بتزوجها صغيرة عشان تربى بين ايديني ؟؟؟؟؟

[اهداب]

:eh_s(7):ايمانووو صح كلامج
البنوتاآات شخصيتهم قوية
ويطلبون اللي يبونه !
ويمكن قصد حماج" تتربى على إيده "
ماشآافت غيره ولا عرفت غيره ,
فراآح يكون أهو كل شي بحياتها!
اعتقد انهآ فكرة خآطئة ,
لان مغامرات اي بنت العاطفية ~ تكون
في بداية عمرهآ
( وإذاآا عنونه ومتزوجة :bbbiu::eh_s(10)::eh_s(10)::eh_s(2)::eh_s(10)
أقصد : فكرته خاطئة 100%.

 

[zqertya]

الصراحه غلطان بهالزمن تاخذ وحده عمرها 25 وفوق احسن ليش لان تكون فاهمه وواعيه وتتحمل
اما مقولة تربى على ايدي قديمه على بنات اول اللي كانوا رغم صغر سنهم بس صج صج حريم ويعتمد عليهم ويتحملون الريال لو شنو يصير

بس بنات هالوقت بس يحبون الطلعات والستايل ومادري شنو يعني كلش مايعتمد عليهم كلش كلش وممكن اي احد يلعب براسها وموبس جذي ماتتحمل كلمه وماعندها قرارات ماتعرف تتصرف

بوجهة نظري الريال ياخذ وحده من 23 وفوق والمراة اذا بتتزوج هم تتزوج عمرها 23 هذا الاحسن


الله يوفقهم

 

[جولينار]

اللي اشوفة


الصغيرة لما تتزوج كبير

راح تخليه يمشي ع العجين مايلخبطهووش


لانه راح يضعف قدامها ..

 

[maku-sh'3l]

ترى صح انا الحين عمري 19 لما خذيته كنت 17 اهو اكبر مني اب 11 سنه ... لأني صغيره فقدرت اغير من اطباعي و آخذ عليه و اتأقلم و الله اضحك اهو دستوري بالدنيا يعني لو شنو شي ما يحبه أنا مو بس ما احبه و أوخر عنه الا اكره بعد ! لووول و الله صج نظريه صحيحهو اهو احسه زوجي و حبيبي و اخوي و ابوي و صديقي و كل دنيتي و احسه فاهم بالدنيا عدل احلى شي لي قالي بيبيات حياتي بعدج ما شفتي شي و الله احسه اهلني حق الحياه و يعلمني شلون اعيشها صح !
الخلاصه لما تكون المره صغيره تقدر تغير من نفسها و تتأقلام أسرع و احسن من الكبيره اللي تعودت على طبايعها و جذي عرفتي ؟ و هذي وجهة نظري و الله يوفقه انشاء الله

 

[maku-sh'3l]

توني اقره ردودكم حطمتوني حرام عليكم مو شرط بنت عن بنت تفرق لا تعممون انا زعلت و طلعت ;(

 

[G!RLooNa]

عاد انا قبل لما كنت 17-18 احس حلو فرق العمر 12-13 الحين احس لا ويع وايد :/

و اصلا انا مو مع زواج البنت تحت ال20

بس اخذها و اربيها على ايدي دأه أديمه شخباري

 

[مناير ...!]

ياحليله
بتربيه اهيا

 

[الفدنه]

خييييييييييييييييييييييييير ان شاء الله
والله اعرف معرفه شخصيه واحد خذا وحده عمرها 15 بوقت الملجه والعرس 16
واهو 37 يعني 21سنه فرق>>بس طلبه يبي يربيها على ايده
والله اهي اللي ربته وعلى قولتهم صلت فيه شرق
وعقب 10 او11 سنه تطلقت وخلته يولي ملت منه تقول شايب
والحين تزوجت واحد بعمرهاو
زوجها الاولي يربي عياله
العمر مو دايما يعني برائه وعجينه لينه تتشكل
في ناس شخصياتهم مكتمله وشوكتهم قويه من عمرهم 3او 4 سنين

 

[maku-sh'3l]

انا انسحب من هالنقاش راعوا مشاعري حرام =(

 

[قلبي خضر1]

اهواا خذاها هالعمر يمكن موقصداا عن سوالف البنات والخرابيط لا يمكن قصده عشان لمن يفهمهاا على حياته وعيشته معاها تكوون اسهل
لانه اللي بالعشرين تكوون نااضجه وتحسينها فاهمه عدل فتلاقينهااا لمن يقولها شي او رااي تعاند والا تقنعاا برايهاا اما ام 17 يمكن حاط اباله اني اقص عليها بجم كلمة حب على جم بوسه على جم لماا الا اهياا مقتنعه

صح ميه بميه انا كنت جذي ونفس فرق العمر ​

 

[*حبيبة أعمامها*]

عمري تقريبا 19

بنات خالاتي بسابع

و الله أستغرب من تفكيرهم

تفكيييير كبااااااااااااار و سوالف كباااااااااار

و استنتاجات كبااااااار

و اقطها بويوههم أقول لهم شهالتفكير؟؟ آنا لمن كنت كبركم ما أفكر جذي كانت اهتماماتي ببايات و مجلات ببايات

بس شنسوي خلاص هذا هو جيل الحين

عن نفسي مابي آخذ واحد وايد عود يعني عمري 19 حدي واحد عمره 26 ولا 25

يعني بيني وبينه 5 ولا 6 سنين و أقل

وحده من رفيجاتي عمرها 20 ريلها 29 تضحك معاي تقول لي أقول حق ريلي أنت شايب ألحين
بس مستقرين مع بعض و مرتاحين الحمدلله<<~ الله يوفقهم


و بس

 

[كادى الحب]

الصغيرة يدلعها زوجها اكثر

 

[maku-sh'3l]

عاشت كادي الحب !!!! صح و الله احلى شي

 

[om_lili]

اكره هالنوعيه من الرياييل عقب مايكبر ويكووووووووووون عايش حياته على راحته
ياخذ وحده صغييييييييره ​

 

[maku-sh'3l]

حراااام و الله ريلي رين و ماكو نفسه بس الله ما كتبله نصيب كل ما يخطب يصيرله شي !و هذي قسمه و نصيب =(

 

[زوجة عزيز]

ما عليج بكره اهي اللي تربيه
وتمشيه ع عجين ما يلخبطوش

اي والله صج كلامه يضحك اربيها على ايديني خخخخخخخخخخخخخخخخخخخخخ مال لووول :krkrkr:

 

[الزين 85]

ما عليج بكره اهي اللي تربيه
وتمشيه ع عجين ما يلخبطوش

معاها
الحين بو تسع سنين يزهب لج الرد عدل فمابالج بإم 17 حده غلطان
إلا بيتأذى بفرق العمر والتفكيرررررررررررررررررررررر

 

[nora al]

انا عمري 23 ومو متزوجه وبنات عمي يهال على 15 و 16 وربي ساعات يقولون كلام انا مافهمه !!!

واذا سالتهم يضحكوون ويشرحوون اشياء ماتطري على بالج انا افتح عيووني !!


البنات الحين يخرعوووووووووووون ماشاء الله عليهم يعرفون كل شي بس جذي بنظري افضل


وضد لان التفكير مختلف تماما لازم يكون فيه تواافق بس يختلف على شخصية البنت والريال


والله يهني حماج

 

[ترجمة احساس]

تفكيره قديم

 

[om.aboodi]

هههههههههههه ضحكني اعرف وحده نفس الحجي وعقب 7 سنين قالها شكلي ماعرفت اربيج عدل وباي باي لهلج ههههههههههه والله ذكرتيني فيها يبه رياييل ماعليج منهم وبعدين هذاك اول وكانت فقيره مثل المينونه تخاف منه وبالاخير شوفي لكن بنات هالوقت تدلع عليه شويه اهيا تربيه وتخليه شي موطبيييييييييييييييييييييعي لاتخافين عليها ماوافقت الا عارفه