بتطلق

[رحيل المرافيء]

زين ليش؟؟ بينكم مشاكل
وبعدين ليش نظرة الشفقة للمطلقة لايب هذاك اول
الحين المرة تشتغل تدخل وتطلع تكمل دراستها وصديقات وروحات وييات
شهالكلام لاتحطين ببالج هالشي
شكثر مطلقات عايشين احلى عيشة

 

[نشيج الروح]

مو على كيفه يطلقج من غير سبب ... وإن تطلقتي من عير سبب فهو صج ما يستاهل وحدة مثلج ....
يا رب يرد لوعيه ويتمم عليكم ولا يفكر بطلاقج

 

[عاشقة_الجمال]

لازم تعرفين شنو السبب وليش جذي

مو مني والطريج يقوولج بطلقج

شنو الطلاق صار سهل للدرجه هذه !!!!

 

[Tulips]

ماعليه حبيبتي هدي اعصابج و ذكري ربج

" وعسى ان تكرهو شيئا وهو خير لكم "

خلاص مايبي يكمل معاج مايشوف شر الله معاه ويوفقه بحياته .. من باعنا بعناه لو كان غالي

وانتي ليش منحرجه من اهلج ؟؟ انتي اللي طلبتي الطلاق ؟؟ اهو اللي قرر مو انتي مفروض اهو اللي ينحرج مو انتي

وبعدين ماتدرين الخير وين .. ؟ ماتدرين يمكن ربج كاتبلج انج ترتبطين بواحد احسن منه مليون مره ويعرف قيمتج صح ؟

توكلي على الله وفوضي امرج له والله يعينج يارب ويمسح على قلبج

 

[جديده 1]

الرياييل استخفوا و قعدوا !!!!!!!!!!!!!!!!!

اما ان عندكم مشاكل بشكل كبير!! .. و أما انه كان يتغشمر غشمره مال امها داعي !! أو انه شايفله شوفه !!!!!!!!!!

 

[chole_84]

انا لله وانا اليه راجعون
عليج بصلاه الليل
واساليه

 

[مولاي الفرج]

(((((((( ذكريه بايامكم الحلوة

دمعت عيني لاني موناقصه الله كريم

 

[نـعـومـه]

مابي اظلمه بس لازم تعرفين سبب

يمكن شايفله شوفه ثانيه قوليله صارحيه

شالمصخره انتي زوجته مو حبيبته عشان يقول جذي وله منج ياهل بعد

 

[بنت حلال]

لا حول ولا قوة الا بالله
بيتج ما تعدينه!!!!!!!!!
قعدي ببيتج ليما ينطق!!!
وساليه شنو السبب؟؟؟
وكثري الاستغفار وقام الليل!!!!!!!

اله يعينج ويهديه لج...والله صابني حارج!!!
حسبي الله ونعم الوكيل

 

[كويتية خجولة]

الله يعينج ويهديه انشالله.

 

[Tom ♥ Jerry]

,


لا حول و لا قوة الا بالله العلي العظيمـ !
شنو هالظروف الي عنده الي تخليه يستغنى عن مرته و عياله !
استغفر الله بس !

حبيبتي لا تخلينه اذا مو عشانكم عشان بنتج حرآم عليه :*
قوليله انا رآضيه اعيش وياك على الحلوة و المره .،
مو معقوله وآحد يطلق مرته من هني و الطريج .، لا تخلينه
كلميه مره مرتين ثلاث ! ليمآ يهون عن السالفه !
قوليله شنو آهيه الظروف يمكن تقدرين تساعدينه :| !
حرآم شنو ذنب البنيه !؟

 

[جلكسيه اس 3]

عادي خل يطلقج وانتي طلعي من عيونه النفقه والمتعه
و لا عباله اللعب في بنات الناس بلاش

امبين الريال شايف له شوفه
بعدين لي طلقج الكل بيقول شنو السبب ؟؟
الله يكون بعونج

 

[$حبيبة عبودي$]

لاتسكتين جذي في سبب اعرفيه لاتضيعين زوجج من ايدج بالسهوله ....

 

[pusy cat]

لا حول ولا قوة الا بالله

ليش عاد شالسبب ؟؟

اسأليه وقوليله لو شنو فيك انا راضيه بكل عيوبك واحبك وابيك

اتوقع والله اعلم صارتله مشكله كبيره خلته يقول هالكلام

لازم تعرفين السبب وقوليله انا راضيه فيك وهذا ابتلاء من الله

ومهما كان السبب اوقفي معاه لأن شكله يائس

 

[عاشقة هواك]

الله يعينج

اب اب

 

[اشكي لحالي]

ما دري ليش عندي احساس قوي مسوي فيج مقلب

 

[بحر الرمال]

انزين قوليله شنو المطلوب؟
اهو قالج هالكلام يبيج تزعلين و تروحين من اهلج و تطلبين الطلاق
بس انتي خلج , خل تصير منه مو منج

 

[مألوفة]

امبيه لاأ

شنو هذا قعدي معاه قولي له ميخالف تبي اطلق مو مشكلة انا اللي بيعني ابيعه بس قولي شنو السبب اهوا على قولتج يقول ما يبي يظلمج قولي له انا مو مظلومة انا صابرة لاني احبك خليه يعطيج مبرر خليه يقنعج بسالفته

عرفي منه السبب وحاولي اتصلحينه قولي له انا شاريتك وانت تبي اتبيعني ليييييييييييش؟

انقهرت وربي لا مو صج

 

[sweet pink]

امبي لا مستحييييل اشفيه الريال

سوري بس اخاف يكون شايف شي عليج وانتي ما تدرين

ولا اخاف شايفله شووفه

لا تخلينه يسوي هالشي وقفيه و وشوفي شنو الي يدور براسه

 

[خير ان شاءالله]

شنو السبب؟؟