رد : بجـريه وموفـآآهمه شي بسوالف النفـــآآس00اللي عندهم خبره يفيدوني 
الله يسهل على كل حامل ويفرح قلبها بشوفة طفلها سليم متعافى ....
بالنسبة للتسبح اول الايام غسلي بس جسمج شعرج خليه بعد 10 ايام ويفضل اللبس بالحمام تكرمين ,,,
ادويه النفاس استمري عليها واستخدمي بيوم 35 او حسب ماتقولج الدكتوره تحاميل زينه تنشفج زود
الخياط عادة يطيح بعد اسبوعين ,, واهم شيء راح تلاحظين اول ايام نفاسج كأن الخياط يقرصج ويعورج هذا دليل على انه يلتئم لاتحاتون بجريات ..
ربط البطن بعد اسبوع بمشد من الصيدليه او بالشماغ ,,, وكنت احط بعد اسبوع من ولادتي بالليل خلطه عباره عن زيت اللوز وزيت الجلسرين وزيت الليمون كلهم من العطار ومميزاتها تخفي اثار خطوط الحمل الحمرا وتصفي البطن ,, وسوالف خلطات التبييض يبيلها مده اقل شيء شهر فابدي من عاشر يوم نفاس ,,, واهم شيء الاسكينول خليه يمج وعلى طول نظفي وجههج ورقبتج فيه
وانا انصح كل حامل من اشهرها الاخيره تنظف حلمات صدرها وترطبهم ببيي اويل او زيت زيتون وتدلكهم عالخفيف بحيث انها تحاول تبرز حلمتها ويقدر تالي البيبي يرضع بسهوله والا بتعانين من سالفة شفط الحليب وتحطينه بممية حتى يرضعه البيبي
وعلى فكره فيه حلمات نايلون بالصيدليات ينباعون لتجهيز الحلمه للرضاعه ,,, طريقة استخدامها بعد ماتسوين المساج تحطين هالحلمه على حلمتج وتلبسين الستيان حتى يثبتهم
ولي عودة حاضرين للطيبين
