بتطلق ومن غير سبب.. تكفون تعالووو

[قلوب مبعثرة]

مشكورة يالغاليه عالرد وجزاج الله خير
انا ادري ان حياتي احسن من غيري بواجد بس والله حاولت اتاقلم بس مو قادره هو يقولي كلام ينرفز يقول الشباب كلهم الحين طايشين وانا رجال كبير ولا راح تلاقين مثلي ادري كلامه غلط بس من كثر مايقوله شبعني فيه دايم يقولي بتنديم ع اسلوبك وصوتك العالي علي وعناذك لي وانا والله صوتي مجرد تنفيس عن الغضب واتصبر فيه حتي لو كان غلط بس انا ما انلام من اول زواجي صدمه وبعدها صدمات ماعرفت اتصرف الا بالبكا والصراخ ولما جيت احاول بالههدوء كل شي انكسر بعدها ولاعاد ينفع معاه
ادعولي تكفوون الله يحقق مرادكم الله يعاوضني ويسخر اهلي وكل الامور لصالحي يارب.

 

[Mjnont '3lay]

^
^
والله يالغاليه اللي عندي قلته ماعندي شي ثاني اضيفه
والراي الاول والاخير لج
اما تتحملين وتسكتين ولا تتشكين
او توقفين هالمهزله عند حدها لانه اللي قاعد يصير معاج اوووووووووووفر
وبعدين مو شرط تتزوجين اهم شي اشتري راحتج اشتري راحة بالج
لي متى رح تصبرين انتي مره فرص الزواج بالنسبه لج قليييييييييله واذا كبرتي محد ياخذج
اما هو رجال متى ما مل منج عافج وخذى غيرج
انا مابي احرضج بس انتي استخيري وتوكلي على الله وبس

 

[قلوب مبعثرة]

جزاج الله خير ياحياتي ماقصرتي ومشكورة للنصيحه
الله يسهل امري وامر كل مره تعبانه ومحتاره يارب.

 

[BaiTotia]

لو أبوج ولا أخوج ولا أحد من أهلج سمع الكلام

بيدوسون ببطنه مابيرحمونه لأنه السالفة فيها شرف

وأنتي تقولن له من حقك تشك فيني؟؟؟؟؟؟؟؟؟؟!!!!!!!!!!!!!!!!!!!

وهو عينه قوية قطيعة

الله يعينج عليه ويهديه يارب

 

[BaiTotia]

وترا لازم تقولين حق أمج وهي أدرى شلون تتصرف

باجر يقعد يتبلى عليج عند الأوادم

أهلج لازم يدرون ويوقفونه عند حده

ولا تحاتين الطلاق لأن الريال إذا راح ربج بيعوضج بواحد أحسن منه

بس شرفج المفروض اللي تخافين عليه

باجر لاتكلم فيج منو بينفع؟؟؟

وقفيه عند حده

باط جبدي حرني

مايخافون ربي يبليهم بخواتهم وببناتهم ومحارمهم حسبي الله ونعم الوكيل

 

[modern]

روحي لعند الدكتورة بروحك و خذي منها تقرير بالوقت المحدد من اي فترة انتي متزوجة لان عندها الآلة تكشف لها التاريخ التقريبي الي فقدتي فيها عذريتك
و زوجك ما عنده خبرة بسوالف البنات شكله و هو متوقع ان يشوف دم وايد زي ما خبرته الناس

 

[قَلبڪْ صًخرْ]

شصار عليج طمنينا
والله احاتيج

 

[(حكاية قلب )]

خييير مافي ثققة قوليله انا بنت ناس
هذي من بدايتها ماعنده ثقة بيطلقج ويقرب منج خيررررر؟؟؟

 

[Om_RaYomaH]

يمااا قهرتييييني
هذي سالفه ينسكت عنها
بالله عليج شلوون رضيتي علي نفسج
بيقوول هذي ماصدقت؟! تقط بلاها علي تبي احد يستر عليها

صراحه مالووومه ؟! شافج سكتي ولا كبرتي السالفه ولا حتى زعلتي

وفووق هذا يجيج وعادي الوضع؟!

والله والله لو انا
بانصاف الليالي اخذه واخذ تقرير طبي واحطه بوجهه وبوجه اهله وثاني يوم طالبه الطلاق

ولا تقولين لي ثلاث اشهر

الدكتوره تعرف انتي تو والا من زمان صار لج فض بكاره

روووحي تحركي شنو ناطره؟!

مادام اهله دروا لا تقوولين بيسكتووون والله بيفصحووونج تعلميني بالحريم

حرقيني انقهرت عليج
شنو هالاوادم هذي اعوذ بالله

 

[الجنه ي يمه]

نصيحه اخت انا تعرضت لنفس الموقف بس العكس لما مانزل مني دم اصريت ع زوجي انروح الطبيب رغم اني عارفه انه مو شرط زوجي بعد عارف بس عشان ابين له ان مافيني شي تدرين شنو صار مارضى و قال محنا رايحين الطبيب والحين صارلي 10 سنوات من تزوجت والحمدلله عشان جذي اقولج اول شي لازم امج تدري بدون لا اتدخل عشان تكون بالصوره بس وقولي لها انا بحل الموضوع لا تقولين استحي الموضوع اكبر من حياج في حال الطلاق لا قدر الله وذيج الساعه بتكونين ملامه على سكوتج وثاني شي اخذي زوجج وروحي الطبيب لا تقولين ما يبين كل شي بالفحوصات يبين وخل يعرف زوجج ان ماعندج شي تخشينه ولا تخافين منه واذا مارحتي هلوقت راح تمشي الايام وماتقدرين تثبتين شي بالفحوصات وبكون موقفج ضعيف جدامه حتى لو كنتي على حق ,اليوم قوليله افلان انا من كلامك لي ذاك اليوم وانا متضايقه واحاول اني ما ابين بس الحين لازم انوح الطبيب انا معاك وتكشف علي الطبيبه جدامك وانا راضيه باللي تقوله لاني ما عندي شي اخاف منه وعشان كل واحد فينا ايتطمن ويرتاح , حبيبتي لا تاجلين الموضوع يمكن راح يجي الوقت اللي يفتح معاج الموضوع مره ثانيه خاصه ان الرياييل حيل حساسين من هالناحيه وما ينسون ابد غير جذي بعد مافتح معاج الموضوع رد يضحك ويسولف عادي ولا جنه صاير شي فكري بكلامي عدل وتغدي فيه قبل لا يتعشى فيج ع قولتهم حتى لو رفض روحة الطبيب راح تكون لج نقطة قوة بالمستقبل الله يوفقج واتمنى اطمنينا عليج وشنو يصير معاج

 

[نـعـومـه]

لالالا مومن صجه

وانتي اللي مومن صجج تقوليله شاك فيني مالومك !!! عشان مانزل منج دم يشك !! ترا وحده عن وحده تفرق مايصير

قوليله انا متربيه وبنت ناس وانت لازم تعرف منو ماخذ وانت بشكك جرحتني واهنت تربيه ابوي

انتي مومسويه شي غلط خلج واثقه وان شاءالله مايكون معلم اهله لان صج حرااااام هذا سر بينكم

 

[نـعـومـه]

وصج دام سالفه وصلت لهالحد عيل علمي امج

 

[كوريا وبس]

واااااااي معقوله في عقليه جذي مثل زوجج نزل منج ولا مانزل شنو هذا
صرااحة زوجج احسه دقه قديمة اذا ماشافوا الدم جدامهم مايرتاحون ويقعدون يشكون شنو هذا
ماعنده عقل وتفكير وانتى الحمد الله قلتي انج ماتعرفين شباب
ليش هو يسوي جذي فيج لاااا ويبي يطلق عشاان سبب تااااااااااااافه بجد هذا زوجك
لااااااااااا تعليق ماني عارفة شقول بس مدام انك حلفتي له هو ماصدق بعد شتسوين الله بلاج بواحد مادري شلون صاير
ادعي انو الله يهديه ولا يطلقج ونصيحة منني اذا زاد الموضوع خلي امج تدخل او امه

 

[al-musk]

من صجج انتي قايلج كل هالشي وساكته !
روحي معاه ومع امج وابوج وامه بعد واثبت كل شي بطبيب وخل يولي يقضب لسانه شنو استر عليج وليش بعدها ردلج عادي لان مايستحي وواحد غيره يروح الطبيب يسال ويثقف نفسه مو يقذف بنات خلق الله .. وشوفي بعدها اذا تقدرين تنسين هالجرح وتكملين حياتج معاه ! بس بالنسبة لي ماظن ..

الله يسهلج الخير بس نصيحه لاتسكتين بيقول خايفه ورضت على نفسها وبتم بشك طوووووووووووووول العمر وحتى لو صار شي ماتبينه الحياة ابتلاءات وربج ماياخذ شي الا يعوضنا باللي احسن منه

 

[ماكواسم2]

اشصار؟؟؟؟؟؟؟؟؟

 

[مس ميمي 2012]

حبيبتي المفروض تعلمينه وتقولين له ان الغشاء انواع في بعضهم ماينزل معاهم دم كلللش
وانتي ماعليج لاتحسسينه انج شاكه بنفسج بالعكس وهو اذا بيطلقج جان على قولته طلقج من اول اسبوع بس يمكن
تعلق فيج وما طلق وهو يقولج هالكلام يمكن يختبرج ترا اول الشهور كلهم جذي يبون يعرفون حريمهم
كانت لهم سوابق مع شباب ولا لأ وجابلج سالفه انه مانزل منج دم يبيج تخافين وتعترفين بس انتي
ماعليج لا تخافين ولا شي خليج عادي وصدقيني لو مايبيج جان طلقج من زمان الرياجيل بهالسوالف ماينطرون
اذا شكو بحريمهم مايسألونهم على طول يطلقون عاد انتي خليه يتعلق فيج زياده ويحبج ونسيه هالسالفه
وهالشكوك تلقينه يسولف مع ربعه وغيروا مخه عاد تعرفين سوالف الرياجيل وادعي ربج وخليج عادي

 

[lailosh]

مالت عليه يهدد بالطلاق بعد وينام وياج هذا يعني عندج خوش ريال يعني لو انا بدالج جان قومت الدنيا مو اقعد اتبجبج ليش انتي ماسويتي شي غلط وهذا اتهام منه وقذف الي مايستحي
المفروض ماتسكتين له وتبينين انج شريفه وانه كلامه قوي واهانه لج ولشرفج حسسيه بالذنب ولازم يتاسف ولو اهو يحبج جان ما سوه الي سواه صج خداي

 

[ام الشقى]

الله يسهل لج امورج ويهدي سرج انتي ورجلج
يس انصحج تروحين لدكتوره اضمن لج وله عشان يتفشل قليل لادب

 

[اميره بعيونه88]

ماعليج منه قولي قبل لا اتطلقني في بالعيادات قسم يعرفون اذا تم فتح المره من قبل والا لاء عشان تسدين عينه وعين اللي خلفةه الجاهل مو دال دربه مو مشكلتج

بالنسبه لي ما طلع دم من اول مره ثاني مره ونزل مع الشهوه لون وردي لزج وعطاني كلنكس وراويته وزفني وقال شفيج مابي اشوف اعرف انج بنت مو محتاج اشوف الدم كبر بعيني لانه مخذته عن حب

 

[سنيوريتا الحب]

الله يهديه ويسخره لج نصيحه لاتسكتين روحي الطبيب واخذيه معاج خلي وجهه ينقص لما يعرف الصج شهالجهل وين عايشين لازم ينزل دم مع الوحده عشان تثبت انها بنت