه يمكن هالجلبه تعرفكم حيل وتاخذه من اهلج

 

[miss_jamsheer]

غيري خطج ولا تحطينه باسمج

ولا تعطينه اي احد حتى خواتج لا تعطينه يمكن هالجلبه تعرفكم حيل وتاخذه من اهلج

بس هذا موحل اقطع عن الناس عشانها ااااخ بس لواقدر اعرف اهي منو والله اا اشتكي عليها وابهذلها

 

[(m & m)]

مس جمشير تبين تعرفين اهي منو ؟

اول شي بجم وحده انتي شاكه ؟