بحط تجاربي ....بين ايديكم هديه :)

[حرم راشد الماجد]

بسم الله الرحمن الرحيم



السلام عليكم ورحمة الله وبركاته



انطلاقا لما بدأته حملات النظافه اللي شانينها بعض الاعضاء بالمنتدى حبيت افيدكم بمعلومات يمكن تكون جديده على البعض ولكنها مفيده

الموضوع تجاربي الشخصيه اللي خذت مني اهتمام واطلاع لأهم المعلومات المتعلقه بالنظافه الشخصيه



أولا : ( المنطقه الحساسه )


أول وأكبر سبب لظهور الرائحه الكريهه من المنطقه الحساسه هي الالتهابات المهبليه لان الالتهابات البوليه مالها ريحه لانها تمر بالحالب وتكون مخزونه بالمثانه ومنها عن طريق التبول ( اعزكم الله )


لكن الروائح تكون طالعه بسبب الالتهابات المهبليه

اللي انا شرحتها بطريقه مفصله بموضوع سابق لي وطرق معالجتها

وهذا الرابط ماله

http://www.q8yat.net/showthread.php?t=657331


السبب الثاني وايضا مهم هو وجود الشعر في هذه المناطق واحسن طريقه لازاله الشعر ( الحلق ) وهذا سنة عن الرسول عليه الصلاة والسلام

او الليزر يعطيه العافيه نسينا هالسوالف منه الله يجزي اللي اخترعه


السبب الثالث
وايد حريم للاسف بعد الاستنجاء ما يمسحون المنطقه عدل وهذا اكبر سبب لظهور الرائحه الكريهه

فالحل اني امسح بس مو بالكلينكس يفضل فوطه ناعمه لان الكلينكس يحتوي على نشارة الخشب في تكوينه وهذي المنطقه خطره جدا لانها تشيل طبقة الدهنيه في المنطقه اللي تحميها من الجفاف المسبب لاسمرار المنطقه


طبعا ممكن نستعمل الكلينكس للضروره بس بالبيت يفضل الفوط المعقمه


شلون تعقمينها ؟

تغسلينها عدل وتغلينها وبعدها مع بيكربونات الصودا





ثانيا :

( الفم او الحلق )


كلنا نعرف ان رائحة الفم مو بالضرورة تكون نابعه بسبب الاسنان في اسباب ثانيه اما الاسنان فكلنا نعرف شلون نهتم فيهم

- المعده ( بيت الداء ) المعده المليئه بالسموم والبهارات والمخللات تكون سبب لظهور رائحة الفم

الحل : نسوي الديتوكس بلان وهو طريقته
ان خلال 3 ايام ما ناااااكل ولا شي غير الفواكه الطازجه وبتشوفون فرق بنشاط الجسم ونزول للوزن وراحة للمعده


- ايضا اللوز واللحميه والجيوب الانفيه ايضا ممكن تطلع ريحه بالفم وهذي الامراض حلها الوحيد استئصالها


اما اللي عندهم هالمشاكل ومو قادرين يشيلون اللوز يستعملون ال دروبز اللي موجود بالصيدليه بزيت الزيتون ممتاااااااااااااااااز لاخفاء الروائح الكريهه

يتبع ....

ملاحظه : اللي عندها طرق ثانيه ياليت تفيدنا

 

[سكرة هانم]

رد : بحط تجاربي ....بين ايديكم هديه

كملي ناطرتج

سؤال بيكربونات الصودا او الصوديوم ...؟؟؟

سمعت اكو فرق واي وحده للي ناويه تحمل بصبي باذن الله ؟؟

 

[حرم راشد الماجد]

بيكربونات الصودا تكون مكرره

اما بيكربونات الصوديوم اللي هي المركزه والاثنين ممتازين في التعقيم والتطهير


اما موضوع الحمل بولد ما عندي فكره حبيبتي

 

[آهات الليل]

رد : بحط تجاربي ....بين ايديكم هديه

خوش موضوع وناطرين التكمله

 

[أم@الحلوين]

أهلين حروووم شلونج وشلون بنوتج الله يحفظهاا

ويعطيج العافيه ع الموضوع

 

[Grass]

رد : بحط تجاربي ....بين ايديكم هديه

حلو ناطريينج

يعطيج العافيه

 

[اشتياق]

ثاااااااانكيووووو حرووومه فديتج

 

[الغاليه ام احمد]

يعطيج الف عافيه

 

[حرم راشد الماجد]

نكمل

طريقة تنظيف المعده من السموم راح تشوفين نتايجها على ويهج وشعرج وجسمج بشكل عام كما انج لو التزمتي فيها راح ينزل الوزن مثل ما قلت بالبدايه


نبتدي

عالريق كوب ماي دافي مع شريحة ليمون <<<< الماي الدافي كفيل بحرق الدهون من الجسم وتنقية الدم ومنع الترسبات

االغدا والريوق والعشا ( اي نوع فاكهه اوخضار مسلوقه من غير اي اضافات حتى الملح )

الاكثااااااااااااااااااار من شرب الماي لمدة يومين الى ثلاثة ايام وهالشغله تكفي لمدة 6 شهور تحسين انج خفيفه ريشه وايضا معدتج تحسينها نقيه



وبعد الديتوكس بلان


نبلش بنظام غذائي صحي ومتوازن تكثر فيه الخضار والفواكه والماي


وهذا نظام بعد انا مسويته اذا تبون



جذي نكون عالجنا من داخل نيي حق الي برا



اي مناطق فيها ثنايا تكون بيئه صالحة لتكاثر البكتريا حلها الاستحمام اليومي او يوم وترك على حسب ظروفج بس يفضل يومي

استعمال المواد الطبيعيه دايما يكون افضل من المواد الكيماويه

طريقتي في عمل ديودرنت طبيعي

ملعقة من كل شي

بيكربونات الصودا
ملح خشن
ملعقة من عصير الليمون

قطعة شبه وما انصح ببودرتها لان القطعه تكون احسن وما تحرق الجلد

تحطينهم ببطل ماي مثلا وتستعملينه بعد الحمام لمنطقه تحت الابط

اما تحت الصدر وورا الاذن يفضل المسح باسكينول مع حبة مضاد حيوي دالسين 500 ملغم او اقل ما كو مشكله بس مو اكثر


ليش حبة المضاد

عشان تمنع تكون البكتريا مده


مانستعمل الصابون عالجسم مباشره انما تؤخذ الرغوه شلووووووووووون بسيطه حطي صابونج كله بعلبة كبيره وحطي عليهم علبة اسكينول ونص قلاص خل وخليهم يتنقعون لي بغيتي تستعملينه تخظين العلبه وتاخذين الرغوه


وخريييييييييييييييي عن الشاور جل السائل لان يحتوي على مواد كيماويه اكثر من القطع فيسبب اسمرار الجلد وحبوب احيانا



يتبع ............

 

[_Pure_]

انا كنت اعاني من ريحة الفم و شلت اللوز و افتكيت معن عبالي من الاسنان

 

[غمـــ ^^ ـــازه]

يعطيج العافيه

 

[ضايعة بدنيتي]

بارك الله فيك اختي

 

[Miss McDonald]

رد : بحط تجاربي ....بين ايديكم هديه

.



قوآج آلله

 

[حرم راشد الماجد]

هذا النظام الغذائي


http://www.q8yat.net/showthread.php?t=631776

 

[ba6bo6a1]

mashkora

 

[sharshora80]

رد : بحط تجاربي ....بين ايديكم هديه

مشكوره حروووم على موضوعج القيم
والله اتحفتينا
بس عندي استفسار
الخل مو يقولون لا تستخدمونه لان يرقق الجلد والا انتي لج راي ثاني

 

[@الياسمين@]

يعطيج العافيه

 

[حرم راشد الماجد]

لا عادي اا استخدمه من زمااااااااااااااااااااااااان وايد ينعم اليلد ويطلع الوسخ بعدين انتي ماراح تنامين فيه ثواني بتحطينه وتغسلين وهم الكميه مو وايد

 

[عادت ذكرياتي]

موضوع حلو ومفيد
تسلمين

 

[Q8_QT]

تسلمين حبيبتي عالإفادة