بتعيشين مع اهل ريلج؟؟؟؟؟؟؟صدمه والا؟؟؟؟؟؟

[ناعم العود305]

بالنسبه لي عادي اعيش مع اهله

 

[فجر الغلا]

والله على حسب اذا كان وحيد اهله وعنده خوات او والدينا كبار بعد ما اقدر اطلعه من بيت اهله كام بحطلي شقه بروحي عادي بس اذا عنده خوان لا ما اسكن

 

[انونا]

اي انا عندي عادي علشان اتعرف على اهل ريلي وطريقة تفكيرهم وبالعكس احسن حتن تعرفين شنو يحب وشنو يكره

واذا الاهل حبوج يحببونه فيج

 

[وحشني شوف الكويت]

انا اشوف انو عادي ع الاقل يكون البيت فيه حس و صوت وناس داخله وطالعه
يعني مو قاعدآ لحالي D;

وطبعن ع حسب اهل الزوج اذا كانو حبوبين وعسل راح اتأقلم معاهم بسرعآ وكذآ ، بس اذا كانو العكس ماراح اقعد دقيقه وحدآ لول p;

 

[طموح مفقود]

عادي وين المشكلة
اللي بتسونة في حريم اخوانكم كان خير او شر راح تشوفنه في بيت الحمولة
والله عجب الحين انتم لكم الحق تتشكون من بيت الحمولة وودكم تطلعون شقة وعلشان تفتكون من شرهم .
بس اذا تكلمت مرة اخوكم تغيرالميزان .
صح ام خطا ؟؟؟؟؟؟
اللهم ارزقنى خيراً مما استحق من الزوج ومما آمل وان تقنعه وأهله بى وتقنعنى واهلى به.
​

 

[هيبه فتاه]

مشكورين ع المرور
طموح مفقود لا والله عادي انا احب الراحه في كل مكان وحتى لوبيت الاهل صدقوني الراحه مطلبه في كل مكان اهلنا نقدر نتحملهم بس الحموله غير ع اي شي يصير تفسير ثاني

 

[Arosha]

الموضوع ترى متشعب وايد من كذا ناحيه نتكلم عنه
بس باختصار
اول شي يعتمد اذا كان في اتفاق او بالغصب يعني اييج ويقولج المعرس الا اقعد عند اهلي تبين والااا او انه يقولج والله انا بقعد عند اهلي مثلا لاني ولدهم الوحيد والبيت واسع وفي مكان ولج شقة معزوله او عنده ظرف امه والا ابوه مراضا ومالهم الا هالولد شلون يعني ترضين اخوج يهد امج وابوج عشان بنت الناس لا والله ما نرضى
ثاني شي يعتمد عليج تحببينهم فيج وكل ماكانو بعمرج اشوف انه افضل تقدرين تتقربين منهم تحسين فيه مواضيع تقدرون تتناقشون فيها مع بعض واذا كانوا كبار خواته انشالله بيكونون متزوجات وعند ريايلهم والي تقول البس حجابي على طول عن حموانها انتي ما راح تسكنين بوسط صالتهم وتشاركينهم حمامهم عز الله الي يقرا لج شقتج مكانج معززة مكرمه والحين الشباب كله برا
واذا على حزت الغدا جان تاكلون مع بعض وحموانج هم ساكنين عند اهلهم نفس البيت انا وحده ما اتحمل اتغدا بالبيت بحجابي احس بضيقه وما اكل براحتي
انا وحده ساكنه مع اهل ريلي صج انه تصير خلافات و بعض المشاكل بس الوحده تبي تعيش يعني تتحمل والي تبي ريلها تتحمل عشانه
ترى مو نهاية الدنيا الحياة في بيت اهل الريل بس ترى همن لما كل يوم يشوفونج ويسمعونلج وتسولفين وتتغدون مع بعض غيييييييييير عن لمن تكونين برا بشقتج ناطرين يشوفونج بيوم الزواره وناطرين عيالج يقولون لج اشتقنالكم والا يدقون عليج يسالون عنج
بس الوحده لما تطلع برا والله والله تصير عزيييييييزه وغاليه ويحسبون لها الف حساب بس لمن تكونين معاهم تضطرين تتكيفين معاهم على هواهم والا تصير شينه يعني تربيتي غير عن تربيتهم في شغلات حرام تربينه على انها حرام تربينه على انه البنت تلتزم بحجابها بعمر معين ما تلقينه عند اهل الريل ولين اسألوج تطلعين بالشينه والي يحرج انه لمن تبين ترضين ربج بشي حرام انتي مبتعده عنه يشوفونج متخلفه ومو ستايل
الله يعين
مثل ما يقول المثل روح بعيد وتعال سالم
مع احترامي للكل بس اكثر ناس تعز الجنه البدو مع اني مو بدويه بس هذا الي اشوفه من رفيجاتي واقول جان زين الي عندنا يسوون مثلهم صج اهل خير
وتقبلو مروري

 

[SelezYa]

انا صراحه قبل كنت اقوووول لااااااالااااااا ماعييش مع اهله شقه بره وبروحي
وبعدها اخذت واحد احبه ويحبني وتخيلي من قبل الملجه اقول مااابي شقه ابيي عند اهلك
لييييش
لان لقيت بهالشي فايده !
اهو الكبير وغير هذا الدوانيه يوميا فبيتهم يعني اشوه مو في بيت احد ثاني عشان يروح
قلت شحقه اخذلي شقه بره ! معنه كان راضي
ااحسن بنفس البيت متطمنه يوميا عندي ومتى ما قلت تعال شغله دقيقتين والريال موجود
واهله الحمدلله حاولت اوفق نفسي معاهم
عشان خاطر راحتي وراحته
والحمدلله ربي لا يغير علينا

 

[قوية وصابرة]

انا كنت اتوقع عادي عشان شقة بروحي بس بعدين عرفت انه قرار خاطيء اذا تبين العلاقة تتم طيبة بيت بروحج احسن هذا من تجربتي انا غيري مادري بعد

 

[هيبه فتاه]

والله شاكره مروركم وربي يهني الجميع

 

[brettey]

شوفي يا قلبي انا عشت مع حمولتي 8 سنين بغرفتين وحمام تخيلي انا وزوجي وعيالي اثنين وهذا سبب من الاسباب الي مخليني ارفض الحمال للامانه
اهو الوضع زين شين انا الحمدلله خالتي ذهبه وطيبه وعمي طيب حماتي الكبيره متزوجه صج ان تهاوشنا كذا مره بس اهي ماتزور وايد لانها دايم تختلف مع عمي وزوجي وخوانها وترد تتصالح والزين فيها اذا تهاوشنا خلاص مالها شغل فيني ولا لي شغل فيها بس الحين تصالحنا لان مره صار لي موقف وحرام وقفت معاي
وحماتي الصغيره ذهبه تهبل ووايد وقفت معاي وكله نطلع مع بعض واحنا حيل مع بعض وحمواني مالهم شغل فيني بس سلام يعني الي كان مسكتني حمولتي زينين وما يتدخلون فيني وين اطلع ووين اروح وخالتي قبل لا تمرض اطلع معاها مجمعات ومطاعم مثلي يحليها تحب الطلعات
الله يشافيها يارب ويطول بعمرها
الميزه ان عيالي تحت عينهم اذا رحت الدوام او طلعت بس الي كان مضايقني الضيج بس توني من شهر توسعت الحمدلله نقلنا سكن يديد صار عندي غرفتين وصاله وبلكونه وعما قريب بحط لي مطبخ بالبلكونه
وماعلى ضيج الا فرج الحمدلله ربي كله خير صبرت وعطاني الحمدلله الحمدلله

 

[مشتاقة الى الله]

انا والله ما عندي مانع بس بشرط يكون الزوج متفاهم واهل الزوج كذلك يكونوا ناس طيبين زينين يعني مو مال القيل والقال ليش طلعت وما ردت للحين؟؟؟ليش نايمة للحين؟؟؟؟ليش مبوزة وما تتكلم؟؟؟ يعني يكونوا ناس زينين وعسى يارب ربي يرزقني بأهل الزوج كلش زينين ومتفاهمين ويحبوني وما يستغنون عني واكون حسبة ابنتهم المدلله يارب العالمين

 

[هيبه فتاه]

شكرا ع المرور خواتي

 

[الحلآآآ]

بالنسبه لي عادي اعيش مع اهله

 

[هيبه فتاه]

ثانكس ع المرور الحلا

 

[مربية اجيال]

عااااااااادي واصلا احسن لي كنتي عندي اهل ريلج يكون اكلج من اكل اهل ابيت يعني ما تحا تين طباخ ولا نفاخ الا اذا ريلج اشتهى من ايدج وبعدين تكونيين قربيه من امه والريال موته وامه وتعرفين طبايع اهله عدل وصج انه الريال يكشت ساعات ويكثر السهر بره البيت عشان مأمن انج بيت حموله وعند اهله ما يحاتي بس صدقني اريح من شقه روحج

 

[تيوليب]

امممممممممم موضوع حلو
بس انا عن نفسي عادي مافيها مشكله اسكن مع اهل زوجي
بس أهم شي لازم نحس بخصوصيه وراحة بال لاني هاديه وماحب الازعاج

 

[هيبه فتاه]

يعطيكم العافيه خواتي وشاكره مروركم

 

[دلال ام الدلال]

خووووووووووش موضوع بصراحة انا من ثلاث ايام ملجت ( عقبال عندكم ) وزوجي سعودي وبصراحه ماقصر خيروني اذا بسكن بروحي اوبسكن مع اهله بصراحه رفضت اسكن بروحي كافي علي ديره مااعرف فيها احد بسكن بروحي ؟؟
بس ان شاء الله يطلعون اهله زينين .
لكن انا عموما ايد البنت تسكن مع حمولتها اقل شي في بداية حياتها الزوجية لان ايجابياتها اكثر من سلبياتها

 

[سعودية واضحه]

احنا ماعندنا نسكن مع اهل زوجنا كل وحده تتزوج تروح بيتها
وممكن قريب منهم شقه مثلا بس معاهم بنفس البيت لا لانو اخوان الزوج نكون متضايقين وماعمر احد من اقاربنا عاشت زوجته مع اهله عشان كذا ماعندي اي فكره
ومشكورين على الموضوع